康和閣酒家

營業中

休息中

今日出邊好大雨，一入到去酒樓冷氣超級無敵凍，即刻叫佢哋可唔可以收細啲個冷氣講咗好幾次先冇咁凍。入邊嘅員工都好快手問飲咩茶安排好所有座位。但係冷氣好大建議各位帶多件外套食飯。等齊人之後就先來一大碟大閘蟹，😍蟹膏多到隻腳都流晒啲黃油出嚟。一人食咗兩隻。蟹醋一人兩碟先夠。跟住嚟咗啲薑茶飲落好舒服。跟住上咗我好鍾意食嘅炒魚片✨。因為冇晒骨，而且肉都好結實好新鮮，唔係嗰啲林啤啤嘅冰鮮魚。再嚟就係一大碟粒粒飽滿嘅蒜頭炒菜，啱晒啲未必會食蒜頭嘅朋友，又或者啱晒啲好鍾意食蒜頭嘅朋友。因為如果係蒜蓉炒菜唔食蒜頭嘅朋友就唔會食㗎啦。鍾意食蒜頭嘅可以成粒啪。叉燒係半肥瘦。佢未去到話肥到流晒啲油出嚟入口即化果種，但係食落去口感好好，肉實淨得來有啲油脂包住啲半肥瘦肉。枝竹羊腩煲一打開個煲蓋即刻話一聲，因為真係好有秋天嘅感覺。可能再凍啲更好食😋枝竹魚腩煲個人覺得更加啱啲鍾意食魚嘅朋友。因為好入味得來，肉一啲都唔會柴。佢落咗啲粉漿包住啲魚肉炸完再炆所以入邊好滑好肥又好香好入味。🫶最緊要啲枝竹煲入邊啲枝竹吸晒入邊啲汁嘅精華，食到sharp sharp聲，正😄最後嚟咗一大碟秋天必備嘅臘味飯，落埋啲豉油撈飯真係完美嘅句號

又到放假可以同老公去嘆下午茶，就揸車去黃埔康和閣，我鍾意去呢間酒家係因為呢度有齊我鍾意食既七彩牛柏葉、咖喱魷魚、沙律明蝦角，而家唔係好多酒樓有齊呢三樣，同埋呢度下午茶有張特價紙，點心特價之外，仲有個自選孖寶$32可以選2款點心，抵呢度啲款式夠多之如，味道平均都唔錯，而且蒸點心夠熱，座得都算舒服，所以呢度下午茶好多人排隊，要早啲拎飛等位呀不過可惜我今日差唔多三點去到，七彩牛柏葉同埋叫咗幾款點心都賣晒，落咗2個孖寶等等吓又賣曬，最後要食兩籠牛肉，下次真係要早啲去

Good old dim sum will always have a special place in my heart~ .Was surprised by how good everything was! Their taro cake 芋頭糕was real thick and chunky😍 and their steamed rice rolls had crispy prawns 🍤 wrapped inside 👍🏻👍🏻👍🏻 .Their Ma La Gao (steamed brown sugar sponge) was super fluffy and their various dumplings were filled to the brim with good stuff 😋.No wonder it was difficult to get seats even as early as 8:30am on a Saturday morning!!

員工服務態度極差，一入門口冇人理，伯伯唔識嘟安心出行，又唔幫佢，後來幫佢態度又極差，好嫌棄人哋！跟住攞飛等位，有位後一粒聲都唔出，都唔知張枱喺邊，有冇人理好慘！跟住坐低又冇人執枱，後來點咗幾樣點心，鹹水角粉果味道ok,但係點知蝦米腸就極度唔掂，一啖咬落去，係凍嘅，又大舊，只有一邊係輕輕煎過，好似食緊舊粉咁，終於忍唔住同阿姐講要求取消阿姐仲吱吱佐佐，問究竟有乜嘢問題，跟住我真係好嬲，講咗幾個原因之後補充一句：你同我取消啦！佢先至行咗去。😤😤😤仲有食粉果嗰陣，問亞姐有冇辣椒油，亞姐只回一句：我冇嗰噃！就走左，咩事呀！飲茶飲到一肚氣😡😡😡我話過以後都唔會再幫襯！

又到同老爸嘆茶嘅時間，連鎖酒樓絕對難以滿足嘴饞嘅老人家，為左同佢飲茶經常都要瓹窿瓹罅，今次搵到嚟紅磡黃埔，經朋友介紹嘅街坊酒樓。晨早自選孖寶($31)非常抵食，今次叫左5碟點心，加埋茶位都只係$109。自選孖寶1 :鮮蝦布拉腸 + 田園灼菜心自選孖寶2 : 瑤柱蒸蘿蔔糕 + 驅寒薑汁糕本期推介點心: 西洋菜餃子($21)腸粉 腸粉皮雖然厚身，但真係食到原始布拉嘅表面粗糙，而入口滑溜嘅感覺，鮮蝦亦非常彈牙。菜心 無渣、嫩綠、鮮甜；不過唔夠熱，唔似新鮮灼熟。蘿蔔糕 只有幾條瑤柱絲😅，不過都好好味，有蘿蔔質感、香味。薑汁糕 呢個超正👍👍👍薑汁味極濃郁，爽彈、煙韌。西洋菜餃 第一次喺酒樓食到呢款餃子，每隻都漲卜卜，非常多料；醬汁似係紅油抄手個汁料，少辣，有醋嘅酸香味。餃子同個汁料都係好食嘅，第一啖沒有點太多汁，食到好香嘅西洋菜味，第二隻餃子撈了很多汁伴食，食到汁料嘅鹹辣酸甜香味，但亦因汁料太濃味而掩蓋了菜香，兩者好味之處不能共存😅。呢間酒樓點心雖然未致於十分好食，不過勝在點心肯定唔係一般工廠現製來貨，食得出手工嘅味道，老爸除左彈過碟菜唔夠熱之外，其他通通收貨。😃

黎呢度飲茶就飲得多，食晚飯反而係第一次。今晚我哋兩家人訂咗半席套餐+訂咗間房仔，間房仔比我想像中細好多，基本上就係放得落一張8人枱同10張櫈就完。套餐包有10道菜+糖水1.脆皮極品燒鴨王：因為有熱住所以燒鴨保持香脆同肉汁，唔會食食吓又乾又凍咁2.美極王煎海生蝦：有少少失望，因為蝦偏細隻…3.龍蝦湯海皇花膠翅：食唔到龍蝦味，味道就係only膠翅。4.花膠花菰扒翡翠：可能我見識少，唔知佢呢種花膠係乜品種，質感同味道都唔係我杯茶～5.醬王螺片炒珊瑚蚌：珊瑚蚌兩三塊，西芹脆口，不過整碟菜味道較辣，食到媽媽hihi 😂6.清蒸游水大海石斑：石斑肉質軟滑，不過條魚唔够熱，可能出得唔够快7.白切貴妃雞：凍晒～8.鮑汁金菇炆伊麵：熱度够，味道唔錯9.黑松露蛋白炒飯：松露味好够，飯够乾身10.金瑤什茵三層樓：呢道菜係套餐中我覺得最好食嘅。豆腐應該係玉子豆腐，炸完外脆內軟，面頭有一層海苔紫菜，食落口感層次十足。最尾仲有紅豆沙甜品，味道唔會太甜，加上可能太耐無食紅豆甜，我覺得好好食除咗半席套餐，我哋仲叫咗兩道菜：咕嚕肉及茄子🍆，個茄子出乎意料地好食😋總結而言，菜色略為普通，只有一兩道較為出色。不過作為家庭聚

今次係第二次黎食!!第一次係同同事黎!!見佢的確唔錯所以帶老豆媽子黎試下!!呢間食海鮮真係無令人失望!!隻飽魚好大, 要用刀叉据!!乜都唔點, 有藥材味, 好清新!!點左WASABI豉油又係另一種食法!!都係好出色!!冰皮燒鵝, 皮好脆, 啖啖肉!!皮下面無多餘脂肪, 塊塊皮都可以食晒!!最細心係碟底有火慶住, 唔駛驚變凍!!粒粒都大大粒, 加埋粉絲蒸, 調味一流!!真係非常出色!!紐西蘭蟶子王, 條條勁粗碌!!炒完又唔會韌, 加埋佢個煎米粉底!!好似兩面黃咁, 就算有汁濕左都KEEP到脆身!!呢個簡單得黎又係好好味!!帶子同貴紀蚌好足料, 用XO醬炒好惹味!!西蘭花炒斑球, 魚啖啖肉, 而且魚皮好爽!!完全感受到魚皮骨膠原, 加埋西蘭花好平衡!!呢個叫牛魔王, 我咁大個仔都係第一次覺得!!中菜廳都可以煮到牛肉咁好味, 咁出色!!我都係為左佢再次黎食,慢煮得黎完全唔韌唔老, 仲保留到牛味!!絕對要試!!黃金鮮魷, 濃濃鹹蛋黃味!!炸到熱辣辣脆口, 送酒一流!!不過已經食到尾聲, 其實已經好飽!!海鮮炒飯, 試左少少, 味道又係好好!! 勁多蟹子!!不過真係勁飽, 已經要打包, 留返之後

同媽子飲茶，吃左兩個小食，幾個點心🔸涼瓜排骨涼瓜剛剛好，唔會太淋，湯頭仲有少少苦瓜甘香！👍🏻🔸鹹菜豬肚少少鹹香，豬肚同支竹都幾多，又有胡椒粒，食落幾暖胃🔸野菌燴魚肚幾失望，寧願好似平時棉花雞就算。兩粒草菇，加上雪藏雜豆，4片魚肚。魚肚都厚身，但配搭雜豆，無下次🔸煎蝦米腸煎得幾透，不過腸粉卷得好粗，太大舊又厚，口麻一般🔸蒸蘿蔔糕蘿蔔粗厚，又有蝦米，瑤柱絲，臘腸粒，粉漿同配菜比例剛剛好！總括🔹小食品質幾好，但點心有待改善

爸爸想食康和閣，上午鐘點姐姐忙緊我就落去買點心比家人食啦。點知去到只係叫四個點心，燒賣、雞包仔、馬蹄糕、馬拉糕。但係要等成35分鐘，問左3個伙記，都只係話做緊做緊，經理們就行黎行去，個個都只係識得話燒賣係咁久架啦，拿到外賣返到屋企外賣打開已經涼左一半，都唔係即刻係蒸爐取出來嘅熱度，又話因為等燒賣所以要成35分鐘？感覺像被騙了一樣，打開之後已經唔想食，真心買糖記包點或7-11外賣無咁生氣，今次罰站好唔開心

呢間一到下午茶就好多人排哂隊拎飛仔，不過呢間d點心質素係係呢個地區比較好，所以可能因為咁就好多人排隊。入到去食下午茶係幾好食，點心新鮮品質好，有多d品種揀。點心做得有心機

呢間酒樓屋企人都幫襯左6-7年，今日去幫屋企人攞定位先，入座左半個鐘兩個阿姐就行埋黎話我坐左咁耐d人仲未到，想趕我走，話比多一個鐘我就要交枱。我登記入座果陣阿姐從來無講過限時1.5小時，門口亦無任何紙貼住話限時，而呢間酒樓亦唔係做放題嘅。無啦啦就同我講限時，仲窒我坐左咁耐（半個鐘）。我即刻表示無可能而家同我講限時，比多一個鐘我就交枱，何況我岩岩先落左單。佢地就話調我枱，亦都無再催我走。到我食完嘅時候，我見到本身我張枱係無人坐嘅，現場都有零星空枱，即係純粹要趕我走。阿姐仲同我講，而家飲茶不嬲都係坐個半鐘添！如果第日想去呢間酒樓飲茶，記得唔可以幫屋企人攞定位，仲要1.5小時交枱呀！後話：呢間酒樓強推安心出行，唔少客表示想寫紙登記，佢都會係咁叫你使用安心出行，唔識尊重客人意願。

The fried rice noodles are quite special! I love it being so crispy and the taste matched very well with the sweet and sour sauce! The fish mixed to sweet and sour sauce was also quite yummy, I think it worths trying! The fish didn't have a lot of small bone, and it was quite fresh and smooth. The sweet anr sour flavour wasn't too strong in flavour, but it has real , large pieces of tomatoes! 🤤The staff was quite friendly, even though had some waiting time, but it was acceptable.

本來同朋友去食一間就結業的老字號，點知下午原來唔開門，咁轉plan食其他野，諗諗下好耐無飲過茶不如上茶樓啦。朋友話康和閣好坐，啲枱距離濶啲，而且有下午茶餐牌，勁多特價點心。一口氣劃左好多樣野食，會唔會眼濶肚窄呢。酥脆韭菜角即係炸韭菜餃啦，炸得香口嘅，韭菜有啲汁幾好味。芋茸千絲酥原來呢個係甜嘅，入面包著芋泥，但我覺得個皮一條條有啲拮口。香茜叉燒腸腸粉又幾好喎，皮滑又夠韌，唔會一夾就散。香煎糯米雞呢個無乜餡又無乜味，要點辣醬食。燒汁魚肉釀茄子即炸起熱辣辣㗎，魚肉彈牙，好食。咸魚雞粒飯煲仔上份量好大下，雞滑咸魚香，加埋甜豉油好味，抵食之選。姬松茸鮮竹卷有少少菇味都幾好，但鮮竹卷本身偏油，內餡係素菜。花菇滑燒賣飲茶一定點嘅燒賣，好大粒，粒粒有蝦，但肥豬肉太多，咬落好油。食咁多都係百幾蚊，飲左三四壺茶，真係好抵飲。

康和閣的食物一向唔屬便宜價格，但食品水平亦唔差的。下午茶算是較相宜的時間吃佢嘅點心。點心即叫即蒸。自選孖寶中叫了:鮮竹牛肉球，新鮮彈牙，個人喜歡加些喼汁更正。香茜义燒腸粉，皮薄有彈慳义燒都幾多，熱辣辣又滑溜溜。另點了瑤柱蒸蘿白糕，糕內有很多粗條的蘿白絲，真材實料，能叮吃到啖啖清甜的蘿白，粉糕的比例唔算多。其實蒸蘿白糕比煎的口感要軟綿且滑得多，加些豉油吃更鮮味。鮮蝦菜苗餃，蝦肉爽脆，加入菜苗更覺健康。茶錢外要加一，今餐2位埋單$92。

星期日最岩一家人飲茶，點左白雲鳳爪，炸韭菜角，上湯時菜，南瓜餅甜品都俾其他酒樓多選擇又有薑汁年糕、椰汁紅豆糕。依到d白雲鳳爪除左幾入味仲幾抵食！$28一碟😳通常出邊都$3x/4x，我自己一個都食左3-4隻🙈另外好少酒樓有炸韭菜角，炸到好香脆可口！環境又光猛又乾淨！👍🏼👍🏼👍🏼