平昌

營業中

休息中

牛唔係靚，價錢唔係平，食物種類少，有牛，有豬，有少量海鮮，但質素普通，服務員冇乜禮貌，雪櫃野飲櫃啲野唔夠凍，坐得又唔舒服，我唔係打手，只係一個普通食客寫的真實評論！！

肉質好一般，不過$220連加一算係咁，都有少少海鮮。不過埋環境同服務完全唔值，超級唔值，試都唔使試。1. 環境淋淋污糟邋遢。2. 落單寫要幾多件都係跟人數比，5件比兩件，嗌乜都係。其實每轉份量少都唔係問題，但每次落單都要抄返碟嘢食嘅Number，嘥時間寫數量，食餐飯罰抄咁款，谷_氣。3. 落單張牌都係限量，寫到最後一張直接last order，限時食一個鐘45分鐘，剩返45分鐘就last order，入座位又冇講明。4. 鐵板好污糟，燒兩三轉就燶要換。總結，肉類冇特別好食，熟食好少少，環境服務差，唔理解正評數點解咁多。大伏^_^第一次食評就係負評，唔好貼錢買難受。

肉類質量都算唔錯 但就唔算太多選擇 除非食最貴個果放題 但就唔係好抵要食都真系要提早幾日打去book 位 個場座位唔係特別多 坐得唔算好舒服 成個環境油煙味都幾大 服務都算唔錯 正正常常

位於出名劣食天堂的大樓，總括食物供應和服務人員都可以。但通風系統太差，室內燒一陣就十分大煙，如果年紀不是18 22 可能唔太容忍到。比較難得係有牛腸燒，五花腩也不算差。

收工想食韓燒，於是約埋朋友一齊去食。餐廳提供3款不同價錢既韓燒放題，有大君御膳，世子御膳同國王御膳。同朋友選擇咗大君御膳，見佢價錢最平同包含咗大部份食物。食物方面，選擇都幾多。牛肉方面，我最中意食牛肋骨肉同LA牛排，牛肋骨肉大細啱啱好，一口一啖，食落好juicy。LA牛排肉質好淋。豬肉方面，五花腩同薄切五花腩片都好好味。五花腩夠厚，肥瘦啱啱好，包埋生菜食，一流。另外，薄切五花腩片有原味，辣味同照燒味，好快熟，好啱心急既朋友仔食。私心推介，照燒味。海鮮方面，鰻魚同扇貝都正，鰻魚好厚肉，配埋個汁，好好味。扇貝都好新鮮同大粒，食落好彈牙。熱食方面，食得一款，因為真係食得太飽，但辣海鮮豆腐湯超推介俾大家，一黎細細碗，唔會話食完食唔落其他，二黎個湯好香，d豆腐仲要勁滑。飲品方面選擇都好多，有汽水，烏龍茶，忌廉溝鮮奶同埋酒等等。員工服務好好，會主動幫你換鐵板。上菜速率都好快。下次一定會再幫襯。

天氣咁熱又想燒野食, 最好就係食韓燒~有冷氣之餘又唔洗煩!今次朋友介紹黎到呢間平昌, 都幾多好評!佢有幾款唔同既套餐, $178起, 最平果個都幾多野食, 不過朋友話試下中間價位果個!一坐低店員就介紹點落單, 同埋倒蛋漿! 係我最鐘意既爐邊蛋!!整到半熟既時候食真係好香好滑, 夾埋落生菜同燒肉一齊食好好食架!另外仲有無限REFILL既泡菜, 夠凍, 好食!除左基本肉類, 仲有D熟食, 小食, 飯麵等等~仲竟然有醬油蝦!!!之前係韓國食過已經好鐘意食醬油蝦, 係香港都好少見到!佢既蝦肉好滑, 醬油唔太咸, 食2碟都抵!仲有蠔/帶子/扇貝等等, 不過呢D都比較難燒!連水冷麵都有得食, 燒得熱辣辣有D凍野食下都幾好!!最後LIKE 社交平台有2條雪條, 2個鐘食得好滿足!!

同朋友兩個最沉迷睇宮廷韓劇，今晚我地見面食飯自然離不開揀韓國菜，我地揀左哩間韓國燒烤肉店，有韓國小鮮肉做接待之餘，佢仲有三個set選擇，我地揀左大君御膳，餐廳內佈置都帶有韓式風味，櫈係用鐵筒而製，隨身物品可以放係櫈內坐抵一陣，待應生就會送上幾款韓式涼拌小菜給你先享用，等你一邊落單都可以一邊食住先落左單，待應生就係烤爐邊倒上蛋汁，奉上生菜，食完唔夠可以再叫佢哋再添加，飲品係出面雪櫃自取落單既食物都好快地上枱，點得太多無位置放，佢地會係你旁邊加上小枱仔擺放，方便你拎到，招呼周到，食物款式除左韓燒生肉、海鮮外，仲有即煮食物比你揀，我點左個辣海鮮豆腐湯，熱騰騰，味道好濃郁兼帶韓式辣味係當中，加上裡面好多豆腐同海鮮等食材，食完個人暖笠笠朋友就點左個水冷麵，配料簡單，麵夠彈牙，涼浸浸，好岩夏天食我地仲叫左燒鰻魚、炸蝦天婦羅等現成食物方便一邊燒一邊把握時間食至於可燒既食材，豬、牛、雞肉類都有，仲有蔬菜同海鮮選擇我地當然每款都點黎品嚐，睇下邊款最好味啦。魷魚圈、虎蝦新鮮彈牙、辣味豬梅頭片夠野味同夠辣，雞肉串等都比較出色肉類燒完之後可以用提供既生菜包住黎食，哩個做法係韓劇會經常見到的，食夠兩個鐘店員仲會

網上見到呢間韓燒評價唔錯，而且有幾個任食套餐可以揀，風儉由人。今次我揀左中間價錢嘅「大君」套餐，我諗佢食唔同餐係坐唔同區🤔野食種類都算多，唔似平時其他燒肉店，只有最貴果個餐先有海鮮食。點菜係自己食完交俾侍應，佢地亦收單收得好快除左收單收得快，上菜都上得好快，亦冇漏單，抵讚👍🏻👍🏻牛肋骨肉本身已調味，燒一陣就食得，肉質軟腍，鍾意食骨嘅朋友可以試試。已調味雞翼冇雪藏味，而且燒完亦肥美唔乾身，好味😋豬五花腩，佢個質素一啲都唔似任食，用生菜包埋辣醬、泡菜同芽菜一齊食，同出面嘅韓燒質素一模一樣！最推薦係牛舌，不經調味，因為薄身，所以好快就熟，爽口唔靭好好味😍生蠔要慢燒好耐，不過好難得任食有燒生蠔食👍🏻👍🏻辣豆腐湯係比較要等嘅食物，但真係熱辣辣同多料👍🏻仲有已經醃左嘅雞肉同牛肉，我地都幾鍾意食💕當成個燒盤都有調味sauce留低嘅時候，再燒魷魚，索哂啲汁，仲好味😋仲有牛小排唔記得影相，但牛小排都係我地encore 左幾次嘅食物，有牛味唔靱，呢個價錢食得呢個質素嘅牛，真係好抵！仲有午餐肉可以燒🤣平時打邊爐就食得多，韓燒食午餐肉都係第一次🤣🤣呢個價錢呢個質素係真係抵食，仲要有任飲（有汽水、韓國飲品同啤酒

朋友講旺角有間不錯韓燒就訂了桌過來，平日來到七點半食2小時每人$306/位都幾抵食，而且這裡的待應好好，換盆快手又密，點了東西都好快來到，叫了之後再出去拿飲品。 牛肉必食，T骨牛扒，胸腹肉，牛肋骨肉，牛舌，肉質每款都不錯，有肉味好新鮮，牛舌好淋身燒完不會好硬，肉條有口感仲有肉汁，包住蒜片加任食生菜最正。豬肉我們就主叫護心肉和豬五花腩，有少少肥膏燒完更香。周邊都有蛋慢慢燒，味道不錯又可加添。食完肉再叫了海鮮，蠔燒完加少少檸檬幾鮮甜，蝦燒完都幾爽口。 熱食有安東燉雞，醬油蝦幾入味，蝦口感仲有新鮮感，有驚喜這價錢都有這個蝦食。炸蝦丸和芝士丸有溫度，都幾足料啖啖蝦肉。甜品有雪條同雪糕蛋糕批，每款要了一個，批不太甜朱古力味都保持到好味，雪條蜜瓜味幾濃。食足2小時勁飽離開。

同事介紹話呢韓燒抵食質素幾好, 環境都ok😅原來宜家先發現呢位同事對食物同環境要求咁低🤨我真係好少寫評語😖仲要係差評🥴真係不吐不快🙄1）打開lift門勁大油煙味🙊抽風系統唔掂2）門口接待處的應該係oppa態度已經唔好3）一坐低發現枱櫈, 餐牌, 落單紙同筆都係油淋淋, 黐立立, 燒烤板黑蚊蚊, 衛生極度差😣4）待應除咗一個四眼哥哥比較有禮貌👏🏻其他侍應嘅態度都極度惡劣, 尤其係一個長頭髮扎辮嘅女仔, 叫親佢都眼啤啤行過嚟😡好似我哋上去乞食咁5）食物質素👎🏻真係未食過咁差嘅韓燒🤮食完佢先覺得漢陽苑其實都唔差吖😆雖然食午餐每人佰幾蚊, 唔可以要求太多, 不過佢哋真係無樣嘢掂, 最基本嘅服務都冇, $50都比多佢🙃

雖然韓燒感覺無前幾年咁盛行但依舊係我心中有一定既地位.食韓燒當然要揀一d同韓國setting近似既韓燒店.今次帶左個朋友去呢間貼近韓國真韓燒店放肆一日.選擇左食材較高級既世子御膳任食套餐,除左世子御膳外亦可以選擇大君御膳.今次主攻牛肉類黎燒.牛肉選擇亦相當多而且點牛肉色澤鮮明唔會暗啞,牛肉經直火燒後帶出一陣陣牛肉脂香.當中調味烤肉帶一陣香甜梨香,入口唔會太膩.以牛肉黎講肉質唔會燒完後變到過乾,調味唔夠既話可以沾少少韓式配醬.將牛肉配上生菜,泡菜後充分減轉肥膩感.無骨原味炸雞雖然唔係主打食材但製作同樣用心.炸雞唔會油淋淋,又口乾酥香脆.內裏雞肉仍帶肉汁.海鮮蔥餅帶魷鮮,貝柱連同韭菜一同相當惹味而且鮮味香甜分明.辣海鮮豆腐湯充滿海鮮食材配料,湯底鮮甜帶少少辣香又唔會嗆,性辣既入都食到.湯內加點將絲令湯飲落更海.豬肉泡菜湯泡菜爽脆充滿發酵香,入口唔會過份酸,啖啖韓系辣椒粉令辣味更濃更香.豬肉加入湯內增加肉香.水冷麵食完咁多熱氣食物當然要降一降溫.水冷麵以麵製造,入口比其他麵料更有咬口及煙煙韌韡叉乙感覺.將清甜醋湯酸酸甜甜幫助清新口腔,增加食欲.

🥩旺角 - 平昌香港韓燒店五花八門，今日就去旺角放題勝地試呢間。💁🏻‍♀️放題2小時，有大君、世子同國王三個級數，都係任食多款地道韓式料理。😍同朋友叫咗世子御膳($278)可以點大君同世子餐牌內所有食物，款式多到我地都試唔晒。💬上到去已經爆場，想食記住book位嘞。🔸芽菜、泡菜、生菜、爐邊蛋，食韓國菜同韓燒必備，可以無限refill，不過我就唔食咁多。🔹醬油蝦都有得任食都幾驚喜，而且肉質彈牙，味道亦夠濃，店家仲加左滿滿既麻油。🔸五花腩夠肥又厚身；辣豬大腸個人覺得好辣，岩食辣人士；🔹牛大腸好煙韌又夠瘦，encore再encore；🔸牛舌肉質好嫩滑，如果再厚D就好了；🔸海鮮有蠔、青口、虎蝦、油蛤、帶子、扇貝、魷魚、鰻魚⋯⋯⋯仲有好多好多⋯我地就無試晒，不過食左部份都覺得新鮮。💁🏻‍♀️💁🏻‍♀️護心肉係另一必點，厚度適中，好有口感；好開第一次食，非常彈牙，醬料味道充足；飲品有汽水啤酒可以係雪櫃任拎。呢個價錢非常抵食，亦見到不少韓國人都有捧場。值得一食再食！——————————🏡平昌 (旺角)📍地址：旺角西洋菜街1號兆萬中心13樓

講起韓燒就一定會諗起依間韓燒店，今次終於黎食，今次叫左大君御膳，都係$198。雖然佢係最平嘅選擇，但食材都好豐富同新鮮。佢嘅環境會令你以為自己去左韓國旅行，有少少思念韓國。大君料理有好多款可以揀，今次試左幾種，都幾值得一試。石鍋拌飯材料都幾豐富，蛋同辣醬配上飯焦一流，佢嘅份量唔會太多，唔會怕食唔曬。炒年糕係韓國出名嘅小食，依個一定要試，年糕咬落好Q彈，年糕同魚糕仲好吸韓國辣醬味，辣味適中。今次係第一次試食水冷麵，愛上左依個食物，食落冰冰涼涼，依家天氣熱好適合食。佢應該用左蕎麥麵，麵好幼細，但係好彈牙，一D都唔淋，配上青瓜同埋酸蘿蔔係一流。雖然就係最平個餐，但係佢嘅肉類都有好多嘅選擇，常見嘅豬牛雞都有。平時韓劇成日都有LA牛排，今次可以一試，原來佢係帶骨嘅牛小排，油脂同肉嘅比例平均，味道唔錯。五花肉就一定要食，肉汁非常多，特別要同豬皮一齊食，好有咬口。煙鴨胸肉都值得一點，食落鮮嫩多汁，有鴨胸嘅油香。同其他韓燒店一樣，爐邊蛋、生菜、泡菜同芽菜都係任點。依間嘅泡菜幾好味，有泡菜嘅酸味，食落唔會太辣，而芽菜味道唔錯，唔會太鹹。

好耐無同朋友出街食飯，最後我地揀左去食韓燒，個價錢又唔算貴，上到去都見到好多人book左食，餐廳環境好大，我地等左無幾耐就有位，韓燒最驚上到去有一大陣油煙味，但上到去就無咩，個通風都做得幾好。 餐廳食物種類選擇都幾多，除左一燒肉同海鮮之外，仲有一啲熱食同炸物等，如果食得太多肉覺得好單調都可以轉下口味。 海鮮都有幾款熱門多人食嘅海鮮選擇，有帶子、蝦、生蠔、魷魚等，我自己就最鍾意食蝦，啲肉質好彈牙又新鮮，食起上黎啖啖肉，好正。燒肉五花腩我地都叫左幾轉，易燒又好味，入口爽口，油脂豐富，岩哂我地啲燒肉新手。而薄片嘅肉通常都有醬汁襯托，入味又惹味。檸檬胡椒炸魷魚好快就黎到，一份份量好多，魷魚炸得香脆，食落又唔會好韌，加左檸檬汁同少少胡椒調味，味道更加豐富之餘又可以中和油膩感，仲可以點甜辣醬同他他醬，不過就咁食都好夠味~ 海鮮薄餅送上黎熱辣辣，鋪滿晒海量芝士，扲起仲有拉絲，成個海鮮薄餅都好足料，食落好有咬口又好脆。我同朋友下次都會再黎食，因為個價錢唔會好貴之餘啲野食又幾好味~

由於疫情關係，不能去韓國旅行，突然很想食韓國的燒肉，好在香港都有不少韓燒食店，所以今晚就決定去位於旺角平昌食韓燒放題，這裏無論環境及食物質素都很有韓國風味👍入座後職員立刻送上前菜，泡菜很吸引未食燒肉前已經食咗兩大碟。醬油蝦一定係必食的食物，蝦肉新鮮，甜甜地的醬油配合蝦一齊食，味道一流！爐旁邊放入了雞蛋，雞蛋食落很大滑，雞蛋邊有少少微焦，很香口🤤每款肉類都色澤新鮮,五花肉肥瘦適中，燒到外面少少脆脆地嘅感覺，唔會覺得脂肪好多整舊肉都好好食，護心肉厚薄啱啱好，燒完油脂滲出，好香牛肉味。海鮮餅熱辣辣煎得香脆可口，一個人都食咗三塊👍海鮮我們點了生蠔、元貝及帶子，海鮮新鮮，元貝及帶子都很鮮甜，蠔肉一啲都唔腥，燒完肉質脹卜卜🤤不用任何醬汁已經好好味😋海帶湯每一啖都食到海帶，爽口之餘又可以暖胃，又可以解油膩👍