巧手製作

營業中

休息中

巧手制作今日因為有啲事做，中午就收咗工！ 返到屋企附近唔知食咩🤷🏻‍♀️見到巧手製作做緊特價蒸飯🙆🏻‍♀️所以就決定咗買返屋企一個人食！ 豉椒排骨飯排骨飯份量多打開飯盒時香味四溢！米飯粒粒分明。排骨調味好好，肉質鬆軟💁🏻‍♀️豉汁加上少少辣椒好惹味！ 無論米飯定係排骨都比想像中多！ 而且每一個飯都會配上椰菜！ 就算係外賣飯盒都可以做到均衡飲食喎。燒賣 肉質新鮮，食落好實淨，啖啖肉嘅口感，令人再三回味！燒賣皮唔會太乾唔會太濕。仲好過某啲酒樓。雞扎呢度嘅雞扎相當特別，芋頭食落好粉又夠淋！ 雞肉嫩口，豬皮爽口，而且同出邊唔同既地方係有豬肚喺裏面，材料十分豐富👍👍食落有驚喜。

今日嚟到呢邊探屋企人，老人家鍾意食點心，但兩個人都唔想去酒樓排隊等位，咁啱比我發現呢度開咗間巧手製作，正正係食點心嘅，又唔洗排隊，又有齊晒我哋鍾意食嘅點心，諗都唔諗，就決定喺度買，返上屋企食啦。好抵啊，酒樓有嘅點心，呢度大致上都齊全，仲有套餐選擇，包括兩個點心加一個蒸飯再加汽水都係$33！買咗兩個套餐，鹹蛋肉餅飯，肉餅香軟配埋鹹蛋撈飯，真係飯都想食多幾碗啊！杞子燒賣 入面有彈牙嘅鮮蝦腐皮卷 醬汁 好入味金錢肚 爽口；豉汁蒸鳳爪 好惹味

今日落咗半日雨，搞到個天氣好潮濕，搞到個人又好似好悶熱。連出街食飯嘅心情都冇屋企附近開咗間唐記包點嘅巧手製作，面田之前都食過，唐記包點嘅麵包，覺得佢哋好好食今日就試吓佢嘅點心同腸粉，原來佢哋嘅蒸飯勁抵。特價仲要係$16平時出去食嘅蒸盅頭飯，都會覺得一碗食唔飽但呢度完全唔係，勁大兜肉餅分量夠厚切，而且幾彈牙，識落唔會好粉嘅感覺櫻花蝦腸粉好香櫻花味，而腸粉都幾滑豉汁鳳爪蚊得都幾淋，味道幾香濃，而且微辣。性價比太高啦，下次再經過都會再幫襯

早午餐想吃蒸點心，又不想在茶樓吃，便想起 。😋不是每間分店都有蒸腸粉的，所以今次在柴灣這分店一定要嘗嘗腸粉! 最後不知不覺間點了很多，吃得很撐。。🙊先點一個蒸飯 (很餓時眼裏只有飯😂) 份量十分多! 一個大飯盒滿滿的，“份量增加“四字似乎沒有騙人喔。而味道也不錯，不會太濃味。腸粉挺滑，皮薄又多餡，不錯! 下次可以試下其他腸粉。。🤤兩款點心和一包凍頂烏龍茶只需31，食物質素還不錯的。我點了燒賣和山竹牛肉，兩個點心份量十足。這是在門面的餐牌，給大家參考一下：

天氣甘熱，連飯都唔想煮，尤其是係Blue Monday，完全零動力。所以就去屋企附近買外賣翻黎食，順便買定期朝早餐。見到巧手有每日精選，仲要係我最愛既鳳爪排骨飯，先$18，勁抵食！飯量超多，鳳爪又入味，排骨骨肉分離，唔會太肥🤤🤤仲要有菜配，相對健康d。唯一扣分既係排骨相對唔算多，但接受到。另外叫左個梅菜肉餅飯俾家姐食，呢個既肉量就超多，撈埋飯食一流！肉餅唔太咸，就算加醬油都ok。甘耐冇食叉燒腸就決定一試！原來佢地係即整，個皮幾煙un唔會夾就爛，叉燒餡都幾多，不錯！另外加左個特飲，生薑紅棗，唔太甜，夠唒補！每日除左有特選飯，仲有特選凍包，特10蚊就有3個，糧尾恩物😂可惜今日既係肉包，所以就冇要到。就買左3個麥皮饅頭，幾大個，好香麥味又夠鬆軟🤤

Day off在家中既一日，想飲茶嫌一個人有d悶，最後揀左買外賣係屋企煲劇。想食得清清地，就叫左兩碗粥。有皮蛋瘦肉粥同粟米蕃薯粥。一咸一甜。兩樣都煮得好綿，粥底有落腐竹特別香甜。 甜粥有兩大舊蕃薯而咸粥有兩三舊皮蛋。都好足料。煲到咁上下就食個腸粉，一個係叉燒腸一個係蝦腸，都有豉油跟好細心。食得出係新鮮整既，同料都唔差。 最後就有兩個包以防肚餓，結果變左第二日既早餐，分別係叉燒包同馬拉糕。叉燒包既叉燒條超多，又唔多肥膏，色澤自然。 馬拉糕都係新鮮食好d, 甜甜既好易入口。其實佢個凍飽優惠好抵，十二蚊有三個包。

平時行過見到有好多間呢啲正巧手製作鋪頭，都冇試過，不過今次未食早餐，就決定買啲試吓然後再買返屋企。其實佢同一般嘅包點先生和買一啲中式包點嘅地方差不多。但最特別嘅係佢竟然有一啲好好食嘅腸粉賣！而且腸粉嘅種類仲有好多!今次我就買咗個下場再加嘢飲返屋企，都係$20都唔使， 10分抵食！而且見到腸粉入面啲蝦嘅材料十足！性價比真高另外都買咗個馬拉糕比屋企人，但味道同一般茶樓相比，就差一點～～可能因為拎到返屋企有一啲倒汗水，令到馬拉糕冇平時食得咁鬆軟另外都買咗兩款唔同嘅包諗住一陣做下午茶😂😂😂令我覺得幾特別嘅係個番薯包，入面嘅番薯茸真係好足料，而且食得出有一啲薯仔肉係入邊， 10分有誠意！而且價錢方面亦唔算太高，都係五$6到，同一般西式麵包店差不多～

唐記集團式營運每區都有唔同價位屋企反而比較貴每天精選$20排骨,肉餅,雞飯聊勝於無優惠本身要$20多肉餅與排骨飯相對比較好吃一點飯身太濕太多水了.......肉餅就比較好一點,有咬口最好食會係雞飯,夠入味

去完旅行，星期六早上去附近超市儲返D糧，買完後，回家前便顺便買份外賣回家吃，經過巧手制作，小西湾分店正在做飽點和蒸飯特價優惠，多款飽點💰12有3個，蒸飯則💰20一盒，每日一款👏👏👏，今天特價北菇雞飯，便買了一盒回家吃，雞肉是用雞肶肉，雞肉嫩滑有肉汁😋冇骨，用了薑絲辟去雞肉的雪味👍🏻,飯粒一粒粒的，又唔爛，北菇浸透了才蒸，因此夠冧，還添加了椰菜絲，菜絲爽甜，一個人份量剛剛好，💰20一盒，没有因為做特價而出品馬虎，抵食👍🏻

經過巴士站見到有20蚊一份蒸飯，日日都唔同款，星期一我食左章魚肉餅飯，星期二我食鳳爪排骨飯。每個飯都有成個飯盒咁大，排骨就4至5件加2個鳳爪。仲有椰菜跟。而個章魚肉餅就比手掌心更大既size 勁飽肚。如果懶懶地星期一至五 日日食蒸飯都得，20蚊一份真係比同區抵好多好多。因為就算便利店一個冇餸既撈都都10幾蚊，隔離食咖喱都40幾蚊冇野飲，或者食餃子都40幾蚊。果日停多幾秒，見到12蚊3個蒸包，都係日日不同款。心諗同街市入面果間一樣都係迷你凍包冇新意，原來係大包唔係細包。所以買左3個包，一日一個包。店員話隔水蒸8分鐘，凍包就雪櫃下格放到2日左右。食多個小食 ，鮮竹卷。好滋味。

無論天氣凍定天氣熱都好懶洋洋，都係放工買個盒飯回家食最舒服。今次間間都食到悶，就試下食蒸飯同包點。我叫左個2人餐 70幾蚊叫幾抵，因為附近茶餐廳都要成50幾蚊一個飯。2人餐包括2個飯同2款點心 加2盒無糖茶。鳳爪排骨飯鳳爪好林，排骨唔肥，有菜。 對我黎講份量大左d排骨飯排骨份量睇落唔多，其實食落都幾夠架。鮮竹卷材料新鮮， 個皮厚薄岩岩好。燒賣幾大粒同豬肉好有彈牙。我仲叫左幾個叉燒包當早餐，家人仲話清明節可以供奉完再食左佢，話我買得合時wor.

2019年3月3日 星期日今朝遲左起身，因為實在係太攰，起左身之後原本想同屋企人去酒樓飲茶，不過應該搵唔到位，所以最後決定買外賣點心係屋企食落到街行大約10分鐘就見到店舖，好清晰寫住有蒸飯同包點賣咁岩撞正有套餐優惠，可以用優惠價買蒸飯加一至兩款點心，仲送紙包飲品添係收銀處旁邊可以見到電子餐牌，圖文並茂，好容易睇叫咗兩籠燒賣，每一粒大細都差唔多，上面仲有粒杞子，明目又香，咬落去連埋肥豬肉同蝦一齊食好配合，而燒賣皮好薄北菇滑雞飯，雞既份量都唔少，唔太多骨，應該主要係雞脾既位置，而返到屋企打開成個飯仲係熱辣辣，暖胃得黎又頂肚呢個叉燒腸都整得唔錯，腸粉拉得好滑，食落口好快已經滑到喉嚨，配料方面除左叉燒之後，仲有葱、蝦米等等，口感好豐富呢三個係唔同味道既煎包，有牛肉、菜肉同韮菜味，三款包都有唔同特色，但同樣煎得好香，個外皮一咬就脆，裡面既汁會流出黎，好重料黑麻蓉包作為甜品真係無得彈，因為裡面充滿芝麻香同好夠料，甚至連外皮都係用黑芝麻整出嚟，所以啖啖黑芝麻味，食完成個咀都係黑色添呢個價錢已經夠晒三個人食，真係物超所值，仲好過去酒樓飲茶

呢間店既前身係賣壽司，裝修果陣估呢間小食店係日本餐廳，原來係賣饅頭。。。。研究過1人和2人套餐係最抵食 ，有點心加蒸飯同無糖茶。 個蒸飯size好大，多飯又有菜有肉，店員仲有問你要唔要加醬油。。。點心我就叫左山竹牛肉 ，3大塊，好結實既肉地 ，好飽肚。。。經典叉燒包，比起酒樓食開同出面見開既更大，食落唔痴牙，叉燒新鮮，醬好味但唔會太多，冇麥肥肉。食完飲返杯無糖茶好正。仲叫左15蚊3個生煎包，第2日早餐食 。

今日eatmug9 #20平時屋企冇飯開就會選擇食嘅一間舖 — 巧手製作揀佢嘅原因唔係因為啲嘢依特別好味而係唔洗點等同價錢唔貴個咸蛋肉餅飯神奇之處在於塊肉餅厚L 過林奠塊面皮但又幾好咬口 啲蛋汁浸落肉餅度又夠juicy可惜啲伴菜淡而無味又老可以話一啖砂糖一啖份鮮蝦腸粉就正常好多個皮雖則唔算薄同滑但啲蝦起碼夠多夠大隻 又夠爽口不過買咗之後要趁熱盡快食 試過買返嚟擺咗個幾鐘一攤凍咗 啲腸粉就會溶埋咗一舊 好似食緊Pat 好杰嘅泥漿

難得可以放假，我都想悠悠閒閒嘆番個下午茶，我好掛住新鮮出籠嘅蒸包點心呀!!!!但得自己一個人又唔好意思去拎位飲茶，所以就走左去隔離買巧手點心番屋企慢慢嘆。 去到落單嘅時候收銀姐姐話係手工腸粉，所以要等一等，但講真又唔係真係等好耐咋，一陣就有得拎。以為咁快做好都冇咩料到喇，但出乎意料，個腸粉皮好薄，好滑，入面包住好多叉燒粒，叉燒肥瘦均勻，再加埋甜豉油(甜豉油好好味，我特登落多啲嫁)，Yummy!!! 但係識我嘅人都知，一碟腸粉又點會夠我食，所以我加埋飲茶必叫嘅菜肉包泥頂下肚。菜肉包熱辣辣，食完一啖腸粉再咬一啖包，完全同係茶樓飲茶冇分別呀。