廚魔茶室

營業中

休息中

今時今日咁嘅服務態度真係要僱員再培訓抑廚魔之名而來，真係都抱好大期望！首先入到去係畫紙仔拎飛，員工有張A4 size寫低幾號no 幾多位入座（午市繁忙時間搭枱就是常識啦）我哋拎咗75號飛，2人入座。見張紙前張紙要等4張枱咁多，企旁邊1對情侶都提示我哋入座management 超差，果刻我心諗劃埋飛都會差！原來員工係會叫咗入座會冇刪除，又會叫叫下都會跳咗號碼+叫錯，都唔俾返啱號碼入座！冇啦啦去傳菜咗5-6分鐘（餐廳有位都掛住傳菜），成間餐廳冇人安排客人入座，冇位冇得坐！-最funny係用qr code落單，落好單，又話我哋冇落單，人手過嚟點餐，點完1次又復述多一次！咁做咩一早唔人手落單，好混亂！ d utensils 真係眼見咁污糟😅 疏乎厘西多士，好明顯個底係冇勁好啲油，成個底都係油，一口油，真係就咁食個西多士仲好！-眼見對面落咗單嗰位哥哥叫焗豬扒飯，奶茶多奶少甜！我哋都差唔多食晒嘢啦，個員工就話冇晒焗豬扒飯，跟住上咗個凍啡俾人哋，磚頭員工就話個奶已經到咗，哥哥哥哥懵然不知，就收咗人哋喺個口飲緊個杯凍啡就俾返一杯多奶！ gosh!😅 係咩體驗！ 跟住我哋叫咗個鹹牛肉蛋芝士三文治，烘底麵

食物有水準，而且性價比高。午餐和下午茶，好好，不過晚市暫時好似唔夠多選擇。不知是否位置關係，星期日下午不太多人。焗豬扒飯：多餸，汁不太鹹，豬扒好食，炒飯底都好味。雞扒撈麵：多汁，小朋友鍾意沙嗲汁，大人食黑椒汁少少辣。雞扒滑，汁惹味。疏乎厘西多士：朋友比較鍾意細多士條，我堅持叫這個，出乎意料地好味，好鬆軟。鹹牛肉芝士蛋治：有時想食少啲會食呢個，蛋炒得好食，加芝士冇得頂。菠蘿冰：小朋友好鍾意，次次都叫。紅豆冰：我自己唔飲，但家人話高水準的紅豆冰。

呢間茶餐廳完全冇誠意, 選擇少之有少. 飯類唔係得雞扒就係豬扒. 麵就多一個牛肉可以選擇唯有試佢嘅白汁蘑菇雞扒飯同焗豬扒飯.焗豬扒飯冇乜特別， 不過不失. 白汁蘑菇雞扒飯, 個汁同金寶罐頭嘅白汁蘑菇冇乜分別, 個雞就炸到勁口粉，肉係鞋既。問侍應攞熱水竟然話熱水爐壞咗。新開張就話熱水爐壞咗， 慳電費都唔係咁呀！！！飲品定價奇奇怪怪， 任何飲品係加九蚊魔廚茶室的名字難道想是黑暗料理嗎？？留返啲錢做好間餐廳好過不斷做廣告啦！

一入到間餐廳見到冇乜客人都知賴嘢，但估唔到真係咁差，好少寫評語，但今次真係難食到要個差評佢，未食過咁難食嘅豬扒飯，塊豬扒乾噌噌，煎到黑色，咬都咬唔開，賣咁貴，又細細份仲要難食到咁，真係請我我都唔會去。一開始係比廚魔個名吸引咗，但同真正嘅廚魔冇得揮。啲侍應又懵吓懵吓，埋單都搞咗勁耐，又好似唔識落單咁，完全冇培訓過，真係停執笠大家千祈唔好去，俾錢買難受，未試過食豬扒飯最後塊豬扒我掂都冇掂過就係食個炒飯，個飯都唔係好食，但至少冇個豬扒咁差。

網上見到有人介紹，感覺廚師有d來頭於是慕名一試（午餐）餐廳環境算舒適，檯與檯之間距離都唔算好近食物選擇不算多離不開雞扒/豬扒配飯/焗飯/湯面/撈麵仲有少量小食，例如西多條 蝦多條 ......最後叫左白汁雞扒飯及沙爹豬扒撈麵，凍奶茶及紅豆冰心想：專注做某幾款食物，應該質素有保證結果......食物得一個字：鹹雞扒及豬扒本身已經鹹，加埋d汁真係超級鹹幸好飲品算好飲作為餐廳，食物味道應該排於首位否則縱使價錢合理，亦難以令人回頭

廚魔開茶室，縱使地理位置不是很便理，但我對廚魔的作品有一定期望，那當然要去試試，3人幫襯，點了沙嗲牛面： 正常中上茶餐廳味道，沒有過咸，但沒有驚喜，亦食不出沙嗲的香濃，餐廳收沙嗲牛（單點）的價錢是一般茶餐廳的餐價。點了焗豬扒飯+紅豆冰：豬扒飯又係正常味道，沒有想追食的感覺。紅豆冰的紅豆幾大粒，都有唔少紅豆，不錯。點了芝士肉餅飯：肉餅幾大塊，芝士就係簡單的一塊芝士鋪上面，燒2下，飯係炒飯底，味道可以的，可以一試，但如肉餅能做到多肉汁而肉質彈牙就好了。食完，飽肚的。 價錢，略貴，當日午飯時間用餐時，餐廳內都只有單點，而每項單點的價錢又比坊間中上水準茶餐廳的價貴少少。廚魔粉絲可來拜會下，如對廚魔兩字沒特別感覺的便可路過時再諗下試唔試。如果店名不是寫明廚魔兩字，那根本估不到是名廚開的店。

#廚魔茶室 😋😋😋😋yep, this is newly opened place. looks famous chef who won Canadian chef tv show. food there looks attractive. price range mid, i cant say cheap but surely not expensive.i list out some pro-cons,❌1) staff logistic failed. drinks need 30 mins to come, much slower than food 25mins. but 25 mins for a 茶記is noticeably slow. but new open. i forgive him 1 time. but no 2nd.2) food portion relatively small. the pork rice is barely feed me.3) air-con not enuf.4) seat very uncomfortable at bar ta

呢個西多唔應該叫「梳乎厘西多士」，應該叫「海綿西多士」。賣相確實係非常靚，勁大勁fluffy，睇到都流晒口水。但一切開，D油多到標出黎，係一路切一路標油。食左四分一已經唔敢再食，膩到完全唔知自己食緊咩。而家睇番張相，即刻回憶嗰種膩嘅感覺🤢🤮，對西多士有心理陰影。。。其實明明見好多KOL講到好正，佢地係飲慣油所以覺得呢個西多士好正常好好味？梳乎厘西多，以前赤柱泗記食係又鬆又軟，未見過好似海綿咁吸油🤢🤮

週末經過見新開張，同門口有部好大的電視播着廚魔的片段，再睇睇餐牌的價錢。。。。嘩！好平民價喎！咁就試下！茶餐廳就一定要點焗豬扒飯(仲要係雙色芝士)($75)份量很大，重量十足！焗得金黃的雙色芝士融化鋪滿個頂超吸引!豬扒厚切大塊, 又十分酥軟的, 再加埋味道適中的醬汁, 吃得很滿足! 真是色香味俱全!這個價錢食到這高質的焗豬扒飯，真是超高性價比!有機會要去埋個洗手間，應該是全港最靚最乾淨的茶餐廳廁所！🥰🥰

新開張諗住幫襯吓，依頭嘅茶記冰室唔算好多QR落單下晝3:00去食嘢餐牌上好多餐品都賣哂。餐點嘅項目非常少，希望第時會有更加多選擇。叫咗雞扒公仔麵正常嘢實無死。凍檸茶正常發揮。炸完個雞扒，放埋落個面度無分開。雞扒浸到淋哂 ，仲要勁油 成個湯油淋淋咁麵碗勁細、 餸同麵好多啲湯好少 食得麵，又要撥開啲雞扒 。未見過食碗雞扒麵食得咁辛苦唔係話難食，正常味道。但唔會有記憶點。但係成個感受好差囉。希望老闆見到可以再做好啲啦～

試過米芝蓮兩星既廚魔 本身對呢間茶室好有期待平日11:30準時去到 亦見到門口有告示寫住開11:30入到去幾個員工呆左咁望著我 我心冧咩事於是我問你地開左未 跟住有個係kitchen 著黑色衫員工話佢未開 我就問其實你地開幾點 我見門口告示寫住11:30 然後另一位員工話11:30嗰位黑色衫員工就叫嗰位員工唔好嘈 話係因為廚房未ready所以要11:50 如果係 可唔可以擺張告示係出面 或者係社交平台 講？仲有咁既待客之道我係十分失望亦不會再黎

如果你諗住廚魔 = 又有誠意及水準的新茶仔可以試，落單之前請調整吓心態。有創意招牌菜式但執行力不足，基本基本茶餐廳菜式例如炒蛋及水吧等，卻未達預期水準，對廚魔光環稍為失望。在連鎖茶仔橫行香港的今天，以為米芝蓮總廚監工應該會為本土飲食文化爭光，有令人二刷表現，而且注入自家特色及誠意，可惜現實係食品特色不足，而賣相及水準亦頗普通，而現今標準就是打卡唔夠靚，味道一般，價錢又未抵食，同區其他茶餐廳選擇眾多，欠缺動力令人再光顧。可能過幾月行過再試，睇吓有冇改善。😌

厚厚嘅麵包烘底,烘得剛剛好咸香咸香牛肉,聞到都已經充滿食慾鹹牛肉香配流心炒蛋,夾住半溶狀態嘅芝士芝士裡面都有拉絲嘅芝士口感有芝士控嘅一定要試下一口咬落去...記得準備紙巾