店小二

店小二 (北角)北角七姊妹道14號地下A號舖啲人一講到粵菜就覺得係傳統嘢食，但今日我真係見識到咩叫新式粵菜！店員大多數都係後生仔，裝修都好有活力。北角地鐵站B4出口對面就係！薑蔥爆鯇魚卜呢個好有驚喜，皖魚卜要煮得好食一啲都唔簡單，佢可以爆到彈牙又多汁，而且好新鮮！濃濃嘅酒香味，店員仲會喺你面前反一反，口水都留曬出嚟。萬字醬油雞聽聞係呢度招牌，用三種醬油烹飪，日本萬字醬油、 台灣醬油膏、李錦記甜豉油，調配得啱啱好，肉質嫩滑，仲落咗啲茶樹菇，醬油索到啲菇超濃郁。糟鹵蒸咸鮮馬友巨型馬友，上臺已經去曬骨，可以一羹羹咁食，鮮甜到不得了，淋滿糟滷蒸完啲魚肉好入味，我個人真係最推薦呢個餸。荷葉清酒蒸青口無沙！爆汁！呢款澳洲青口真係比起出邊啲西餐青口正超多，店員提醒熱辣辣食，點埋秘製酸辣汁，加埋荷葉嘅鮮味，無得頂。松葉蟹肉蟹味噌燴飯中意食蟹同中意食燴飯嘅都會好愛，主食嚟講，份量夠4個人食有餘，撈勻之後啖啖蟹肉，好滿足。小二迷你獅子頭獅子頭就食得多，但入邊咁大粒鮑魚真係未試過，藏寶玩法又真係有啲驚喜，雖然叫迷你但都有大魚蛋咁大粒。呢個店舖唔算特別大，但埋單嗰陣見到出邊排曬長龍，好多檯都係公司聚餐十幾個人咁，好有氣氛，位置方便得嚟嘢食有質素，推薦！…查看更多

今晚黎到北角出名既小炒店 一直想試佢既signature萬字醬油雞🐥避風塘茄子外皮炸到金黃酥脆 咬落入面嘅茄子肉軟糯 好有口感！避風塘鑊氣十足 香辣惹味 送啤酒一絕！ 🍆🔥萬字醬油雞豉油香完全滲透每絲雞肉 肉質超滑溜 醬汁甜鹹平衡得啱啱好 唔怪得係餐廳既招牌 一定要叫埋碗飯撈醬汁食🍗✨薑蔥鯇魚泡平時好少食到 鯇魚泡無腥味 超級爽口彈牙！薑蔥芡汁香濃掛汁 最中意食洋蔥配料！ 🐟💦松葉蟹肉蟹味噌燴飯每一啖飯都充滿松葉蟹肉嘅絲絲鮮甜 蟹味噌嘅濃郁鹹香完全融入燴飯裏面！係大牌檔食別食呢個飯有一番風味🦀🍚每一碟菜都好有水準好有鑊氣 仲好有份量 唔怪得平日嘅夜晚都咁多人 所以最好book咗枱先去！…查看更多

成日覺得北角呢個小區都算係美食集中地，今次我就去「店小二」，看看佢有什麼吸引之處。首先，中式的裝潢配中菜一定夾啦！好有氣氛。第二，菜式非常特別，攪到我有選擇困難症，乜都想試，肚就得咁多位，試住幾樣先啦，唯有下次再幫襯。第三，位與位之間有塊板隔住，有私隱空間。係咁～避風塘爆茄子 $128茄子🍆外沾上粉漿，令到食落外脆內軟，也焗住熱力，食落熱辣辣，蒜香味辣味都夠。雞油糟鹵蒸馬友魚 $368馬友好大條，原來是台灣來的，蒸得好滑又唔多骨，味道甜甜地又有啲花鵰酒味，第一次食這味道，驚喜又好味😋胡椒蝦煲 $298胡椒味好香好出，蝦肉彈牙新鮮，好惹味，好好食😋萬字醬油雞（半隻）$208職員介紹話用日本萬字鼓油、台式醬油膏、李錦記甜鼓油醃製調味的，甜甜地好好味啊！雞肉又滑，愛了愛了😍…查看更多

聞說係東寶廚師自己出嚟做 慕名而來一試1️⃣萬字醬油雞（半隻）$208 🤍必點靈魂醬汁 口味以甜味為主 認真品嚐之後會aftertaste帶少少酒香 有茶樹菇做底 吸滿醬油又有菇香 相得益彰雞肉嫩滑 肥瘦適中 烹調得相當恰當 2️⃣胡椒蝦煲（細）$298第一次食呢款胡椒蝦煲 超驚喜!!蝦肉新鮮彈牙 肉質爽口煲底鋪滿原粒胡椒同洋蔥 胡椒香氣好濃但唔會搶晒蝦味 反而好襯3️⃣薑蔥鯇魚泡 $198 🤍必點一上枱已經聞到好重鑊氣！魚泡處理得乾乾淨淨 完全冇腥 咬落爽口又有膠質 軟腍彈牙薑蔥比例啱晒 薑味夠香但唔嗆口 調味又唔會好似街邊小炒咁死鹹4️⃣避風塘茄子 $128惹味之選 配上淮鹽做調味 經典避風塘做法 呢個5分鐘切法厚薄均勻 好啱入口 食落軟滑又香口…查看更多

同朋友去咗北角一間超爆場嘅中菜館，人聲鼎沸，香氣四散，真係好有熱鬧氣氛！🐟 薑蔥鯇魚泡煲魚肉滑嫩，鯇魚泡爽脆彈牙，薑蔥香氣撲鼻，入口暖笠笠好滋味。煲底滲出淡淡魚鮮同蔥香，愈食愈上癮。🍤 小炒王鑊氣十足！蝦爽口彈牙，魷魚煙韌帶嚼勁，配埋雜菜同埋肉粒，鹹香惹味，層次豐富。每一啖都係香辣同鮮甜交織。🍗 萬字醬油雞（半隻）雞皮薄而帶微脆，肉質嫩滑多汁，滲滿醬油香氣。鹹香中帶少少甘甜，食落唔會過鹹，啱晒配白飯。🍆 避風塘茄子外脆內軟，茄子吸晒蒜香同辣味，口感香口又惹味。炸得乾身唔油膩，配埋避風塘炒料，真係下酒一流。…查看更多

今晚同家人去到北角七姊妹道的「店小二」食晚飯。一踏入舖頭便感受到濃厚的港式大排檔氣氛。桌椅擺設簡單實用，熱鬧卻不嘈雜，令人有種親切的街坊感。這裡主打粵菜及港式小炒。先講招牌菜「薑蔥爆鯇魚卜」。魚卜爽口彈牙，配上薑蔥爆炒，鑊氣十足，香氣撲鼻。另一道必試的「萬字醬油雞」更是心思之作，師傅用上三款不同醬油——日本萬字醬油、台灣醬油膏、李錦記甜豉油——調和出層次分明的味道。雞肉嫩滑，雞皮帶微甜，鹹香中帶點甘醇，是我今晚最滿意的一道菜式。「胡椒蝦煲」則是另一驚喜。蝦隻新鮮，胡椒香濃而不嗆喉，煲底熱辣辣，還有火在煲底保住溫度，蝦殼帶點焦香，啖啖肉鮮甜，愈食愈過癮。至於「避風塘茄子」，就將傳統避風塘炒蟹的做法移植到茄子上。炸得外脆內軟的茄子，裹滿蒜香辣味，口感豐富，配合白飯進食一流。整體而言，這裏的菜式水準穩定，火候掌握得好，鑊氣十足，真正有大排檔的風味。上菜速度快；服務員態度親切，笑容可掬，令我們感覺輕鬆自在。以這樣的水準和份量，絕對值得一試。這裡不單止是一間餐廳，更像是一個延續香港街坊情懷的天地。我們食得開心，走出門口仍在回味，期待下一次再來臨。#店小二#七姊妹道14號地下A號舖…查看更多

店員想把啤酒噴在枱上也是可以的即使噴到其他客人也是因為氣氛到了客人也喝了差不多了的時候想要氣氛噴啤酒就會被店員用不好的語氣說道這是什麼原理？！店員覺得高興的時候就可以噴酒不管客人是否介意？ 不管客人是否被酒灑了到了客人學得差不多想要噴酒^_^的時候就要被不好的語氣說道？我只是滿頭？？這是什麼邏輯？味道是不錯都是偏鹹的因為都是配酒的可是這種不是應該要客人滿意就好嗎？你店員氣氛到的時候隨便灑酒就可以客人覺得想灑酒的時候就被罵了如果本身有這種潛規則你說就好客人也知道 要不是客人不知道原來店員這樣做就可以客人做這樣就不可以那你早說啊我就不來了我希望店家一早就說了規定店員想怎麼做就可以怎麼做客人怎麼做會發了規定不能這樣的話你就不要讓人這麼高興我也不是什麼令你場地怎麼了只是跟着你們的店員噴酒 就不行了做的行為也沒有什麼不一樣…查看更多

店小二 (北角)北角七姊妹道14號地下A號舖啲人一講到粵菜就覺得係傳統嘢食，但今日我真係見識到咩叫新式粵菜！店員大多數都係後生仔，裝修都好有活力。北角地鐵站B4出口對面就係！薑蔥爆鯇魚卜呢個好有驚喜，皖魚卜要煮得好食一啲都唔簡單，佢可以爆到彈牙又多汁，而且好新鮮！濃濃嘅酒香味，店員仲會喺你面前反一反，口水都留曬出嚟。萬字醬油雞聽聞係呢度招牌，用三種醬油烹飪，日本萬字醬油、 台灣醬油膏、李錦記甜豉油，調配得啱啱好，肉質嫩滑，仲落咗啲茶樹菇，醬油索到啲菇超濃郁。糟鹵蒸咸鮮馬友巨型馬友，上臺已經去曬骨，可以一羹羹咁食，鮮甜到不得了，淋滿糟滷蒸完啲魚肉好入味，我個人真係最推薦呢個餸。荷葉清酒蒸青口無沙！爆汁！呢款澳洲青口真係比起出邊啲西餐青口正超多，店員提醒熱辣辣食，點埋秘製酸辣汁，加埋荷葉嘅鮮味，無得頂。松葉蟹肉蟹味噌燴飯中意食蟹同中意食燴飯嘅都會好愛，主食嚟講，份量夠4個人食有餘，撈勻之後啖啖蟹肉，好滿足。小二迷你獅子頭獅子頭就食得多，但入邊咁大粒鮑魚真係未試過，藏寶玩法又真係有啲驚喜，雖然叫迷你但都有大魚蛋咁大粒。呢個店舖唔算特別大，但埋單嗰陣見到出邊排曬長龍，好多檯都係公司聚餐十幾個人咁，好有氣氛，位置方便得嚟嘢食有質素，推薦！…查看更多

店小二 (北角)北角七姊妹道14號地下A號舖❤️招牌:薑蔥爆鯇魚卜酒香味濃郁，鯇魚卜入味彈牙，入口就可以感受到屬於蛋白質的膠質，薑蔥更加是不可或缺的點綴。❤️招牌:萬字醬油雞(三種醬油,日本萬字醬油, 台灣醬油膏,李錦記甜豉油)一上桌，醬油的香氣撲鼻而來，混搭不同種類的醬油並不會令雞肉過鹹和變柴。茶樹菇也是一大驚喜，雖然是浸泡在醬油之中，但完全不會覺得被醬油泡得太鹹反而帶出菇類的香氣。❤️糟鹵蒸咸鮮馬友簡單的烹調造就極致的美味。這裏必須稱讚廚師對時間的把控，這麼大的馬友並沒有蒸過頭，恰到好處，入口即化。❤️荷葉清酒蒸青口(澳洲)荷葉清酒蒸這麼新穎的煮法確實驚艷到。荷葉的香氣配搭清新的泰國秘制辣醬，對青口達到提鮮的作用。❤️招牌:松葉蟹肉,蟹味噌燴飯蟹肉香甜，比較濕潤的燴飯絕對是配菜的好搭檔。店員幫忙攪拌的時候已經很期待，每顆米粒都包裹著醬汁，十分滿足。在筷子的慫恿下，試著和醬油雞的醬汁和茶樹菇一起食用，口中完全是鮮味的盛宴。❤️小二迷你獅子頭麻雀雖小但五臟俱全，這句來形容這道菜過之而無不及。小小的獅子頭竟然藏了一顆小鮑魚，作為一頓的結尾實在是完美的句號。[IMG:2][IMG:4]…查看更多

熱氣騰騰的小炒，被「火候」兩字拿捏得死準。沒有浮誇擺盤，卻有讓人默默掃光白飯的底氣。- 蔥蒜爆鱔魚卜 先炸後爆的處理很見功夫：鱔魚卜外殼乾脆但不硬，裡層仍帶彈。滿鋪的蒜酥與豆豉把香氣拉滿，鹹鮮裡有微微回甘。唯一建議是蒜酥可再瀝油，口感會更乾爽。下酒神菜，亦是全桌最有記憶點的一道。- 荷葉清酒蒸青口（澳洲） 竹籠上桌，掀蓋是荷葉與清酒的清香。青口尺寸不算巨，但肉身飽滿，鮮甜。火候控制好，沒有過熟的韌。- 避風塘茄子 做得比常見版本更清爽：茄段外皮脆而不潤，裡面仍是綿軟多汁；蒜香與辣度偏中等，不搶戲。調味收得「乾身」，油度控制勝過不少同類。- 胡椒蝦煲 砂鍋上桌滋滋作響，黑白胡椒雙拼帶出辛香而不嗆喉，蝦殼略脆，剝開後蝦肉甜度挺高。底下鋪洋蔥與青蒜，作為配角但有畫龍點睛作用。氛圍與服務：- 非常旺場，岩哂一班朋友飲酒作樂。- 服務直接有效率，會主動提醒熱鍋注意與加湯調味。價位與性價比：- 以分量與用料計，屬親民段位；適合三四人點多兩道「小炒+煲」的搭配。…查看更多

七姊妹道嘅家庭式小館，平日夜晚都坐滿街坊。每張枱備妥乾濕紙巾，阿姐斟茶手勢快過茶餐廳，難怪外賣單接不停手。荷葉清酒蒸澳洲青口 ($238)蒸籠揭蓋荷葉香撲鼻，青口隻隻開殼肥嘟嘟。清酒蒸法鎖住海水味，點少許蒜蓉醬油吊鮮，食到尾連墊底粉絲都撈清——係新鮮先有嘅滿足感。萬字醬油雞 ($208 半隻)豉油控必試！混合三地醬油嘅秘方：→ 日本萬字鹹香打底→ 台灣醬油膏帶黏稠→ 李錦記甜豉油提鮮雞皮薄如紙，肉質嫩到骨肉自然分離。最驚喜係唔會死鹹送飯，空口食半碟都得。曹鹵蒸咸鮮馬友 ($338)原條馬友鋪滿金華火腿絲蒸，魚肉用筷子輕撥就蒜瓣狀散開。咸鮮吊出魚油甘香，連平時怕骨嘅老婆都連食三嚿：「骨少過蒸鯇魚喎！」…查看更多

週五晚上約朋友想找個熱鬧又不傷荷包的聚腳點，最後鎖定北角人氣櫃檯熱炒【店小二】。尖峰要小排隊，但翻台快，入座已聞到撲鼻九層塔香。店內走夜市風：木台長椅、牆貼密集菜式照，再配上啤酒塔與叫賣聲，氣氛熱烈。店員已快，落單後餐輪番上桌，補冰亦主動。震花雕特飲：方形酒塔附壁，每次暢飲又涼快。花雕基酒混桂花＋烏梅，酒香溫潤不謙，女士亦易入口。鹽酥雞拼鹽酥蘑菇心：雞件醃得入味，外層脆粉薄身；蘑菇心保留水份，九層塔添香，鹹香度拿捏佳，一口喝一口食極過癮。避風池爆茄子：先炸後爆香，茄子肉綿滑，蒜酥辣椒勁香，重口味之選。薑蔥魚卜煲：魚卜以為會有土腥，結果零泥味，爽彈程度類似魷魚。薑蔥、洋蔥出香後收汁，送酒一流。青口煲：大籠竹葉蒸煮，青口無腥；沾附上蒜蓉米酒汁更提鮮。四人點足五食譜加酒塔。以份量及達到極限高；接下來的量會再挑戰招牌「辣黃喉」及「椒鹽瀨尿蝦」。推薦指數：★★★★☆（適合朋友聚、宵夜小酌）…查看更多

呢晚嚟咗呢間喺北角有啲大排檔風格嘅港式餐廳食晚餐🤣麻辣鵪鶉皮蛋：鵪鶉蛋整成皮蛋幾得意，細細粒辣辣哋幾開胃🤣避風塘茄子🍆：茄子用脆漿包住外邊炸到脆脆哋，裏邊茄子肉🍆就軟熟，避風塘做法食落好香口😋雞油糟鹵蒸鹹鮮馬友魚：馬友肉質細滑，槽鹵蒸帶甜好鮮味，仲加咗啲金華火腿絲喺馬友魚上邊吊味🤣，呢條馬友魚亦都幾大條，好多肉🤣招牌薑蔥爆鯇魚卜：鯇魚卜夠新鮮又煙煙韌韌，加埋大量薑片、蔥絲、洋蔥 等一齊爆炒，夠晒香口🤣，鯇魚卜嘅份量亦都相當多🤣…查看更多

住喺附近嘅朋友介紹呢間中式小炒店好多街坊幫襯，今日經過就嚟試下😆鋪頭裝修走懷舊風，以木枱同木凳為主，好有氣氛👍🏻避風塘炒茄子香脆惹味，外脆內軟😋雖然熱氣都忍唔住係咁食😛第一次食薑蔥鯇魚泡，原來好爽口又唔腥，份量都好足👍🏻胡椒蝦煲上枱時以明火爐熱住保持溫度，蝦球已挑蝦腸，胡椒味香濃，有啲後悔剩係叫咗細煲😆小二迷你獅子頭，用得舖頭名來命名，當然係招牌菜。最驚喜係裏面竟然有鮑魚，真係第一次見😆…查看更多

餐廳係位於灣仔嘅港式新派菜館，menu上面嘅食物選擇非常豐富~今次同朋友試左：避風塘爆茄子：見好多人推薦，試完覺得真係好好食！炸得好好，外面酥脆裏面茄子軟嫩但唔會淋到爛，調味剛剛好。醬油三杯雞： 推薦！帶有麻油香氣同醬油嘅鹹甜。雞肉好嫩，雞胸都好juicy唔會鞋。炸豬大腸拼菠蘿：豬大腸中間清得幾乾净，炸完逼作d油出黎，食落唔會太膩。仲有新鮮菠蘿（唔係罐頭！）幫手解膩同埋會開胃~會再訪！仲有好多野想試！…查看更多