川婆婆 (觀塘廣場)

營業中

休息中

Table for one at this Sichuan specialty restaurant. Extra chewy flat sweet potato noodles soaked in golden pickles soup; handcrafted grapefruit jasmine tea soda; fried mochi in brown sugar syrup. Very satisfying! 川味一人前：自己一個食飯黎呢度會陪感安慰，舖入面有兩排單人自修位，岩晒我呢啲小毒子！餐廳主打川辣口味，有椒麻/ 酸菜/ 水煮系列，同埋可以自選粉麵搭啲湯底。今次一條友揀左透明寬粉同酸菜魚個隻金湯，小辣有啲蒜好惹味。個寬粉非一般煙韌，Q過市面上其他薯粉好多。四個餸浸住酸菜金湯，解辣叫埋西柚茉莉花梳打，估唔到鋪仔細細都有高質手調飲品，有茶香又有果肉。最後仲食埋甜品，紅糖糍粑！又是QQ的，炸得不錯，紅糖汁都調得恰到好處，真係麻雀雖小五臟俱全嘅一間店。

川婆婆 @chuan_po_po觀塘開源道68號觀塘廣場地下G24-G25號舖唔洗加一！味道評分:☄️(必食之選)>☀️>🌤>⛅️>💨☄️椒麻麻辣鮮牛肉(中辣) $88大家一定要叫鮮牛肉‼️超好食！肉質嫩滑，有肉汁，有調味，有厚度，份量仲好多添✅餸&配料亦非常豐富，有彈牙的寬粉、腐皮、荳芽、娃娃菜、蔥等等~足料食完超飽😎辣度方面一入口唔算好辣，但越食越辣，啲椒麻感都會若隱若現🤣食到鼻水都流埋，豆漿拯救左我☄️水煮肥腸魚片(小辣) $88一上枱勁震撼😻份量超級多，認真講我第一個反應係慘了，咁多食唔食得曬架🤣🤣真係要強調多次超足料！魚片好滑，肥腸都易咬，個size岩岩好，食落好舒服🥹餸&配料如上🙆🏻‍♀️辣度方面，我覺得水煮同椒麻都好似差唔多咁🤣有辣味但我個人覺得可以再加少少川風味🙋🏻‍♀️☀️凍豆漿 $12解辣必備！☀️荔枝茉莉花茶 $10重荔枝味少少甜幾好飲！❤️‍🔥記得帶備現金，餐廳只收現金~❤️‍🔥最後既最後，口味尼家野因人而異啦~#eat #food #foodie #hkeat #hkfood #hkfoodie #香港美食 #香港餐廳 #香港好去處 #香港美食地圖 #

今日午餐外賣了川婆婆的炸醬豬扒撈米線豬扒醃製入味，炸的外酥裡嫩，仲好大一塊。炸醬顏色淺淺，肉碎超級多，撈米線一流，配上黃豆，口感豐富，鹹淡啱啱好，味道極好。價錢不貴，性價比高。

放工諗住隨便食碗麵返屋企，估唔到又發現左一間隱藏喺觀塘嘅特色粉麵店。我原本都想試招牌水煮魚系列嘅，但呢排喉嚨有啲唔舒服，就選擇咗佢哋嘅粉麵套餐，有超多餸可以揀。🌟醉鄉雞湯碗麵一放上張枱，就已經聞到淡淡嘅米酒香味，飲完個湯之後成身暖笠笠。餸就叫咗秘製魷魚丸、腩肉同埋萵筍配米線，另外仲加咗啲芫荽。米線好誘惑，由於院非常之真材實料，每咬一啖都有啲爆汁。🌟 酸辣紅薯粉朋友就叫咗酸辣粉，辣度可以揀超少辣至特辣。朋友淨係叫咗超小啦，佢飲完都話覺得OK唔錯。佢就叫咗韭菜餃、潮汕豬肉卷同風琴豆腐，韭菜餃皮薄餡靚👍🏻豬肉卷同風琴豆腐都好入味。跟住忍唔住再encore左個麻辣風琴豆腐，好惹味。另外，仲叫左小食椒麻墨魚咀同埋皇帝菜。朝麻墨魚咀，好大粒，好爽口😋而皇帝菜就好新鮮同嫩。荔枝茉莉花茶同西柚茉莉花梳打水都好好飲。平日夜晚都幾多人嚟食，價錢大眾化，但係食物質素真係幾好，啱晒我哋啲繁忙嘅上班一族。

川婆婆有不少分店，今日去試試觀塘分店~餐廳位於觀塘廣場，在觀塘廣場通去東廣場的通道旁，位置方便，平日晚上都全場滿座✨餐廳採用QRcode落單，無加一，十分方便；環境舒服乾淨，上菜速度快 (最欣賞每個座位都有個小勾供食客置物)整體之言，麻辣酸辣都好惹味，味道不錯，價錢親民，值得推介👍🏽一人豪華套餐 $98包括一菜一米線一飲品👉🏽迷你水煮肥牛水煮是麻辣風味，可以選擇清湯/不辣/不同辣度，我點了小辣不算太辣 每塊肥牛都滲入麻辣湯汁，肥牛很軟腍有牛味，十分惹味而且配料豐富，有海帶、芽菜、寬粉、豆皮、娃娃菜、芫荽、蔥，份量不少👉🏽炸醬豬扒撈米線超級大碗！上菜時十分擔心無法完成！米線較淋身，炸醬份量多且味道濃郁豬扒炸得十分香脆，且肉汁多，配上脆豆，十分滋味👉🏽西柚茉莉花梳打水份量充足，清新的西柚味與甜美的茉莉花味結合，十分清爽解渴招牌麻辣米線 $74韭菜餃雞肉靚牛丸麻辣牛肉蟹柳荔枝茉莉花茶 $10份量充足，荔枝味濃郁，茉莉花茶強勁強，非常適合解辣-總體評分-環境：8/10 食物：8/10 服務：8.5/10 抵食：8.5/10川婆婆 (觀塘)📍觀塘開源道68號觀塘廣場地下G24-G25號舖-

觀塘區最多人掃街嘅地方就係觀塘廣場，每次放工都逼滿人，係呢度有間川菜鋪頭又便又好味，我想食川菜就會過黎食🥳我地叫左😈麻辣豆腐串配滷水肥腸💰38豆腐串同埋滷水肥腸浸泡係麻辣湯底裡面，湯底濃郁，豆腐串吸曬味，好好食🤤滷水肥腸滷得好好，又軟糯又入味，呢個組合好正😝😈涼拌粉皮💰38粉皮凍冰冰，非常爽滑，配埋青瓜絲同麻辣汁，夏天食好正😻😈椒麻墨魚咀💰38墨魚咀少地方有得吃，即刻叫黎試下。上碟都幾大碗，咬落汁爆曬出黎，又好有咬口，加埋麻辣汁同埋辣椒粉，真係令人一口接一口🥹😈椒麻鹽酥雞塊💰68鹽酥雞塊放係麻辣湯度，吸收曬成個湯嘅精華，雞塊食落又麻又香，湯底仲有口感煙韌嘅寬粉、豆皮等，完全夠食，一路食一路有鼻水流出黎，好正🤤🤤🫣😈紅糖糍粑💰28外脆內軟，加埋紅糖漿一齊食，好煙韌。次次食川菜都會叫😈荔枝茉莉花梳打水💰12係泰象牌梳打水，加上淡淡荔枝茉莉花香味，好解渴消費價錢：2人💰222，人均💰111結論：性價比高又好食🥹餐廳名稱：川婆婆 (觀塘)餐廳地址：觀塘開源道68號觀塘廣場地下G24-G25號舖

荔枝茉莉花梳打水 $12味道正常，甜度正常，有荔枝嘅香味同埋淡淡的茉莉花香～西柚茉莉花梳打水 $12本身對杯野飲有冇乜太大期待，但飲咗啖有驚喜！味道吾係死甜，有西柚果肉！12蚊既價錢算係吾錯！系我pick首選！涼拌魚皮 $38魚皮十分爽滑！份量都唔少！撈埋啲青瓜絲一齊食，味道清爽一流！同朋友share岩岩好！椒麻加餸（餐）$68揀左五花肉，裏面有好多配料～有豆芽，豆皮，寬粉，娃娃菜，海帶絲，份量好足！ 五花肉既份量好多,起碼有8塊～ 椒麻昧好香，一開頭麻味吾重，但系愈食愈麻既個種！寬粉又彈牙又入味！酸菜加餸（餐）$68揀左魚片，裏面配料一樣～都有豆芽，豆皮，寬粉，娃娃菜，海帶絲，好大碗！每個配料都好入味！酸菜魚份量都好足，爽滑好有魚香味！

今日去觀塘做野，午飯時間超級肚餓🥹 走入觀塘廣場睇下有咩平靚正野食😜😜 見到呢間叫川婆婆既餐廳，裝修唔錯，價錢仲好經濟🤩🤩🤩餐廳有唔少座位，仲好寬闊，可以坐得舒服餐廳用QR code 落單，圖文並茂，又可以方便計價錢，同同事AA制😂😂 正呀我同朋友二人叫咗一飯一麵試下，當然仲叫咗我最喜歡既川菜甜品-紅糖糍粑試下啦🥳🥳招牌手撕雞飯- 好多雞呀😙😙 飯同餸仲分開上，正呀麻辣墨魚咀肥腸粉- 可以揀唔同辣度，嘩，真係好足料，估唔到$52可以有咁多墨魚咀和肥腸😎😎😎上湯生皇帝菜- 叫個菜健康下😍😍 好少餐廳有得食皇帝菜，我地把握機會試下，無叫咗呀，我地仲叫咗多蒜Tim, 正呀🥳🥳🥳紅糖糍粑- 好味！係新鮮熱辣整起😎😎😎豆漿汽水餐廳選擇好豐富😊 又抵食！可以做飯堂😎😎川婆婆 (觀塘)觀塘開源道68號觀塘廣場地下G24-G25號舖

觀塘區人口稠密，食肆林立，今日要去觀塘廣場買外遊電話卡，決定順道在樓下晚餐。逛了一圈見有間火紅色門面主打酸菜魚的店舖，門口有人排隊，應該不會中伏。這裡是用QR Code點食物，款式選擇多，有辣有唔辣。心大心細之際店員推介我們試醉香雞，因為hubby不吃辣，我們選了水煮魚清湯版，另外點了幾款小食，包括：爆汁牛筋丸、酥炸豬扒及上湯娃娃菜。1)醉香雞～雞肉嫰滑，湯底材料豐富：有黨參、黑棗、雞心棗及木耳。湯頭帶有淡淡酒香及紅棗甜味，店家很貼心地預先把紅棗去核。2)清湯水煮魚～魚肉滑，配料豐富，包括：大豆芽、豆皮、海帶及木耳絲，湯底清甜。3) 酥炸豬扒～豬扒炸得夠香，仍帶肉汁，不會有乾柴感覺。4)爆汁牛筋丸～吃第一口帶輕微麻辣味，即使不嗜辣的我們都接受到。5)清湯娃娃菜～簡單上湯浸菜上面加了蒜泥，味道頓時提升。整頓晚餐不用$200，確實抵吃。

川菜一直都係我至愛，今次去出名既川婆婆外賣番屋企食。路途都有點遠，但番到屋企都係係熱辣辣，推薦川菜愛好者試試呢間餐廳。酸菜魚：酸菜的酸味與魚的鮮美相互搭配，非常開胃。配有大豆芽菜，娃娃菜，海帶絲，豆皮，寬粉。寬粉的口感好煙靭，入晒湯的酸同辣味，味道濃郁，香氣撲鼻，讓人胃口大開。炸醬豬扒撈米線：酸菜魚一人餐仲配有炸醬豬扒撈米線，以為係配菜，估唔到咁大碗，一個餐可以兩個人食。炸豬扒係佢地既招牌菜，豬扒好入味，炸都好香。炸醬的鹹香加埋米線橯埋一齊食，形成了很好的搭配。椒麻麻辣鮮牛肉：椒麻口感麻辣，香辣味濃郁，非常適合喜歡辣食的人。鮮嫩的牛肉與辣味相互融合，給人一種辣而不燥的感覺。裡面配菜都好多，都有大豆芽菜，娃娃菜，海帶絲，豆皮，寬粉。

近排無咩機會出去食辣野, 今日經過觀塘, 又想食下辣野, 就去咗川婆婆叫外賣食, 主要揀左d傳統四川口味小食我就叫咗涼拌粉皮(小辣), 粉皮比較有嚼勁,平均撈勻啲醬汁, 好香口惹味仲叫左椒麻墨魚咀等幾款小食, 墨魚咀超大粒,好Juicy爽甜, 配埋啲麻香, 食完之後仲有點餘韻辣汁牛柏葉, 牛柏葉好爽口唔靭, 索晒d 辣汁涼拌魚皮, 魚皮膠質好重, 配埋其他香料, 酸酸地, 好開胃另外, 麻辣豆腐串配滷水肥腸, 肥腸入邊都好乾淨，而且好入味😋

喺觀塘返工嘅，你一定要試吓呢一間川婆婆。最近我去咗度試咗佢哋嘅美食，包括涼拌粉皮、紅油抄手、經典口水雞飯、荔枝茉莉花梳打水同埋小食招牌手撕雞。先話涼拌粉皮，呢道凍拌菜非常清爽。粉皮爽滑，配上醬汁，係一個好開胃嘅選擇。之後試咗紅油抄手，呢個係川菜嘅經典小食。抄手皮薄餡多，內餡香濃，加埋辣椒油嘅調味，味道鮮美。經典口水雞飯係呢間餐廳嘅招牌菜之一。雞肉配上特製嘅口水雞醬汁，好好味。我揀咗小辣嘅口味，辣度剛好，增添咗飯菜嘅風味。荔枝茉莉花梳打水有清新嘅茉莉花香氣同甜美嘅荔枝味道結合，好解渴。最後係小食招牌手撕雞，呢道菜係我最鍾意嘅一道。手撕雞肉配埋特製嘅醬汁，口感豐富，少少辣，少少鹹，幾正。

觀廣地下的川婆婆，之前已經食過一人水煮魚同酸菜魚粉麵。今次就試下自選粉麵餐！🔸粉麵餐 配寬粉、招牌麻辣餸最少要揀3個餸起（價錢$8-15）今次揀左鴨血、包仔豆腐同蟹子丸份量好多，鴨血有5、6塊！湯底好惹味，夠辣，仲要有蒜！好正！

之前喺銅鑼灣返工都成日食😝，每次去到都一定叫寬粉加羊肉，配埋辣湯底勁正😍（可惜今次嚟到見唔到羊肉🥲）。🍜#自選粉麵 ($52)湯底大把選擇，今次叫#酸菜金湯，唔油味道啱啱好🙆🏻‍♀️。配料揀咗#蓮藕、#腩肉、#墨魚味春捲。我個人都幾推薦春卷，質感較軟腍但墨魚味幾重😛。麵底當然要寬粉啦🤩，煙煙靭靭我最鍾意。🍜#自選粉麵 ($68) 另一碗就叫咗#招牌麻辣 湯底加出前一丁，配料有#美國肥牛、#響鈴卷、#娃娃菜、#包仔豆腐、#墨魚味春捲✌🏻。本身驚太辣所以揀咗bb辣，但我哋都一致認為下次可以再揀辣啲（唔知會唔會每間分店唔同呢🤔？）。另外麵底都可以揀要淋啲定硬啲，呢個位幾貼心👍🏻。響鈴卷放係面唔會浸到淋曬，肥牛、娃娃菜、包仔豆腐呢啲配料睇落雖然普通，但勝在份量多。🐙#小食椒麻墨魚咀 ($38)有十幾粒仲要勁大嚿，完全想像唔到點解個嘴可以咁大🤣。椒麻味道非常突出，見到成碗都係椒麻粉🙈。🍢#麻辣豆腐串 ($20)總共有兩串，可以同男朋友一人一串🤪。豆腐好索汁，不過麻辣湯汁唔算太辣。🥛#凍豆漿 ($12)豆漿勁濃，仲要雪得夠凍，唔似平時買返嚟水mou mou個啲，加上係手搖飲品嘅包裝，方便帶走慢慢飲✌

做完運動，老細叫我買外賣返屋企食，口淡淡想食啲辣嘢，近近地行落觀塘廣場就有間川菜，平民化裝修～好彩我係買外賣，因為全場滿座！店員畀個code我自己點餐～要讚吓佢個電子點餐系統又真係幾好用，版面十分簡潔，唔似得有啲餐廳淨係落單已經想講粗口！！同埋好欣賞佢外賣用長膠袋，湯粉冇咁容易打瀉！佢有唔同湯底揀，我要咗個椒麻湯底（少麻），最鍾意食薯粉，佢有寬粉同細粉，想有咬口就梗係要寬粉啦！！自選粉可以揀三個餸，我大貪啲揀夠四個～：金菇、魚肉餃、鮮墨魚丸同埋潮式豬肉捲。因爲係老細叫買外賣，所以揀咗個炸豬扒、牛柏葉同炸墨魚嘴呢啲香口嘢……真係好少見有墨魚咀食，我就梗係叫個爽滑魚皮醒自己啦！！原來佢個小辣都幾辣，好彩牛柏葉叫咗BB辣…😅😅總括嚟講，食物美味，尤其喜歡佢個炸豬扒，真係非常入味，炸得鬆軟又唔會乾曬～老細都大讚！魚皮夠曬爽滑，配埋麻辣汁真係辣到出汗～🤣😅墨魚嘴亦非常爽口彈牙！🥰雖然個外賣飽到一個點～最重要係價錢夠平，睇怕下次買外賣又有多個選擇啦！