幸福海南雞

勁嘔心慎入！！！！！！勁嘔心慎入！！！！！！勁嘔心慎入！！！！！！叫口水雞外賣回家食，食食下發現有舊黑媽媽野，撩起一睇，係隻小小強啊🪳頂！！！！！大家幫襯呢間野要三思，雖然知道出街食唔會乾淨得去邊，但真實見到蟑螂係自己嘅飯盒入面，真係勁嘔心咯！係咪應該要報食環處去處理🤦🏻‍♀️真係想扣喉嘔返出來！！！！！！！第一次食外賣遇到有小強，呢間野環境清潔真係唔方好得去邊，唔會再有下次幫襯機會！！！！…查看更多

星期五放工已晚🌙, 簡簡單單食 個獨食一人套餐($70). 套餐可以揀招牌海南雞飯雞、炭燒豬頸肉飯豬🐽、魚香肉餅飯、秘製香滷元蹄飯或藥燉肉骨茶飯。我揀了招牌海南雞飯, 每件雞都起咗骨頭, 啖啖雞肉且肉質鮮嫩滑溜, 配上黃薑雞油飯, 更美味可口😋. 如果想更惹味, 可蘸甜醬油, 辣醬和薑蔥.套餐附送住家老火湯, 冬瓜薏米紅蘿蔔湯, 碗湯材料十足, 清甜美味, 再加埋蠔油生菜, 份量十足夠晒飽.最後叫了杯檸檬蜂蜜綠茶作為今餐完美句口. 抵食！…查看更多

.#foodie #hk #hkfoodie #HTB美食推介【大角咀尋找幸福｜家庭四人套餐試盡美食😋】🐨家庭四人套餐 $330推薦度：⭐️⭐️⭐️⭐四人套餐包括招牌海南雞一隻，肉質順滑，食到幸福感覺🥰另外自選兩份主食，煎肉餅外脆內軟味道香濃，高質之選；豬頸肉，保持肉質多汁，不過就冇乜炭燒香味....仲有蠔油青菜，普普通通，但就可以平衡到，唔會淨係食肉健康啲🤣唯一覺得油飯特別失色，冇咩油香味...同埋，米飯偏硬....試埋熱情果四季春茶，熱情果味就唔係特別飲到，但係四季春味道好突出，有回甘感，唔錯～-----☼-----☼-----☼-----☼-----☼-----幸福海南雞📍地址：大角咀大全街6-20號大富樓地下A5號舖🐨推薦度：😋😋😋😋/5 💰人均價格：$50-100🪸環境：👾👾👾🗣️服務：👍🏻👍🏻📸食物打卡度：💡🛠️分類：#HTB大角咀 #HTB新加坡菜 .#大角咀美食 #大角咀 #新加坡菜 #海南雞 #煎肉餅 #豬頸肉 #美食推介…查看更多

今次去呢間專做海南雞飯既餐廳係間小店黎，佢舖頭唔大而且冇分店，經開就入去試下😏我地雖然二人同行，但一致認為都係一人套餐最岩食，所以我地兩個都同樣叫左獨食一人餐（$70），佢包括有海南雞一份，個雞都唔細份架，整得幾滑，不過其中一個既就生左小小，三色醬我比較鐘意個辣醬，另外兩款冇咁突出，個油飯我覺得就失色左小小，唔知點解冇乜油香味😗套餐仲有住家老火湯，我今日飲既就係冬瓜薏米湯，唔知佢係咪日日唔同，呢碗幾好飲，仲有一份今日青菜，就係蠔油生菜黎，冇乜特別😆跟餐佢包一杯野飲，仲要冷熱同價，幾好，我地一杯叫左熱四季春綠茶，同一杯檸檬蜂蜜紅茶，兩杯都味道都唔錯，不過下次我就唔叫小甜，淡左小小，正常甜會再好飲d😋我覺得$70有個咁豐富既餐，仲可以叫多飯，真係幾抵食，仲要佢係整得唔錯，如果油飯多d油香就真係perfect👏🏻👏🏻…查看更多

一直聽聞呢間小店「幸福海南雞」味道唔錯，今日朋友過開嚟話要試吓就試咗佢個二人餐。套餐包括半隻海南雞，一個主食（4選1）我哋揀咗豬頸肉，一碟油菜，兩碗湯同飯，再包2杯飲品。雞肉算滑，可惜完全冇雞味，豬頸肉雖然似燒過，但入面完全冇焦香，唔韌係唯一可取之處，有啲失望，不過分量算多，滿滿一碟。飲品我哋加咗15蚊轉特飲，朋友揀咗青檸薄荷梳打，我揀咗金鑽鳳梨特飲，可惜我嗰杯唔夠凍同味道偏甜。整體嚟講，二人餐如果唔大食的話，三個人都夠食，不過味道只算一般。…查看更多

大角咀食肆林立，但胃只有一個，每次都戰戰兢兢的走入一家餐廳，生怕浪費一次 ‘’quota‘’，幸好這次走對了，好幸福啊！麻雀雖少、五臟俱全。店子不大，選擇卻不少：海南雞可以選擇脾、胸、有皮、冇皮、去骨。湯是真的無味精但有好多紅蘿蔔和冬瓜，如果可以飲多碗唔飲餐茶我都願意😆，餐茶選擇亦不少，天氣炎熱，點了杯少甜的百香果四季春茶，好 refreshing。小店老闆和員工亦像相熟的老朋友般，親切和藹，滿滿的幸福！🥰🥰…查看更多

住大角咀咁多年，都係第一次來幫襯。聽講為了街坊，三年都無加價，老闆亦係親力親為，真係有心。二人套餐份量好大，食唔晒要打包拎走；湯清甜，雞好滑，元蹄好入味，好好食。推薦！…查看更多

而家市面上嘅海南雞專門店開得越黎越多🤣 今次呢間門面比較溫暖舒服既感覺睇落不錯👍🏻 口味食落就冇乜太特別 海南雞以外既菜色更加係一般般 質素平均同茶記無分別 特別黎試不用了👎🏻⭐️ 招牌海南雞飯 🍗整體雞肉入口偏油同埋偏肥🥴 現成既豉油辣醬同埋薑蓉口味比較單調🌶️ 雞油飯只有油而欠缺雞香🍚 清湯更加平平無奇⭐️ 藥燉肉骨茶飯 🍲湯底好似水咁似係料理包煮出嚟😠 完全欠缺藥材香同火候🔥 排骨乾爭爭唔入味🍖…查看更多

之前睇過呢間海南雞好似唔錯咁，諗住好耐冇食過海南雞，就來試試佢啦~點知水準只係一般般🤷‍♀️去到餐廳係六點三左右，餐廳都爆爆地場😳不過餐廳唔算大，兩邊擺晒枱，中間一條走廊仔咁~坐低個陣，staff話可以自己掃qr code落單，都可以畫餐牌落單~不過佢話qr code會快D，所以我地直接掃code落單了😂我地揀左🐔招牌海南雞飯、🐷碳燒豬頸肉一人餐、🦐泰式蝦餅~等左一陣，食物就到了，都算幾快👍🐔招牌海南雞飯 ($58)海雞份量幾多，都夠滑~🍚油飯好大碗，幾清爽😳🥕冬瓜紅蘿蔔湯幾好飲，無乜味精~🐷碳燒豬頸肉一人餐 ($70)因為想要杯野飲，計過數一人餐抵過淨叫野飲，就叫了😂獨食一人套餐包一個🥬菜同🍹飲品~🐷豬頸肉份量都幾多，不過味道上……味淡，食唔出炭燒味，要點汁食🤦‍♀️質感上都冇豬頸肉應該有嘅爽勁🤷‍♀️今日個菜係🥬生菜，跟蠔油上，正正常常~湯同飯同上面一樣~🦐泰式蝦餅 ($33)一份四件，幾香口😋不過有D薄身🤦‍♀️朋友同我都覺得以呢個價錢可以多一兩件😂🍵熱情果四季春茶熱情果料幾多😳杯茶好清新，幾好飲👍最後埋單 $161，冇收加一~食物質素一般般，唔算特別出色~服務正正常常，男staff講野大聲，不過幾有禮貌😂…查看更多

位於大角咀的一間小店，門面有大大隻字寫著海南雞，身為被人說我和雞有仇的人(因為我真的很喜歡吃雞)，決定一試這間「無味精」「無色素」「無防腐劑」「無添加」海南雞飯店。____招牌海南雞飯 HKD $58海南雞色澤吸引，份量足夠，有三種醬汁（蔥油，泰式辣醬，甜醬油）沾雞肉。雞肉吃上去口感特別，有慢煮雞胸肉那種軟滑的感覺，都不錯。油飯不是我想像中那種油香味，相對清淡。秘製香滷元蹄飯 HKD $58元蹄即是豬手，豬手炆得淋，肉質軟軟，不錯。有啖啖滷水香，味道偏清，適合吃得比較清淡的朋友。而每一個飯餐都配有一碗老火湯，老火湯足料，好飲。評價：🏠 家的感覺💛 支持小店⏱ 快食之選推介指數：❤️❤️❤️（五個心心為滿分）___地址：大角咀大全街6-20號大富樓地下A5號舖…查看更多

呢間食店位於大角咀嘅平民食街，一到週末好多人嚟呢頭搵食，相信係為咗唔使成日食大商場連鎖店同搵吓有無好味嘅隱世小店。今次嚟到「幸福海南雞」，叫咗兩個一人套餐，性價比高！「獨食一人套餐 」$70🐣海南雞+ 油飯+住家老火湯+青菜+凍蜂蜜四季春綠茶是日老火湯係紅蘿蔔冬瓜湯，湯入面仲有薏米，無添加味精。油飯唔算太油膩，海南雞無骨，一口咬下，軟嫩油香。一碟份量唔算少，仲有隻雞翼，呢個價錢嚟講，幾抵食架。🐷碳燒豬頸肉+ 油飯+住家老火湯+青菜+凍蜂蜜四季春綠茶碳燒豬頸肉烤得剛好，周邊脆口而肉質爽滑彈牙，點埋泰式酸辣汁食，惹味可口。如果大家都係另外有叫海南雞，可以試埋點海南雞嘅醬汁。幸福嘅感覺，源自於「家」。有家常菜風味嘅小店，令無得食媽媽煮嘅餸菜都有家嘅感覺，啱晒唔煮飯嘅無飯年輕小家庭。🐻評分：🐻🐻🐻🐻4/5…查看更多

今晚難得自己一個出嚟搵嘢食，諗住喺大角咀附近睇吓有咩小店好食。喺食肆林立嘅大同新村，見到一間食海南雞嘅小鋪，見人少少一於一試！好抵食，一人餐$70，價錢睇落少少貴，但係已經包含四樣嘢 - 一個餸連白飯/油飯、菜、煮家靚湯、指定凍/熱飲一杯。平時出去食飯要叫齊幾樣野又點止$70！？#豬頸肉：皮脆可口😍，中間爽嫩，略嫌邊位唔夠肥，燒得脆會有少少乾😅#油飯：色澤均勻，又唔會太油，足料勁大碗🍚#生菜：雖然跟餐，但並非只有伶仃幾條👍🏻#湯：雪耳紅蘿蔔湯，足料鮮甜，唔係就咁多水嘅味精湯，有湯渣🥕食之外仲飲得出係好似屋企煲嘅湯一樣濃郁！#凍蜜糖綠茶：真係飲得出唔係糖水係蜜糖味呀！…查看更多

幸福海南雞啲海南雞好滑啲粥亦都好好味😋😋成家一都讚好味😋😋好味椰汁紅豆冰超級甜和百香果汁啲湯好豐富早餐啲油飯好嘢未檸檬水好味檸檬唔係好酸海南雞配料好好味喎…查看更多

主打幾款菜式既海南雞店　系老區都系做翻啲街坊客餐牌配搭都好簡單同豐富下5款既菜式　有海南雞　肉餅　豬頸肉同豬手仲有自家煲既住家湯　雞頭骨去煲　按翻時令去加啲菜料餃落去個陣系好有菜味　雞既香味都系入面叫左個好基本既海南雞飯　雞肉都好嫩滑　加翻少少薑蒜去調味就會更惹味　鍾意既加翻個辣醬　會開胃啲油飯份量好多　食落無乜油膩　但有少少濕濕地食落口夾翻個雞就會剛好　無咁乾身　滋潤翻…查看更多

買外賣唔知食咩好嘅話，多數都會食海南雞飯。雖然大角嘴有好多唔同選擇，但最鐘意都係‘幸福海南雞’ 🥳 晚市外套9折，$52 有海南雞飯+住家老火湯海南雞 🐤冇骨啖啖肉，😋雞肉好嫩滑，雞皮爽得嚟仲有唔肥，中間仲有層雞汁啫喱🙊雞嘅份量都幾多，有成1/4隻附送3款醬汁，包括黑醬油、薑蓉、泰式辣汁，薑蓉最香👍🏻油飯個飯軟硬適中，而且熱辣辣，好香住家老火湯個湯好甜，材料有紅蘿蔔同冬瓜整體好味無伏，而且份量充足！推介😋…查看更多