巧鬆啲甜品店

良心食店還良心食店，等左差唔多一個鐘全部枱都未上倒甜品。終於上左一個心太軟，但話雪糕未整好要後上。嗯，感覺如果真係對甜品有要求既人，係唔會叫人食住先，而將心太軟同雪糕分開上.......(何況我食完，個雪糕都未整好)。結果我雪糕都冇要就走左。女店員解釋今日遲左開鋪。拿，整得耐唔緊要，但可以早啲同客人講要等一個鐘，呢個係責任問題。ಥ_ಥ…查看更多

原本諗住去買外賣晚飯，但見到哩間良心甜品店空無一人，咁就幫襯買個飯後甜品慰勞一下自己喇。佢既選擇都算多，仲有自家既軟雪糕🍦，一輪心大心細，我就揀左心太軟窩夫雪糕（$62）。收銀既時候，店員哥哥話我個盒太細放唔落🤪，唯有用外賣膠盒。一收錢發現點解平左既，原來而家做緊優惠🈹，所有$45以上甜品一律$45計，而店員都唔肯收返正價，真係好抵罰。心太軟窩夫雪糕（自選︰曲奇味） $45+$1外賣盒（原價︰$62）一路搭車啲香味係咁湧出黎，好吸引人🤤。返到屋企，窩夫🧇已經淋左一半，始終熱辣辣入盒焗住，唯有拎去焗一焗。無諗過會有成底咁大，以為得一半左右，好抵食。入口好鬆化，外面脆卜卜，入面有少少乾，但唔係好甜。🍫心太軟就非常流心，啲漿係咁流出黎，仲有啲微熱，朱古力味濃郁但偏甜，蛋糕外皮有啲乾實。🍨雪糕就嫌曲奇塊碎唔多，已經碎到一點點，唔夠味。但整體好滿足，我覺得非常唔錯，回頭率都高👍🏻。疫情同限聚令下全面影響食肆，甜品店都做特價吸引大家，而且性價比真係好高💯，值得大家多多支持☹️。同埋，緊記自備合適膠盒🤪。…查看更多

🍫心太軟酥皮配曲奇雪糕首先要特別讚心太軟嘅朱古力lava整得好好味, 一切開, 啲朱古力慢慢流出嚟好治癒☺️ (可惜當時無拍到片🙈) 塊酥皮亦整得好脆口🤤 雪糕就揀左曲奇味, 店内仲有其他口味揀嘅❤️ 暖暖嘅朱古力加上冰凍嘅雪糕一齊溶喺口入面, 幸福感一百分💯💞 ❀🧇士多啤梨窩夫配芒果雪糕至於呢個窩夫雖然整得無咩特別之處, 同平時食開嘅相似, 但都係做到外脆內軟嘅👍 加埋新鮮士多啤梨同埋小妹至愛嘅芒果雪糕, 同樣係冷熱甜品之間嘅perfect match😋❀宜家店舖做緊優惠, 所有over45蚊嘅甜品一率都賣45蚊, 而做優惠嘅原因係最近心很累, 相信大家喺呢段時間都無乜心機😔 大家有興趣可以去買個又抵又好食嘅甜品氹下自己, 幫自己叉叉電啦💪…查看更多

昨晚男朋友提議去食甜品，諗起之前經過呢間甜品店，門口寫住一律$45，今日心血來潮就去幫襯下啦!當時已經係十一點幾，仲驚會唔會已經收舖，點知去到好多人，岩岩得返一張二人枱，睇嚟好受大家歡迎。一坐底睇menu都揀咗一陣，款式唔算太多但我會話有齊基本款，而且仲好貼心咁可以combo (都係$45咋)，適合有選擇困難症嘅我，最後我地叫咗心太軟雪花冰&立法會大樓，一次過試哂心太軟、雪花冰、窩夫。心太軟轉咗做綠茶味 (+$6)，有香濃的茶味；雪花冰係芒果味，好清新，又係冰火的組合食心太軟最期待的畫面，入面嘅綠茶軟心真係湧出嚟架，只係略嫌太甜，可以減返少少糖就好了立法會大樓其實係兩層的窩夫，中間夾住芒果肉，上面揀咗豆腐味雪糕。窩夫外觀金黃，入口鬆脆，有基本的朱古力和糖霜，加埋芒果感覺都好清新；反而豆腐雪糕食唔到有豆腐味，而係好濃的cream味，都唔錯!…查看更多

成班fd夜晚去食糖水，一定要揀黃店support啦！係大圍搵到巧鬆啲，我哋成班嘩鬼入到去勁噪，好似果陣得我哋10個人😂每人都叫咗個甜品，我就叫左個榴連棉花冰，其實我又心思思想食綠茶棉花冰，點知等咗一陣，阿靚仔話榴連棉花冰唔夠俾我溝多一樣，當堂勁開心咁話我要綠茶啦！😂😍棉花冰正常啦，但佢啲隔離啲小丸子幾好食，仲要幾多粒！肥死我啦😂 我反而鍾意綠茶多過榴連棉花冰，好似夾啲！俾我兩樣都試到，真係好好彩，定其實係阿靚仔聽到我話兩樣都想食呢？😂仲有生果同涼粉添，低食！下次一定要再食！…查看更多

💕個人分享😋🍧心太軟配芒果雪花冰 $45🍫心太軟即叫即做，入口時有暖的朱古力醬 🥭芒果雪花冰味道夠甜，與心太軟配搭整體味道不錯👍🏼===========================🍮心太軟配牛奶布丁雪糕 $45我超級喜歡這裡的牛奶布丁！食了很多遍，但建議牛奶布甸可以配雪花冰，或其味道較淡的甜品，因為個人認為心太軟的味道蓋過了牛奶味🥺雪糕味道是自選的，這次我選了曲奇味🍪===========================另外，我平常很喜歡這裏的軟雪糕，不論是牛奶味，還是抹茶味都好好吃，但是雪糕機這幾次去都壞了😢希望店主盡快維修好～🍦.如果你喜歡吃中式甜品，這裏也有得選擇，價錢約$20～$30🍵100%真誠食評 Instagram/FB: herine_sum…查看更多

已經好耐冇夜媽媽食甜品點， 如果冇記錯依間甜點應該係改左名， 種類應該大概都差不多，全店得兩個職員，所以請大家耐心等候綠茶味既心太軟都係第一次食，綠茶味好重（好似宇治綠茶味咁，帶微量既茶澀）甜度恰當，而且係即叫即整，流出黎既綠茶漿熱辣辣， 一羹綠茶漿配一羹豆腐雪糕，正賣相其實好吸引（我都係俾menu既相吸引左） 本身整個製成品都係將現成既野放哂落去（理應唔會輸D 咩） 可惜餅既部分漏左氣， 味道係冇問題， 但再配埋雪糕就…………查看更多

食品：芒果酥皮評分：7/10黃店：店內收銀枱有文宣，唔記得影相.可能疫情嘅緣故，顧客唔多，所以唔洗等位就入到去。門口貼住張紙話有新年優惠，貴過45蚊嘅甜品都當45蚊。不過幫襯嘅時候已經係5月，對優惠半信半疑，不過買單嗰陣又真係45蚊（我件甜品原價52蚊）！.我嗌咗個芒果酥皮，酥皮入面係空心嘅，兩件酥皮中間夾住cream同埋芒果粒，隔離仲有一球雪糕，有四款口味，我揀咗曲奇味。個人覺得都幾特別，同埋口感唔錯，芒果有好微嘅酸味，但配埋cream同朱古力，加埋脆脆嘅酥皮，都幾好食，不過就未至於好驚艷～.會再幫襯，下次想試吓窩夫！…查看更多

啱啱去完大圍食一間冬菇亭，直落食甜品，咁見到大圍其實都有好多甜品舖，間間睇落去都好高質，重點係佢哋每一間都有窩夫食，咁我哋就都係食完個甜品先至走啦！我就叫咗個法式焦糖燉蛋，好簡單嘅一個甜品，食得出佢焦糖燉蛋入邊個奶味好重，而且佢出邊個皮都做到好脆，其實佢都真材實料嘅。依家睇返啲相都覺得好想食呀。另外我朋友就叫咗個心太軟配窩夫，上面有朱古力醬，我覺得心太軟有少少過時，所以做唔到流心嘅效果，不過我覺得嗰啲朱古力味好好食，但係都明白嘅，因為呢幾日係黃金周假期，聽到老闆都做到好辛苦，所以其實有少少失手我覺得都可以原諒，另外個窩夫做到好軟啊，但係略嫌佢個朱古力醬比較少啲，所以如果個窩夫啲醬多啲嘅話咁就Perfect啦！唔知係咪因為佢係小店嘅關係，我覺得佢出餐比較慢，我哋兩個甜品都等咗半個鐘，初頭我哋兩個坐喺度玩電話啦，傾咗好耐計，唔經唔覺個時間過咗好耐，其實講真嘅，比起一般嘅甜品舖佢係真係比較耐啲嘅，而且都見到佢係樓上有位俾人哋坐，我推斷其實佢舖頭真係比較大，但係我見到得壹個師傅喺度整，而且都聽到佢都做到好嘈，聽到有少少埋怨嘅聲音，我唔係嬲師傅啊，因為有時明白太忙都係可以做到個人好燥，而且呢排都係假期，所以客人都有陣時會好多，所以我都建議老闆可以請多一個甜品師傅返嚟幫手，咁樣嘅話就可以做快啲個出餐時間，做多幾轉，咁就可以賺多少少啦，因為我見到你做緊特價，就係$45以上嘅糖水都仲係做緊$45 ，咁而且本身$45食呢個糖水真係價錢比較平啲嘅，我都驚老闆圍唔到本啊，出去睇吓有啲乜嘢好嘅甜品師傅，請到人返嚟幫手，咁樣嘅話就可以幫到舖頭做好啲嘅生意啦。另外都講吓服務態度同衛生，店員服務態度都好好，我冇乜特別可以挑剔，因為本身同店員嘅交流比較少，所以冇特別扣分，衛生方面就喺枱上面擺咗啲餐具，其實啲餐具可以暫時放喺個盒入邊，有蓋嘅，咁嘅話呢就可以令到嗰啲餐具唔好咁容易受到空氣嘅污染，都係一個小小建議嚟姐！最後呢間餐廳，值得推介…查看更多

早前行完山落到大圍，食完晚飯再食甜品，三間鄰近嘅黃色甜品店，最後揀咗呢間，其中一個原因係為咗個店名：巧鬆啲，巧鬆啲，真係好鬼正😆。入到去坐低，客人唔算多，計埋我哋只有三枱人，不過就得一個店員哥哥喺度打骰。坐坐下，客人漸多，最後成間舖幾乎坐滿，但係依然都係得店員哥哥一個，落單執枱搬貨整嘢食全部一腳踢，超級超級強💪。到後期先有多個女仔返嚟幫手，真係替佢抹一把汗😅。呢度而家做緊優惠，所有 45 蚊以上嘅甜品一律只收 45 蚊（ 呢個係我哋幫襯嘅另一個原因），我哋兩個都係心太軟控，所以叫咗兩客以心太軟為主嘅甜品：毒女推介嘅小紅帽（配 waffle）同毒男推介嘅小金剛（配酥皮），由於軟雪糕機壞咗，所以我哋揀咗豆腐雪糕。首先一定要讚下個心太軟，焗嘅火喉剛剛好，朱古力味夠濃而又唔太甜，好好食😋；個雪糕就有淡淡嘅豆腐味，好清新，可以中和心太軟嘅甜漏感覺；waffle 焗得都幾香脆，唯一要改善嘅係塊酥皮，可能放耐咗，唔夠熱同脆。平時去食甜品，絕大部分嘅客人都係女性，呢度卻一反常態，差唔多九成嘅都係男人，唔知同個店名有冇關係🤣。同埋可能係街坊熟客嘅關係，佢哋見到得一個人一對手做嘢，全部都好乖咁坐喺度慢慢等（真係慢慢😂），碌下手機，打下機，吹下水，冇怨言，冇反枱，此乃另一奇景也。…查看更多

無咩客人！環境普通，勝在乾淨，員工有禮貌叫左兩個甜品，唔知點解張單係第2間舖頭名立法會大樓即係窩夫配雪糕！窩夫好好食，雪糕好硬，不過好重豆腐味心太軟酥皮配雪糕，酥皮好鬆脆，心太軟好流心，超好味！雪糕都一樣好硬因為有特價，所以甘抵食👍🏻…查看更多

心太軟唔太甜！熱辣辣 加埋個雪糕好正！重有好多隻味簡。小朋友表示下次要再黎食！大人最中意食窩夫，又香又軟！而且價錢超抵！這份甜品只是四十五蚊！店舖最近都做優惠，凡是甜品價格是$45，一律都係收45蚊咋！勁抵…查看更多

食完飯就同三個朋友一齊去食甜品，其實係一個住大圍嘅地膽介紹嘅，呢間甜品店最近做緊promotion, 超過$40嘅甜品一律只收取$40，聽到已經覺得好抵食。我自己就嗌咗個心太軟加雪糕，有個朋友就嗌左椰皇，有個就嗌咗薑汁湯圓加小丸子。心太軟水準唔錯，值得讚嘅係朋友嘅薑汁湯圓，小丸子多到有啲驚喜，大概都係20幾蚊。(對唔住，因為心太軟製作需時，朋友食先，影相嗰陣朋友已經差唔多清晒啲小丸子)我哋都坐左好耐，座位好闊落，仲有兩張櫈俾我哋擺袋。另外，店舖不斷播2000年代嘅金曲，小學回憶返晒黎。…查看更多

食完晚飯同朋友散步，就見到呢間小店，比佢個名吸引左，當然最重要係年輕人經營，支持青年人既幹勁夜晚大概9:00度入座，店入面9成坐滿，中年叔叔又有，交流生又有，多數年輕人。望望menu先知咁岩有優惠，新春大部分甜品定價一致$45，我同朋友都打左個突，會唔會蝕到傻架！我地嗌左兩樣野 芒果雪花冰伴心太軟（原價$68 優惠價$45）好味道：抱歉唔是好記得個甜品真正既名，等左大概10-15分鐘，個雪花冰入口即溶，芒果味唔係化學個種膠味，而係新鮮芒果帶少少香甜味！而最驚喜係個心太軟，雖然心太軟本身點整都唔會出屎，但呢個真係好好味！一切出黎啲流心湧哂出黎，朱古力味好濃，甜度岩岩好，一啖心太軟，一啖雪花冰，真係一定要嗌黎食！大推！椰皇燉寒天水晶 （原價$52 優惠價$45）好味道：本身諗住嗌雪花冰就夠，但因為太驚艷，我地再嗌多個隔離枱食得好滋味既椰皇類甜品。不過本身想嗌椰皇燉蛋白，但太遲去到所以無哂，有機會下次再試。我地揀左寒天，一上枱嘩左聲，好香同好靚，完全唔知師傅點整出黎，上面椰肉下面係寒天，中間啲椰水水（？）超濃郁！爽爽地又滑luelue既質感，配搭香甜既椰子水，可以再戰！不過無雪花冰+心太軟咁出色順帶一提，樓面得一個年輕又好靚既女仔，廚房得一位年輕高瘦既男仔，聽佢地對話，廚房師傅=老闆一個人整哂咁多種甜品真係好勁！希望你地可以長做長有，生意興隆…查看更多

新正頭原想去附近一間人氣甜品店， 過年關係沒有開門，走前兩步，見了這間個名改得幾特別《好兄弟》（國語 諧音）而且門口寫$45以上甜品 一律只收$45， 有著數梗係叫個貴啲啦！餐牌上甜品名稱頗有特色，可以吸引到你睇曬成本餐牌， 但係食嗰啲嘢就同一般西式甜品相差不遠。 最後我叫咗個 毒女推介 -小紅帽（ 即係 心太軟、窩夫加軟雪糕） 但係waitress話冇曬軟雪糕，改返雪糕球….有啲可惜。雪糕就是基本嘢，大小和味道都冇詐型；原味窩夫都算唔錯，新鮮整好好快上枱仲有微熱加埋啲糖粉朱古力汁合格； 心太軟 我個人嚟講唔喜歡吃太過太過甜，所以我覺得唔錯，朱古力味小濃但又唔會太苦合格以上。10分滿分形 6（ 都係冇做軟雪糕扣啲分，其他望落都算吸引。）色 7香 6.5味 7速度 6（ 睇過其他評價上菜慢， 我今次算好唔係等咗太耐，可接受。可能因廳面唔算爆7-8成客 。）態度 7裝修 6整潔 6.5 性價比 6回頭指數 5總分：63分Ps. 後尾睇咗其他食評，知道之前好似做緊40蚊，跟住走嗰時有訪問過服務員佢話最近加咗價，至於高價甜品劃一收費呢個噱頭，原來一直都有做…… 所以銷售技巧都好緊要， 最少我灶君都有因為咁走入嚟試…查看更多