康蘭餅店

營業中

休息中

啲蛋撻係幾好食，不過個阿姐的服務態度認真唔得。排緊隊下一個輪到我，同阿姐講話要幾個蛋撻，佢就話人哋排隊先，然後當我透明。每次嚟長洲都幫襯，真心希望服務態度能有所改善。

我鍾意食蛋撻架，今日經過呢間長洲康蘭餅店，見到有蛋撻同埋葡撻新鮮出爐，姑且一試啦，竟然發現相當唔錯！先講蛋撻，康蘭餅店買嘅係迷你版蛋撻，港幣兩個半一隻，尺寸方面係棋子餅左右。但蛋漿部份佔整個蛋撻嘅七八成，絕對冇偷工減料的。蛋漿呈現金黃色，有好濃烈嘅蛋香😋😋另外最重要佢係曲奇底，蛋撻一定要配曲奇底，呢個係定律。哈哈！葡撻方面，呢間舖頭買嘅係正常size嘅葡撻，烤得焦香。酥皮底亦都相當鬆化。但本人比較鍾意食甜，佢嘅味道就比較淡啲。每隻葡撻售價港幣$8。呢一間餅店仲有買其他甜品包點，下次再試😀

係長洲食飽飯 最好就係買返個撻做甜品😙🥧店入邊有唔同蛋糕款 而最推介嘅 就係一口一個迷你蛋撻同椰撻🤪全部都新鮮出爐 食嘅時候仲熱辣辣 一啖放入個口度 真係好正好過癮🤤🤤🤤蛋撻好有蛋香味而椰撻入面嘅椰絲都有好多 啖啖都係椰絲 鍾意椰絲嘅朋友就啱晒😌迷你撻$ 2.5一個 要買夠8個 先會有個紙盒載住😛另外 記得要買 就要早d 因為大約6點左右迷你蛋撻同椰撻都會賣晒🙈🙈🙈記得記得 要去完張保仔洞先好買撻 攞返屋企如果唔係 爬完張保仔洞 d撻就會扁晒😛

平時去長洲主要食大大粒魚蛋，芒果糯米糍。今次咁岩經過見到迷你撻出爐，大排長龍，細細件貪得意買俾小朋友食。雖然條隊好長，但都好快就買到，$10有4件。食落估吾到甘好食。好耐冇食椰撻，啲連鎖餅店嘅椰撻都吾好食😞😞，大部分實到不得了，今次買嘅椰撻好有驚喜👍，佢地甜度適中，有椰絲囗感，幼細剛剛好，吾太粗吾太幼，個皮又夠鬆化。就算我吾係即食，買返去隔咗一日食都依然好好味。至於蛋撻就普普通通，不過不失喇！

Fresh out of the oven, hot and melts in the mouth. Amazing value at $10 for four little tarts. Ate four immediately and took another dozen back to HK. Definitely a place to check out if you visit. Just remember the tarts only come out once a day at around 3pm.

人人都話呢間餅店 d蛋撻有幾好食，咪一心諗住買嚟試下囉！行埋去眼見無蛋撻喺度，咪問下有無蛋撻囉，本身有個阿姐同緊街坊傾偈，我都等佢傾完我先開聲問有無蛋撻？不得不佩服呢位阿姐嘅變臉技術，本來都笑笑口，到我開聲之後個姐黑晒面咁淨係答左我個時間就算（應該蛋撻岀爐時間）！咩事呀.....係我阻住佢傾偈定本身係佢地嘅特色係咁？真係摸唔透......d野食幾好食都無用，對客嘅態度差到咁，食咗都背脊骨落啦😤😤又唔係得佢一間餅店，做咩要受氣食佢d餅呀！

在長洲四處遊走，經過這間康蘭餅店，那時愈來愈多人聚集同排隊，我也好奇跟著排隊，原來剛好時迷你蛋撻出爐時候，我就點了10蚊有4件的迷你蛋撻香噴噴的蛋香味已經令我急不及待咬一口，不過還是有點熱騰騰，咬一口上面的蛋漿嫩滑，好耐都無食過咁新鮮的蛋撻，蛋皮鬆軟，一咬就鬆化，味道適中，不過甜不過淡，下次來到長洲也必定會再來買的。

趁住放假，大耐冇出去走走，今次約埋幾個同事入長洲行下，食下野，長洲可以話我都算係地膽，好多好野食，同d街坊都算熟落，所以買海鮮會平d，買野食會多d。蛋撻迷你版蛋撻，佢係牛油🧈皮，皮薄、蛋滑🥚，好香牛油🧈味椰撻迷你版椰撻，同蛋撻一樣，皮薄、好重棷香同蛋香🥚葡撻由於黎唔切影相📸️已經比朋友食晒，得半個比我，所以冇影到相📸，真係唔好意思，但佢真係拍得住澳門最出名果間既葡撻，可能佢係迷你版既關係，撻皮比澳門果問仲要薄👍🏻👍🏻👍🏻平安包由於疫情關係，長洲取消左今年既飄色，但佢都有平安包賣，但由於食包太飽啦，所以我地冇買到，有興趣既朋友，可以去試試。佢係下午先出爐，每次一出，唔洗10分鐘就賣晒一整盤，大家食既時候一定要小心，因為熱辣辣，而且賣得太快，所以唔好諗住一啖食晒，如果唔係，你條脷應該唔洗要🙈🙈🙈。溫馨提出，呢間d姐姐都幾惡嫁，要影相記得佢幫你執撻前要快手、快手、快手影，如果唔係姐姐會鬧人嫁，咁又係，人地都做生意，如果個個都掛住影相，就會影響到後面排隊買既人。三桐攸呢個Group正式啟用啦！多謝大家支持攸桐媽媽遊樂團，我地為咗提供更多不同範籌既資訊、親子、餐廳、煮食、食譜同玩樂，會係呢度不定時

黎過長洲好多好多次 不過每次經過康蘭都無幫襯過呢間外型好傳統既餅店今次母親大人點名話要試 當然要試試然後就發現⋯⋯下次路過一定要再買😆康蘭有賣三款撻：迷你蛋撻、迷你椰撻、葡撻。迷你撻類就$10@4件 🌟可混款而葡撻就$8一件 CP值高啊😍🌟留意：所有撻都係2:45pm後先出爐去到既見到一堆新鮮出爐既撻 真係心心眼😍有其他遊客比我地更早黎到 但阿姐堅持唔賣住 因為知道買完都熱到食唔到 又知道大家都心急 所以兩個阿姐一齊用扇幫d撻散熱 好貼心啊☺️👍🏽食後感💁🏽‍♀️蛋撻同葡撻的蛋質非常嫩滑 熱食真係不得了🥺椰撻入面唔係實的的 而係酥酥的~~d撻細細件 試哂都唔係好過份姐~~如果真係好似我地咁試哂所有撻既話 🌟記得留意撻既甜度食啊如果唔係 有d撻會變左無味架！我地建議既次序係👉🏼蛋撻-> 葡撻-> 椰撻期待下次去長洲再食❤️

今年大年初一同以往一樣，都去咗香港一啲特別嘅地方行大運今年就揀咗長洲，因為好耐冇去，再加上有得掃街kekekeke喺長洲海傍道會見到兩邊都有好多食肆，我哋都覺得眼花花，唔知食邊間好。而康蘭餅店嘅葡撻同蛋撻香味同長長嘅人龍就吸引住我哋成家人，我哋即刻買咗四隻萄撻，一人一個咁樣係街邊嗰度食雖然出面好凍，但係一食咗個暖立立嘅葡撻成個人都暖晒！葡撻好香，酥皮好脆，個蛋都好好味，而且唔會太甜，但係上面嘅焦就略嫌少咗啲啦～不過總括來講呢間餅店都好值得幫襯！

這是長洲一家很多人光顧的餅店，我們走過時剛好有小椰撻和小蛋撻出爐，怎可不試！寫着$10有4個小椰撻或小蛋撻，我們剛吃過午餐，就問可不可以只買兩個，店員説當然可以啊，$5兩個。蛋撻和椰撻拿在手上，暖暖的。蛋撻有微微的蛋香，蛋漿嫩滑，皮鬆脆，不太甜。椰撻我不愛吃，老公吃了說不錯。

好耐都冇去過長洲，今日特登入去長洲做一次賓客，掃下街頭小食黎慶祝初七人日生日。令人意外既係當日都有唔少人入去長洲做賓客，人數都仲要幾多添。言歸正傳，向來鍾意食撻既我，出發去長洲之前已經做好資料搜集，正所謂機會係留比有準備既人。一到步我就去到康蘭餅店，去試下佢地既蛋撻。餅店既格局比較舊式，地方都唔大，佢地將各種麵包展示係門口既麵包櫃入面，雖然地方細，但就令人一目了然，焗麵包同西餅既香味，加上各種包餅精美既外型，真係一場視覺同味覺既盛宴，吸引住每一位經過既賓客。 一去到就正好有新鮮出爐既蛋撻添，餅店有曲奇皮同酥皮蛋撻兩種，有睇開我食評就知我比較鍾意曲奇皮，因為酥皮好容易食到啲皮散晒，跌到一地都係，所以今次我都係揀曲奇皮。餅店既蛋撻同一般餅店既蛋撻唔同，啲度既蛋撻外型小巧玲瓏，一手就能掌控得晒，未食已經令人感嘆，雖然我地不能夠掌控自己既命運，但原來我地可以一手掌握成件撻！正當我想試下一啖食晒成件撻既時候，店入面既阿姨即刻提醒我唔好，我當堂嚇一跳，原來佢話啱啱出爐好熱。 蛋撻細左，撻皮同蛋漿既比例反而剛剛好，每一啖都能夠食到撻皮同蛋漿，加上蛋漿甜度適中，食完唔會令人覺得口渴或肥膩。當然有聽

康蘭餅店每日下就都會大排長龍，因爲佢地既蛋撻、椰撻、葡撻會每日 2:45pm 準時新鮮出爐😍。如果係5月太平清醮既時候就更加誇張！！個個都只係買平安包😂😂。本身極喜歡食蛋撻，所以都毫不猶豫咁買左4個mini egg tart 再加1個葡撻。蛋撻mini（$10/4）新鮮出爐熱騰騰😋，曲奇餅底鬆脆，淡淡既牛油味散發出黎，蛋味香濃又滑身🤩。$10有4個幾抵食，又唔會食到好飽👍🏼。葡撻（$8）冇KCF果啲咁油膩，蛋味都好夠，又唔會太甜，但酥皮底唔夠酥化，有少少林同韌。

We had already walked past this bakery twice as one of my friends really wanted egg tarts from this restaurant. Turns out, they only sell egg tarts after 2pm (on the day we went at least)So when we went back the second time and there were egg tarts, we knew we had to get them fresh! The eggs tarts were so cheap so very worth its price - the crust was crunchy but not crumbly. The crust didn't taste like it was completely drowned in butter and was not oily at all! It had the perfect balance of cru

蛋撻仔🥧 ($10/4).好耐冇食蛋撻😭係長洲經過見到有新鮮出爐嘅蛋撻仔，就最啱過下口癮。佢嘅size大概就係平時飲茶點心嗰隻，比酒樓嗰啲更有蛋香，由於新鮮出爐，連曲奇皮嘅牛油香都好似出啲😍 而且幾香脆💯