川婆婆 (已結業)

同一班朋友gathering，佢地推介去川婆婆食，一於跟隊去試下～顧及有幾位朋友唔食得辣，我地叫左鴛鴦鍋（雖然最後都撈埋一齊🤣），同埋料以海鮮為主。老實講，成餐價錢實在偏貴，因為唔係任叫而係逐樣嗌，但料又確實好新鮮，完全無果種任食、放響度擺左好耐既感覺，蝦上到枱仲要識得郁既！！味道因為海鮮多，唔會好難食。湯底方面，如果鐘意麻辣既朋友都幾推介，因為好夠麻好夠辣。除左邊爐之外竹地仲叫左個酸菜魚，係我鐘意既酸菜魚啊😍😍😍味道唔錯，但魚就唔算好滑，整體ok。…查看更多

我同媽咪都好鍾意食麻辣火鍋，今次已經係試第二次，就帶同屋企人一齊黎試，花膠雞湯配麻辣火鍋鴛鴦鍋必試，花膠湯非常好飲，真材實料，今次用了另一間公司的Apps的優惠，非常抵食！材料新鮮！睇相都已經好吸引！一定會再食😋…查看更多

久違同朋友相約喺旺角食午餐，咁啱大家都想食辣野，見到呢間裝修好粉紅好少女，午餐套餐又幾抵食就去試下。週末下午1點左右上到餐廳，可能太奈冇行登打士街，都唔知樓上變咗做食肆。餐廳都好大好闊落，但週末嘅下午都係得2-3枱🤔成間餐廳好多粉紅色午餐套餐都唔少選擇，我哋揀咗老壇酸菜魚同麻辣小香鍋。附送飲品揀咗凍洛神花茶，個杯好靚😂味道唔算淡，都有飲到洛神花嘅茶味。好快我哋叫嘅嘢食就到咗，望落好似夠辣，好正，可惜...老壇酸菜魚：望落好紅，但冇咩辣味，仲要勁咸...啲魚嘅骨都好多，要專心食魚唔可以講野🤷🏻‍♀️麻辣小香鍋：同我之前食過嘅差好多，冇咩麻辣嘅香味，啲食材全部都好似翻炸咗幾次，又霉又乾。食咗幾啖我地就放棄總結：午餐真係唔得，唔知晚餐會唔會好啲，不過我唔會再食🤭…查看更多

剛才收到電話通知，因為疫情關係，明天起休業。一直支持你，係因為你老闆黃到金， 嘢又好食！ 雖然不知道該員工幾時收到通知，但你夜晚十點先通知我？ 我早一星期就訂了明晚19:00斷估唔會唔睇booking就決定休業吧😣😣真係一野比你翹起，都唔知點搵間食店聽晚食飯…查看更多

自己比較喜好食辣同朋友來左呢間份量比想像中多牛肉有好多選擇除左火鍋都有好多小菜而且啲火鍋料都幾好味老闆全場周圍走，又不斷問有冇咩需要，又主動幫我地影相，同埋俾圍裙我地環境好舒服，啲枱好梳，啲凳全部有咕𠱸，坐得好舒服出面仲有個露台可以食下煙望下街景當然價錢方面都有返咁上下啦野飲反而唔算貴，特別係酒類個麻辣火鍋好夠味！不過小辣都好辣，要撈返啲料出來😂總之就推薦啦好少有麻辣湯底個味係夠正宗，環境仲要好…查看更多

裝修好有少女風，環境都幾靚，不過得我地一枱客，好驚係伏，點知酸菜魚真係…簡直唔識形容，未食過咁淡味又唔辣嘅酸菜魚:( 得陣好淡好淡嘅檸檬味加小小酸咁，啲魚滑就幾滑，斃在有骨。成碟魚fix死，唔可以加其他配菜，想混薯粉食/加啲菜又唔得。總括而言，唔似酸菜魚，最多叫水滾檸檬魚罷了反而燒物有驚喜，食材都幾新鮮，職員會詳細教你燒幾耐，點燒etc. 見我地唔識又會幫我地燒埋。燒烤幾好味，可以自己控制火候，唔會過熟，配埋醬汁啱啱好！…查看更多

之前食過尖沙咀的川婆婆夠灑辣夠灑惹味，今次黎旺角食川婆婆是因為裝修關係，另外用App訂位6點有7折，非常方便這𥚃有小菜，火鍋，磯燒，全部也有折扣包括海鮮類招牌檸檬酸菜魚 $228辣辣酸酸的魚片，魚沒有骨也很滑嘟嘟，另外配上檸檬的香味都幾特別，內𥚃很多芽菜芒果醬辣子雞 $188雞不夠乾可以再乾身啲，有新鮮的芒果醬配搭剁椒炒花甲 $128花甲沒有沙，入味之餘也很惹味酸辣土豆絲 $78土豆絲很爽口不會淋身涼拌萵筍絲 $58少少辣味，也很爽口涼拌海蜇 $68海蜇配上了麻辣醬汁很惹味，食了兩碟 值得推介磯燒自選燒北海道元貝 $58/隻燒蘇格蘭蟶子蝗 $58/隻燒白鱔 $68/份 3件燒日本雞泡魚丁 $68飲品鮮搾西瓜汁 $38天地一號 $48蘋果醋在香港非常少有，大陸必選之一草莓手工啤酒 $58草莓味濃郁配合川菜別有一番風味1664生啤500ml $68味道 賣相 衞生 服務 抵食 推介 …查看更多

裝修環境真係唔錯，可能錯在我哋唔係食火鍋:(:(點佐一個口水雞冇乜味，剁椒臭豆腐根本就唔係臭豆腐，冇剁椒，同街邊檔口一樣的炸豆腐，仲係炸得好乾，水煮魚檸檬魚冇得選冇魚骨的，只有一種魚，水魚安格斯牛肉可能係我自己點錯，唔適合做水煮，應該適合打邊爐，太肥，燒烤架網架上好多黑炭啊，唔乾淨，食佐2塊牛俐丟佐2塊，驚致癌，保命緊要，第一次寫評價，係openRice上都試過好多間餐廳，裝修咁靚，食物應該唔算差的嘛可能佢哋拿手的係火鍋…查看更多

🔺花膠金湯雞鍋 $238 + 重慶麻辣鴛鴦鍋$10 😋指數: 🌕🌕🌕🌕🌗◻️花膠雞湯 都有成8，9件花膠 同半隻雞 足料 湯味道都唔錯 另外重慶麻辣 (中辣) 有由台灣進口的豆腐 口感札實 一開始食 我自己就幾鐘意🔺蕃茄波士頓龍蝦鍋$158+ 重慶麻辣鴛鴦鍋$10 😋指數: 🌕🌕🌕🌕🌑◻️蕃茄湯 有3分一隻龍蝦尾 煲到中期 濃味左 幾正 重慶麻辣 (小辣) 感覺同上🔶今次係 一大班 朋友一齊食 都叫左不少食物 我唔 續一介紹 揀啲我自己覺得好食嘅 推薦🔺潮州爆汁牛筋丸 $58😋指數: 🌕🌕🌕🌕🌕◻️💥💥必點💥💥 好有牛味 咬落夠 爽 好食到 味食完一碟 已經知要encore❗️🔺美國安格斯雪花牛 L $288😋指數: 🌕🌕🌕🌕🌕◻️ 厚度切片 肉質鮮嫩 打邊爐 必須有 睇反張單 原來點左5份🙊 🔺水蓮 $38😋指數: 🌕🌕🌕🌕🌑◻️係水蓮吖 香港唔算多地方有 食落幾清脆 💕🔺墨汁墨魚滑 $88😋指數: 🌕🌕🌕🌕🌘◻️夠哂 彈牙 鐘意食墨魚滑嘅朋友 唔好錯過 🔷如果你地都係一大班用友 黎 記得book位時 講底 想留 收銀旁的 角落位 當日有 (9)位 夠坐 2個爐 🔷食食下覺得焗 仲可以開旁邊個 連接露台 的大門 而家岀面凍凍把 啲風吹入黎 好爽 ✨🔷整個氛圍都粉紅色 好適合打卡…查看更多

來到川婆婆午膳，叫了一客剁椒烤魚。烤魚相信是即叫即煮，上來的時候熱辣辣，而且表皮炸得十分香脆，不覺油膩。入口很有魚味，沒有腥味，而且魚肉亦不覺鬆散。雖然配上剁椒，但不會覺得十分辣，反而令人更開胃。有時洛神花茶會因為要減少洛神花的酸味而放入太多甜，從而有死甜的感覺。而川婆婆的洛神花茶不會太甜，味味酸酸甜甜，解辣一流。另外，環境亦十分舒適，空間感足夠，亦都不會十分嘈吵，可算是旺角鬧市中的一個綠洲。整個午市套餐價錢只是$58，烤魚相信亦需要不少功夫，可算十分抵食！…查看更多

今日聖誔前聚一聚朋友就找了一間食辣的打邊爐，來到沒想過是以粉紅色為主好女仔，我們因為七點來到不多人，今次我們一行六人來這裡，最後決定要一個爐就夠食，要了一個辣和菇的湯底，雙併加了十元，包有鴨血但不多，辣度都夠食，菇味的湯底都夠，但二個湯底不太出色只可講普通，打邊爐料份量都真的幾多足料，款式都多元化同幾新鮮，飲品有酒精同冇酒精。這裡除了邊爐仲有爐邊燒但沒有吃，反而叫了二個小食，回鍋肉勁大份以一百三十八都合理，不太辣幾多豬肉又入味，土豆絲就味道一般本人覺得偏酸。最後由七點半坐到九點九暢談都不錯。…查看更多

環境/食物質素普通 主要欣賞湯底上菜好快湯底小辣，兩小時湯底精華最勁但人手及服務態度好有保留我入到店門口先知限時入座Confirm booking 之前又唔講 入座果時先知真係嬲嬲地如果限時，我係唔會揀川婆婆九點正前後催左兩次交枱， 相隔十分鐘，駛唔駛催到咁呀，好差囉個男waiter 仲叫我地食快小小當時大把枱，我唔明點解要催等咁緊要人手企晒響到 又唔幫手添水 企響到唔知做咩陣間識催交枱，次次叫加水，先識做多一步講真 ，唔會再到…查看更多

食物質素滿意 上菜時間好快 湯底叫小辣，食左個半小時後，湯底精華愈來愈麻，唔會辣到食唔到，好正。最失望係服務方面麻麻入到去拎位，先知係限時入座兩小時，有點失望同事應該電話confirming booking 前講聲兩個鐘根本唔夠時間食最知限時，我唔會到當晚人手充足 但個個企晒響到下下茶水要叫先識添收銀個女人問多句醬料既野，惡到爆夠鐘收枱，小小空間都唔俾人 十分鐘內俾人催左兩次 真心反感當晚食到九點 仲有其他枱俾人 係咪咁趕客唔會再到 …查看更多

今日突然想食酸菜魚，Momo同Boo就去試旺角新開左一排嘅川婆婆🧓🏻🧓🏻入到去冷氣夠晒大，因為除咗酸菜魚🐠，仲可以打邊爐同埋磯燒海鮮。我哋就叫咗酸菜魚同埋磯燒海鮮套餐🐟🦐檸檬酸菜魚($198)🐟正呀!😋😋由於Momo好鍾意食酸野，所以酸菜魚夾埋個汁好入味，酸酸地辣辣地，亦食到檸檬味。魚既肉質唔錯，份量都幾多，4個人share都夠！👨‍👩‍👧‍👦我地仲加咗招牌紅薯粉($38 )。不過，越食越辣，Momo食到出晒汗。🥵🥵💡溫馨提示：唔食得辣嘅朋友可以先撈起辣椒！酸菜魚食咗冇幾耐，海鮮燒烤套餐($288)都準備好啦🤣🤣！依個套餐包生蠔2隻、日本大元貝2隻、貴妃蚌2隻、開邊蝦2隻🦐🦐同埋番薯蜆4隻。海鮮好鮮甜，除咗蝦之外，其他都好大隻，性價比唔錯，上枱燒既時候，部分海鮮仲好生猛。👨🏻‍🍳👩🏻‍🍳店員好nice，提醒我地海鮮就燒好食得，如果火唔夠就拎支油向爐噴一下🔥野飲叫咗個芒果沙冰($48)🍹🍹味道就中規中矩，不過有芒果肉係入面，抵讚！👍🏻👍🏻總括嚟講，川婆婆嘅酸菜魚同海鮮都好好味，下次會再食試埋邊爐先！🤓🤓🤓…查看更多

今天晚上book了旺角家樂坊8樓的新餐廳，這間川婆婆的裝修很特別和其他的完全不同，餐廳粉色的裝修很適合打卡用，原來呢間川婆婆有火鍋及磯燒食物，餐廳還有一個露台面向登打士街，可觀望整個旺角。喜歡吃辣的我點了鴛鴦鍋，分別有麻辣湯及菌菇湯，麻辣湯可以加辣，適合喜愛辣的客人選擇，我們點了牛小排、手切肥牛、黑豚肉、雞子、牛柏葉、珊瑚蚌、爆漿蝦丸、餃子、麻辣湯拍擋鴨血。接着我們還點了一些磯燒的食物，主要為海鮮類：例如有硯、鱔片、蝦，10分香口，還有小吃臭豆腐出色。整體食物環境氣氛OK，價錢小小貴，以後旺角食飯又多一個地方選擇。…查看更多