巨昇冰室

營業中

休息中

巨昇冰室 (元朗)元朗康樂路13-23號鈞德樓地下15號舖元朗好食又抵食的茶餐廳就要數這間「巨昇冰室」，分量大份之餘，食物質素亦都有返咁上下水準。這間冰室不論任何時候都高朋滿座，原因很簡單大件夾抵食，而且水準有返咁上下。炸大雞脾$35小朋友最喜歡吃炸雞脾，但自家製炸雞脾平時揸到油淋淋，我女經常嫌棄我的手藝。所以每逢外出用餐，都必定會點炸雞髀。而這間餐廳的炸雞脾水準甚高，炸得外面香脆，內裏還是肉質嫩滑。凍朱古力炸脾配朱古力是小朋友指定單點。泰式滑蛋炸蝦餅飯$68滑蛋豬扒飯平時食得多，這裏又有新攪作，泰式滑蛋配炸蝦餅飯，滑蛋的確是吵得非常亂畫，特別之處是上面加了香蔥，這些爆香過的蔥花平時會在食香茅雞髀飯或香茅豬扒飯先食到，現在加在滑蛋上別有一番風味，原來很夾之餘還很夜惹味。蝦餅大舊彈牙！肉質有咬口！重點是配上滑蛋本身滑溜的質感，這個飯極推薦。樽仔奶茶$28樽仔很可愛，裏面奶茶細滑，茶香味濃，自家製樽仔奶茶必試！

巨昇冰室 (元朗)元朗康樂路13-23號鈞德樓地下15號舖今日帶媽咪去元朗巨昇冰室食下午茶☕️泰式粟米煎蝦餅拌蔥花滑蛋意粉🍝大大碟，香噴噴，大大塊蔥花滑蛋鋪滿整碟意粉🍝，仲有三件炸得香脆金黃即粟米蝦餅伴碟，睇見就胃口大開👍👍👍蔥花滑蛋入口香滑，好有蛋香味，意粉煮得彈牙，入味，好有口感。厚厚大大塊嘅粟米蝦餅🦐，外脆，蝦餅肉彈牙，點埋碟雞醬，好食到飛起。😋😋😋再飲碗足料青紅蘿蔔煲豬骨老火湯，簡直係秋天潤肺嘅靚湯。🥣王牌懷舊金磚，厚厚，四四方方，好大件，外脆，內鬆軟嘅超級多士，加塊大牛油🧈，小小糖漿，簡直就係多士中的魔鬼，食到停唔到口，好滿足😄😄😄再飲多杯紅豆冰，紅豆粒粒冧滑，椰香清甜，🥥好飲🍹🍹🍹凍檸檬🍋菜蜜，檸檬清香，西洋菜汁味濃，蜜香清甜可口，正🍹🍹🍹

蔥油雞扒流心蛋 撈烏冬 $70雞扒煎到皮脆肉嫩，配埋蔥油食鹹鹹香香。而烏冬條條有曬汁配埋蛋漿一齊食好滑好食，非常邪惡。懷舊鐵板餐系列蘇格蘭黑椒牛柳配薯菜 $158呢個份量超巨型，差唔多有手臂咁大份。但火侯處理都好好，外圍約7成熟中間有5成熟岩岩好，食落牛味好出好有滿足感，食埋薯菜差d飽到出唔到門口阿華田紅豆冰 跟餐+$12華田味好濃郁，紅豆又夠粉，唔會硬🤪仲有2碗湯跟埋(中/西)中湯就老黃瓜豬骨，清熱解毒，足料。西湯就係羅宋湯，呢個就幾有特色，蕃茄同辣味比坊間更突出，配埋滿滿嘅雜菜，好飽肚

又入黎元朗搵野食，一間有人情味既餐廳就自然留得住客人。中秋節係朋友食過一次到會，覺得好好食，就係呢間讓餐廳嫁，今晚就約左朋友一齊食現場既。一人一個餐。 吉列豬扒滑蛋飯$70 一上枱真係好震撼，好大塊豬扒，又大碟，炒蛋滑溜。豬扒炸得鬆化。晚餐A 餐$88小炒王都一樣令人驚喜，材料好大方，有新鮮 魷魚，雞軟骨粒， 燒肉，櫻花蝦乾特別香，韭菜花 非常新鮮，取其最嫩的部分。兩杯飲品涼入心 。來得出餐廳用心去製作，見到餐廳店員同熟客人有傾有講好似朋友咁，有份親切感。

雖然元朗有很多茶餐廳，但排隊的比較少，見到這間巨昇都需要排隊我一於試試有什麼吸引街坊的魅力。香酥丹麥多士鬆化，很香，加上牛油已經好好食，滑蛋應該加了牛奶超滑。瑞士雞翼的瑞士汁好正，不像是買回來而像是自己秘製，雞翼非常入味但又不會煮得很老，撈丁正常發揮，醬汁不太咸不錯。吉列豬扒太誇張，我從未見過如此大塊的豬扒，最難得豬扒新鮮又彈牙，厚度適中，炸得香口但又不會過乾，點點沙律醬又可以解膩。淮生麵好似公仔麵，但食落會比公仔麵爽身輕身，非油炸又健康，我自己很喜歡啊，湯本身都很夠味，我覺得不需要再另外調味了。飲品雖然不是裝滿的，但都夠大杯，我點了菊花蜜，蜜糖很夠菊花又清新，配吉列豬扒清清熱我非常建議。難怪排隊都要來食，質素真得不錯，雖則比起一般茶餐廳價錢略高，不過一分錢一分貨，都值得來食。

LUNCH HOUR唔知食咩好，行行下見到有間茶記就入左去食啦。同一般茶記一樣，都係食常餐 / SET LUNCH。今次我揀左SET LUNCH，價錢都係$60-$70，大大份既午餐配湯 飲料。今次食左雞脾飯，隻脾大大份差D都食唔哂呀。呢個價錢黎講，性價比絕對OK呀。

今日同我最愛食個早餐先～😝茶餐廳第一次食呢間 吸引我嘅地方係食評佢話佢杯嘢飲大大杯😆😆 好肚餓 我就揀咗個「炸豬扒淮山麵」其實我唔知咩叫淮山麵 淮山就食過呢 以為係嗰啲淮山整嘅麵咁健康 原來都係類似公仔麵 不過我覺得比普通公仔麵滑啲（必須要加辣椒油）哇個炸豬扒嚟到旁人都不禁望吓 我遠望我都嚇親 好大舊！食落去係好食嘅！因為佢用麵包糠炸👍🏼但其實佢係一個正常豬扒啪到咁大 都有¼係肥豬肉嚟嘅 其實都好食嘅 不過裏面有少少肥豬 我就麻麻哋不過唔好見佢咁大塊啊 我成塊差唔多食晒炒蛋都OK！多士仲有啲牛油蒜蓉重點係杯凍檸茶 我覺得呢個冰就多咗少少 沖走晒啲茶味 茶味可以再提升返啲我建議呢間嘢都幾好食下次就試吓其他☝🏼😋

剛巧是午飯時間，一時之間諗唔到食什麼，見到呢間冰室都啱食決定試吓先本身想要食馬蹄肉餅飯⋯⋯點知叫咗其他餐，咖喱牛魔王飯～我以為係牛肉⋯點知原來係全部都係牛舌😆我自己就唔太啱，另一個叫咗麻辣肉絲炒銀針粉，重口味而且都幾辣好惹味，而且午餐仲有湯和一杯熱飲，雖然呢度係茶餐廳但係啲職員服務都唔錯㗎！

今次午餐食左個鮮茄滑蛋肉片飯，幾好味夠汁好濃，配大檸茶真係幾爽😌杯飲品係我見過茶餐廳之中最大杯👍👍平時可能要飲兩杯，呢到一杯夠哂，都係吸引我黎之一，略嫌米飯可以再軟少少就一流女朋友食黑椒豬扒炒烏冬，夠鑊氣食得出係即炒夠惹味，佢例牌飲貓奶茶，比凍奶茶濃D佢最喜歡😺加個芝士磨菇大奄列兩份食，成塊面咁大最後係食唔哂，打包一半😂整體來講算很不錯，門口可以泊到車，午餐時段等左一陣位，侍應姐姐幾好招呼係我地飯堂之一👍👍

一間好出名嘅冰室，之前都有喺社交平台群組對面見過！今次一去到就叫咗呢個焗黑椒雞扒飯，咁大碟嘅黑椒雞扒飯都只係$45 ，真係非常之抵食！而且呢度嘅黑椒汁非常香口，再加埋大大件嘅雞扒一齊食，雞扒好林，而且非常之厚肉

入到元朗呢頭 大部份都係啲傳統少少嘅餐廳 或者茶餐廳呢間巨昇冰室好似新淨啲黎到已經2:30所以可以食下午茶不過除此之外其實超級多選擇 睇都睇咗10分鐘😂▶️焗黑椒雞扒飯 ($45)因為即焗所以等咗陣 上菜係熱辣辣嘅面頭好多蕃茄醬同芝士🧀底一層就係黑椒汁同雞扒最底係雞蛋炒白飯份量幾多 啱啱好😍味道上 黑椒汁同番茄醬幾夾 黑椒粒微辣 蕃笳醬又甜又鹹唔酸雞扒好淋 幾厚肉冇骨🐔焗完都仲幾有肉汁 唔乾🍚雞蛋炒飯粒粒分明 軟硬適中 幾好係感覺唔油膩 雖然蛋味唔特別出成個飯撈埋好好食 佢另外有啲洋蔥 紅椒 令個飯好香又幾有質感面層啲芝士都唔會話好溜👍🏻反而好惹味唯一係覺得佢啲汁多咗啲 個飯鹹咗啲 所以食到尾都淨左少少飯🙈-焗飯唔錯 見佢其他嘢都好大份 幾有水準環境幾好 坐得算舒服 只係張枱有啲污糟😬用餐具前都沖下先服務ok正常CP值高 即使係下午茶 佢係午餐size 材料足 呢個仲包飲品 食完一定飽！

食物味道係幾好既 一路由佢開張都幫襯左好耐好多次。啲單好亂都唔緊要 野食ok都冇問題。但今次去真係極失望同嬲！成日叫我地轉位嗰嗰都理解既 但我諗態度可以客氣啲？然後調完位仲唔小心倒瀉湯落我地到但完全冇道歉。去到呢個位有少少面黑黑都正常呀 冇道歉之餘仲西返我地面 到攞外賣嗰陣明明對左單係我地既 仲喝返我地轉頭話唔好見到外賣就攞 一啲歉意都冇仲咁差態度。會話以後唔會再幫襯 俾錢買難受咩！野食幾好食都好 有個職員幫你倒米點做得耐？

今日叫咗個外賣早餐，香煎豬扒意粉配煎蛋火腿，飲品飲咗熱奶茶。豬扒很大塊，煎得啱啱好，唔會太硬，一打開外賣盒就有煎豬扒嘅香味👍👍香煎豬扒值得推介🤗火腿煎蛋就保持一般的質素，不過不失😌而個熱奶茶茶底唔錯

今日食咗外賣港式招牌早餐，沙嗲牛肉意粉配火腿奄列，飲品選擇左特濃朱古力。沙嗲牛肉係用鮮牛肉，都比較大塊，沙嗲牛肉汁也不錯，牛肉也很入味。火腿暗烈有茶餐廳的味道，奄列內有很多火腿絲，賣相同味道都好好👍

今日早餐叫咗個外賣，食咗鮮茄羅宋湯餐肉粒意粉，配香酥丹麥多士及炒蛋火腿，餐飲飲咗熱奶茶。鮮茄羅宋湯湯底好足料，有紅蘿蔔薯仔等等的配料，所以個羅宋湯底好好味。另外，餐肉粒非常多👍👍每粒餐肉粒都比較大嚿😎