康年餐廳

營業中

休息中

今晚經過旺角通菜街，去左久違了的康年，我問亞姐裝修完，佢話已經兩年前，叫番我最鍾意嘅菠蘿油紅豆冰餐，依然出色，菠蘿皮凍左依然鬆脆。紅豆非常之淋 卻沒有太甜嘅敝病。

之前都有去食過一兩次，都無嘜大問題。但今日門口收銀阿姐好似食左火藥咁。淨係嘟門口針卡果到都已經著著地，有時餐廳個電話，無人知道究竟要將自己個電話mon對落去scan定係擺係後面scan。個阿姐就一野大大聲極唔耐煩話「後面！後面！後面呀!」我見到我媽搞唔掂，個阿姐又咁燥，即刻幫我媽scan完就算，一句我都無出過聲！到食完比錢果刻，張單$140。我比左$500佢找，佢找番$60。我呆一呆望一望佢，佢又望下我，佢對手係無郁過！咁既情況好正常會問「你仲差$300…未找」我成句野未講完，淨係講到$300，佢就一野彈埋黎仲好不滿，好似我老屈佢咁！「阿姐！我未找jer！」我又好正常回佢一句「我點知jer！」心諗無人會知道你d找錢方式架！跟住一輪咀炮轟，找錢仲好似欠左佢咁！我見找齊錢即出門口，完全無理過佢講嘜野！出到門口仲聽到佢發癲係咁up！❌我唔知佢係咪老闆娘但如果佢係持住自己係老闆咁對d客！未食都比佢鬧走先❌

嚟康年食早餐，每次都會叫A餐，羅宋湯螺絲粉加奶油豬😊價位合理，一份早餐包一杯熱飲係$38羅宋湯螺絲粉真的好足料，滿滿的🧡仲要係都幾大碗，分量十足奶油豬，暖暖的及微脆😊或者都可以選擇腸仔煎蛋餐包一大碗羅宋湯螺絲粉，再加一件奶油豬 飲埋杯熱飲，完全係大滿足🈵餐廳有兩層，地下及樓上一樓，通常平日食早餐時段9點左右都可以坐到樓下的。有卡位選擇。康年都有自家整，新鮮出爐嘅其他麵包，例如忌廉雞肉批，蛋撻，叉燒包等

睇完戲十點幾有啲肚餓，好多餐廳都已經收左，見到佢仲好多人幫襯，諗都唔諗就入去。佢嘅選擇都有好多，我就叫咗瑞士雞翼撈出前一丁。雞翼連埋雞翼尖，一共有3隻，面底就應該係一隻面，再加一條菜心。個瑞士汁上菜時未有同面撈勻，所以睇落有啲乾身，但撈埋之後就好夠味。瑞士汁偏甜，稀身，但絕對可以同公仔麵夾到！雞翼煮到啱啱好，唔會太林，好易咬開，夠哂入味！因為佢本身包野飲，我叫咗個凍檸檬茶，正正常常無乜特別。可能我真係好肚餓，所以我覺得好好食，而且價錢一啲都唔貴！值得推介！

難得8號風球之後既第一個早餐，經過旺角想食傳統既茶餐廳或者冰室. 就諗住入去康年度坐下. 服務態度一個字差！早餐帶位完全無人帶，咁樓面叫我上樓坐，樓上座位全部空位未執枱. 影響曬食野既心情啦。知道早餐係會忙啲，點知見到個員工坐係度蛇王，真係大跌眼鏡.到叫食物，坐低左10分鐘，一望見到4個人都等叫早餐仲要水都無杯.煎雙蛋同面包一般，無特別既驚喜沙嗲牛肉麵，無沙嗲味！牛肉乾過沙漠！個面底本身都淋曬，唔係即整！咖啡正常.整體評價：人手不足導致地方不乾不淨，早餐心情一落千仗，不建議食早餐.完！

一直有爭論西多士有冇花生醬，如果 French Toast，因為麵包浸透牛奶蛋汁同糖，要嚐蛋香奶香，冇花生醬是理所當然。但茶餐廳西多士唔同，浸蛋汁，炸得香口，花生醬增添層次，實在不可少。康年下午茶有款芝士花生醬西多士，個人認為芝士同花生醬本來就唔多夾，何況我唔食芝士😅，所以這款下午茶唔啱我。不過侍應哥哥話單點正常西多唔抵，所以照跟餐，走芝士就好了。西多士炸得金黃，仲好厚身，一切落去，原來一層芝士一層花生醬，現在變成雙層花生醬，對花生控的我來說，實在好驚喜好開心😍。麵包軟熟，double 花生醬叫人好滿足，唯獨糖醬份量太少。要邪惡就要邪到盡，甜點就要甜，唔夠糖漿，唔甜就唔好食。所以唔好怕尷尬，唔夠糖漿，記得要舉手問侍應添。西多好味，但炸脾同拿破侖就好伏。炸脾細隻，肉質又實又乾，完全唔合格。至於拿破侖，再講一次，甜點就要甜。件拿破侖就係冇甜味，成件餅由酥皮到蛋白合桃夾層都沒什麼味道，蛋白亦唔脆，好似食紙加石膏咁，好失望。會再來，但食西多就好了。😉

估唔到幾有誠意，我見佢門口黐咗菠蘿油配樽仔奶茶$30，原本就係$12+$23=$35，其實我係想飲樽仔奶茶，所以心郁郁嘅情況叫咗邪惡嘅菠蘿油，菠蘿包皮好好食😋 好鬆軟，又脆卜卜🤭 加埋佢即刻放入去嘅冰凍牛油🧈果然好食😝 佢嗰菠蘿包唔係熱嘅，真係有好有唔好，佢冰火應該係最好食，但係外賣又會好論盡😂 如果堂食嘅菠蘿油會整返熱就好prefect😝 有樽仔奶茶、咖啡同鴛鴦，我叫咗鴛鴦，好高質😋 值得飲🤭

一早去旺角買野，點知鋪頭未開門，去下搵間茶餐廳醫肚，兜咗花園街一個圈睇吓食邊間茶餐廳，見呢間個早餐又唔算貴，粉面餐有包有兩餸，又見過內面乾淨寬敞，最後揀咗來hea左半個鐘。叫咗個早餐沙嗲牛肉公仔麵+腸仔煎蛋餐包牛肉肉質腍易咬口湯底微微沙嗲不辣（第一次見奶茶有茶蓋，夠貼心）👍🏻

康年餐廳，都叫做有少少名氣掛，叫個豬扒包食姐，咁樣叫做萄式豬扒包，真係長知識，無下次。。。。。。。。。。。。。。。。。。。。。。。。。。。。。。

呢間康年茶餐廳位於太子旺角之間的寵物街，大家可以喺度睇完寵物或買完寵物用品之後過嚟。當日我就係買藥貓糧，經過呢度，見到門口好多不同港式包點，所以忍唔住試吓。菠蘿包$7呢間的菠蘿包算係咁多間茶餐廳最平，其他類似質素的茶餐廳多數買緊$9，後面街有間比較出名嘅直頭係雙位數。包體係夠鬆軟的，亦夠香，不過我覺得菠蘿包的重點就係上面塊菠蘿皮，他們的菠蘿皮好薄，好唔夠喉，比例上唔係幾好。不過味道幾好的，好夠香！建議佢哋既菠蘿皮整大啲，整厚啲！

今晚經過通菜街， 剛好晚飯時間又到，就入康年餐廳用膳😚。 餐廳食物種類都幾多選擇😉， 最後揀了✨紅酒牛尾煲＋✨羅宋湯$68＋✨茶走$8、✨紅豆冰配菠蘿油餐$32。 紅酒牛尾煲軟腍入味， 羅宋湯味道酸酸辣辣幾開胃， 茶走甜度適中，幾好飲， 菠蘿油鬆脆好味， 牛油口感順滑，但紅豆冰就太差了，沒有味道，好似奶水一般😅。整體食物都幾好，除了紅豆冰， 餐廳落單上菜速度快。🍽️🍽️🍽️ 康年餐廳地址: 太子通菜街143-145號地下

紅豆冰配菠蘿油餐，$32其實都底，菠蘿油室溫、大件、新鮮、皮脆，夾著一片凍厚牛油，咬落去都幾滿足！好吃！但紅豆冰真係唔得，紅豆完全無起沙，豆甚至未煮軟，於是豆還豆，奶還奶，好似飲奶水咁，不過甜度適中，如果唔係就是一杯糖奶水了⋯⋯

上星期五有點事，與太太晚上沒有拍拖，反而是在中午去了人稱金魚街的通菜街找東西吃。本來腦海是彈了金華出來的，但再想想，金華的座位實在太窄，而且可能太受歡迎，經常要被趕住離開，因此與太太及兒子去了更好的選擇：康年。想先說裝潢，其實好像一段時間裝修過來，所以比起以前，座位更加舒服，更重要是天花版及牆紙是黑色，比以前的土黃色格調有型。食物及價錢方面，有很多選擇，太太替兒子分享牛肉通粉餐，再加一碟菜心。我則吃了豬軟骨米線。我有點後悔吃米線而沒有叫午餐，因為米線的份量比較少（可能給譚仔縱壞了），雖然也有飲品，但價錢與有湯有飯有飲品的午飯差不多，因此性價比方面，食飯其實更化算。總結來說，太子弼街金魚街一帶，三大茶記鼎立的局面（金華、康年，民華）鬥得難分難解，各有捧場客，各有特色，任君選擇。

尼間有時都會黎食，食物都算唔錯，中午有時都幾多人。豬軟骨有時好稔，有時又會失準，但幾好味。見佢啲菠蘿包都幾好味，可以一試。其他食物我見啲人都話ok，值得一試的茶餐廳。

今日做完運動就係時候嘆下下午茶喇，黎到康年樓下無位，就上左樓上坐低左一張二人枱叫左兩個下午茶餐，牛腩魚片角麵，一個飲凍奶茶多奶，一個飲熱奶茶多奶，佢既奶茶係信心保證，有茶味又有奶味，正呀牛腩魚片角麵既湯夠熱，湯底好味，麵既質地啱啱好夠彈牙，牛腩都夠入味既，不過炆得未夠林，同埋有時牛既肥膏都當一舊就唔係咁好，可以多留意下，牛筯都係正既，魚片角不過不失，但都算係中上水準另外仲叫多左三個蛋撻，因為佢既蛋撻真心好食，蛋夠香滑，甜度啱啱好配埋個酥皮基本上每次黎都會食，甚至會外賣返屋企