巴伐洛娃

營業中

休息中

呢間西餐廳喺OpenRice搵見喺返工附近就試一試估唔到咁有驚喜 味道賣相都一流我叫黑松露雜菌意粉同熱mocha 意粉麵條煮得岩岩好 條條都吸哂濃郁嘅黑松露醬😋好正 配埋雜菌好出色 份量足夠杯熱mocha都好濃好滑 拉花都好靚 好適合打卡👍🏻環境唔錯 好Chill好舒服 下次再試埋其他先

今次嚟到大角咀一間小店😆呢間小店嘅餐牌好有驚喜！分別有餐湯，兩個前菜同埋兩個甜品，仲有嘢飲送🤓⭐️餐湯：南瓜蓉餐湯，對於鍾意食南瓜嘅我嚟講好正😆主菜1️⃣：蒜香辣肉腸意粉-我個人認為佢偏鹹，一定一定要配嘢飲嚟食，但整體嚟講都算唔錯主菜2️⃣：黑松露威靈頓牛柳🐮（主菜再加$50）-基本上係俾佢吸引到黎食，佢個酥皮好香🤤個牛肉又好嫩🤤如果唔係嗰日腸胃炎，我一定會再食多啲😤甜品1️⃣：熔岩Tiramisu-好似食緊奶蓋嘅感覺🤣但係都幾特別，味道又啱啱好，仲可以打吓卡（不過呢個甜品要另外再加錢）甜品2️⃣：apple crumble🍎-第一次食有雪糕加埋嘅Apple Crumble，酸酸甜甜咁，好啱夏天食😆😆整體而言，雖然店舖比較細，但對於兩三個人，甚至四五個好朋友一齊聚餐嚟講，都係一個幾好嘅地方，如果行開奧運或者大角咀，可以嚟試吓呢間小店啊😆舖頭主打pavlova 今次未有機會食，希望下次有機會再去試吓啦😋

今日同細佬誤打誤撞黎到呢間cafe面前，見到lunch set感覺幾吸引就入去，lunch set有包一杯野飲+餐湯🥣或者沙律🥗我地就一人點一款，雖然細細一碗，但係個湯都好飲，我細佬飲曬😆，沙律都酸酸地幾開胃，之後我地追加左一份黑松露薯角，估唔到22蚊1份有咁多🥹兩個人分到幾飽下😹 細佬見到個肉醬意粉好快就捲黎食，可以提升既地方係可以多啲汁，因為有少少乾+可以加多少少芝士🤏細佬話整體8.5分😋我自己就點左個lunch set海鮮飯（細份），雖然看落細，但係食完都飽肚！我都幾鍾意個飯煮得啱啱好，因為有時候有啲餐廳會煮得唔夠熟，個飯都好夠味，海鮮又多，真心好難搵到咁底食既海鮮飯🥘有魷魚、青口、蜆肉同蝦🦐，可見老闆好大方同好用心整每一份美食🥹，每次送上熱騰騰既菜都會提醒我地小心熱呀，好暖心🥰希望大家有機會黎呢間cafe試下，我亦都希望下次可以帶屋企人黎試食其他菜式！！店鋪雖然細，但係佈置既環境好有溫暖既感覺，🤣有好多仙人掌🌵既deco，好得意同好舒服😌

之前試過午餐唔錯，係用心經營的小店。今次帶三五好友試試晚飯，用喜出望外來形容絕對冇誇張。小小廚房整出工序繁多嘅菜式，竟然有酥皮威靈頓牛柳，帶子大蝦配自製香濃蝦湯最啱用外脆內軟嘅豬仔包沾汁吃，BBQ豬肋骨唔太甜，夠腍多肉，全部必試！配水果茶少少酸味道剛好竟然有好多款甜品選擇：疏乎厘，鮮果蛋白餅，朱古力心太軟啖啖都係心機！我哋咁啱遇到老板，誠意推介唔同菜式，熱情款待，大廚拍檔經驗豐富，高難度主菜及甜品輕易就應付到！傾開偈更了解到佢哋對食材配搭嘅要求及對整體質素嘅執着……好鍾意呢一種餐廳同客人互動嘅用餐體驗！超溫暖！仲要有二人晚餐，人均$150-200 有湯有主菜有飲品同埋甜品！！下次要試多幾款小食

朋友介紹話品質唔錯，來試下。Lunch Set性價比好高。試左店家推薦的肉眼扒同西班牙飯，好滿意。肉眼扒係咁的價錢有咁的質素，好良心。西班牙飯細細份，但好多🦐。咖啡有意外驚喜。大廚好young，希望小店生意興隆，長做長有。

假期最後一日好彩約咗fd早少少去坐低一陣就Full場啦🙈🙈伊比利亞黑毛豬鞍扒超厚身啖啖肉，咬口鬆化😋😋鍾意食近骨位置，又爽又脆👍👍我本身唔好食牛，朋友叫咗7成熟牛小排，連埋自家制薯蓉一齊放入口，又一層次口感🤩🤩另外order咗西班牙海鮮飯，3個人食到飽飽都要加埋Creme brulee & 🍫Cake，今餐大滿足🈵️*消化甜品有第2個胃🤣🤣店員話所有甜品都係廚師出品手工味道果然唔一樣🤩🤩雖然小小一間店，服務完全到位🉐️🉐️

趁假期試試小店店面唔算大，應該係一人廚房但見其他食客嘅餐點賣相都絕不馬虎～今次試左佢嘅午餐有餐湯或沙律，再配主食同飲品我地揀左忌廉南瓜湯好creamy 好滑，都幾有南瓜味主食就揀左西班牙海鮮燴飯同埋牛肉漢堡配炸薯角西班牙海鮮燴飯有唔同size揀，配嘅蝦會有唔同（大size好似配虎蝦）今日就叫左個細size, 一人份量都好夠飽印象中都係70幾蚊但好多海鮮熱辣辣整鑊上台，店員都好細心提醒要小心熱味道好夠，雖然無問係咪雪櫃海鮮，但食落無雪味，呢個價錢都值門票價另外個牛肉漢堡配炸薯角我唔食牛就無試個包，不過望落塊牛都有肉汁，有齊生菜蕃茄酸瓜芝士，再配埋個豬仔包，好豐富～個炸薯角即炸熱辣辣，我就唔客氣係咁食喇另一個吸引我黎嘅就係佢個啖啖肉蟹肉餅，蟹肉餅無溝粉，啖啖肉，蟹肉餅下面仲有啲他他醬相當開胃飲品就正常味道～不過個花果茶用左靚靚杯裝感覺立即加分～今次就未試甜品，但見到隔離枱有點tiramisu同其他甜品都好吸引～下次再食😋

上一次太好食，一間係大角咀的隱世餐廳第二次再食 ，要試新野 ， 準想試晒唔同嘅菜色本身情人節想起食，但估到應該好多人架啦叫左兩個餐 經濟實惠啲一份羊架 一份意粉 紐西蘭羊架配薯菜$188 羊架好正， 肉質非常之嫩滑煮得真係好出色虾汁海鮮意粉$78 有兩隻虾，今次有小小不如預期，有兩隻虾，但味道跟餐加$10 飲水果茶有得無限任飲每日都有是日嘅甜品，有特價今日係燉蛋 $24 炸自從上次食， 已經覺得呢間嘢性價比非常之高，下次會再試下其他菜式， 繼續試。

食完忍唔住同老板講，你地做唔做得住，我會唔會見到你地。 賣得咁平，同時最多只可以坐到三枱客。 大角嘴出名多野食 今日初四 好多餐廳都唔開，所以隨機係大角咀周圍行下搵食。 最後係富多來廣場附近見到依間餐廳，外面大玻璃睇到入面食客台上既野， 好吸引 叫左兩個餐， 加$10 仲有水果茶任添飲。 肉眼扒好juicy， 有牛肉味一食就知係新鮮野， 不是急涷肉，用的冰鮮肉。 西班牙炒飯，飯煮得淋左扣小小分。 水果茶沒有落糖，反而飲到水果的甜味，伙記經常主動加水果菜。 兩個人一個餐其實已經好飽，但實在廚師廚藝太好。 再叫左個伙記推介的蟹肉餅，嘩，成個餅，全部蟹肉勁足料，無得彈。 再叫左雞翼， $28 3 隻，好鬼平 最後面包布甸甜品， 好高分。 突出來的面包脆的，加上涷既雪糕，熱既布甸，好有層次！下一次要試威靈頓牛扒餐廳環境唔大，只可以坐到三張。 地點又幾方便 奧運站行過去8 分鐘就到了。 用咁靚既食材高成本製作，好怕下一次見唔到佢地，維唔到皮。

好整齊既小店，位於大角嘴富多來商場，「日啡」對面。平日主菜也有九款選擇，非常有心；選左大角嘴比較少見既西班牙海鮮飯 （小鍋）；眼見十二點半已經滿座，廚房由一年輕廚師左右開弓，同時煮六位客人既落單，前廳就一位年輕姐姐打點一切，難得笑容可恭，服務十分好。等左十五分鐘上菜，留意到用上正宗既 paella 平底鑊煮，熱辣辣上枱；有蝦，青口，蜆肉，魚柳，亦有chorizo粒（西班牙辣肉腸）包含在內；海鮮飯火喉適中，有如預期既濕，比較可昔係雪蝦可能雪太久了，有點乾，賣相可以好啲。總結： 小店餐牌有平有貴 （午市做威靈頓牛柳！），食材可以改善，但味道還不錯；座位舒適，任飲果茶，會回頭！

大角嘴西餐小店 全店可容納10-14人All day set 有好多款揀，豐儉由人。最平嘅餐 $68 有沙律/湯 +主食+飲品沙律用了黑醋，今日餐湯係粟米忌廉湯卡邦尼意粉好掛汁之餘但又未𣎴會太杰身威靈頓牛柳成熟度恰到好處，酥皮好鬆脆，蘑菇醬亦唔會太鹹。原本想點 Tiramisu,可惜暫停供應，店主介紹試吓個心太軟，好吧，試一試。有驚喜，心太軟比外面一般坊間食到嘅不太甜，食完整個都不會覺得滯。店主很健談亦好主動問食客嘅意見。期待下次有機會試到 Tiramisu 🥰

係大角咀隨意行下，睇下有咩食，經過見到個menu 都啱食就試下，估唔到有驚喜👍🏻 雞翼好味👍🏻 黑毛豬都好香好夠味👍🏻 個餐湯都唔係hea，係好濃郁既忌廉湯😋 加左20幾蚊食既麵包布甸最有驚喜，好味，唔會過份甜👍🏻 唯一不足就係個西班牙海鮮飯。。 一睇個名以為係risotto, 食落發覺唔係，有啲乾唔係好夠味 🤔 下次會試其他野 😁 店員都好有禮貌👍🏻 價錢唔貴，埋單兩個人夾埋$220 都好合理😁

咖啡拉花好靚，有心機！海鮮飯不是用珍珠米，而是用意大利米，好特別！加上辣度小朋友亦可接受！食物夠熱，價錢合理！有音樂，覺得好relax~味道清新，無味精支持小店，會再幫襯

香港係一個充滿驚喜的地方，好多小店都有令人意想不到的質素，Pavlova就係其中之一。香港好多舊區都有好多老店，但經歷左3年既疫情，就好似大洗牌咁，陸陸續續要退出大家既視線，取而代之嘅就係一啲高質素嘅小店漸漸出現。疫情係殘酷嘅，有危就有機，Pavlova主廚擁有近20年廚房經驗，將酒店級的水準帶到大角咀。香港人要自強，首先由撐小店開始，支持好重要！一間出色嘅cafe必然要有出色嘅咖啡啦！Pavlova的咖啡由香港得獎咖啡師專人處理，選用上等咖啡豆，親自炒豆，香濃幼滑，味道齒頰留香。小店既主菜精益求精，每一塊牛扒，每一件漢堡，每一碟意粉都注滿大廚既用心製作，小食同咖啡亦都係。若果想喺繁囂嘅到時入面享受一刻嘅寧靜，Pavlova係你很好嘅選擇。