帕維亞意大利餐廳

營業中

休息中

今日約朋友聚餐，就佢放便去九龍城食晚飯。佢話有好野介紹，以為去食泰菜，點知跟住行行下去咗一間意大利餐廳。此店門面比較低調，附近環境相對清靜，好彩朋友响附近返工又好鬼為食先發現到好野。餐廳裝修以橙色為主，牆上有精美彩畫及掛畫，加上座位闊落，空間感足，令人感覺舒適又自在😃。麵包先上一籃熱辣辣的麵包，蒜蓉多士香脆惹味，芝麻麵包鬆軟香口😍，備有牛油、意大利香醋及橄欖油，可按個人喜好添加。黑松露菌忌廉汁意大利帶子牛肝菌雲吞 $198.-上枱時黑松露香氣四溢，忌廉汁質感creamy味道香濃，雲吞皮又薄又滑，包滿帶子及牛肝菌粒，味道鮮美充滿菌香味🥰。清炒巴馬火腿蘆筍扁意粉 $198.-扁意粉炒得乾身👍，質感煙韌，蘆筍爽脆清甜，巴馬火份量多，味道鹹香，再加上黑胡椒及紅椒，令整體味道更加香口惹味。焗法國鴨腿 $268.-鴨腿表皮焗至香脆🤩，肉質軟腍，味道鹹香，配菜有幼滑的薯蓉、清甜的蕃茄及香口的紅椒，豐富又好食😋。熱咖啡 $38.-食得飽飽再來一香醇的咖啡，感覺十分滿足😊。

餐廳嘅氛圍好舒服，燈光柔和，音樂輕輕地流淌。服務員好友善，有禮貌！墨魚汁帶子意粉真係好正！帶子新鮮彈牙，墨魚汁嘅味道好濃郁，配上意粉，每一口都好滿足。真係一道令人難以忘懷嘅菜式。鴨胸肉係我哋最喜歡嘅菜之一！肉質嫩滑多汁，外皮煎得金黃酥脆，每一口都帶來滿滿嘅美味。薯蓉嘅搭配更加豐富了味道，令人回味無窮。前菜嘅煙燻沙律魚令人驚艷！魚肉煙燻得剛剛好，帶出淡淡嘅煙燻香氣，配上新鮮蔬菜同沙律醬，味道鮮美又健康。最後，提拉米蘇作為甜品，真係完美嘅結尾！奶油柔滑，咖啡味濃郁，每一口都帶來濃濃嘅滋味，令人陶醉其中。

家姐早2日帶左我去九龍城食意大利野而唔係泰國野，真係估佢唔到🤣坐低一陣，店員就比左d好正既餐前小麵包（蒜蓉包同芝麻餐包仔）我哋地食；D包上枱仲系熱，烘到外脆內軟咁；最正系個個蒜蓉包，d蒜蓉真係香到－個點！跟住我哋叫左：❣️煙燻三文魚芝士沙律煙燻三文魚既分量唔少，又夠大塊，同芝士碎、沙律菜呢個組合真係幾夾，清新開胃。❣️黑松露菌忌廉汁意大利帶子牛肝菌雲吞松露汁濃而不膩；薄得梨好煙韌既雲吞皮包住好多彈牙帶子同牛肝菌，再加埋呢個汁=完美❣️燒美國頂級肉眼牛扒12oz牛味超濃肉又滑，切開佢仲有肉眼看得到的粉嫩，絕對系我想要既熟度。伴碟薯角又夠脆，個菇又多汁，整體都好令人滿意😍

早幾日又去左九龍城搵食，難得唔係食泰國菜，而系去咗食意大利野🤣值得－讚既係，呢度既餐前小麵包真係超級出色，佢地分別系蒜蓉包同餐包仔，應該係岩岩烘完就即刻上枱，入口熱辣辣脆脆地，真係好香口。特別係個蒜蓉包，d蒜蓉味真係超出超香，勁想食多幾塊😍我地仲食左：👉🏻✨煙燻三文魚芝士沙律✨煙熏味好重、又鮮又滑嘅三文魚比我想象中多同大塊；鹹鹹香香嘅芝士碎亦都份量十足，好似食極都有🤣佢地同新鮮爽脆嘅沙律菜呢個配搭真係超級完美🫶✨黑松露菌忌廉汁意大利帶子牛肝菌雲吞✨ $198呢個牛肝菌雲吞賣相唔算好靚，但絕對可以稱得上系皮薄餡靚，雲吞皮煙煙韌韌夠哂薄；入面包裹住滿滿彈牙又鮮甜既帶子同菌香突出既牛肝菌，入口有層次得梨仲超有口感😍本身已經味道超好，沾滿哂超香又creamy既靈魂黑松露忌廉汁仲更加不得了，真係好食到要舉指公👍🏻✨燒美國頂級肉眼牛扒12oz✨ $438呢個美國頂級肉眼牛扒面層佈滿哂格仔紋，睇到都流口水🤤食落牛味絕對夠勁，唔嚡唔靱啱啱好，肉質細嫩又多汁，我呢個牛魔王表示好滿意🫶配菜薯角亦都唔毫不遜色，炸到外脆內軟真心正😍個大啡茹更加係冇得彈，又爽又彈，d汁爆曬出梨咁濟❣️睇嚟九龍城呢個地方真係夠晒臥

今次黎到九龍城搵d特色野食，經過見間呢間意大利餐廳既裝修都幾靚，就一於試下佢！一到去見到佢有set同a la carte，因為唔知佢地既份量係點所以我地都係單點就算。當中最出色就係佢呢條海鱸魚。香煎智利海鱸魚 $328原條海鱸魚煎香之後上碟，煎得十分香脆，而且唔會乾身，食落每啖都係好香既魚味。調味方面用左少少香草，食落味道更加有層次。同埋最緊要就係佢唔會太多身，岩哂我呢d懶人。另外，店員都好親切，每次上碟都會解釋返個菜式，服務非常好！

去親九龍城都係食泰國菜，今晚同家人想食西餐，搵到呢間好高質嘅西餐廳，原來已經開咗係九龍城有段時間，餐廳環境優雅，食物款式算多，價錢合理，食物質素唔錯，值得推介意大利巴馬火腿配蜜瓜沙律巴馬火腿份量都好多，咸香味十足，沙律菜同車厘茄同樣新鮮，加上有蜜瓜清甜香味，食完沙律真係幾開胃香草汁海鮮意粉海鮮分別有帶子、青口同埋蝦，都幾豐富，意粉火喉煮到剛剛好，保持應有口感，配搭香草醬汁味道十分香口，食到停唔到口

約咗班朋友係九龍城食飯，搵到帕維亞意大利餐廳，位置喺宋王臺站可步行嘅距離，餐廳環境優雅，坐得好舒適，食物質素不錯，款式都幾多，職員殷勤有禮，經佢哋介紹吓叫咗好多食物，同朋友有個愉快嘅用餐體驗同朋友聚餐最岩叫大件野食, 今次叫左大大件既斧頭扒! 真係好適合一班朋友一齊食, 個扒燒出黎個坑紋好靚, 熟度又剛剛好, 肉質更是一流, 非常軟嫩, 牛肉味濃郁, 連骨位置肉味超香濃! 唔需要點醬汁已經好夠味, 同朋友都覺得好滿意

估唔到而家九龍城都有咁好食嘅意大利餐廳！呢間餐廳喺宋王臺地鐵站出口3分鐘就到，真係好食又方便，啱晒同朋友放工約埋一齊嚟食😆美國頂級西冷牛扒今次同朋友嚟就試吓鋸扒！呢排西冷牛扒估唔到份量都好大塊喎！一碟兩個人share啱啱好啊！牛扒燒到隔網狀，小小焦香味，真係幾惹味！入面仲有肉汁，牛肉好嫩又香肉味，推薦！黑松露菌忌廉雜菌意大利飯朋友就叫咗呢一個risotto，黑松露好香，而且忌廉汁唔會太漏，加埋惹菌好有口感！意大利飯煮到中間少少硬外面係煙韌既，食落都好正宗！加埋兩杯嘢飲，平平哋又一個夜晚！最緊要質素唔差，啱晒三五知己一齊嚟！

今日朋友帶我嚟九龍城食意大利餐廳專做傳統意大利菜式為主好鍾意佢嘅餐包有兩種唔同嘅餐包一種係芝麻同一種蒜蓉多士芝麻餐包我鍾意點油醋橄欖油好出色再加上酸酸既醋另外蒜蓉多士好香脆香草煮蜆朋友揀咗個蜆嚟食，話之前喺意大利食過好出色今次喺呢間餐廳試吓呢碟蜆好大隻啖啖肉香草味融入到蜆肉中蜆肉好juicy同埋份量都唔少好多隻蜆另外嗌咗個豬鞍豬肉唔會韌切開仲有肉汁配上薯蓉，質地好幼滑點上酸酸地既醬好滿足既一道菜❣️

今日去到香港嘅美食天堂區，除咗泰國嘅美食之外，原來有一間意大利餐廳都係好好食！餐廳裝修仲好有風格非常之有氣派！餐廳喺南角道再直行大概10分鐘位置就可以見到！餐廳嘅空間感亦都十足！除咗精美裝修之外、仲見到唔同嘅位置都有好獨特嘅佈置！充滿意大利風情！ 。 再加上餐廳用紅色做主題好溫柔好浪漫、情人一齊過嚟食就更加有氣氛！再加上發覺呢度嘅調味料都非常之多！可以配合食唔同食物嘅時候配搭！頭盤芒果軟殼蟹沙律，味道清新，配上酸酸甜甜沙律醬嘅開胃！第二道菜係佢哋嘅王牌意大利雲吞利用咗黑松露醬，滲入每一個意大利雲吞、一般換咗帶子同牛肝菌食落去好Juicy，好香！之後意大利燒春雞、雞肉嘅質地唔會好嚡、都充滿着肉汁雞肉比較硬身、食落去有口感！雞皮煎得香脆！最後意大利芝士軟餅甜品：呢個值得一讚！除咗味道好食之外，再配合埋朱古力醬同埋特製嘅生果，味道香濃、質感軟滑好似食緊冰淇淋一樣口感好正！九龍城打鼓嶺道85號帕維亞意大利餐廳Pavia

今次同朋友去到九龍城嗰邊諗住食泰國嘢、帶朋友同我講呢度有間意大利餐廳都好食、作為食物地膽嘅佢，我一定相信佢！所以今次就食意大利菜！呢間裝修非常之獨特，好有意大利嘅風味 ！再加上餐廳嘅座位都好寬闊，我哋都坐得好舒服！呢度嘅裝修風格都好靚，好華麗！我最鍾意就係餐廳上面嗰盞吊燈好豪華好有氣派！第一個係原隻軟殼蟹芒果雜菜沙律、味道比較清淡配搭佢嘅沙律醬會D！芒果鮮甜雜菜需要調味！之後係佢哋餐廳嘅，必食推介，黑松露汁意大利雲吞！呢個真係幾好食再配搭入面有個帶子肉同埋牛肝菌.材料矜貴用料新鮮！之後就係原隻燒春雞、味道香濃、春雞嘅肉比較硬身、但係入面啲肉都爆汁Juicy、再配搭，佢嘅特製醬料味道都OK！最後當然有甜品啦！意大利芝士蛋糕、配合特製生果食落去零舍唔同、蛋糕質感好似雪糕！好幼滑！意大利餐廳位於九龍城打鼓嶺道85號位置，如果地鐵站嘅話就係宋王臺日b2出口直行大概10分鐘就可以到達！叫pavia

-平日晚上經過呢頭 心血來潮想試試新嘢意大利🇮🇹菜平時好少食 所以對我嚟講算係比較少接觸嘅新奇菜式😙😙餐牌上面菜式嘅選擇都唔少🫡心大心細嘅我最後決定問店員意見最後店員就推薦我食呢兩款😌-Main > Us肉眼扒🥩肉眼扒熟度是剛好 伴隨一股焦香味飄逸個人覺得佢肉質係嫩中充滿嚼勁有牛肉應該要有嘅質應 嫩口不老肉味香濃 但唔會過分油膩🤙🏻油膩感係洽到好處 剛剛好😳醬汁調味亦都有助提升牛扒味道層次同埋佢旁邊嘅配菜係好好食！-前菜 > 煙肉焗薯皮🥔點都想食返啲澱粉質 但又唔想食太多可能呢個前菜就係好選擇！煙肉同埋芝士真係好夾😜鹹香夾雜但又唔會話好油最鍾意食薯仔係連埋皮…咁先係最好食薯仔唔會焗到好爛 呢個係值得稱讚嘅！-唔好睇小呢兩碟野其實一個人食哂都會幾飽呢間餐廳都值得再訪畢竟價錢同埋食物質素我覺得滿意！

原來九龍城唔係淨係得泰國菜好食！上網見有人介紹呢間係意大利餐廳，位於九龍城打鼓嶺道85號地舖，招牌寫住帕維亞意大利餐廳，睇餐廳名以為會好貴，但價錢算係中等，低調又好味餐廳🤤.食主菜之前會上餐包，我最鍾意蒜茸多士🥰好香好多蒜茸，烘得又脆口，好想再refill🙈主食點了兩款飯，一款係大蝦忌廉意大利飯，另一款係龍蝦忌廉意大利飯，份量慷慨大方，擺盤好精美，上檯時香氣撲鼻而來😍飯加入忌廉口感像奶油濃稠，米飯少少硬咬落煙韌，大蝦好彈牙，新鮮爽口，龍蝦同樣都係，呢到海鮮質素都唔錯

九龍城除咗出名食泰國菜，原來西餐都有一手，呢間意大利餐廳食完完全有下一次🫡座位四正坐得好舒服，服務態度都一流👍🏻個職員仲同我哋有傾有講，用心推介餐廳嘅菜式🫶🏻芝士焗龍蝦🦞蝦肉彈牙紮實，非常鮮味！上面啲芝士好香脆又濃郁，但又唔會搶咗龍蝦肉嘅鮮味🤩另外呢一個煎大蝦同煎帶子，刺身給果然係食得出分別，帶子外脆入邊好腍滑，而且大蝦同樣地好鮮味同蝦肉紮實，配埋個蘑菇醬汁一齊食，好唔錯！我覺得餐廳都好適合推薦比拍拖嘅情侶嚟食🤭

有朋友生日，訂左呢間餐廳慶祝，早一兩日電話預約座位就可以，餐廳主打食意大利菜，環境裝修都幾靚，寬敞唔會好迫🥰.晚餐選擇都幾多，dinner set可以揀3/4course，前菜可選巴馬火腿沙律、芝士焗青口或意大利帶子雲吞，而湯都有兩款，就係南瓜湯同龍蝦湯🤤主菜有肉眼扒、海鱸魚柳、帶子墨魚麵同大蝦意大利飯十五十六之下最後揀左肉眼扒🤣.牛扒炭香味道強烈，肉味香濃，愈嚼牛味愈感強烈，肉汁滿滿，非常出色😍朋友就點左香煎智利海鱸魚柳，沒有魚腥，平時出面食係好淡味，但呢到調味幾好，魚味略淡魚肉好滑食落冇骨，味道好好，店員服務都唔錯，上菜快，整體都食得幾開心