常聚麵家

一離開月頭，大胃就化身糧尾指南，發掘到新蒲崗原來都係平民美食寶藏區呢間麵店睇落普普通通，但又好抵食喎佢地撚手菜似乎就係蝴蝶腩，係豬腩嘅一種，好似牛腩咁香口嗌豬雜麵嘅話，都有包埋蝴蝶腩，同時亦有唔同部位嘅豬雜豬膶好爽彈唔會沙，豬腸唔太肥好乾淨豬心好滑好彈牙，豬肚煲得夠腍河粉晶瑩吸味，又唔會散颼颼河粉如果算滿足，蠔仔泡飯更係大滿足咁嘅價錢，每𢳂一羹都有兩三粒蠔肉，仲要係大大粒，飯粒吸晒蠔湯嘅精華，加上芫荽同炸蒜更惹味呢間嘅大腸一啲都唔藞䕢，洗得既清潔又瘦身，唔會有好多肥膏，但留有大腸香味，用嚟炸更係肥卜卜，點醬食更加過癮又內臟又蠔咁，點都食返啲菜清一清，蠔油另上好細心，菜心份量幾多，烚到保持翠綠爽脆水吧都唔錯，檸茶份量好多，檸檬片都有多幾塊檸水都大杯，檸檬片都足料…查看更多

新蒲崗地道小店都有好多間，粉麵店都好多，今次黎左呢一間餐廳主要係食潮州粉麵既，我地坐低左，呢度環境光猛燈光十足，我地坐左卡位位置呢度有多款粉麵，粗麵，撈麵，米粉，米線等等，我地叫左呢度既馳名鮮蠔仔肉碎泡飯，入面加入左冬菜，蠔仔肉份量都大粒同多，仲好大碗，泡飯食落就好似食緊湯飯甘，無平時食白飯甘乾身，佢既蠔肉份量都算抵食。另外叫左一碗新鮮豬雜湯麵，麵可以叫粗麵或者幼麵，我揀左粗麵口感彈牙，豬雜入面有豬肚，粉腸，豬頸肉，豬肉丸，豬潤等等，豬潤大塊又補血有咬口，豬肚彈牙口感，份量都一樣足料加多五蚊仲有凍飲，我地叫左杯凍奶茶，奶茶茶底濃郁飲落都幾滑。小食叫左蝴蝶腩，牛腩好似蝴蝶形狀食落煙韌d。油菜揀左生菜一碟，配蠔油醬汁，生菜爽口大碟又抵食。餐廳：常聚麵家 地址：新蒲崗爵祿街82號地鋪…查看更多

新蒲崗有間麵店叫「常聚麵家」，幾好食。環境夠光而且衛生整潔。點餐時侍應會用iPad點。食物多元化，中菜晚餐、麵、泡飯同小食都應有盡有。蠔仔🦪肉碎泡飯份量好大。都可以有起碼3碗。蠔仔🦪無沙，肉碎幾香口又彈牙，製成湯飯，口應豐富。成碗湯飲晒都唔會口渴。大豬雜🐷米線🍜（豬骨湯）大大碗好抵食。豬骨湯好濃郁，配滑滑米線食好味。豬雜配少少辣椒油好正。脆皮豬大腸配泰式甜醬必食，以為食緊脆片，同平時食既豬大腸口感唔同。蠔油菜心—無渣幾清甜…查看更多

今日試咗呢間隱藏於新蒲崗嘅懷舊麵店，果然有驚喜！🦪 馳名鮮蠔仔肉碎泡飯一上枱真係嚇親！超大碗，份量十足，絕對夠兩個人share。蠔仔粒粒飽滿，又大又鮮甜，完全冇腥味，仲多到好似掘極都有！湯底清甜，配上肉碎同少少炸蒜，味道層次豐富，必點之選！🍜 懷舊蝴蝶腩豬油撈麵第一次聽「蝴蝶腩」原來係豬肉稀少部位，老闆仲話好食過牛腩！一試果然冇誇張～肉質軟嫩得嚟帶少少筋膜，咬落去香濃又juicy。配上懷舊豬油撈麵，香氣爆炸，麵條爽彈，邪惡但滿足！🐷 香脆炸新鮮豬大腸即叫即炸，熱辣辣上枱！外皮炸到金黃酥脆，入口「咔嚓」聲，入面保留少少韌勁，蘸少少甜辣醬，簡直係送酒一流～總結：價錢合理，份量慷慨，懷舊風味十足！老闆仲好熱情介紹食材，值得再encore！…查看更多

「常聚麵家」喺新蒲崗嘅一間隱世小店，餐廳環境新淨光猛，主打自家製醬料同新鮮食材。佢哋嘅蝴蝶腩撈粗係必試之選！蝴蝶腩其實係豬肺裙肉，每隻豬得一小塊，好罕有。食落完全冇豬騷味，處理得好好，份量又多。豬油撈粗用咗自家製豬油，香得嚟唔會濁，再加埋佢哋特色XO醬（入面有魚乾同煙燻味，香辣惹味），真係無得彈！香脆炸大腸即叫即炸，外脆內軟，熱辣辣好夠鑊氣。油菜就正常水準，但夾埋濃味嘅撈粗同炸大腸就啱啱好。整體嚟講，呢間小店用心製作，肯花心思喺醬料同選材上，絕對值得支持再encore！…查看更多