幸運茶點點心

好友回港探親，喺佐敦買完嘢後🛍，見到【幸運茶點點心】呢間新式點心店。環境有香港特式，而且係米芝蓮主廚主理，一於試試先🤤~🦐蝦餃、🦀蟹籽燒賣可以揀2粒或4粒，好貼心呢👍🏻~蝦餃皮大粒皮薄飽滿😍，蝦肉彈牙鮮甜!蟹籽燒賣大大粒，內餡紮實多肉😋，好足料~🦐脆皮鮮蝦腸賣相精美😍腸粉皮皮薄滑溜，微彈煙韌，內裡香脆米網皮包著滿滿鮮甜蝦肉餡料😋，口感味道豐富有層次!!!好食過傳統酒樓呢👍🏻🦐蝦多士估唔到喺新式點心店都食到🤩外層酥脆，蝦肉爽彈，多士內裡鬆軟~配上酸甜醬汁，惹味開胃😋!!✨️下午茶孖寶好抵食呢!! $46有盅飯及1款點心😍🍛鳳爪排骨飯排骨肉多惹味，鳳爪醬香軟糯，米飯粒粒分明，吸哂豆豉蒜蓉味道，好好餸飯呢~🍔叉燒包鬆軟綿密麵皮帶少少甜，叉燒餡料多多，濃稠醬汁鹹甜剛好🥰，食一個都幾有飽足感!!!🐟百花釀魚肚魚肚厚身軟淋，吸收左蝦膠鮮味，🦐蝦膠鮮甜彈牙海鮮味滿滿!!🍖陳村粉蒸排骨排骨肥瘦剛好，肉嫩有蒜香，陳村粉滑溜入味👍🏻份量十足，好友同我都食到超飽呢~…查看更多

最近係佐敦路過發現呢一間新開嘅點心舖🫖環境光猛企理座位都好寬敞💡有最傳統嘅點心蝦餃燒賣～亦有新式創意點心等等，點心種類選擇都非常之多✅聽聞由兩位米芝蓮星級廚師主理👨🏻‍🍳點心都係即叫即蒸保證新鮮非預制🔥到點心上枱都幾有驚喜～份量都好足！而且定價亦都很親民👍🏻係可以再次回訪嘅點心舖。特別係個焗叉燒餐包好好食😋❤️重點係開到凌晨⚠️啱晒夜鬼搵食可以去食個點心😆～🔸水晶蝦餃 / $17（2粒）透明的餃子皮包裹著新鮮蝦仁，口感滑嫩，鮮蝦餡料很鮮甜爽口🔸鮮蝦燒賣 / $17（2粒）傳統的燒賣，內餡用料很足，鮮香十足又爽口！🔸鮮蝦腐皮卷 / $30炸過的脆腐皮很脆口！包裹的鮮蝦餡料亦是很爽口！外脆內嫩！🔸櫻花蝦蘿蔔糕 / $22有淡淡的櫻花蝦香氣～口感很綿密，鹹香的蝦味與蘿蔔的清甜很融合。🔸荷葉籠仔鴛鴦腸排骨飯 / $48性價比的籠仔飯用料十足！荷葉的香氣滲入米飯當中，排骨多汁，臘腸潤腸很惹味！🔸脆皮鲜蝦腸 / $35外皮酥脆的腸粉，內藏鮮蝦，口感對比鮮明！酥脆內嫩！🔸脆皮焗叉燒餐包 / $30呢個脆皮焗叉燒包出色！香甜的叉燒包，外皮金黃酥脆，內餡很多汁！🔸蒜香拍青瓜 / $28清爽的青瓜拌以蒜香醬料，口感脆嫩，蒜味濃郁，既開胃又清新。🔸茗茶每位 / $7…查看更多

幸運茶點點心 📍：香港佐敦廟街239號地下D及E號舖🚗：佐敦地鐵C2出口 步行5分鐘📞：+852 2328-0309💲：~HKD100/head for dinner Food quality✔️：小籠包、鮮蝦腐皮卷、脆皮鮮蝦腸、蕎麥👌🏼：煎釀虎皮椒、燒賣、鳳爪排骨飯、蝦餃總結：😋夜晚唔想去酒樓但又想食點心嘅好選擇 呢間位於廟街由前米芝蓮主廚🧑‍🍳主理嘅點心舖就啱哂 價錢超抵食 由$17-$45任君選擇 點心新鮮性價比之選😋整餐最驚喜就係脆皮鮮蝦腸 薄皮嘅腸粉包住好酥脆嘅蝦肉春卷 雖然被包裹著但仲係好脆身 配甜豉油正👍🏼😋另一樣必試就係鮮蝦腐皮卷 熱🔥辣辣上枱 又係炸得好脆 腐皮又唔會包太厚 餡料都係鮮蝦 炸嘢其實剛炸好上枱就好食 冇得輸😋小籠包一客3件 每舊嘅湯汁都好多 而且好熱要小心👀辣親 皮算薄摺子都包得靚 師父功架一流🤔煎釀虎皮椒實在係辣上加辣 虎皮椒本身夠辣 釀嘅鯪魚肉都辣 辣🥵味人士必試🤔燒賣同鳳爪排骨飯就正常發揮 蝦餃皮太厚冇咗水晶皮效果😣🤔茗茶有普洱 蕎麥 香片同鐵觀音揀 夜晚🎑飲茶嘅朋友建議叫蕎麥 幫助消化 穩定血糖同清涼退火 重點係唔太濃 唔會過精神瞓唔到 加上食完點心又解膩🤔環境非常光猛 茶記格局服務再好啲 一開波洗碗碟收嘢都快手👏🏼…查看更多

夜晚想去飲茶，去呢啲點心店就啱晒，唔使出去酒樓都食點心，本色質素都一樣好㗎，呢間仲有前米芝蓮主廚主理，保證點心香港現場製造，有質素保證。蝦餃2隻呢度有得嗌兩隻，啱晒我哋兩個人食又想試多啲點心款式。蝦餃真材實料，蝦肉爽口，大大隻。燒賣2隻燒賣好食，蝦肉同埋豬肉比例啱啱好，爽口結實，仲有冬菇嘅香氣。脆皮鮮蝦腸呢個腸粉好好食，滑溜溜嘅爽滑腸粉包住酥脆酥脆嘅米春卷，餡料係豐富嘅爽口蝦肉，好有層次口感，沾上甜豉油食，一流。米網春卷仲要放咗一輪俾腸粉包住都仲可以保持脆度，勁。蝦多士蝦多士唔係好多點心舖有得食，呢度竟然有。炸得金黃酥脆，蝦多士上面仲配上少少豆瓣醬，好惹味。燒汁釀茄子茄子好厚身，軟滑軟滑感，中間嘅魚肉都好真材實料，唔會係薄薄一片，配上燒汁好好味，如果再加上一啲木魚絲更加好。奶黃流沙包奶黃好香濃，包好軟熟，流沙效果超級好，就算放涼咗一陣，都可以保持流沙嘅效果，食嘅時候要小心噴出嚟。煎蛋牛肉飯牛肉餅好味，加咗爽口馬蹄同埋惹味嘅芫荽，唔會話溝咗好多肥豬肉好膩，配上煎蛋同埋蒸飯必備嘅甜豉油，又係食到舔舔脷。…查看更多

位於佐敦的新式點心館。一向都很喜歡食點心，但傳統酒樓的晚巿通常都沒有點心供應；因此下班後如果想食點心，只可以選擇這些新興起的點心館。當日下班後，路經佐敦這間餐廳，門面企理又光猛，餐廳裡面卡位很多，空間寬敞，用餐舒適，因此就決定嚐一嚐這一間的點心了。⋆_____ᴛᴏᴛᴀʟ ᴏʀᴅᴇʀ______⋆✿ 小籠包 $28皮薄汁多，一咬下去湯汁爆開，鮮美得讓人滿足。.✿ 四寶滑雞扎 $30雞肉嫩滑，四寶配料豐富，口感層次分明。.✿ 芋絲春卷 $22外皮薄透如紙，輕輕一咬，芋絲清爽脆嫩，香口惹味。.✿ 櫻花蝦蘿蔔糕 $22櫻花蝦的鹹香與蘿蔔糕的軟糯配合得剛剛好，煎得外脆內軟。.✿ 燒汁釀茄子 $26茄子軟腍入味，燒汁濃郁，魚肉很大件，很真材實料。.✿ 蝦多士 $32外酥內嫩，蝦肉彈牙爽口，配上香脆的吐司，這個私心很推薦。.✿ 韭菜魚蓉蓮藕餅 $32煎得香口香脆，蓮藕粒增添爽脆感，魚餅調味不錯，充滿家鄉風味。 .✿ 鳳爪排骨飯 $28份量十足，鳳爪軟糯入味，排骨肥瘦適中，配飯簡直完美。…查看更多

呢間點心店，其賣點是”有兩位米芝蓮星級廚師主理”、”本地現場製作”、”即叫即蒸，拒絕預製”，似乎有點質素保證。茶方面，除了有平時可點的普洱茶和香片茶等，這裏還有蕎麥茶、檸檬茶和薏米水類飲品。入店試試點心：蝦餃、牛腸、叉燒包、菜心、小籠包、鳳爪排骨飯和鯪魚球，點心味道唔錯，上枱時均熱辣辣，個人最欣賞係碟油菜，菜的顏色望到都已經覺得係新鮮，菜莖食落爽脆，不帶苦味，份量亦不少，讚！另外，飯類亦令人滿意，係粒粒分明的，與排骨的肉和汁一起食，啖啖美味😋店子自己調的豉油都幾好味，帶點甜味，點菜都夾。食物落單後即叫即蒸，要點時間才能上枱，但可以食到熱辣辣的點心，值得等待。個人覺得食物質素合格有餘，環境和價錢均親民，值得支持！…查看更多

發覺呢類型既點心舖頭仔有時真係幾高質😋今次試咗佐敦呢間 所有嘢夠哂熱辣辣 好加分✨🦐水晶蝦餃：蝦餃外皮做得好好 夠薄夠煙韌 蝦肉飽滿彈牙🥬鮮蝦菜苗餃：菜苗份量好足 充滿鮮甜味 亦食到蝦既彈牙口感 🐮黑椒牛仔骨：超濃郁惹味之選 每舊都有厚厚既肉 好滿足🐣四寶雞扎：每舊都大大舊 好脹卜卜 芋頭夠哂粉 鹹香鹹香🐷脆皮焗叉燒餐包：每一粒都脹卜卜 外皮夠哂脆 蜜汁叉燒餡夠飽滿 🥚奶黃流沙包：流沙餡做到蛋黃沙沙既口感 亦好濃蛋黃香味🦐鮮蝦腐皮卷：新鮮熱辣炸起 外層腐皮炸得好金黃鬆脆整體黎講 呢間餐廳性價比好高✨環境好唔錯 價錢亦好親民 食物又好食 掂啊😋…查看更多

朋友叫佐敦食點心，見這間新開好評這麼多，便二話不說黎試下。甫坐下便看見牆上的油漆畫作，將維港的日與夜收了進店，好一個有心思的作品。小店冷氣強勁，要有外套準備。下午茶時間有孖寶點心選擇，兩個人分別叫了一飯一粥。點心全部即叫即做，鹹水角上碟熱辣辣，煎蛋肉餅飯飯粒分明，不會過爛。皮蛋瘦肉粥都不錯，期待韭菜蓮藕魚蓉餅，略為欠魚味及蓮藕不夠爽脆。蒸點叫了蟹籽燒賣及菜苗餃都合格，還有很多點心今次沒試到，這間性價比可以，下次可以叫多幾個朋友來試多幾款。…查看更多

✨佐敦廟街想食中式點心，「幸運茶點點心」是一個好選擇，這裏地點方便，點心即叫即蒸，全部上檯熱辣辣出晒煙。***** ***** ***** ***** *****同朋友揀選咗8道點心。燒賣-大大粒好味😋鮮蝦菜苗餃🥟-皮薄口感好陳村粉蒸排骨-啖啖肉滑嘟嘟鮑魚糯米雞🐔-材料有鮑魚超抵食鮑汁鮮竹卷竹🥓-味道豐富煎釀虎皮椒-煎得金黃色好靚皮蛋瘦肉粥🫕-皮蛋味夠香濃，粥底軟綿五香芋絲春卷🫔-脆卜卜無得彈茶位每位$7，點心有水準媲美大酒樓，地點方便，又唔使加一服務費，難怪人流不斷。…查看更多

試新店~幸運茶點點心~廟街對面惠康轉彎幾日前無意中發現依間舖，上網搵到資料今日同阿媽試下。環境唔太舒適坐得唔多舒服，店員服務都有善有禮，食物還可以但以佢嘅賣點之一~米芝蓮兩位廚師主理又好似誇咗啲😅其實主要想試蝦多士但幾油~不過都正常嘅麵包一定吸油，但就唔鍾意佢面頭隻醬囉~唔多夾！其他食物都同外面差不多，冇太大評價。…查看更多

Serving dimsum in the hustle and bustle of Temple Street, I would have assumed that each dimsum dish would be served very quickly. But you need to be semi patient when dining here as they steam each dimsum fresh for you - which is exactly why I thought this place was so good! Everything was served piping hot :) I guess it is not a shocker as it is owned by two Michelin chefs. My favourite was the steamed rice in lotus leaf, as the flavours of the lotus leaf was really present in the rice! I also really appreciated the fact that you could order the hargow and siumai as portions of 2, as it gives room to try more variety of food 😝 I also had to order their baked charsiu bao as this is honestly one of my favorite dishes!! We left with very full bellies and it was only $90 per head! Be sure to go for early dinners though, as the queue starts forming at around 7:30pm. …查看更多

食完點心包幸運🤫係呢兩個米芝蓮星級廚師話嘅 咁我可以放心食啦～～估唔到而家啲點心款式多咗咁多🤣係咪我太耐冇食點心了傳統蝦多士個多士維持個趣度，真係好似啱啱看出來嗰啲西多！仲要夾埋隻蝦上面有啲甜醬嘅味道蔥花炸兩腸估唔到係粥店以外都食到炸兩 個炸兩又係勁脆，加埋個腸粉皮👍🏻超正煎釀虎皮椒呢個真係Tricky真係估唔到佢邊隻辣邊隻唔辣😂真係要噴住火先煎蛋牛肉飯平時聽開都係窩蛋牛肉飯 估唔到今次個飯真係用平時食嘅牛肉球 轉左個上菜款式即刻覺得新穎左順德鯪魚球出名都知順德鯪魚球靚仔好食 估唔到佢取代咗傳統牛肉球嘅地位 就咁望落都幾似樣生煎花枝餅呢個絕對係扁咗嘅墨魚丸🤣食完先知道佢係咩 不過好在佢都幾彈牙而唔會好粉仲有蝦餃燒賣一定唔少得 最鍾意佢個紅棗糕 真係即叫即蒸出到嚟仲要好軟熟招煙靭勁有口感（大眾點評打卡可以送好鍾意佢裝飾個background 有維港景同埋渡海小輪 另外仲有一盅兩件 真係啱晒香港人口味 食食吓都覺得呢度好香港😆…查看更多

幸運茶點點心 廟街附近新開左間新式點心店, 有卡位大枱, 定價唔算貴茶位$7, 四款茶分別是普洱、蕎麥茶、香片同鐵觀音茶, 枱上張墊枱紙有寫各款茶功效蝦餃/燒賣 2粒 $17 前者皮薄. 後者有蝦肉餡冬菇鳳爪排骨飯$28 飯濕左dd, 鳳爪同排骨正常發揮鮑汁鳳爪 $36個鮑汁都ok鮑汁鮮竹卷/金錢肚 $23兩者較欣賞金錢肚, 彈牙. 調味週中叉燒腸 $28腸粉入面係切粒叉燒 霸王花玉米排骨燉湯 $38湯幾足料, 飲落有滋補感覺. 唔錯牆上仲有好香港嘅壁畫都幾靚…查看更多

今日經過廟街，俾呢間點心店吸引咗入去。佢晚市時間都算人多。相信因為佢嘅點心好好食， 而且價錢合理。🥢鮑魚糯米雞糯米雞內真係有原只鮑魚。而且有好多其他配料。真材實料， 實屬抵食之選。🥢蝦多士多士上面有一層厚厚的蝦膠， 炸得非常香口， 配埋下面的多士。實在是天作之合。🥢蝦餃 燒賣佢可以叫小龍， 每籠只有兩隻， 適合人少時享用。蝦餃燒賣都新鮮大粒。🥢叉燒腸叉燒份量好多， 皮薄餡靚。🥢蛋白杏仁茶最後叫咗個蛋白杏仁茶， 裏面有好多蛋白， 杏仁味亦好香濃。以甜品終結完美的一餐。特別一提， 呢間點心唔收加一， 只收每位茶介7蚊， 兩人食到好飽都唔過200蚊， 實屬性價比高既點心餐廳。📍幸運茶點點心📪廟街239號地下D及E號舖#佐敦美食 #佐敦點心 #香港美食 #性價比高點深 #糯米雞 #蛋白杏仁茶 #廟街美食…查看更多

幸運茶點點心．即叫即蒸抵食到震講起飲茶，好多人都諗起連鎖酒樓嘅一式一樣點心，但今次喺佐敦廟街搵到呢間「幸運茶點點心」，真係有驚喜！冇加一服務費，價錢貼地，仲要即叫即製，食物水準拍得住大酒樓，真心想同大家分享下。蔥花炸兩腸，腸粉皮薄透光，入面嘅油炸鬼仲係脆卜卜，一啖咬落去「索索聲」，蔥花同甜豉油嘅配搭恰到好處，唔會太鹹，食到最後一件都冇變淋鮮蝦菜苗餃同蝦餃係我每次飲茶必點，呢度絕對冇失手。蝦餃皮晶瑩剔透，一啖咬開，成隻爽彈鮮蝦喺口入面跳舞，仲有少少筍粒添！菜苗餃就更清新，菠菜同蝦仁比例啱啱好，食多幾件都唔膩。潮州蒸粉果係驚喜之作，外皮煙韌，餡料有花生、韮菜、肉碎，味道層次豐富，仲帶少少胡椒香，唔似得坊間一patpat咁，乾爽得嚟又juicy，正！叉燒包睇落普通，一撕開熱氣騰騰，叉燒餡唔會過甜，醬汁濃郁，包身鬆軟唔黏牙，似細個嗰種味道。金錢肚同鳳爪排骨飯係另一個高潮！金錢肚炆得夠淋又入味，唔會韌到似擦膠，醬汁香濃好好送飯。鳳爪排骨飯即叫即蒸，米飯吸晒鳳爪同排骨嘅精華，鳳爪一啜就骨肉分離，排骨嫩滑冇雪藏味，一個人KO一盅完全冇難度。成餐飯食落，每樣點心都感受到米芝蓮師傅嘅用心，而且價錢真係好抵，兩個人食到捧住個肚都係二百蚊，仲要冇加一，好有誠意食左乜：1.蔥花炸兩腸2.鮮蝦菜苗餃3.蝦餃4隻4.潮州蒸粉果5.叉燒包6.金錢肚7.鳳爪排骨飯餐廳：幸運茶點點心地址：佐敦廟街239號地下D及E號舖…查看更多