座銀

營業中

休息中

🧭座銀（上環）⭐️雞白湯拉麵⭐️🇯🇵過江龍💸雞白湯拉麵 $148💸個人香港最鍾意拉麵Top 3啡色長條形嘅係炸牛蒡條 食落好特別 脆卜卜咁好似薯片 但有牛蒡獨特嘅香味掛喺碗邊嘅雞肉同叉燒肉質鮮嫩 配湯食一流雞白湯用咗打泡法 食落好creamy濃郁拉麵嘅質感都好彈牙 唔會浸到腍晒配埋溏心蛋 成個麵好豐富好滿足🍜💰人均 ~$160🍗食物：8.5/10👨‍✈️服務：8/10🪑環境：8/10💯總分：8/10總結:呢度嘅雞白湯拉麵真係好出色，個人每次去上環都會心思思想食，係其中一間最鍾意嘅拉麵店。餐牌選擇多數得拉麵，如果想食好多菜式種類嘅就未必啱。平時都多人排隊，建議早啲到等位🍜#hongkong #hkfood #hkfoodie #foodie #holunhungry

喺大阪食過雞白湯拉麵之後，一路念念不忘😋朋友介紹話「座銀」嘅雞白湯拉麵都唔錯，趁老公今日得閒就陪我去試吓🥰**雞白湯拉麵：** 座銀嘅招牌之作，湯底以大量雞骨、雞腳、蔬菜等食材長時間熬煮而成，呈現出濃郁的乳白色，入口順滑，鮮味十足。搭配上低溫慢煮的叉燒、筍乾同炸牛蒡等配料，雖然未到我預期嘅味道，不過止吓心癮都可以🤭**雞白湯沾麵：** 與拉麵唔同，沾麵嘅湯底更加濃郁，麵條亦較粗，口感更加煙靭。將冷麵條夾起，蘸上熱濃厚嘅雞白湯汁，一冷一熱又重口味，我鍾意😊如果炸牛蒡份量可以同湯麵嘅一樣更好😆**炎燒牛肉壽司：** 除咗拉麵，座銀新推出炎燒牛肉壽司。見$58有兩件，唔係好貴，我哋又嗌嚟試吓。味道不過不失，如果可以桌邊即燒會大加分。我覺得服務質素唔錯，一坐低店員就會問你要凍茶抑或熱茶，然後亦會提供藤籃俾你放手袋。走嘅時候所有店員都會親切地同你講拜拜。

Bookmark 左好耐咁岩過開呢邊嚟試下😆《雞白湯》每碗有一塊雞一塊豬肉。 兩樣都唔鞋易咬開幾嫩。擺系旁邊嘅牛蒡炸完唔會太油脆脆地，就咁食同點湯食都好食，全程睇住個師傅係度炸💗麵唔系粗麵但好掛汁，亦都有咬口。湯頭比較濃稠但偏咸而且雞味唔重，飲嘅時候唔太飲到雞味。🙏溏心蛋需要另外加錢，煙燻好入味同埋整到啱啱好流心💗整體嚟講中規中矩，牛蒡同蛋都不錯但湯頭就真係比較咸。如果要排隊先有得食應該會放棄。同埋紙巾都要問店員拎佢先係櫃度拎盒紙巾出嚟比你抽兩張。

🥢喺中環有好多食肆，但「座銀」拉麵店真係一個一定要試嘅地方🎉【雞白湯拉麵🍜】雞湯底🥣係用卡布奇諾打泡法精心秘制嘅，濃郁到極致，估唔到飲起身竟然一啲都唔會膩麵一上檯，我就已經忍唔住連飲咗幾大啖，嗰個鮮味真係令人欲罷不能😍加咗一個溏心蛋🥚呢個溏心蛋，帶有少許煙燻味，一啖落肚就已經感受到嗰種獨特嘅風味~拉麵本身嘅質素都係一流 麵條好有彈性，入口爽滑，完美吸收曬湯底嘅精华！配上掛壁嘅雞肉🐔同埋厚實嘅叉燒🥩食落個肚真係超級大滿足👍除此之外，拉麵上面仲搭配咗炸牛蒡，將佢浸落雞湯裡面，同埋拉麵一齊食，口感即刻豐富晒！！軟滑嘅拉麵、爽脆嘅炸牛蒡加埋濃郁嘅雞湯，真係絕配👏追加咗個【炸雞小食🍗】炸得金黃酥脆，咬落去肉汁 “啵” 一聲爆出嚟，真係正到痹😋⚠️不過要加收服務費💴但係考慮到食物嘅品質同服務，呢個服務費實在係物有所值啦！

叫左雞沾麵 但個沾麵湯凍曬 反而杯熱茶仲熱過個沾麵湯 變左食落麻麻地 另外叫左個炸雞 就正正常常 食左400幾蚊 個湯個溫度咁樣 真係唔太值了 建議要改善 檢討，今次真係失望而回。

🥢【雞白湯拉麵】/ $148雞白湯拉麵，面頭就層有雞味泡，當夾拉麵嘅時候，麵就會過湯嘅雞味泡，個拉麵係我最鐘意既size，每一啖麵都有香濃嘅雞白湯味道。但係人地話好鹹，我感覺唔係好鹹可能味覺冇咁快正常先。之後仲帶埋炸牛蒡絲，一開始以為係炸蒜絲嚟，咬落去極脆口，配合埋雞白湯真係一流。但係太熱氣我食兩啖唔敢食太多。而肉就係咁咯麻麻地，不過餸吓雞湯味道就有喇。可以話哩碗面精髓就係湯。其他咩沾麵阿我唔知咩味㗎，我冇食到。反正friend就話好食！

被喻為香港第一拉麵既座銀, 一直都好想去試, 今日終於克服到懶癌去左。店內播住日本傳統樂器 — 三味線既背景音樂, 加上活潑既旋律, 令人感覺置身於大阪 (總店喺日本)。呢度最出名既就係雞白湯拉麵(不含蛋) ($148) , 另點要加18蚊。首先上枱碗拉麵夠熱湯底: 食拉麵第一件事就係先試湯, 其實今次係第一次食雞白湯。湯底表面有好多奶泡, 亦唔會見到有層油浮喺面 雞湯好濃好順滑,  夠味但唔係令人覺得口渴既咸, 飲飲下最後飲晒成碗。🤣 但同我想像既雞白湯都差幾遠 （最初以為係中式雞湯味, 完全兩回事黎）個人都係鐘意醬油湯多啲麵質:傳統拉麵麵底, 好彩冇鹼水味, 拉麵浸耐左都唔會太淋, 不過個人都係鍾意麥麵多啲。配料:一片雞肉, 一片豚肉:  雞胸肉唔嚡, 涷食覺得味道普通, 浸番熱就有啲味, 還算可以                               叉燒肉味幾香, 好食過丸京🤣炸牛蒡: 呢間店隱藏招牌菜 (其實想試炸牛蒡而黎), 食落似薯片味, 脆口中帶少少甘味。 如果浸湯後再食會有少少苦澀味, 亦難咬左, 但浸湯後牛蒡味更濃棵木煙燻糖芯蛋: 用木燻過既蛋, 入口好有蛋

特意為咗鷄白湯拉麵嚟，結果都係失望。服務態度首先係好好，但係拉麵湯底好鹹，鷄味都幾濃不過有鷄腥味，叉燒好食，但湯先係靈魂，所以我從廣州過嚟玩，店度好多食客都大陸過嚟，感覺推廣做得幾足。

座銀都算係掀起香港雞白湯拉麵熱潮嘅元祖店。如果想食雞白湯拉麵，首選一定會係黎座銀。今次嚟到座銀，都係食返佢最signature嘅雞白湯拉麵。佢嘅雞白湯拉麵，面頭有一層有雞湯打成嘅奶泡，而呢一層以意大利泡沫咖啡泡沫層為概念嘅雞白湯奶泡正正就係成碗拉麵嘅精華，當夾上拉麵嘅時候，麵條就會沾上湯面層嘅雞白湯奶泡，令每一啖拉麵都有香濃嘅雞白湯味道。至於佢嘅拉麵配菜亦都非常有特色，當中炸牛蒡就係我嘅最愛， 佢炸得香口之餘，亦保留到牛蒡嘅味道，浸一浸雞白湯再食就更加美味。

去食bookmark已久嘅座銀，好開心🥳 當日即興去食，去到都唔洗等位，不過就要坐門口位，當時係夏天，開門會有少少熱風，如果坐入面就要等位。餐廳店員也很親切🥰餐廳共有3款麵食可供選擇，個人最鍾意海鮮雞拉麵❤️ 海鮮湯底以雞湯底為基礎，並加入蝦乾和魚乾烹調，湯底味道濃郁味鮮，令人回味無窮🤤 炸牛蒡係即時炸起，十分香口😋 麵質亦夠彈牙😋雞沾麵嘅沾麵汁味道比雞湯底更濃，不過未至於好鹹，都係幾好食📍座銀 中環歌賦街7號地舖

而間白雞湯拉麵book mark左好耐嫁啦,之前有幾次經過見到都有人排隊所以就無食到,咁岩今日去開果邊做野所以就順手試下。當日6點幾去到咁岩唔洗等位,但當我地食完走既時候出面已經有人排緊隊,建議大家都可以7點前到就唔洗排咁耐。首先個拉面一黎到一定要試下個湯先啦,食落第一個感覺係好濃好濃,但又唔會話濃得濟,感覺係岩岩好,令係feel到係煮左好長時間。跟住一定係試下佢個炸牛旁先啦,而間既炸牛旁好食,炸得好好,如果可以就咁叫一碟我都有興趣。咁到主菜個拉麵,個拉麵係我最鐘意既拉麵粗度唔係太粗既,感覺岩岩好,而且個拉麵好掛個湯,係食到好重雞湯味。總結係有D貴既,但一定係值得,好好食,一定會再食‼️🥰🥰

👍🏼抵食指數：⭐️⭐️⭐️😋好食程度：⭐️⭐️⭐️⭐️今次嚟試下日本過江龍嘅人氣雞白湯拉麵店，餐廳位處於中環半山，舖頭內裝修以和式為主，有張Bar 枱可以睇住師傅悉心炮製拉麵。當日放工去，就有位師傅滿口h笑容企係門口招客，入到去嘅時候，侍應們都好有禮貌為我安排坐位，服務態度有別於其他拉麵店，真係好似返咗日本咁。Meun 上無咩菜式可以選擇，但嚟到緊係食雞白湯拉麵啦～ #雞白湯拉麵湯底非常濃郁，白白嘅雞湯，上面有一層泡沫，相信雞湯係有發打過，濃濃雞味撲鼻，非常吸引！放係麵上嘅炸牛蒡絲，一開始以為係炸蒜絲嚟，咬落去極脆口，配合埋雞白湯真係一流。麵質軟硬適中，唔係算太硬太軟，啱啱好，而且算爽口，而雞肉唔算好厚身，口感反而就一般，但味道配合雞湯就唔錯。整體上，最精粹係碗雞白湯上，配搭所有嘢，真係上等之作！

大阪過江龍人氣雞白湯拉麵，位於中環山腰的位置，食物選擇不多，主打雞白湯底的拉麵和沾麵。雞白湯湯底濃郁絲滑不會過鹹，雞湯利用泡沫咖啡打泡法，打出一層層泡沫，豐富口感。麵質感軟硬適中，有彈性。拉麵也附有一塊叉燒和一片雞肉，炸牛蒡香脆而不發苦。經典座銀炸雞小食也不錯，皮脆肉嫩而不會油膩，優秀！-🔘 雞白湯拉麵 | hkd$148🔘 座銀炸雞 | hkd$58-🍽️ 食物 | Food: 4.5/5🌅 環境 | Environment: 4/5💆🏻‍♂️ 服務 | Service: 4/5💰 價錢 | Price: 4/5📝 總結 | CP Value: 4.1/5-A foodie documentation of dining experience in restaurants based in Hong Kong 🇭🇰.

已經回訪左幾次，無論日本定香港食，香港店味道都有跟足日本果邊，環境令人置身日本一樣，侍應態度幾好，坐吧枱望住廚師煮野有種享受感覺雞白湯拉麵巨大塊炸牛蒡好誇張，無論就咁食定浸湯都好食，雖然炸過但佢完全無蔬菜炸完果種油膩感，食晒成舊都無問題雞白湯永遠係心目中香港NO.1，上面有層綿密泡沫，下面嘅雞湯十分濃郁，而且飲完唔會口渴，雞湯勁足料，飲得好舒服，好似食左好多隻雞咁雞肉夠嫩，好易咬開，雞味重麵質口感彈牙，日本拉麵從來唔會令人失望，有小麥香，夠掛汁會繼續回訪

座銀 Zagin Soba認識我的朋友應該知道，我對拉麵的熱愛已經達到每週必吃一兩碗的程度。難得搵到心水的拉麵店，必定係定期幫襯。座銀就係咁，我就一唔小心變左長期回頭客變成了長期回頭客雞白湯拉麵這裡的大名鼎鼎的雞白湯拉麵超驚喜，特濃的雞白湯底味道濃郁，配上香脆的炸牛蒡，層次感非常豐富。每一口都能感受到濃厚的雞湯香氣，同時師傅也處理得非常好，就算湯頭咁濃郁都唔會有雞的蘇味。搭配著滑順的麵條，真的是讓人欲罷不能，餓起上黎仲可以追加牛蒡雞肉飯，拌入剩下的拉麵湯汁。日式炸雞另外，還點了他們的日式炸雞。用的是來自九州的雞腿肉，經過醃製後炸至外層金黃酥脆，裡面卻保持著嫩滑多汁。搭配上帶酸味的鹽和青蔥，口感更是絕妙，讓人每一口都忍不住再來一塊。