帝苑餅店

營業中

休息中

fine foods 既蛋糕都好出名，好多時買蛋糕如果無乜idea 都會諗起佢雖然今次本來想來個懷舊，買屋邨餅店買個普通既忌廉蛋糕就算，但係家人提議去fine foods啦所以結果又幫襯左了早左差唔多成個月去門市訂，講真呀因為次次都係買黎晚餐先食，唔係因為今次改為午餐慶祝我都唔知原來fine foods既蛋糕係即日做！好新鮮呢本來都想㨂個忌廉蛋糕就算（因為老公話要生果，好似健康啲）但去到拎住catalog 睇見到有聖安娜蛋糕！呢個都係老公最愛之一！所以就來個surprise 先斬後奏，希望佢唔好介意由於餅房每日即做，所以聖安娜蛋糕呢類酥皮為主既蛋糕未必可以提早拎到（我想12點拎）所以餅房就唯有offer 早半個鐘，即係一點半拎早半個鐘都好啦，最多遲少少食，最緊要係個蛋糕好食啫（因為老公個名好特別，所以打左格）呢個係standard size 黎，唔記得左一磅定係磅半了底個層係個酥皮，上面就有泡芙，上面再搽左焦糖中間就唧左好多cream 呀custard呀呢個蛋糕既構成同普通蛋糕係完全不一樣的，因為無海綿蛋糕既成份依家成日都食蛋糕，如果唔想又食返普通既蛋糕，又唔想食嗰啲網紅蛋糕，不如考慮

/帝苑酒店既蝴蝶酥果然名不虛傳 一盒有4款口味 包括原味、芝麻味、宇治抹茶味以及朱古力味入口鬆化 甜度適中 富有空氣感🍫最鍾意既係朱古力味蝴蝶酥 加入55%法國黑朱古力 朱古力味非常香濃🧈原味蝴蝶酥好重牛油味 🥨芝麻味蝴蝶酥加入左黑白芝麻 芝麻味好出 食落有淡淡芝麻香🍵宇治抹茶味食落清新 抹茶味唔太出

The cakes from Royal Garden can never fail you. And, they never cease to bring you the joy of their sweetness and richness. Of course, their napolean cake is doing the magic. Each layer presents different texture and when you crunch the cake, the savour is so satisfying. The richness of the cream highlights the cake. And it looks lingers on your palate even afterwards.The mango on the other cake is very fresh and sweetened too. Again its cream is giving so much pleasure to savoury.Definitely lov

適逢屋企人生日，就買帝苑酒店嘅signature cake - 芒果拿破龠做birthday cake.芒果拿破龠 $398 一磅 呢個蛋糕係兩日前訂咗，可以寫朱古力牌，雖然蛋糕同packing 嘅外觀上冇其他餅店咁fancy ，但係味道絕對冇得輸😋．份量都幾大，起碼四人以上先食得曬．酥皮可以做到一層層，算係幾鬆脆，可以容易用刀切到底，而且好香，吉士唔會太甜，份量適中，整體而言成個蛋糕都幾出色.原味蝴蝶酥 $188蝴蝶酥都係另一個招牌食品，同拿破龠嘅酥皮一樣咁鬆脆，有牛油香，而且不甜不膩

新年個陣朋友仔比左幾塊帝苑餅店既蝴蝶酥我試，一試之下，嘩！好食喎！之後自己忍唔住買返盒！雜錦蝴蝶酥$198原味 - 正！香脆又唔算甜！芝麻 - 加左芝麻，成塊野充滿芝麻味！又有啲咬口！朱古力 - 算係濃朱古力味，同樣唔會太甜！宇治抹茶 - 好食😋作為抹茶甜品愛好者覺得呢個茶味都出！P.S. 我本身麻麻地食蝴蝶酥既人黎，但呢個食完會再想繼續食！真心值得試試！

我上一年第一次買拿破崙係覺得好好食！我今次見到個Pink Lady 蛋糕外表幾靚諗住買黎同家人慶祝生日點知一食落口，真係難食到放低哂啲叉究竟個餅師有冇自己試過個蛋糕有幾咁難食，帝苑餅店自己都要好好檢討下，做差自己個品牌

用了$398 買了個strawberry拿破崙，絕對值.一磅已經好大年，上面有16粒甜而大的strawberry同有藍莓。講返cake 本身個酥層分明香酥，脆得來食入口唔會油膩架。面個custard 好滑且甜度適中，最底一層仲有strawberry果肉，面對custard 有vanilla 香，夾埋酥皮食平均返酥皮乾身架感覺如果我自己食，會喜歡買散件，因可以多試蛋糕最好預先訂，因大熱cake walk in 好大機會賣曬。免費寫牌，仲有冰袋可以保持手custard 挺身

蝴蝶酥黎講，帝苑餅店一直都係我心目中嘅top1🏆每一塊都好酥脆可口，牛油味極之濃郁，一打開蓋以經湧出香味，肉眼看得見嘅層次感，每一塊都足滿住幸福感🥺，至少食幾塊先停到落黎。

我好中意食喱度嘅蛋糕！！！😋🤤😋🤤因為住tst，好近我屋企，行過去都係五至十分鐘，所以我差唔多個個月都會買，treat myself better~~😚遺憾地今日買左三件拿破崙外賣，準備食就見倒有條頭髮，結實左係糖霜層入面(不是表面或後期有人不小心掉下去)，係整嘅時候已經入左去，之後我嚐試抽出黎，好彩冇斷到喺入面。本人感到非常噁心🤮堂堂五星級酒店，冇QC，以為佢哋上次有人中招關閉14日大清洗會更注意衞生，點知唔係。我未來可能會繼續幫襯，希望只係一次唔好睬，出品前可有人員check下改善下，暫時應該不會再去了。

2020年12月15日 (星期二) 1:55pm 13°C 帝苑餅店設於酒店大堂，感覺高格調。其設計以重塑法式蛋糕店的獨有特色，店內典雅的法式裝修及溫和的木製天花營造寫意自在的氣氛。 提供多元化曲奇餅、西餅食品及多款酒類選擇。 燈光明亮，環境整潔乾淨，各款蛋糕賣相精緻，擺放齊整，一目了然。 店員利用膠紙固定盒子內的蛋糕，免得東倒西歪，可算貼心。 為慶祝家人生日及酒店渡假，特地選擇此餅店。 人數：2人 HK$212 不用排隊 芒果拿破崙 - 香脆的千層酥皮夾著新鮮芒果及幼滑吉士忌廉，滋味無窮。 賣相梅花間竹，層層疊疊，每層均鬆脆無比，使人極度喜愛。當中芒果新鮮，清甜美味，吃到停不了呢。果然榮登『全香港最好味的拿破崙』，確實當之無愧！【推介之選】❤❤❤ 栗子卷 - 香濃栗子蓉及新鮮忌廉遍佈海綿蛋糕，芬芳美味。頂層栗子蓉充滿栗子味道，非一般餅店的清淡可比，加上香滑的蛋白，獨特另類，使人一吃難忘。【推介之選】❤❤❤《 影 片 》：💖 https://youtu.be/FO6Cto_jzzE 📽《 環 境 》：《 門 面 》：

今日媽咪生日，請左半日假，可以係公司附近訂個蛋糕可以放工拎！揀左帝苑酒店餅店，The fine food至出名的芒果拿破崙！芒果好甜，餅層好脆，吉士醬好香好滑唔會太甜！家中個個人都讚好食！但我返屋企路途遙遠，可能在車上斜左少少，但蛋糕歪左，但唔影響味道！

講起甜品，同事推介左帝苑餅店，於是放工就買左幾件番屋企慢慢試講到經典，不得不說青蘋果芝士蛋糕，我見好多人都有買佢，雖然第一眼覺得個顏色誇張左d，但食落真係好有層次，出面係白朱古力，裡面有蘋果、Cream Cheese同酥餅碎。而拿破崙都好出色，聽講想知一間甜品店有幾高quali，就一定要試拿破崙（哈哈！好似好pro）而帝苑的拿破崙就做得好好，酥皮好完美，再加埋上乘嘅吉士醬同芒果，成件事非常夾。除左呢2個招牌甜品外，今次仲試埋cream horn 同柚子慕絲，同樣都非常出色。

預早打電話嚟訂咗帝苑享負盛名咁多年嘅芒果拿破侖嚟慶祝生日，一入到舖頭，等咗陣先有個男店員（Man Tai)幾乎係喝嘅聲氣問”電話訂定網上訂呀？””電話幾多號呀?”攞個蛋糕無啦啦都俾人喝，其實已經覺得好離譜，之後轉咗另一個女店員（Tammy Tsang)同我地check個芒果拿破侖，個態度都係好似欠咗佢咁，綁好個蛋糕，指指個cashier，又係一句喝落嚟， “呢邊攞蛋糕”，我真係反晒白眼，我輪米咩而家！仲要想想快快手送走個客，隊個蛋糕俾我話多謝晒，但其實我係未俾錢佢又唔知，要我提佢先知，你公司真係多得你地班咁倒米嘅員工唔少！跟住到個芒果拿破侖，係極度失望，我同屋企人同朋友咁多年嚟都食過唔少次，未食過咁差嘅，啲酥皮好硬好實，切都切唔開，酥皮係要鬆脆架！啲custard得個溜字，口感好實，完全唔係以前食開咁，我地全部人都一致係呢三個字‘好難食’！同埋啲芒果好似舖到好多好滿，但其實每片都切到好薄，完全食唔到芒果嘅口感同味道！帝苑嘅芒果拿破侖享負盛名咁多年，好多人都食咗好多年，但而家無論餅房嘅出品質素同員工態度都咁差，係欺騙顧客嘅金錢同感情，唔會再幫襯！

第一次食帝苑蝴蝶酥係聖誕節抽獎嘅時候抽返嚟，之後就返唔到轉頭喇！之前去拎屋企人嘅生日蛋糕，忍唔住又買多兩盒返嚟😋兩者比較之下我覺得原味好食過雜錦。原味雜錦朱古力生日蛋糕

在IFC逛街，偶遇四季菊X帝苑餅店的蝴蝶酥🥨的Pop up store，傳聞中蝴蝶酥界的LV🤩馬上和友人買了3盒試試，還享有9折（其實只要買3樣東西就可以享有這個優惠，小蛋糕也可以）😜👉 原味蝴蝶酥自己吃的話店員極力推薦原味，很鬆脆，雖然外面有層糖衣但又不會太甜，咬落去很有層次感，一定要試❤️👉 4Mix蝴蝶酥送禮的話就推薦禮盒，可以一次過試齊4種口味😆除原味外，還有：◼️芝麻味🥨芝麻的味道很重也很香，會令人口中都係芝麻味😁◼️抹茶味🥨有一股清新茶香的感覺，喜歡抹茶的朋友應該會很喜愛🤩◼️朱古力味🥨除了有蝴蝶酥鬆脆外，朱古力🍫味道超濃，還有一顆顆朱古力碎🍫在上面😜超級鐘意，下次會買單盒朱古力味🍫，也是最貴的一盒😂