康和堂

營業中

休息中

老字號幫襯三十年都有，雖然老闆談唔上特別nice, 態度普普通通都ok la。食物是ok的，特別龜苓膏，否則不會幫襯多年。但近來唔知係咪請左個新黎嘅，奉指要人受佢閒氣咁，同佢講嘢十問九唔應，落order望都不望你一眼，起初真係以為佢聾啞人士，我們還指menu俾大佢，當然每次換來不屑的眼光，但今晚見佢一邊做嘢，一邊同人講電話，仲發老脾鬧客人。次次拎食物來大力劈係枱，真係好唔得，其實咁唔願做不如回家休息下。

銀菊露，老闆又稱之為菊花茶。呢度嘅菊花茶甜度適中，飲完之後會感覺到淡淡的清香。細細品嘗，可以感受到茶的微苦。鋪頭入邊有提供免費糖水，有需要嘅話，可以根據自己嘅喜好來適量添加。個人有個小小嘅建議，如果係加入純正嘅蜂蜜，味道會更加好。不過，老闆話，如果咁樣整，一杯銀菊露就唔止呢個價錢了。我問老闆，有冇試過其他鋪頭嘅涼茶。佢話好少。的確，長期喺自己鋪頭，都係困身嘅。去街嘅機會都少，更加唔使話體驗其他鋪頭嘅涼茶了。下次揾個時間，畀老闆試下其他鋪頭嘅涼茶。

一杯大杯的雪梨茶，暖暖的，正如門前小女孩暖心的笑容。她斜著頭，朝我打了聲招呼。我微笑地向她招手。老板也笑了笑，將雪梨茶遞給她。這幾天冷冷的冰雨，很識趣地在今天止住了啜泣。然而，心中的冷雨，卻不解人意。我也點了杯雪梨茶，找個位置坐下。雪梨茶捧在手心，仿佛世間所有的不快都煙消雲散。將杯子輕輕放下，我和老板有說有笑地聊著。許久，杯子已經見底，我卻忘記了雪梨茶的味道。只記得暖暖的感覺，還有老板那暖暖的笑容。必須承認，心情不好的時候，會心不在焉。但哪怕是這樣，也會有一股溫暖的力量銘記在心。

康和堂嘅鮮椰汁，一個字，正！今日超大雨，為咗買支鮮椰汁，要等雨變細先夠膽出街。等到下晝，雨終於變細。我即刻衝過去鋪頭！由於呢度可以用支付寶畀錢，所以都幾方便。而且，呢度嘅鮮椰汁超級凍！就算攞返去都仲係好凍！飲完一支細支嘅鮮椰汁，解渴又過癮！我自己覺得，甜度啱啱好。唔會太甜，所以飲完都唔會覺得厭。夜晚，我特登過來鋪頭飲多杯細杯嘅鮮椰汁。真係返尋味！呢度嘅鮮椰汁分量足、口感好、又新鮮！有機會再來幫襯！

我們一家經常會出現在大埔行街買餸。天氣熱時，行行下總會想起要些飲品，清清熱，降降溫。好多時，因為想健康一點，我們會想起飲返碗涼茶。而最方便就腳的涼茶舖，就是廣福里的《康和堂》。平常太太都會飲廿四味，可清涼之外還可以調理月事。這一次，只是純清涼，所以要上了一杯洛神花茶。紅紅的，入口有適中的甜味道。感覺就是一杯清甜解熱氣的良物。我就如常來一杯五花茶。雖不太濃，但也感覺到有藥效。因為天氣熱，我要了一杯凍的，清涼感絕對是加倍。不錯。方便就腳又好飲的涼茶舖，永遠都可以給 like。

野葛菜水，唔係好苦，但係回甘好正。之所以今日揀佢，係因為前幾日經過某一間涼茶鋪，嗰度嘅野葛菜水比其他涼茶貴兩蚊。不過，康和堂嘅野葛菜水係平價。下晝飲咗太多凍嘢，都係飲下熱飲暖下胃先。嗯……仲未夠200字嘅？繼續……其實，飲下苦啲嘅涼茶都好，嗰種回甘嘅感覺，唔係飲甜品可以感受得到嘅。就好似我哋去做嗰啲正確但又困難嘅事，雖然辛苦，但係嗰種付出之後得到嘅感覺，係好多娛樂方式無法代替嘅。常言道，苦盡甘來。飲涼茶時，我哋可以預先知道，“苦”幾時盡，“甜”幾時來。但現實中，好多時候，就未必知。例如，宜家嘅疫情。“苦”幾時盡？“甘”幾時來？

老實講，第一次飲紫背天葵。想飲嘅原因竟然係，覺得佢個名幾得意。味道都唔錯！酸酸甜甜。中意酸味嘅朋友唔好錯過！呢種酸真係好特別！但係又覺得好熟！問咗老細先知，原來加咗山楂！聽講，紫背天葵喺長洲好出名。不過，我應該唔會特登過去飲啩。長洲太遠啦，直接喺大埔飲好過啦！仲有，最重要嘅！飲完紫背天葵真係會覺得好凍！！咁誇張？真架！因為嗰日天氣涼涼地，我又飲咗一大杯，覺得凍都唔出奇。講真，都係夏天飲好啲！！解渴又消暑！！

飲杯龜苓茶，和老闆傾下偈，心情好好多。一般老闆夜晚六點返鋪頭。所以，想遇到老闆，最好夜晚過來。老闆人好好，我幾乎每個禮拜都會過來飲一杯，傾一傾。前輩嘅經驗，後輩聽一聽，學習下都唔錯。因為老闆對呢邊好熟，所以對於租鋪以及租金方面非常了解。例如，同一條街，左右兩邊嘅租金都會相差好遠。始終人流量對生意嘅影響非常大。仔細觀察，你先會發現，原來同一條街，左右兩邊嘅行人數量真係有分別。而且，就腳都好重要。冇辦法，人都係貪方便嘅。呢個就係所謂嘅“地利”？睇來仲有好多嘢要學習。