巨昇冰室

營業中

休息中

如去巨昇冰室用膳，大家必定要考慮呢個吉列珍寶豬扒套餐，性價比超高。呢個大大塊嘅豬扒炸到不燶，外脆內嫩，恰到好處，口感酥脆，內部肉質鮮嫩多汁，真係令人食指大動 🐖🍽。套餐仲包括多士同炒蛋，配搭非常豐富 🥚🍞。我哋喺眾多套餐中選咗秘製海南雞飯，呢個套餐有芽菜底，非常健康。海南雞肉嫩滑，配上香濃嘅醬汁，味道非常出色，每一口都令人滿足 🐔🍚。芽菜嘅爽口感亦為整體增添咗不少清新嘅感覺。仲有兩個餐湯可選，羅宋湯同老火湯。羅宋湯酸甜可口，老火湯清香濃郁，兩款湯都係唔錯嘅選擇 🍲。再來一定要試嘅就係佢哋嘅手工樽仔奶茶，奶茶滑順，奶香濃郁，真係值得再嚟飲多次 🥤🧋。

去開元朗行山，見到小巴站呢間冰室好多街坊幫襯又去試下先，姐姐推薦佢地人氣招牌美食！瑞士汁粒粒餐肉炒通粉好少見既炒通粉用咗獨特的瑞士汁，讓人一口接著一口，通粉的彈性配上粒粒餐肉同腸仔！口感十分豐富，配合濃郁的醬汁，味道層次感十足樽仔奶茶奶茶嘅香濃的茶味與奶香交融，讓人感受到濃厚的香港風情，滑順的口感唔會太甜好好飲皇牌珍寶煎豬扒淮山公仔麵豬扒煎到金黃內嫩，淮山公仔麵Q軟而且相對健康配香滑炒蛋 香酥丹麥多士香滑炒蛋的絕妙搭配軟滑炒蛋！香酥丹麥多士則帶來了意想不到的口感層次，外脆內軟正

今日食既呢間冰室係位於元朗，位置都幾方便，即使晚市食飯價錢都係算便宜！食物既選擇都幾多下，除左有傳統冰室必有既之外，仲有好多新式既菜式我叫左既係滑蛋鰻魚飯，一大條既鰻魚加上包實哂成個飯既滑蛋，個份量一上到黎即刻哇左一聲，超誇張的大份鰻魚都係厚切的，日式既醬油加上呢個鰻魚味道勁夾！！滑蛋超有誠意，成個飯同去日式餐廳食冇咩分別，仲要只係$70就食到！！友人點既係炸脾沙律，係而家好少有既生炸脾！無論味道定係口感都比起有炸粉既脾香口同好味道！！必點飲品一定係呢個奶茶，個樽仔勁CUTE CUTE而且茶味極香！！最後點左既甜品開心果芒果杏仁脆脆金磚，勁多開心果脆脆！！加上金磚係即叫即炸，超香加上超多料！！兩個人都飽到食唔哂！！

📍 巨昇冰室｛元朗｝@mega_star_cafe經過元朗，突然之間好想食下午茶！好耐亦都冇食過餐蛋公仔麵🍜今日終於可以食到啦🥢除咗食公仔麵之外，仲配埋厚厚嘅多士，充滿香蒜味同埋牛油味🧈喺下午茶嘅時間依一間冰室人來人往，超多人入黎嘆返個下午茶🤲🏻✨ 頂級午餐肉滑蛋出前一丁配香蒜牛油多士🍞西多士麵包極度鬆軟，牛油多士超正 多士厚厚 而且烘得外脆內軟，熱辣辣牛油滲曬係多士到，每一啖都食到牛油同蒜蓉味🧄🍜餐肉即叫即煎，厚切餐肉真係好正，炒滑蛋更加唔洗講，又滑又香，超滿足既常餐！

巨昇冰室今次要介紹一間喺元朗嘅一間冰室叫「巨昇冰室」，下午茶時段都幾多人食，呢間冰室門口係有斜路，唔洗帶斜板都可以入到去食，不過就係因為太多人食嘅關係，我都等得幾耐下，適合輪椅坐嘅位置唔算太多，店員都好樂意幫我安排一個適合輪椅坐嘅位置，食客一離開，我就被安排坐近門口，如果輪椅人士入去食嘅話，要小心會撞到「菠蘿蓋」，枱面厚度實在太厚，枱底有一個櫃桶專放餐具，所以大家真係要小心埋枱！1.黑蒜蓉雞扒火腿奄列意粉$68+豬骨老黃瓜湯+熱鴛鴦（8.5/10）呢碟黑蒜蓉雞扒火腿奄列意粉個意粉無咩味，雞扒肉質嫩滑，但係味道有少少咸，最特別就係加咗火腿奄列，見好多人叫，我又唔執輸叫埋一份，如果意粉濃味少少就更好啦！豬骨老黃瓜湯入面湯嘅料好足夠，好有老火湯嘅味道，飲得出無味精，勁好飲！熱鴛鴦比較偏酸少少，其他無咩分別！2.馬來咖哩牛肉飯$68+羅宋湯+熱檸水$6（9/10）呢碟馬來咖哩牛肉飯個牛肉份量都幾多，我估計牛肉超過10塊，咖哩味香濃，唔會太辣！羅宋湯味道有少少怪，又甜又辣，唔係太好飲！熱檸水正常味道，檸檬片都有3片，唔錯！2人總共價錢$142個人口味總評分：8.75/10@mega_star_c

外賣，等咗25分鐘，個黑衫褲男人賣完紅豆冰，隻手有豆奶，仲fing 到落我個袋，我之後嘅外賣同堂食都出囇都未有我嘅炒粉，仲話我好咁嬲霸霸，垃圾炒粉又無味，唔會再去。

朝早10:20叫左個早餐，餐廳唔係多人，落完單幾分鐘黎左杯檸茶，之後佢keep住送外賣的問佢啲單得未，啲職員都係叫佢地出去等，企係度阻住佢地做野。中間都換左幾枱客，坐係我左邊的大叔仲早過我黎，見到有枱客話等左好耐都未有野食，佢又跟手吹左次單，個職員話整緊。一路等到10:35我同大叔都係得杯野飲，大叔又再吹一次，之後10:40左右我右邊黎左枱客，叫左野無5鐘就全部黎哂，大叔急唔住又嘈左個職員，之後先黎左個通粉比佢，點知原來仲爭個腸仔煎蛋，咁大叔又再吹。我都等左近半粒鐘，成10:50先吹單，佢都係話整緊，又過左5分鐘先黎個沙爹牛肉麵，大佬，我落單講左要沙爹牛肉米喎，個職員仲問我啱唔啱食，等左半粒鐘仲要黎錯呢下真係火都黎，之後我話我唔食哂，比左杯檸茶錢$21就走左。真係試過最差的餐廳，沒有之一。

今次嘅體驗很差勁👎🏻。首先大熱天氣，好似冇開冷氣咁。得5把風扇轉住周圍吹，其實都係好焗好熱，喺室內都出緊汗。叫咗個咸牛火腿三文治餐，個火腿係淡某某。食食吓仲咬到一粒硬嘢（？骨）職員又好似唔願做生意咁，企到老遠幫人落order，我係要大叫自己個order。其實當時唔係多客，某職員行過踢到我張椅，sorry都冇句。喺依度想同老闆講「你依間係餐廳，麻煩做好啲。大排檔麵檔食物質素同服務都好過你依間嘢」。

未嗌野食前已經聽到門囗啲外賣車手因為出餐問題罵職員 所以嗌餐嗰陣個職員4圍望唔認真幫我落 想食常餐係都要我嗌午餐 要第二次 sayno先肯落 然後送錯餐 講聲唔好意思想我屈就照食 又係嗌2次先肯重整 其間隔離等外賣既姐姐仔等到發脾氣 又有個阿伯話個餐有問題 仲要幾個職員一路比啲好差既眼神面色語氣我地 食左陣2位職員坐低食午餐 一路俾說話我地聽話要食我地錯既餐 最後仲有一枱食客既豬扒食到一半先見到紅肉未熟 個食客影相職員仲伸手話唔好影 同一時間令到咁多人不滿呢間餐廳真係好出色  ps  仲要有冷氣壞左

今日一個人懶洋洋，所以叫咗外送KeeTa唔使落街買嘢食。我叫咗間（巨昇冰室 Mega Star Cafe）做早午餐，食咗一啲經典嘅茶餐廳食品。我用咗唔同嘅角度去分析一下今次嘅餐飲體驗。招牌沙爹牛肉麵配火腿米粉份量：一個成年男人係夠飽有餘嘅味道：正常發揮偏優良，個沙嗲汁調得唔錯，牛肉唔會好韌，驚喜在茶餐廳竟然有丹麥包可以order，另外火腿奄列亦相當出色。唔會話太鹹，只係有少少油。餐飲：熱利賓納，因為叫外賣喺屋企食，所以可以加冰變成免費凍飲。大家喜歡的話可以加片檸檬添。上餐速度：外送員相當神速付款方法：信用卡（$58.00加$2.00外送費）下次希望試吓煎雞扒公仔麵。

好耐之前喺度買咗幾次焗豬扒飯外賣都好好食唔知係咪轉咗人而家好似個老闆娘唔喺度， 我哋叫咗一個焗豬扒飯同一個豉椒排骨炒河兩樣都難食到一個點， 啲焗飯仲要半生熟， 叫咗兩杯嘢飲兩杯嘢飲都好難飲， 只可以講句野難食嘢飲難飲冇下次🤮🤮🤮

一早收藏咗好似喺元朗比較特別嘅餐廳有好大條鰻魚先至勁想去試吓，同埋聽講杯奶茶好好飲去到首先店舖環境比較一般天氣凍，但係嗰度自動門成日開開關關吹住個頭好辛苦另外叫咗個鰻魚，但係條鰻魚好薄好瘦，一啲都唔肥美，同埋鰻魚肉燥飯嗰啲肉燥同個鰻魚一啲都唔夾好似一個碟頭飯即刻感覺downgrade 介有叫咗個椒鹽雞啲雞唔熟，後來轉咗個枝竹火腩，但係啲火腩肥到食唔到最後就係個奶茶仲要遇上抄牌，所以今餐飯不歡而散，總結就係冇，下次可以喺收藏名單度delete啦

難得又出省城，咁就緊係再我巨昇食個豆腐火腩飯啦，其實我黎呢間餐廳幾次，但次次都係食呢個飯，我欣賞佢個汁，有加蒜蓉，唔同之前食開的，個火腩受過汁水嘅洗禮，塊皮依然脆的，至於份量，直情係抵食，唔會得果兩三舊渣你流灘，不過，今次個飯好似硬咗少少。。。我加咗錢要個油菜及凍檸茶，先講個菜，今次係生菜，份量、製作及蠔油，全部都剛好，十幾蚊有呢個質素，係非常接受的，但如果可以的話，出餐的朋友仔幫幫忙，係未落枱之前，條菜放返好少少先，我唔希望見到一係抹枱的菜。。。講到呢杯凍檸茶，我非常喜歡，我平時冇篤檸檬的習慣，我怕反茶變苦，但呢間嘅出品，篤咗檸檬係好好飲，茶味依然，檸檬鮮出哂，唔酸，茶本身嘅甜味又啱啱好，我建議大家唔使擔心太甜或考慮叫少甜。環境：作為一間冰室，算好好，就算經常有親朋到場食飯，都確保到唔會好大聲吹水；餐牌好乾淨，放係枱櫃格，至於佢個餐具櫃，我深信已經冇野可以輸，乾淨整齊，味架嘅野齊哂，紙巾牙簽又有，非常好。溫馨提示：坐近門口單邊位請放好對腳，一不留神，會比自動門突襲。。。🤣🤣🤣

今日去食早餐派餐失序，食物質素失佳，職員冇禮貌！派餐時只係問邊個係呢樣，令到人早來嘅冇得食，遲來嘅就先上岸！混亂不堪，一塌糊塗。個公仔麵上枱時好糊好難食，不會再有下次！

第一次去俾佢門口啲七彩繽紛嘅食物相吸引咗入去，晚餐嗌咗個簡簡單單嘅窩蛋牛肉飯，點知伏咗，佢哋將個白飯同碗窩蛋牛肉分開上，嗰啲免治牛肉加咗隻生蛋喺上面睇到都唔開胃，仲要係凍嘅……第二次佢諗住嗌佢牆上面啲晚市餐實無死，點知結果都係一樣。嗌咗個牛肋骨燒肉飯，啲牛肋骨仲un過我啲腳皮，啲燒肉鹹個鹹魚，飯好似隔夜攞出嚟咁一啲水份都冇乾爭爭，我食咗幾啖就全部嘢冇再食過，嘥晒我個肚啲位…仲要成$92，真係越諗越嬲😡呢兩次嘅經歷更加令我唔相信OpenRice入邊大部份review,佢講到佢啲嘢天上有地下無，但係真係好地獄呀…如果廚房其實唔擅長整晚餐，淨係茶餐嘅話不如長期淨係賣茶餐啦，早知返屋企自己煮個麵食仲好過。