川婆婆 (觀塘廣場)

營業中

休息中

星期日晚去咗川婆婆試下，可惜都幾令人失望。叫咗個炸醬豬扒撈米線，嚟到時我仲諗撈米線喎，都唔晾乾d水就上枱。跟住先發覺我以為嘅水原來係油嚟嘅。碗米線份量都幾足，而佢又太油嘅關係食到好滯👎🏻至於味道方面，米線撈咗肉燥都係冇味，而豬扒就好重口味，不過我都係重口味人所以還ok，但懷疑有用鬆肉粉餣過，食完有少少口乾，一般米線都係咁架喇，不過呢間就完全唔提供水😑嘢飲好似只可以散叫。所以結論就係賺到盡嘅舖頭冇下次。

川婆婆平時係尖沙咀外賣就食得多，堂食就冇乜機會試到🥹今日黎到觀塘廣場見到就試吓😝店舖面積細細，大家都坐得好親密🤣第一次食豆腐串喺川婆婆度打邊爐，所以豆腐串都係佢哋嘅招牌菜之一🫢坦白講姐係彈弓豆卜串🤣 但佢嘅肥腸係非常之肥得黎係乾淨嘅肥腸來的！啲肥膏香到🤤🤤🤤呢個小食可以encore!!除咗酸菜魚之外，仲有水煮魚同埋比較特別嘅椒麻魚🤤佢哋嘅以上3款入面都已經包埋寬粉、豆皮、海帶絲、娃娃菜同埋大豆芽啱晒我呢啲鍾意食配菜多個食主菜嘅人🤣但係我覺得佢哋個酸菜魚嘅湯底都係唔夠酸🫢真係滿足唔到我呢啲愛吃醋嘅人嘅慾望🤣但係想講佢哋嘅魚都係好滑之餘，本身魚片已經有調味！完全唔需要靠個湯底去提味或者吸味呢一個係除咗配菜之外，我最欣賞嘅地方同埋呢一間分店嘅辣，真係唔係講笑🤣我喺尖沙咀食嘅辣同呢一度嘅辣係冇得比，呢一度係尖沙咀嘅高級版🤣所以大家量力而為😆😆😆之後仲嗌咗一杯西柚茉莉花梳打水西柚味道好清新，唔會甜加上入面真係有茉莉花說，飲到陣陣嘅香味

觀塘川菜外賣：必食招牌手撕雞川婆婆～～～～～～～～～～～～～～～～～川婆婆位於觀塘廣場，，開業超過12年，主打四川菜式，酸菜魚麻辣燙最受歡迎，味道香辣，方便觀塘打工仔外賣午膳～～小編order了椒麻雞柳（$73），招牌手撕雞飯（$52），荔枝茉莉花茶，西柚茉莉花梳打水。椒麻雞柳，份量充足，雞肉鮮嫩，淡淡香濃椒麻味。招牌手撕雞，正宗四川風味，正～～～～～～～～～～～～～～～～～～～～～～～～～～～～～

🔹觀塘//川婆婆🔹人均約$70🔹▫️蒿筍+娃娃菜+鹵水肥腸+海帶絲+寬粉+酸辣湯底 $56超級無敵大碗！！🥹本身以為係大概譚仔份量，食嗰日本身好肚餓，點知原來份量咁多，最後都食唔晒啲面😂😂🥢😆食川菜必叫萵筍，好爽口大大嚿！好少地方有海帶絲自己個人都好鍾意🔥🫶🏻最好食係滷水肥腸！！有味有醃製過，唔臭好食😋💖寛粉好QQ彈牙超煙靭😆▪️水煮麻辣鮮牛肉+飯 $93牛肉係有醃製過，都幾辣！我自己唔係好食到🤣不過味道係好好食嘅！呢啲咁重口味嘅嘢超級好送飯🍚🍚入面其實係有配埋寬粉娃娃菜！我覺得如果女仔食嘅話可以唔使加飯都得🫶🏻🫶🏻▫️涼拌土豆絲 $28食落好爽口！芫荽味好重酸酸辣辣而且凍凍地夏天食啱晒☀️☀️🔹好飽評語：自己平時唔算食得好辣🤣🤣但又偏偏好鍾意食川菜🤣個人覺得所有菜式都係偏辣啲🔥🔥少少辣大概係五小辣左右🤣食落煲都幾夠麻愛辣人士必食🥹🥹！🧠回頭指數：8️⃣🧏🏻‍♀️打卡港女：5️⃣🌬冷氣溫度：6️⃣🚽廁所評價：⏹🧾性價比呢：8️⃣

觀塘 川婆婆 平時鐘諗食辣嘅朋友，呢間絕對會岩你口味椒麻加餸(餐)+椒麻鮮肥腸 * 米線 小辣 $73好足料，無論海帶、芽菜、肥腸都好多肥腸處理得幾乾淨，無異味個湯有花椒嘅香，少少麻，好鮮甜 個米線唔會太林，吸晒湯啲精華，好正 水煮加餸(餐）＋水煮麻辣鮮牛肉 **小辣$88少辣都幾辣，個牛肉包裹住層辣椒粉，食落去辣辣地好爽，牛肉嘅量好多冇轉做米線，都有好多寬粉凍豆漿 $12平時食辣最鐘意配凍豆漿，幾解辣 荔枝茉莉花梳打水 少甜 $12有荔枝嘅甜味，仲有陣陣茉莉花花香味道： 🌕🌕🌕🌕🌕📍川婆婆 (觀塘)觀塘開源道68號觀塘廣場地下G24-G25號舖

【觀塘• 平民價食惹味川菜🌶️】川婆婆 📍開源道68號觀塘廣場地下G24-G25號舖酸菜魚🐟巨量嫩滑魚肉，湯底十分有層次，酸酸麻辣又帶鮮甜味，惹味開胃！配菜亦都十分豐富，當中既海帶同寬粉最出色！水煮肥牛🐮去清新嘅辣味！肥牛又係巨量，口感偏瘦，食多幾塊都唔會滯😉呢個湯底襯豆皮原來咁好食！仲加咗好多餸( ´▽｀) 鴨血+豬大腸+萵筍 每樣都好新鮮！涼拌魚皮爽口彈牙！配埋青瓜絲 ，啱晒夏天食！點 #jengfoodguide_觀塘

👧🏻近排開始鍾意食辣仲話要試唔同款式、程度嘅辣晏晝出咗觀塘玩 想偷懶唔煮晚飯順手上網睇附近有咩好食就見到網友推呢間川菜川婆婆係手機落單 唔覺唔覺 劉媽為今晚晚餐order 10項嘢食最好係佢有得揀清湯或唔同程度嘅辣所以一家人都可以食到今次我哋order咗🍴酸菜肥牛細粉(BB辣)🍴椒麻雞柳寬粉(BB辣)🍴水煮魚寬粉(清湯)每碗均配有大豆芽、娃娃菜、海帶絲、豆皮主菜、配料份量十足 食落有多重口感雖然係BB辣 但係辣味香氣絕不遜色心🍴涼拌魚皮魚皮爽脆彈牙、清涼青瓜絲加上少少辣令人好開胃🍴椒麻墨魚咀墨魚咀肉質爽滑唔會靭配上椒麻醬汁越嚼越想食🍴麻辣鴨血爽口順滑鴨血索滿麻辣醬汁辣味剛剛好 伴粉麵食一流🍴上湯娃娃菜🍴紅糖糍粑🍹 荔枝苿莉花茶🍹 荔枝苿莉花梳打水川婆婆 (觀塘)📍觀塘開源道68號觀塘廣場地下G24-G25號舖

店員非常好禮貌👍🏻終於有分店開到嚟觀塘啦😎一間可以再嚟嘅小店👍🏻🔥水煮魚（分量超多😂，魚夠滑夠香👍🏻我每款菜都可以選擇辣到同埋配菜）🔥酸菜墨魚咀（酸菜魚食得多，墨魚嘴真係好特別，又爽又好味😋）🔥涼拌魚皮（非常爽口彈牙，好適合做前菜，必叫👍🏻）成班朋友開party可以真係喺川婆婆度叫嘢食😆又抵食，又好味😆去觀塘廣場好多唔同嘅小店，呢間絕對可以再encore👍🏻店員禮貌好，味道好，環境乾淨😊⋯⋯令人回味無窮😎

岩岩新開果陣都唔差，所以久唔久都會幫襯下但呢次之後唔會再食，差到我要寫食評。我係7月3日晏就食，依家先得閒上嚟寫，我叫左咩可以睇下圖收據：買完攞返公司，岩岩開始食都無乜野食食下有舊白蘿蔔有隻昆蟲屍體。。。即刻了左佢出嚟，好核突佢啲白蘿蔔真係難食到，嚴重有渣。睇圖就知以後唔會再幫襯

收工已經有啲夜睇下附近有咩外賣可以買行經觀塘廣場 見到想食既都已經收曬再見到川婆婆 聞到陣麻辣味即刻留口水忍唔住，就買左佢叫咗碗麻辣粉 呢度嘅好處係可以俾你揀唔同程度嘅麻 同辣同蒜我揀咗多蒜小辣配菜揀咗娃娃菜響鈴同肥牛娃娃菜吸晒啲湯超正 每次叫都一定要叫娃娃菜肥牛就正常不過份量好多食到最後都仲有好多肥牛抵食之選其實我係叫咗響鈴但最後變咗腐皮雖然肯定冧咗都係腐皮但冇咗嗰個脆既口感下次會想試吓佢嘅其他唔同配菜同酸辣湯

因第一次食唔知食咩好，挑選左招牌麻辣湯底味精水加李x記蒜蓉醬小小辣椒油（咁就叫招牌麻辣餸鹵水豬大腸 牛柏葉(鹵豬大腸好軔冇囪水味我見隔離台食酸辣肥腸米線肥腸飄到好白觀塘多美食應該冇下次。

最近先知觀塘開咗川婆婆好鐘意食佢地嘅酸菜魚真係好味又抵食川婆婆出名四川酸菜同水煮湯底，兩款都好惹味店舖雖然吾大 但環境乾淨企理今日兩點時間到都坐滿人今次同朋友都係叫左酸菜魚同水煮魚，食物水準保持到酸菜魚 $76 加蒿荀一人份量嘅酸菜魚，份量很多，先喝一口湯底，酸酸辣辣好開胃，成碗舖滿魚肉🐟肉質鮮嫩幼滑，配有寬麵 海帶絲 豆皮條 娃娃菜 大荳牙 好足料水煮魚 $68水煮魚同樣好味 配料好足 寬麵 海帶絲 豆皮條 娃娃菜 大荳牙等，水煮魚偏麻辣感，香辣惹味 今次叫左bb辣 小食麻辣墨魚咀 $38招牌小食麻辣墨魚咀，夠麻夠辣，仲好爽口 西柚茉莉花梳打水 $12凍檸檬茶$10整體來說，味道吾錯，價錢又夠親民，值得推介

近排想食辣，係觀塘試左兩間川菜店既水煮牛肉，今次試第三間，真係冇比較冇傷害。之前冇試過川婆婆其他分店，所以唔知係呢間分店定全線分店都係一樣味道，只可以話呢間完全唔合乎我對「川菜」既要求。睇落雖然好似好大碗好豐富，望真d，d汁一睇就知冇乜辣椒味，花椒連個影都冇，牛肉白雪雪。食落口，d辣椒粉似公仔麵既辣椒粉，牛肉好鞋唔入味。唯一特別處係有少少少少薯粉，可惜個汁得個辣字，唔香亦唔麻，白飯要另加$5，更加唔洗諗包飲品。佢唯一好在就腳，係工商廈區、近地鐵又近大商場，不過真係可一不可再，寧願食十二味平d環境又靚d，或者追求似川菜會行遠d去辣尚癮。

突然間想食酸菜魚🐟發現觀塘有間《川婆婆》🌶️主打多款粉麵，酸菜魚系列及小食自己掃QR code落單📱無論堂食或外賣方便又快捷👍🏻酸菜魚餐🐟🍜餐牌上見到一人份量酸菜魚叫來試試，一上枱大大碗份量十足，寬粉晶瑩剔透，食落口感Q彈，成碗都鋪滿左好多片魚肉🐟，目測約有十幾片，嫩滑而且無骨，湯底充滿酸菜味道好開胃😋，辣度🌶️揀左BB辣，配有海帶絲，大豆芽，豆皮，娃娃菜，芫荽及蔥等好足料💯，胃口大的我最後都食剩少少😂自選粉麵套餐🍜至少要自選3款配餸，寬粉食落滑溜煙韌，配上微辣的酸菜金湯，風琴豆腐吸晒湯汁的精華，墨魚味春卷🦑好少見到有呢款餸幾特別叫來試試，口感厚實彈牙，而炸鹽酥雞塊🐔食落無雪藏味，肉質嫩滑，約有6-8件， 友人成碗食晒好飽肚🫄川婆婆原來經營左幾間分店，下次可到訪尖沙咀分店食物選擇多元化，想嘗試火鍋放題🤭

【川婆婆｜觀塘廣場酸魚經典】最近上晒酸魚癮，但時間嘅關係只能極短時間內完成，原來係觀塘廣場地下，通道位置有間「川婆婆」解決到我嘅酸魚癮，價錢仲好實惠！食咗咩？🌶️酸菜魚雖然係車仔麵式小店，但酸菜魚一啲都唔差喎，仲有海帶絲、豆腐皮、大豆芽、寬粉、娃娃菜做配菜。連一碟酸蘿蔔上，突然有份儀式感，未食都覺得好豐富啦！魚質其實好食，湯底又唔差、豆皮海帶絲好扎實，易飽肚。🌶️麻辣豆腐串配肥腸豆腐串質感好似豆腐卜，但變成長方形筆盒咁大塊，一拉就做成我張相咁趣怪嘅狀態，我自己平時都會買豆腐串bbq，湯上就第一次，豆腐串吸晒湯汁，都幾飽㗎。肥腸比想像好食，辣辣地連湯上係幾易入口的，一望就知「爆膏」，要與朋友開心「些牙」分享分享😋。🌶️水煮墨魚咀墨魚咀唔係咁多地少有得食，仲要一碗咁上，頓時密集恐懼症咗，但水煮墨魚咀又幾好食，本身墨魚咀嘅口感已經好有咬口，水煮嘅烹調方式又能帶出鮮味，一粒食完又自然駁住食第二粒咁….🌶️爆汁牛筋丸廿蚊6粒大大粒不過不失，非常之抵食。無得彈啦！店內仲有車仔麵、飯等供應，選擇都多，總有啱口味的。📍 川婆婆(觀塘店)🏠觀塘開源道68號觀塘廣場地下G24-G25號舖#川婆婆 #觀塘廣場 #觀