川味王

營業中

休息中

去到深夜時分，有啲肚餓，正苦惱食咩之際，發現一間串式串燒店仲開緊，望咗餐牌，好多款式，而且價錢一啲都唔貴，最後買咗幾樣嘢外賣，返屋企慢慢食。錫紙花甲粉估唔到呢個花甲粉咁大份，個底真係有錫紙，粉絲超級入味，而且仲有勁多花甲，入面仲有唔同嘅蔬菜同埋金菇，好豐富，性價比超高！燒雞軟骨串燒方面點左小辣，雞軟骨燒得啱啱好，好脆，而且仲有兩串，高質！燒金菇肥牛卷呢個超出色，佢嘅味道同我返咗大陸識嘅串燒味道好相似，好難喺香港搵到呢種味道！燒芝心丸再點埋我最愛嘅芝心丸，個皮竟然係脆脆地，有驚喜！呢間成為咗我宵夜首位之選😍😍😍😍😍

食物質素普通，但服務有待改善。七點鐘入座，無其他客，穿着古怪服飾嘅侍應全場黑口黑面，要攞隻碗仔都不耐煩，開門做生意唔知為乜，8點離開都無其他客。。。希望間舖頭好好反省下當初開舖目的。。。

川味王 (尖沙咀)尖沙咀柯士甸路17號豐樂大廈地下2號舖川式串燒、粉面堂食及外賣店。餐廳裝修非常有特色，濃厚的四川風格，連店員的服裝也是古代服裝，古色古香的風味。餐廳內有各種不同的川式燒烤及各種川式粉麵。在尖沙咀地區來講，錢不算太貴。今次點了幾款串燒外賣、冰鎮菠蘿及花甲粉。花甲粉湯底非常濃味，今次選擇了粉絲做面底，非常吸引。多款串燒都不過不失，唯獨是雞翼四隻是未熟的。冰鎮菠蘿是新鮮菠蘿切件雪凍，非常清甜。

川味王（尖沙咀）尖沙咀柯士甸路17號豐樂大廈地下2號舖先講吓店舖裝修，有一種日本居酒屋嘅感覺，而入邊播嘅音樂、侍應嘅衣着都好有風味。燒日本一口和牛粒$36和牛好有味，燒得好均勻，一路食一路有汁爆出嚟🥰一試難忘。燒雞腎串$28沙嗲雞肉串 $26辣粉好香，價錢合理，一路食一路配酒！認真好食燒韭菜$15超級大串，同埋燒得好出色，啲韭菜唔會收晒水❤️❤️燒翠玉瓜$15翠玉瓜都一樣，有好多汁，雖然佢會有調味粉，但係翠玉瓜既汁唔會少❤️惹味芝士燒原條茄子🍆$48超級之多芝士，拉斯嘅感覺超級正，淡淡茄子都有芝士！酸辣土豆絲$55酸辣土豆絲，唔係一般嘅土豆絲，炒得好有鑊氣，配酒係一流！食到停唔到！仲要好大兜，配飯好好食。全素麻辣香鍋$70食得太多肉要食返啲菜，呢個麻辣香鍋真係好抵食，佢入邊有：翠玉瓜、蓮藕、娃娃菜、西蘭花、土豆片、四季豆。真係好大兜，食到停唔到口，已經同朋友講咗下次一定要返嚟再食過！

開返晚市堂食終於可以食串燒做宵夜。一間餐廳位於尖沙咀，主打川式串燒。外賣等咗15分鐘就拎得。🥢雞軟骨 $68/6火候適中，燒得乾身香脆可口。🥢蒜蓉燒8吋大虎蝦 $55鮮甜彈牙，蒜蓉香味好重。🥢汁燒原條魷魚 $40魷魚彈牙多汁，烤醬甜味濃厚。🥢錫紙金針菇 $38可以揀麻辣/蒜蓉口味。我哋揀咗麻辣，辣度唔算好高，不過香氣十足。🥢牛肉串 $25牛肉味道濃郁冇羶味。📍川味王 (尖沙咀)尖沙咀柯士甸路17號豐樂大廈地下2號舖

♡‎ ♡‎‎ ♡‎ ♡尖沙咀 - 川味王‎♡‎ ♡‎‎ ♡‎ ♡‎ 今日去咗尖沙咀食韓國菜 見到呢間古色古香嘅川味王環境唔算好大 但勝在好有中國風特色即叫即燒 值得欣賞🔹麻辣汁燒花螺 $65醬汁有啲蒜蓉肉粒 夠辣夠惹味燒花螺好容易拎出 肉質鮮美🔹燒日本一口和牛粒 $36和牛粒有啲油脂 咬入口好juicy 🔹錫紙花甲粉 $58花甲超多 大約20隻 亦都大大粒 下面原來係粉絲嚟 連埋啲辣湯一齊食 🔹雞翼麻辣香鍋 $85雞翼切半 更入味成個香鍋仲有茄子、翠肉瓜、蓮藕等等兼具鹹味、辣味૮₍´˶• ᴥ •˶`₎ა ：總評餐廳即叫即燒 但係都快手亦大份 價錢唔算貴 亦古色古香 幾特別 有川菜嘅感覺◆*．◆*．◆*．餐廳資訊◆*．◆*．◆*．📍 川味王 (尖沙咀)尖沙咀柯士甸路17號豐樂大廈地下2號舖

As the weather suddenly turned cold and raining, we decided to pack dinner back home tonight. Spicy King was located at Austin Avenue, several minutes walk from Tsim Sha Tsui MTR.Their menu was comprehensive, serving seafood, fish, meat, vegetable, rice, noodles, meatballs, hotpot, drinks and desserts etc.  Grilled chicken wings were smooth and juicy, grilled octopus was very chewy and flavourful, grilled pork neck was very chewy and grilled sausages was smooth and chewy too. Enoki mushroom wrap

此次用餐总结：上菜时间长（半个小时），烧烤没什么味道，付款大家一定小心看下帐单，有可能多收没上的菜，最後付款老板娘还让我快点给钱别浪费她时间，提醒你客户也要为店家着想。从来不发食记的人都忍不住过来告诉大家，千万别吃这家

十點幾都未食dinner，冇咩餐廳可以簡，諗住串燒店會開到好夜，於是就去咗附近嘅呢間串燒店。未入到去都已經見到好大油煙，但附近冇其他選擇，所以照食。入到去tick好哂要d咩就嗱嗱林比個侍應。點餐紙有個位比你簡大中小唔辣，唔食得辣嘅我就圈咗唔辣。交完張單咁就一路等啦，一路見到餐廳好多food panda deliveroo嘅單，然後侍應又係咁pack外賣單，堂食嗰d呢？？連一串都冇後食。如是者我等咗半個鐘忍唔住出聲，有冇d燒好嘅拎住出嚟食住先呢？佢又話燒緊燒緊，燒緊外賣嗰d？隔多陣佢拎咗幾串出嚟，一望，一堆辣粉喺面…咬一淡，辣到食唔到。同個侍應講，我哋係圈咗唔辣，點解上到嚟辣到飛起？侍應話蔬菜類可以換比我，但肉類就唔可以換了…只能說串燒係一般水準，冷氣大，抽風系統差，令到嘢食凍哂之餘，衣服頭髮好大陣油益味，十分差的體驗。溫馨提示，想快啲食到一定要催個侍應，煮好幾多上幾多俾你。

👎🏻👎🏻👎🏻唔好嗌呢間店嘅外賣！極品垃圾！樣樣嘢都漏單，仲要好難食，電話打極都冇人聽！是咁的，嗰日凌晨肚餓就係foodpanda嗌咗個麻辣燙食，外賣未到嗰陣我frd上嚟屋企搵我，問我食唔食宵夜，跟住我話嗌咗foodpanda，佢就問我食咩，我就推介咗呢間垃圾畀佢，我到而家都好後悔，我已經係一個為人處事好寬容嘅人，飯變意粉我都可以就咁食，費事為難啲侍應，但呢間我真係要詳細形容係如何極品法。重點：我個外賣先到，打開個麻辣燙，冇湯冇調味淨係有白淨嘅薯粉加幾個餸，唔洗食都知個麻辣燙已經中伏，跟住我數下啲餸，五餸得四餸，仲要錯嘢，台灣腸變金針菇，個麻辣燙完全冇味，齋乾撈，自己調咗個醬料撈勉強食到🤮....食到一半我frd個外賣到，佢啲麻辣燙打開都係咁，薯粉嗰份同我一樣情況，難食到....不如叫齋撈薯粉好過....啲餸一數又係漏嘢，另外一個麻辣燙加飯，結果連飯都冇，嗰下我真係嬲到爆，可能係因為我介紹咗呢間垃圾店畀我啲frd，亦都可能係佢樣樣嘢都中伏出錯，於是我決定打電話過去質問佢哋，結果就係打極都冇人聽....後尾搵foodpanda客服賠翻兩張優惠券。最後再次強調，呢間嘢真係垃圾嚟，我自問係一個

一開始坐低見到Follow OpenRice 有得88折之後打開評價見到都幾驚仲心諗點解呢間野咁既評價都叫人睇OpenRice 之後落order都因為咁有卻步叫少咗好多野食野食嚟到全部放埋一齊有啲驚訝 點解唔燒好咩上咩 可以即食又比較熱但係食落又有驚喜串燒肉汁都夠調味都唔錯 上面俾餐評班人 你地叫外賣平台等咁耐先食乜都乾啦 堂食食落 真係唔錯尤其茄子幾香 食得出係靚茄子凌晨時間宵夜絕對係一個唔錯選擇串燒真係唔建議叫外賣 串燒你叫得外賣唔係即食就預咗唔好食

半夜肚餓，係網上外賣平台見45折燒烤店，一於試下落完單要等30分中先拎得去到店問店員，叫我自己睇拎到返去發現漏單嚴重叫15樣野，可以漏左3樣即刻上開飯搵電話打過去，無人聽好彩係用網上外賣平台訂，可以搵客服跟進，補償返現金卷試完仲要唔好食仲要咁貴，真係伏到爆比如原價$100，折完$45所謂燒蒜蓉特級蟶子2隻，以為係蟶子皇，打開發現就超細2隻，應該叫蒜蓉粉絲金菇，基本搵唔到蟶子肉，就有兩個蟶子仔殼夠膽死收呢個價真係超級搵笨咁既價錢，咁既質素，以後都唔會再幫襯！

忍唔住要寫老婆大肚，叫左外賣全部注明唔辣黎到全部辣。想食之前諗清楚唔好貪方便連個牛肉烏冬都係辣的先唔計較係噹噹烏冬求其到一個點燒牛舌係烚的只有一面有大量調味燒出顏色唔信可以試試最後只有唔食得辣既我自己食可惜真係難食到食唔哂

第一次係OpenRice寫評語估唔到第一次就奉獻左比佢夜晚諗住食個宵夜 打開個Apps就見到佢諗住嗌幾樣試下 一黎到就漏單三樣仲有一樣又比錯我 之後打電話 連續打咗10幾個電話都係冇人聽 真係冇辦法之下係apps搵客服幫手 好彩最後都有得cash back首先講返味道先 其實真係好一般得d辣粉味道 價錢偏貴 性格比超低！食過一次真係唔會反轉頭 喺香港第一間食串燒食到咁不滿意真心希望佢可以改善食物質素同埋外賣質素另外 希望佢舖頭可以增設多一個電話

以前食過呢間野2次，都係中規中矩，外賣app自取平所以都會幫襯下，唔知係咪過左半年冇黎轉左手，今日一叫哇我真係恭喜你個士多啤梨橙，佢打開左我對串燒認知既新世界之門。叫左已經唔算多野 五花肉，雞肉，原條鮮魷，金針菇，雞中翼，多春魚，鴨胸，饅頭，大雞脾。結果呢拎完盒外賣返到屋企打開，真係笑左出黎，鴨胸同隻雞脾影都冇。 d肉燒到乾哂水，個金針菇變埋黑炭，我唔知係個師傅唔識燒定係佢地依家餐廳既食物標準係咁。本身呢間野已經等得耐，仲要比d咁既野人，仲有冇良知？上黎見到千篇一律都係負評既食評都諗住懶廢事打，但你地既質素迫人為你無限加油，祝你快d執！