平昌

營業中

休息中

-🍴🍽🍴🍽🍴🍽🥩🥩🥩🥩🥩🍴🍽🍴🍽🍴🍽平昌燒肉出名難book，所以難得book到真係超期待！雖然枱同枱之間比較逼，但感覺更加有氣氛🫣！我哋就揀咗世子御膳餐，總共有104款食物提供，除咗肉類之外仲有多款海鮮，飯麵，同小食選擇添😋。🥩世子御膳餐 $318 (星期一至四17:00-23:00 任食2小時)🥢牛前胸腹肉🆙牛前胸腹肉纖維跟筋膜較多，濃郁嘅牛味，好適合用嚟韓燒👍🏻。🥢T骨牛排 🆗比較少係燒肉店食到T骨牛排，可以同時品嚐牛柳同西冷兩種唔同口感嘅肉。牛柳口感柔軟，脂肪含量比較少。相反西冷更有咬口，牛味更重😋。🥢香草雞柳 🆙雞肉肉質嫩滑，咬落有陣陣香草味，風味獨特，大大提升咗肉質鮮味🤩。🥢魷魚🆙魷魚喺其中一款我最鍾意嘅食品，口感彈牙而且燒完個邊脆脆地仲有啲微焦味，值得encore🤤！🥢半殼扇貝🆗扇貝口感豐富，肉質鮮嫩多汁，好有咬口，同時佢嘅鮮味都好突出👍🏻。🥢脆炸一口芝士🆙脆炸一口芝士嘅芝士香味相當濃郁，外層脆卜卜呈金黄色，內裏嘅芝士軟滑呈流心形態，超級邪惡，令到我忍唔住落咗三次單😍！🥢水冷麵🆙水冷麵嘅冰湯夠曬涷，湯底味道清清地，而蕎麥麵好就有咬口。食完熱辣辣嘅韓燒可以食番碗水冷麵解膩同降

之前諗住同朋友食韓燒，見到平昌好評如潮，於是提早book定位，今晚到達時，見到餐廳內坐無虛席，慶幸自己一早已經book好位，接待我們的是一位韓國人，另外餐廳內牆上有不同種類的韓國插畫，令人頓時置身於韓國。我哋選了世子御膳同大君御膳，食物種類都頗多，有熟食，有雞，有豬，有海鮮，而且落單10分方便，只需把該款食物的號碼填在板上交給服務員，食物亦都很快送到。把落單版交給服務員後大約5分鐘左右食物就送到，非常快，我們叫了你好牛前空腹肉，護心肉，辣豬梅肉片，還有蝴蝶蝦伴他他醬，芝士腸。另外我們都叫了一些熟食，脆炸1口芝士，紫菜粉絲卷，醬油鵪鶉蛋，魚糕湯， 味道10分唔錯，值得再試。另外值得一讚的是服務員態度良好，當我們燒版焦了，他們會立即幫我們換新的，10分貼心。

幫襯開旺分店，一向都難卜位。今日同fd轉來樂富呢邊試吓。呢間分店環境寛闊，裝修幾特別，牆上有韓國漫畫，幾得意。我哋點了大君御膳，店員先上生菜籃發爐邊蛋，前菜有泡菜及大豆芽。好喜歡呢2款前菜，Refill咗幾次！先點了熟食海鮮煎餅，煎得好香好好食。再點了幾款肉類，牛舌，調味烤牛肉，肥牛片，五花腩，雞翼等等。推介雞翼，腌得好夠味又唔會太咸，慢慢燒可以燒到皮脆內嫩。另外五花腩同豬頸肉都十分出色👍🏻尤其是豬頸肉，少少肥容易燒到焦香。海鮮點了青口，半殼扇貝，魷魚及調味鰻魚。幾款好好食，半殼扇貝燒到有湯汁好鮮味。飲品都是自助，都有多款選擇，很好～另外想讚一讚呢度服務員主動有禮，留意到我哋鐵板開始痴底，會主動幫我哋更換。埋單每人$251連加一，120分鐘任食，食得開心❤️性價比高！

今日同朋友放工經過兆萬中心見到呢間平昌燒肉放題！大家都覺肚餓就上去食過飽！😋😋😋環境：旺角兆萬中心搭𨋢直上13樓，一出𨋢眼前已看到韓式燒烤型格嘅裝修！ 圓筒型嘅座位方便實用，內裏更可放私人物品！價錢： 今次揀咗世子御善$318加一，可以同時揀埋大君御善餐牌，有多些食物款式任揀！😋😋😋😋😋😋😋😋😋😋韓燒食物：嚴選牛舌、牛肉眼、肥牛片、牛肋骨肉和雞軟骨等……真係超級好味！仲有海鮮類：大大隻蠔、大蜆及厚厚嘅帶子任食，好容易回本呢！全部新鮮運到，第一時間燒埋確一流！👍👍👍👍👍👍👍👍👍熟食食物： 熟食也多選擇！成碗酸酸甜甜的韓式水冷麵食曬，夏天食十分開胃，加埋碗紫菜飯……認真飽飽！😅😅😅😅😅😅😅😅除燒肉外餐廳仲有特製嘅~醬油蝦、醬油蟹及醬油鵪鶉蛋，味道確不同！好味到一次過食咗八隻蝦🦐🦐🦐🦐🦀🦀🦀🦀🥚🥚🥚 韓式炒年糕終於出場！🥘🥘🥘🥘🥘雖然店內座位滿曬，但店員非常主動為客人換上新燒鐵板！送食物及收碟快速，值得一讚！💯💯💯💯💯💯💯💯💯💯💯💯總結：食物正！選擇多！😍🥰😍🥰😍

臨近中秋節，想同朋友搵間有氣氛d既餐廳。見到呢間人流好旺既韓燒，又係韓國人問既，一於試下。呢到分左三個set ，分別係大君、世子同國王。普通既大君餐已經有好多野食，今次我地叫左世子set。一坐低，staff好快為我地上大配料，有泡菜、芽菜同生菜。泡菜係夠酸夠爽，用黎包肉一流。想要食既肉就需要寫係板白仔上面，然後飲品係需要同雪櫃拎。食物方面，真係好多選擇，牛有牛舌、牛胸腹同西冷等。豬有五花腩、護心肉等等。肉類之中，比較中意食牛同豬醃肉，夠曬入味淨係食肉邊到夠嫁，仲有海鮮，帶子、蝦同蠔等！海鮮之中，最欣賞就係石蠔，唔洗仼何調味，都食得出鮮味除咗以上嘅食物種類，仲有其他料理選擇，有我最鍾意既魚糕湯同炒年糕基本上每樣試少少，已經飽到上心口！如果鍾意款式多既朋友，真係可以黎試下

連續幾日假期梗係要食返餐好😍朋友帶咗我去旺角有一間食韓式燒烤肉放題🤤🤤一入到去，見到有幾幅牆壁嘅風格，有好多Q版人物，都代表到韓國🇰🇷食緊燒肉，飲緊啤酒🍻我哋三個人就叫咗大君，同世子餐，放題餐牌上面都可以任叫，出邊仲有幾多個雪櫃有唔同嘅飲品爐溫火氣十足🤣要小心燒燶不過嘅好處就係好快已經食到，有我最鍾意食嘅芝士腸牛肉唔需要的醃製，側邊都有啲醬料可以沾有大大粒生蠔同帶子可以燒😍仲有五花豬肉雞翼，啲豬肉好大塊，同埋唔會話好掃味好重，側邊有鉸剪可以幫手剪開雞肉串燒燒完好香口👅仲有蝦可以燒，都好大隻，面頭放咗啲沙律醬鵪鶉蛋小食之中好鍾意❤️唔會話太鹹嘅醬油會想再叫多次🫶🏻食得太多熱氣嘢會想飲碗湯啱啱好有一款魚糕湯，飲完暖笠笠😍 除咗呢款都有好幾款嘅拖可以選擇有紫菜包住嘅炸到脆卜卜👍🏻鍾意食香口嘅嘢，呢款小食都唔錯叫咗兩款豬肉同埋辣炒牛肉，呢款值得推介，擺上去炒幾下已經可以食得，非常之惹味

吃完一次發現有幾個致命問題1。店員無任何介紹，入座後點餐才被通知下單數量不按自己落單計，而按人頭計，不論下單寫10塊還是20塊肉，最後都只會給6至8塊2。向多名店員講唔該也均毫無回應，快夠鐘時被直接插一塊收費表放在枱上，無先打個招呼或者示意，服務態度實在令人不滿3。看到收費單才知道收加1服務費，用餐體驗極差。4。菜品少，牛肉類共6種，實際值得吃的大概只有肥牛，但不新鮮。總結：用餐體驗差，受氣多，不會再去。

今日我哋幾個朋友一行四人嚟食韓燒，揀咗中間價錢嘅餐 — 世子御膳，店員話我哋可以點世紀御膳加大君御膳Menu入面嘅食物。落單方法好特別，係自己喺牌上寫低要點嘅食物號碼同數量，再交俾店員入單。最令我驚喜嘅就係，竟然有醬油蝦醬油蟹！🦀平時韓燒放題都比較少見。個人比較鍾意食醬油蝦，口感爽滑，非常入味。肉類方面有唔少選擇。牛肉個人最推介肉眼🥩有肉味又唔韌，另外牛舌都幾爽口。豬肉方面，豬皮係必點，口感煙韌有趣，香草五花肉，美國IBP梅頭扒同護心肉味道都唔錯。海鮮都有幾款選擇，其中個人最推薦就係帶子，大大粒，煎香表面口感更佳。另外竟然有蠔🦪雖然唔大隻，但都可以過吓癮。料理方面，點左個牛骨湯，海帶湯同埋水冷麵，味道都可以，如果喜歡飲韓式湯嘅，都可以點返幾款一齊share。另外順帶一提，有款料理叫醬油紫蘇葉，味道好濃郁，我試咗用嚟包肉食都幾正

肉質是不錯的，牛小排很新鮮很好吃。雖然中午自助本身可選的不多，但是也有牛小排牛肉，也有幾種豬五花，所以總體也算可以的。蔬菜的話就不多，只有杏鮑菇，茄子。然後幾種香腸。雖然味道還可以，但是服務體驗真的很差！可能真的不太適合我們愛吃肉的人，不會再去了。週日中午12點去，五個人，首先本身個鐵板就不大，所以烤肉也烤不快。中間還因為斷了一次煤氣，所以有十幾分鐘是沒有烤的。能理解也明白到點不能落單，但是90分鐘一到，桌上還有一些肉，板上也還在烤一些肉和杏鮑菇，想說至少把這喔案吃完。店員直接把煤氣關了讓離桌…然後把肉倒掉。可能我們大食？反正是都吃不飽😂

與好友開心食一餐，特選了燒肉店，朋友推介唔錯，咁就要開心食吓。 環境十分舒適，每張枱有足夠距離，可以安心出入取飲品甜品。燒肉店最怕油煙大，空氣混濁，能不會煙霧霾漫，整得一讚。對於眼闊肚窄的我們，大君御膳餐已足夠，肉類選擇不少，牛肉有牛排，醬汁牛肉，辣味牛肉，牛舌，肥牛，牛肋骨等；豬肉有梅頭肉，五花腩豬頸肉等；雞腿肉，雞翼，雞肉串……推介牛排，牛肋骨。海鮮類擇：鯖魚，鰻魚，魷魚，扇貝，青𧐢等，已集齊我的至愛。推介扇貝，青𧐢。熟食選擇：味噌湯，湯麵，湯飯，炒飯，牛肉鍋，天婦羅蝦……真心做唔到每樣試一試。推介天婦羅蝦。飲品及甜品：茶，汽水，啤酒樣樣齊，仲有韓式雪糕雪條，記住要留肚食。飽到要行吓路，再hea吓先可以坐。真心值得推薦。#旺角#西洋菜街#兆萬中心#燒肉#free#大君御膳#樣樣都好食

平昌地址: 旺角西洋菜街1號兆萬中心13樓電話:=====================好耐無食燒肉啦，高高興興去食韓燒先。世子餐$318 任食，類別有肉類，salad ,drink seafood 同vegetables,包羅萬有好豐富架，真的如皇室般任性。所有kimchi 都是任食，仲有爐邊蛋哦！用大量蔬菜包任燒肉一起吃，實踐健康生活。香港食好貴的醬油蝦同醬油蟹都有，一定不要錯過，很入味肉很綿豬雞牛肉，有調了味的，大大塊肉燒好剪開，肥美的豬及牛，受到大家喜愛。海鮮類的蜆大隻甜美，魷魚彈牙。另外有熟食，如湯啦炸物啦。仲有好多韓國雪條呀 超開心食到150% 飽哦

好耐都食韓燒，要食就決定揀一間有水準嘅食，今日嚟咗旺角呢間平昌，有唔通餐選擇，每個餐都有牛有雞有豬，仲有海鮮。我地今次決定食世子餐，嘅肉全部都係靚肉😍牛前胸腹肉肥瘦均勻，薄切可以食到淡淡牛味。雞軟骨同豬皮都好正，豬皮香口彈牙，好爽脆。帶子係我地飛佛，連續叫咗幾round, 好鮮甜牛肉眼就好有口感，啖啖肉味。爐邊蛋好好味，係佢半熟未熟透時食係最滑，我係咁食😙醬油蝦同醬油蟹都淹得好好味，好入味，咸咸甜甜，不知不覺食咗好多！原來唔止飲品任飲，仲有雪糕任食，佢啲雪糕係韓國雪糕，食多兩件已經好回本呢間燒肉性價比真係超高

今日係同男朋友嘅紀念日，男朋友最鍾意食燒肉打邊爐嗰啲，所以同佢嚟咗旺角呢一間平昌食下韓式燒肉😋呢度啲座位真係好似韓國嗰啲燒肉店，大家坐喺鐵桶上邊圍住張不鏽鋼圓枱仔，好有韓國嘅感覺～一入座嘅時候，店員已經即刻拎咗啲小菜同埋倒咗啲爐邊蛋上嚟，可以一邊睇Menu一邊等個爐邊蛋熟😋時間啱啱好🤣我地今日食最基本嘅大君set, 每人都係$228加一咋‼️仲要一睇Menu發現有好多選擇，以呢個價錢嚟講，仲可以食兩個鐘，真係非常抵食😆我哋都試咗好多唔同款嘅肉，而部份嘅肉都有唔同味道揀，例如有原味、照燒汁、辣味可以選擇👍🏻個人認為食原味再點啲麻油鹽已經好夠味啦😋呢個價錢仲有海鮮食，真係抵到爛😝啲蝦第一輪嘅時候送嘅😙個人嚟講最鍾意食牛脷、LA牛扒、五花腩👍🏻食五花腩，記得要用生菜包住嚟食‼️會冇咁膩架😙同埋以前睇啲韓國YouTuber, 佢哋會燒啲泡菜嚟食，令啲泡菜多一股焦香味😋小菜方面，我叫咗個炒粉絲、海帶湯、海鮮豆腐湯👍🏻因為呢度擺唔到咁多張相，唯有擺我覺得最好食嘅炒粉絲😋韓國嘅粉絲特別粗，所以零舍有咬口啲嘅😝如果喺呢度飲燒酒要加錢，但啤酒就可以任飲‼️食韓燒呢啲比較油膩嘅食物，配罐啤酒就係Perfect

平昌韓燒係一間任食嘅韓式燒肉店😍晚市去到座無虛席！記得要book位呢餐廳嘅風格亦都好調皮，有好多唔同嘅插畫喺牆上面（餐廳人太多，食到最後先有機會影到🤣）佢哋有好多款餐可以揀，俾你可以按budget 享受😆今次就試咗入門級嘅大君御膳😛價錢比較平，但係都有超多款嘢食！我既狂點之選，當然係牛肉😍特別鍾意醃咗嘅照燒肥牛片同牛舌❤️照燒醬嘅味道，肉質鮮嫩多汁牛舌燒完都好爽口😍仲有，佢哋既豬肉都好出色特別係豬五花腩同豬頸肉😋豬五花腩肉質豐潤多汁，好適合燒烤❤️至於豬頸肉，口感滑嫩，帶有啲油脂，非常好食😛除咗各款肉類之外，佢哋都有勁多小食！其中醬油鵪鶉蛋係我encore 之選😋輕輕用醬油調味既冷盤，好開胃💛$250/一位既韓燒晚餐真係好少有！呢間真係性價比之選🧡🧡值得不停encore😝

收工之後，同事推薦我哋食呢間位於旺角兆萬中心嘅韓式燒肉放題餐廳 平昌。呢一間家餐廳的特色是提供各式各樣的韓式燒肉，包括牛肉、豬肉、雞肉、海鮮等，而且都係好新鮮，醃料好入味。基本上我每一款肉都試過晒，全部都好鮮嫩多汁，而且配上韓式醬料和泡菜，好似返咗去韓國噉。除咗燒肉外，這家餐廳還有其他的韓式小吃嗌，例如炸雞、年糕、冷麵、拌飯等，都是好地道。我特別鐘意呢間嘅的牛骨湯，足料得嚟又好香。個人嚟講，我幾鍾意佢哋個環境，裝修得好現代化，有好多好有趣嘅畫作，令人有一種置身於韓國嘅感覺。而且佢哋嘅冷氣都好夠，燒緊嘢嘅時候都唔會覺得太熱，抽油煙都算夠力，食完唔會成身癡淋淋。而最令我驚喜嘅係佢哋嘅廁所冷氣好足，入到去好似去雪房噉但又唔會太凍，乾淨又冇異味。服務員都很親切友善，最主要係佢哋會主動幫忙換盤子同埋換網，唔洗自己開聲問。我覺得呢一間餐廳幾值得推薦，同事果然冇介紹錯。