158
19
6
港鐵太子站 B2 出口, 港鐵旺角站 B3 出口, 港鐵旺角東站 D 出口
繼續閱讀
電話號碼
26226161
開飯介紹
佈置堂煌的帝京軒馳名粵菜，成功演繹出中華美食的精髓。每天供應新鮮海產，午餐時段更有多款精緻點心。帝京軒除巧手研製粵菜外，並附設經典上海佳餚及北方各省名饌，為客人提供更多選擇。雅緻華麗的帝京軒，是宴會廳以外，另一舉行婚宴及社交宴會之理想場地。除美食佳餚外，這裡的顯赫裝潢及殷勤的服務，必會令客人有賓至如歸的感覺。
繼續閱讀
營業時間
今日營業
11:00 - 22:00
星期一至五
11:00 - 22:00
星期六至日
09:00 - 22:00
公眾假期
09:00 - 22:00
以上資料只供參考, 請與餐廳確認詳情
有關獎賞計劃
優惠
招牌菜
食家推介
相關文章
應該有一段時間無黎帝京軒食飯，今次呢個menu我都幾鐘意，「悅夏宴」，顧名思義全部嘢都好啱夏天食。套餐於2023年7月1日至9月27日期間供應，凡於7月至9月惠顧「悅夏宴」，可享85折優惠，每位$788，兩位起，成日有人問我有咩中菜好，呢啲唔使煩又喺酒店又有質素保證就最啱。香麻蟲草花魚皮，鳳梨桂花燒脆鱔，話梅鴛鴦脆涼瓜松露南瓜炒穀飼和牛粒花雕話梅紅麴京烤骨蔥爆智利響螺片伴琥珀生汁高湯松茸燉玉環瑤枉甫崧子菊花醋香鱸魚球油鹽水金菇水瓜浸鮮蜆燒汁野菜龍蝦炒絲苗十勝紅豆綠茶奶凍成個menu最特別係鳳梨桂花加落燒脆鱔，甜甜到完全唔覺熱氣，香麻蟲草嘅魚皮都真係第一次見，話梅鴛鴦脆涼瓜一睇就知係夏日之物。脆蝦球嘅沙律汁，好清爽，蝦球都好大件，蔥爆智利響螺片 ，我唔明點解啱夏天，原來大廚話螺片係可以滋陰補腎夏天食最好，又學到野。南瓜加和牛，再加黑松露醬，呢個組合係真係少見，估唔到和牛原來都可以咁清新。油鹽水金菇水瓜浸鮮蜆嘅蜆好肥美，個湯係甜到入心。花雕話梅紅麴京烤骨個種又酸又有酒的開胃感，如果你冇胃口食就啱，絕對打開你嘅味蕾，啖啖肉都唔覺大問題。崧子魚食得多，用鱸魚真係幾好，至少魚質同肉味嘅感覺同平時好唔同。剛好今日朋友K生日，同佢講聲生日快樂，祝身體健康。
繼續閱讀
今日約咗一個老朋友嚟飲茶！純粹諗住地點方便泊車，又未嚟過試吓呢度嘅茶樓！點知質素比想像中好，環境非常舒服，侍應服務態度優良，而且效率不錯 成餐用的非常愉快 不過佢上菜嘅速度真係非常慢，知道佢係即叫即整，不過時間都係有少少長，我哋嗌完個點心好似唔知有冇過半個鐘先有嘢食等到肚仔都篇埋 🤣🤣我哋得兩個人，嗌唔到好多嘢食，本身諗住嗌個套餐，眼利嘅我睇到有個點心套餐性價比高，而且咩都有啲！所以就試咗呢個，不過唔夠飽，最後加多個油鹽水浸菜心㗎金錢肚㗎叉燒腸粉我哋嗰餐一上枱超級興奮，雖然唔係樣樣都啱食，不過乜都有啲，因為我本身唔鍾意煎炸嘢～個灌湯餃有好多蟹肉喺入面，主要係蟹肉，有個竹笙好好味整體😋不過咸咗少少🤏紅棗糕軟綿綿，又有口感彈性不會太甜正蝦餃，足料不會有太多肥膏正常高質素蝦餃水平燒賣有帶子喺面頭，入面覺得有少少油膩，而且肥豬肉較多，呢個我嫌油得滯潮州粉果，香口好味，個皮都係！不過你都預佢油少少🤏鹹水角一定好香口，不過係邪惡之選haha珍珠雞有鮑魚！不錯個吉仔包造型一流，肚仔餓都忍唔住打給張卡！唔算話太留心，不過做得幾好味！極度滿足最後加多左個甜品，朋友揀紅豆沙，我本身揀豆腐花，但係賣晒😮💨🥲所以跟朋友食紅豆沙算！雖然佢叫陳皮紅豆沙$40一碗，不過個人食唔出陳皮味…整體非常高興滿足！有機會會再嚟
繼續閱讀
Their restaurant recently had a promotion where a set meal included most of their award winning dishes.Their Dim Sum presentation looked amazing. However, initially, they forgot to introduce it and whether any order we should enjoy it so I ended up eating the sweet dim sum(sticky dumpling) first.Subsequently all dishes were introduced. I love how the next dish incorporated lamb in so many different ways without the smell overpowering all the ingredients.For this dish, despite it looked really impressive, I felt the large eggplant slightly dilute the flavors of the other ingredients.The garoupa and deep fried mushrooms, despite not being their award winning dish, was actually richer in terms of flavors.There was some delay for the chicken dish. We didn't mind actually as we were chatting non-stop about work. We were surprised when they apologized and offered the barbecued pork while we were waiting. Definitely good service.The chicken was tender and the aroma of the liqour was just right.My favorite dish was their lobster bisque with poached seafood and crispy rice. The prawn and scallop was perfectly cooked and adding the crispy rice in the end was a great way to enjoy every drop of the bisque.Their dessert was a perfect ending. The slight bitterness of the lychee tea complemented the chocolate dessert well.
繼續閱讀
當你走入一間餐廳，打開琳瑯滿目的餐牌，結果「選擇困難症」發作時，最簡單的解決方法，便是試餐廳的招牌菜和得獎菜色。這個方法亦可以了解大廚的手藝，一舉兩得。最近我們來到帝京軒，品嚐了一系列餐廳的招牌菜和得獎菜色。結果，果然沒有令人失望，得到比預期更好的體驗。頭盤先來一個【花樣年華】，共三道小點：黑虎掌杏仁將黑虎掌菌加入蔬菜、黑松露爆炒，又香又好味。櫻花海膽蟹肉盒的餡是手拆鱈場蟹肉及豆腐，鮮甜飽滿；加上北海道海膽及蟹油醬汁的邪惡滋味，以及外層炸到香酥的櫻花蝦。很好吃！不過我覺得更好吃的是桂花龍蝦脆米餅。啖啖彈牙龍蝦肉已夠吸引。最特別是配上酸忌廉、蔬菜，放在脆米餅上，加上桂花柚子啫喱和食用花點綴。滿足得來，卻又帶點開胃的味覺元素，層次豐富。不愧是曾獲「香港國際美食大獎」金獎的得獎菜色。【陳皮墨魚餅．手絲雞陳村粉．京蔥爆遼參】陳皮墨魚餅用順德鯪魚球的做法製成，加入葱花、芫荽及陳皮等材料。吃起來甚有鯪魚球的風味，但又保留了墨魚餅本身的飽滿彈牙口感。京蔥爆遼參煮得出常軟腍入味，值得一讚。手絲雞陳村粉則四平八穩，粉的質感夠細滑。【黃金紫玉杯】這道曾獲得「美食之最大賞」至高榮譽金獎的菜色，是這個晚上最令我們難忘的美食。名字很古典，做法卻很有創意。將茄子挖空做成杯狀，中間的主角是帶子，釀入洋葱、煙肉、忌廉汁等。個人非常喜歡這個香濃又帶點辛香的忌廉汁，而茄子帶來意想不到的清新。加上頂層的椰絲焗蛋，咸香和椰香混冶一爐，味道澎湃而且豐富。【松露煎焗沙巴龍躉柳】這道帝京軒的經典菜式沒有太花巧，但就非常好味的一道招牌菜。未吃已聞到焦香，煮得非常入味，而肉質很好地保留了嫩度和彈性。黑松露醬和切片，將香氣進一步昇華，起到了畫龍點睛的效果。【酒香棗茸雞】另一道得獎菜。炒香的雞肉口感嫩滑，醬汁惹味，而且有濃厚芳醇的酒香。作為配角的青椒、百合、木耳等，亦很討喜。【龍蝦湯蝦球帶子泡脆米】這個主食是帝京軒的招牌菜。非常喜歡那個帶點蕃茄味、鮮甜濃郁的龍蝦湯底。伴以帶子、鮮蝦球、肉碎及米飯等材料，本身已夠吸引。最特別之處是加入了脆米，吸收了龍蝦湯後，半脆的口感帶來驚喜。【荔枝茶芒果朱古力慕絲蛋糕】最後的甜品環節，主角是荔枝茶芒果朱古力慕絲蛋糕。裡面海綿蛋糕、慕絲、忌廉層層相間，更有榛子帶來的薄脆口感。好睇又好食，令人食得開心。總括而言，這一晚的體驗非常滿意，值得向大家推薦。餐廳提供的得獎菜和招牌菜不止這些，下次有機會要再試其他菜色。除了散叫之外，帝京軒正在進行「得獎招牌．星級饗宴」推廣。推出了一個集合多款招牌菜及獲獎菜的套餐餐單，供應期去到9月中，每位只需688，相當抵食。餐單內容除了頭兩款菜外，基本上跟我們這晚所選的菜色差不多。如果「選擇困難症」不知到怎樣入手，不妨簡簡單單，叫個套餐。
繼續閱讀
挨近十二月，終於有少許涼意，立馬拉埋幾件為食朋友，吔羊腩煲同埋煲仔飯，順道慶祝朋友生日。當然，煲仔飯羊腩煲呢啲，你可以去茶記或者快餐店食，但要慶祝埋生日，上酒店似乎比較恰當。帝京始終最受大家歡迎，畢竟地理位置佔極大優勢。沒有預先寫好菜單，到時喜歡吃什麼就點什麼，來得輕鬆自在。有人想飲湯，就來盅霸王花雪梨乾螺片煲豬腱。酒店既湯水或多或少都是信心保証，湯頭熱，清甜，螺片唔韌，喝得舒暢。燒味也是必然而選，呢個想食腩仔，嗰個愛吃燒鵝，我就從來是叉燒的粉絲，那就來份三拼。叉燒不像之前預先寫好菜單、位上般的厚切，但肉質依舊鬆化；燒腩仔皮脆肉咸香，層次分明；燒鵝亦做到甘香鬆化。再來的，也不是粉絲蝦煲咁簡單。因為除了珍寶蝦，還加入了幾大隻的蝦乾，同時亦有瑤柱混入粉絲之中，帶出不出層次口感。食材質素不用懷疑，大蝦彈牙，蝦乾咸香，粉絲香口乾身，成件事好惹味。主角之一的古法雙冬羊腩煲，羊腩皮厚肉不韌，羶香味於我而言是恰當，沾些腐乳來吃倍添滋味。生菜索盡煲內的汁醬，是精華所在，你我他都知道不能錯過。去茶記等麻甩地方就話食麻辣雞煲，來到酒店就要轉吃藥膳雞煲，雞肉嫩滑不在話下，那湯底更是靈魂所在。咕嚕肉加上乾冰營造出騰雲駕霧的氣勢，酸甜汁醬剛好包裹著鬆化的黑豚肉，不過多，最怕吃到成碟都係汁醬的咕嚕肉。食個菜心平衡下之後，就輪到單尾既糯米飯和煲仔飯出場。糯米飯口感唔錯，軟熟不硬，一匙飯，一口甘香之腊腸，呢個時候食岩晒合尺。酒店出的排骨煲仔飯，還會加入舞茸菇，寧舍不同，但排骨質感可以做得更好。怎樣也要叫些甜點吧！椰汁棗皇糕，賣相矜貴，吃起來軟熟不黏牙，既有紅棗味道，亦滲出陣陣椰汁香氣，頗有水準的。食埋酒店餅房出品既生日蛋糕，滿足到一個點。
繼續閱讀
您可能會有興趣的...