帝福樓

營業中

休息中

平日常常經過灣仔皇后大道東見到這間中菜廳，今午突然想起便去拜會一下，同預期一樣、人不多，只有3枱客，而服務員都得2個，價錢算上乘，食物種類也不多，我們2人只點了4個點心，本來想吃甜品，但實在揀唔落手，冇乜啱食，而紅豆沙實在太貴，食物味道中規中矩，性價比不高，用滙豐信用卡有85折；但環境不錯，比較高級和寧靜，可以一試😉

餐廳係跑馬地馬場對面間帝盛酒店一樓環境既舒服 同幾位屋企人過黎食安排坐VIP room 有獨立廁所 仲可以唱卡拉OK 食物全部每位分開上 有用心辦盤 仲有乾冰自己玩打卡頭兩道菜非常驚艷 法國冰菜、西班牙叉燒好味 最出色係茶壺上既海底耶川貝鱷魚湯，有特色，長輩好鍾意。熱爐keep住熱既法國海鱸魚都非常不錯。另外仲有好似片皮鴨咁serve既燒雞，皮薄且脆，有專人係你面前片，再有熱爐上。上菜時餐廳經理會細心介紹每一道菜既特色，服務👍🏻推薦同屋企人長輩過黎食 坐得舒服質量高，算係灣仔hidden gem

第一次食過晚飯會覺得冇人推介，而為佢感到可惜嘅餐廳。唔知係咪因為地方比較格涉，所以唔算多客人，變相又食得比較舒服。呢期佢有個滙豐信用卡嘅優惠買一送一，見到個Menu都覺得ok ，所以就叫咗試吓。真心覺得有驚喜，除咗我個人唔係咁鍾意食魚，其他每一樣菜式都好味。尤其係個頭盤嘅冰菜、翡翠豆腐同埋叉燒，同埋個「紫砂壺珍珠貝海底椰燉鱷魚肉」，值得俾個👍🏻！個炒飯夠乾身，有口感。美點三重奏包括一隻雞仔外型嘅鳳梨酥，另外白色嗰舊係馬豆糕，再加一碗起沙嘅紅豆沙。服務方面相當滿意，殷勤，細心。

這家中菜廳由集團精心策劃，特別聘請了中菜主廚重新主理，為食客帶來全新的味覺體驗。其中一道茶葉薰豉油雞尤為出色。茶葉薰焗菜原本多由四川及台灣師傅用來烹製樟茶鴨，而這裡的豉油雞則將這一技法發揮得淋漓盡致。當豉油雞上桌時，淡淡的茶葉香氣撲鼻而來，讓人食指大動。正式品嚐時，雞肉鮮嫩可口，令人回味無窮。這家中菜廳不僅適合朋友聚會，也是公務飲宴的理想選擇。無論是品味美食還是享受聚會時光，這裡都能滿足您的需求。🐔👍

這家餐廳食評只有兩個，抱着一試心態和一家老幼晚餐。首先餐廳酒店有來回銅鑼灣廣場專線小巴，非常方便，讚！前菜：手拍溫室青瓜：醋汁清爽胡麻醬冰菜：賣相很特別，味道就是跟菜式名一樣京式片皮鴨：脂肪不會太多，皮脆，配菜有鮮菠蘿片（第一次試），吃起來清甜不會油膩。小朋友非常喜歡！松露香煎北海道帶子皇：配合黑松露，非常香和滑。推介！日本黑蒜焗龍蝦：似乎黑蒜味道蓋過了龍蝦的味道。喜歡黑蒜的朋友不妨一試。煙燻豉油雞：有茶葉的芳香，上菜的器皿下面有蠟燭保溫，雞香滑，推介！鮮果咕嚕肉：鮮菠蘿非常甜美，咕嚕肉炸皮不厚，入面是鬆脆的，推介！意大利黑醋法國海鱸魚：一客有三塊，魚塊入口熱，皮脆內鮮，加上黑醋醬汁，非常美味，推介！三蔥燒法國海鱸魚：一客有三塊，適合比較喜愛濃味的朋友，伴隨青蔥洋蔥大蔥炒，惹味！推介！酒釀芥蘭苗：不過不失蟹肉瑤柱蛋白炒飯：飯粒不會太油，非常美味，推介！甜品：水中花椰汁糕：賣相精緻，面層是透明啫喱，中間有一片花，下面是椰汁糕，不太甜，椰子味香，適合喜歡清淡的朋友遠年陳皮紅豆沙：沒有紅豆粒，非常滑和香，有陳皮香味，甜度適中，推介！鳳梨酥：應該是師傅自家製，賣相非常可愛，很適合打卡。

呢間餐廳其實唔係新店，以前招呼客人都鍾意book呢度，因為房夠大，適合坐低慢慢傾下生意，仲可以唱K放鬆下。今次朋友聚會過黎，發現換左廚師，真係幾驚喜，D嘢食好左好多。開場胡麻醬冰菜好清新，胡麻醬濃香得嚟唔會太膩，冰菜夠爽口，幾好食。翡翠豆腐滑得黎又唔會太淡，有啲清香，口感唔錯。焦香西班牙叉燒真係正，外層微焦，入面啲肉又嫩又juicy，有啲焦香味，非常滿足。熱炒方面，九層塔惹味花甲皇好香草味，花甲夠鮮甜，真係幾惹味。蒜蓉粉絲蟶子皇就勝在粉絲吸曬啲湯汁，蟶子皇肉質好嫩，口感豐富。古法陳皮蒸鮮鮑魚都好有驚喜，陳皮味同鮑魚鮮味夾得好好，食完真係回味無窮。主菜推介一定係慢煮蜂蜜法式牛肉，肉嫩得黎帶啲甜味，食落非常滋味最特別係蘿蔔糕墊底，估唔到咁夾。潮汕青欖燉鮑魚啲青欖同鮑魚鮮味好平衡，真係足料而且有水準。仲有茶燻頭抽玫瑰豉油雞，雞肉好滑，仲有淡淡茶香同玫瑰香，啲豉油味剛剛好，唔會太重。黑皮雞瑽菌炒豬夏青啲菌味好香，炒豬肉炒得好入味，特別啱配飯。最後蒜香生焗東星班絕對係焦點，魚肉好嫩，蒜香味十足，但又唔會搶走魚嘅鮮味。甜品都唔錯，水中花椰汁糕清甜爽口，食完感覺幾舒服，最後帝福樓鳳梨酥酥脆鬆化，鳳梨

第一次試，估唔到好有心，有誠意的中菜。份量足，每一味菜都好出色，味道好，色香味俱全。尤其香薰豉油雞，好香，入味又滑。 叉燒外脆內軟，豆腐出色，鮑魚湯好足料。值得推介。