巴依餐廳

營業中

休息中

其實港大附近餐廳要好食嘅話真係選擇少 要不是茶餐廳 要不是外賣好彩都有一間餐廳係適合一大班人呢度嘅份量都好大碟絕對適合分享食手撕雞一上枱嘅時候都見到係超級大食落去其實係有辣味但係面唔會辣到噴火㗎香口惹味嘅醬汁加上嫩滑嘅雞件唔錯！新疆拌麵入面有好多彩椒 其實本人完全唔喜愛食椒類食物但幸好佢醬汁濃味令到草青味唔突出而麵條十分彈牙索汁午市黎講五十多元盡對值手撕羊肉上菜時比佢份量嚇親 竟然有八大舊旁邊嘅係一堆孜然粉比你點黎食羊肉香滑嫩口 但騷味唔夠原味酸奶只售28不經調味所以唔會甜 但就好岩我口味另外一提 呢度上菜速度有啲慢同埋侍應有啲chur同唔留心記得要對單！

正宗新疆菜真係推巴依，好食抵食勁有羊香。新疆拌麵好滑好多蔬菜，仲有麻麻香味，羊肉係碎粒，但份量好多。仲叫左杯酸奶，味道真係一絕，飲一杯就滿足。餐廳一定要訂位，好多人好旺場架！

一兩年前吃過幾次味道不錯，但一直未試過招牌羊腿，所以今次慶生飯特登事前預約並訂了羊腿。先說態度訂位時特登問過侍應可否吃生日蛋糕才叫朋友買蛋糕。點知去到先話係可以幫我雪但唔食得？？！！咩邏輯？我下次又預訂張枱坐下唔消費得唔得？結果蛋糕比朋友帶返家 極掃興食物方面招牌羊腿肉不算多 3-4人分還好 一定不會飽肉質可以 有最愛羊羶味但太多調味粉在面略嫌蓋過本身味道。根據經驗總體認為手抓羊更好味 但今次無食未知質素有無下滑椰菜叫左碟椰菜食 幾多麻子等配料 麻而不辣 唔錯大盤雞唔知菜式特點定咩 全部雞頭尾雞骨 無肉食 如果想大啖大啖肉食不建議叫呢個 另有少少麵同薯仔，吸晒汁味道幾好 但麵太少 得兩碗左右以前羊肉餃等不少菜式都無左。總體味道比以前差 服務太跌 變左賺錢為主既食肆 未必會再去

男朋友很想念在New Zealand的新彊菜味道，所以他提議去吃巴依餐廳 - 這間連續很多年都獲得米芝蓮推介的餐廳！我還在讀大學時，也光顧過2次，但都是吃午餐，未試過晚餐時段來。當天我們打了電話先行預約，當天入座率很高，幸好我們先預約，不用等就可以入座。我們點了原味酸奶、2串孜然羊肉串和大盤雞。原味酸奶($28)：貼心的男友在我到達之前巳點！其實說穿了有點像forzen yogurt。很喜歡這種酸甜的感覺！孜然羊肉串：很香！羊肉羶味不會太重，肉質不會硬，帶點脂肪和咬口～下次來會再點！大盤雞：等了一會才上菜，感覺是即叫即做。很大一盤，2個人吃，份量剛剛好！有很粗的麵條作底，配菜有薯仔和大量辣椒作調味，當然重點是雞！雞是斬件的，肉質頗幼嫩，也很入味。總體來説，不會太辣（大約是譚仔小辣的程度）。下次要再來嘗試其他菜色。

呢間餐廳食新疆菜，小編都係第一次食，係為食朋友介紹，所以一知道巴時候已經懷住興奮又愉快既心情😆呢到最signature既就係呢個羊腿！要早一日訂定的😆首先會見到原隻羊腿！再問我地切唔切，羊腿無咩添加既調味料，淨係落左少少孜然粉已經好配合到羊肉！有好多朋友都話怕羊既蘇味，但小編想講！呢到既羊係1d都唔蘇！肉質又鮮又嫩，配埋少少羊脂，齒夾留香😋本身諗住香港既羊都唔會特別好食呀，但估唔到嗯d小店仲留到原有風味👍🏻

一入店已經見到蔡瀾推介同好多米芝蓮嘅獎狀涼拌豆腐啲豆腐切到咁細條條好犀利唔識揸筷子嘅我夾到夾唔到啲豆腐。皮蛋、炸菜、個汁同啲豆腐一齊食好夾。烤羊腿羶味唔算好濃， 勝在皮脆肉嫩，肥瘦適中，加埋孜然粉食非常惹味。佢會畀碟茄汁你點肉，隨個人口味，我就覺得唔點好食啲。酸辣土豆絲以為係凍食，原來係熱食。朋友話個味道過酸，我就覺得還好。食得辣嘅一定要同啲辣椒乾一齊食，好食好多。酸奶揀咗原味酸奶，同北京飲過嘅老酸奶質地同味道差唔多。奶上面啲芝麻飲落口有爆珠嘅感覺，好飲，但廿幾蚊杯有點兒小貴。

山竹來勢洶洶，係有可能打風嘅星期五，和同事們興起想出外搵嘢食。經過見到巴依餐廳好神秘成日都唔知係食咩，於是就走入去試下啦～可能係lunch同埋開咗學嘅關係，好多同學都走來食lunch，不過侍應都好快就安排到座位比我哋。lunch menu好簡單，有幾款粉麵，其中有個$280大盤雞好似好吸引。望一望後面果枱有叫呢碟嘢，問一問侍應，佢話大盤雞下面會有麵，我哋4個人應該食得晒～同同事商量之後就決定叫個大盤雞試一試！大概等咗十幾分鐘之後，大盤雞就到啦～好香！有啲似麻辣雞煲味～大盤雞主要有好多雞塊，薯仔，辣椒同埋最底有個麵底，都真係幾大盤...首先講啲雞，佢一早註明係有辣味，雞肉幾入味，入口有麻辣，加少少佢本身碟嘢嘅醬汁一起食幾惹味，不過美中不足之處係比較多骨位同埋無咩肉可以食到～薯仔應該係本身同個醬汁一起煮嘅，所以都好入味，用薯仔嚟中和返少少辣味，對於一啲唔食得辣嘅人來講應該係救星因為我本身比較鐘意食辣，所以覺得再辣少少都仲可以！之前侍應話有麵底，大家都好期待係咩麵呢，個大盤雞嚟到都見唔到有麵嘅，大家反一反上面啲薯仔同埋雞，就發現原來個麵底真係係最底比較surprise係個麵底用咗厚同粗身嘅麵

羊肉串夠嫩的，羊排偏肥，整體食物水準是不錯的。可惜，有一位侍應似乎需要接受培訓，學習待客之道。(其他侍應是好好的)旁邊有檯客人，預訂了食物，但想換其他。客人問侍應得唔得，但侍應態度很差，話除非有其他客人要，否則不能改。原本這是完全合理的，客人也明白，所以只是問問，如果不能換，他們也沒打算強人所難。只是侍應大聲，且態度很沒禮貌，隔離檯都聽到侍應把聲，令其他客人煩擾。另外有檯客人，加單 ，食物上來的時候已經差不多要交檯。侍應又係態度很差地催促客人埋單(其實，只係過左幾分鐘)，而且仲有幾張吉檯，侍應可以靈活安排客人。而且最重要係，侍應早d同客人講，加單會來不及交檯，客人唔加單就唔會遲囉。呢個侍應，完全唔理其他客人感受，究竟一晚要同幾多檯客人吵呢？

我們為了一試這裡的烤羊腿慕名而來😉話裡在西營盤水街，距離地鐵站也有一點距離🤔即興到此一試，坐的士吧！（這裡分兩個時候入座的。第一時段6pm-7:30pm)店內裝修～喜愛牆壁上絲綢之路地圖我們最早到，踏正6時食客一個接一個到達，很快便滿席。餐牌其中一頁字大大隻，有如這裡大部份菜式也大大份（看到附近食客所點的食物而評論。）兩個人吃掉一隻大羊腿$368，太誇張了吧！個人認為不油膩，孜然粉等材料作調味的大羊腿，沾上我很喜愛的茄汁，很美味！😍😋但建議3-4人點一隻吧😅這個沙拉頗辣呢🤔所以叫新疆老虎菜$48？另外，這裡需要加一服務費及茶芥$10而這裡店員服務態度很好呢！

本人勁愛好羊~!!!有一日同友人兩個人係西環唔知食咩好見時間有早就去睇下巴依有冇位啦~聽聞唔卜就多數冇得食好彩有咋,但一定要90分鐘交檯,真係好FULL呀!我地見咁多野揀花多眼亂,就叫左個2人套餐!前菜係皮蛋豆腐~好滑既豆腐加上醬汁已經勁香,仲有皮蛋! 超開胃呀!蔬菜方面就有土豆絲好特別呀!邊到搵呀!而家諗返都流口水呀!有香辣既味加爽脆既薯仔~戲肉就係羊肉薄餅,好似北京填鴨咁食法,佢個羊有洋蔥同甘荀粒粒又香又惹味!包埋入個餅皮入面真係一絕,佢有7-8塊,一D都唔少野~最最最正就係涮羊肉啦~好大好抵食~D孜然粉令到成件事唔同哂...肉又夠淋~自問係羊痴既你一定唔可以錯過!

星期天下雨天7點半，諗住博一博睇下有無位，點知果日勁多吉位，超lucky！好多時嚟都好full，唔訂位多數要等位。今次只係兩個人嚟食，叫咗三款食物兩杯酸奶，原來真係太多會食唔晒，同上次一樣要打包囉！羊肉串燒 $60/2串串燒真係好好味，有肉有膏，肉又腍又多汁，孜然粉又多又香，完全覺得整串串燒係勁羶，必叫！炸羊排 $238好想食返上次個羊脾，但兩個人真係無可能食到，連半隻都應該唔得，所以今次叫咗炸羊排試，原來份量都唔少，有十零條骨，每條都算多肉，我略嫌炸漿厚咗dd，但肉質腍同多汁，同樣有少少膏羶羶地，孜然粉又係不可缺少，可以一試。羊肉薄餅 $68呢個相比下比較失色，因為上面兩款食物都好羶，同埋今次食覺得佢肉太碎，加上薄餅凍咗又硬咗，所以呢款薄餅唔叫都唔會損失。芒果酸奶 $28 x 2芒果係最好味，少少酸少少杰身，不過飲完一杯都幾飽架二人共消費：$475

一直好想食嘅巴依餐廳終於有機會一試。好難得我地呢個四人組合做好羊！四個人去食可以叫多啲野食。訂位時已訂左羊腿。Book左6點，可以食到7點半。5點10就可以入座。叫左 羊腿$369大盤雞 $200薄餅羊肉 $68涼拌豆腐 $30干煸四季豆 $40酸辣土豆絲 $40烤羊肉串 $60/2串茶介 $5/位羊腿未切前會先比客人睇睇。真係幾大隻！樣樣野都好好唔錯！羊腿，好香，帶少少羶！應該好多人都接受到！香料咪都岩岩好！唔會過重！羊肉串，呢個比較淋！大盤雞，真心好大盤。睇樣以為會幾辣。但原來唔太辣架。但幾濃味嘅。啲薯仔吸哂啲味！正！啲雞又唔會鞋口！薄餅羊肉，有8塊薄餅，羊肉碎加埋啲洋蔥碎同蘿蔔碎。又同羊腿，羊肉串唔同，另一種味道！涼拌豆腐，刀功好好😂配上皮蛋同榨菜絲同醬油。酸辣土豆絲，好開胃，而且土豆絲爽爽地，好岩我口味！四季豆，普通，唔算太特別！四個人一路人一路大讚。呢間絕對可以Encore！

難道得的新疆口味！點了手撕羊肉，手打麵素菜麵和酸奶，二人食， 份量剛剛好。羊肉真的好大一份，本來想多點一些其他東西，還好沒點，真的會吃不下。看見隔離桌的，點了豆腐、好似幾好食，下次會試試。羊肉夠蘇，夠味，不鞋，一定要配上孜然，才夠風味！手打麵忘了拍照，是很樸實的農家口味，麵質有咬勁，價錢$3x-$4x (忘了價錢），幾底食。我是酸奶的粉絲，點了芒果口味酸奶和原味酸奶。芒果口味太太太甜了，原味的就剛剛好，不好甜的，千萬別點有水果口味的。

呢間餐廳已經喺度好多年，以前好多時都黎食lunch，快靚正。今日就試吓晚飯。望過啲set唔係太吸引，所以決定散叫。食開都知，呢到調味都幾重手，鍾意嘅覺得惹味，唔慣嘅會覺得又咸又重味精。我覺得可以接受，香料味比較強，孜然、麻辣呢啲唔少得。手撕雞肉係滑嘅，羊肉就甜甜地唔羶易入口，土豆絲係酸嘅幾開胃。每碟份量都唔細，加上都幾油膩，好快就飽晒呢到仲有隻烤全羊，需要預訂，一直都好想試，不過就要湊夠大班啲人先有機會食啦！

小妹非常鐘意食羊肉，自從去過北京食過新疆菜後就非常懷念新疆羊肉嘅味道。之前手癢search下香港有冇新疆羊肉食結果就揾到依間，所以就好心動想要嚟試下，難得揾到有朋友都鍾意食羊就一齊嚟食。侍應好似都係講普通話嘅國內人。一開始我地想叫喺北京食過嘅羊肉手抓飯同羊肉串，可惜menu寫話冇得供應，即刻覺得好失望。我地兩個女仔又食唔到大份嘅烤羊腿，最後叫咗餐廳都出名嘅羊肉薄餅。薄餅皮唔厚，羊肉偏肥所以有入口溶化嘅感覺，配上蘿蔔同洋蔥粒味道好夾，食落好有油香同羊羶味，太耐冇食過咁好食嘅羊令小妹覺得好幸福，亦令我回味返喺北京食過嘅味道😭由於budget有限同因爲佢好多菜式都未能供應，我地就叫咗個麻辣小菜，可能就返港人口味唔太辣，但就非常有風味。飲品方面，我地點咗兩杯藍莓酸奶。酸奶同北京新疆菜館比係偏甜，但勝在夠creamy. 不過一人一杯會好飽肚，最後飲唔哂都要用外賣杯拎走。希望下次多人d有機會試下佢個烤羊腿、羊肉串同羊肉手抓飯。始終香港冇乜新疆食肆，所以食到依間好滿足了。