嵐楠粉麵餐廳

營業中

休息中

今次看評論中招。一碗牛什麪，兩細塊金錢肚，肺腸和膀各一小塊。有生以來未食過柴一樣的牛什，不知道是不是冷藏過度，或是在窩裏太久。牛膀是沒有味道，應該是另外用水煑熟的。

🥢星期日放假多數同屋企人出街食，荃灣區真係好多嘢食，諗唔到食咩就搵間茶記醫肚。叫咗椒鹽豬扒飯同蟲草花鴨腿湯飯。🥢椒鹽豬扒飯$52豬扒剪開細細塊但份量好多，肉嫩煙韌，椒鹽味唔會太鹹，飯嘅份量亦都好夠飽。🥢蟲草花鴨腿湯飯$55陳皮鴨腿湯飯就食得多，蟲草花我都係第一次食，有幾特別，完全唔覺得有味精，鴨味同蟲草花味都好特出，鴨腿仲幾大隻添，成個湯同湯渣都俾我飲晒食哂👍🏼🥢凍飲都係加$3🥢好普通既茶餐廳，價錢大眾化，但食物質素好好，

看了食評去試，第一次食，打電話嗌左外賣，味道正常，沒有其他食評說得那麼浮誇。最有趣是有人評價服務態度一流（是不是曲線的？！）我本身有以為真係一流，點知在電話中嚇親，非常急促落單，說完直接cut線，也不是說態度不好，只是說不上好。

朋友和同事一直大讚新公司附近有一間好吃到不得了的茶餐廳，今早終於有時間去試吓。去到嘅時候見到鄰近幾間店舖都無乜人，但係楠嵩就坐滿人，地方大，乾淨企理，所以今次應該無搵錯地方啦！ 入到店舖老闆娘十分熱情，服務態度殷勤，點菜又耐心有禮，出菜又快、靚、正！今時今日香港少有👍👍👍菜式多元化，有西式又有潮式粉面，我同朋友點了粉面試吓……嘩！大大碗，餸多過粉麵，份量足料！湯底好味到停唔到口，我近年在香港真係未食過咁好！必食！👍👍👍最後，老闆都好好人，見到我哋無帶紙巾，仲免費提供一盒俾我哋用，十分熱情窩心！總之，食完不得不大讚他們用心經營的店舖態度，老闆還推介中午的咖喱，下星期一定要再去試吓！所以呢間好店舖一定要同大家分享😊👍

我係老顧客了，這裡清潔衞生，服務亦一流，有家嘅感覺，適合我依啲一日三餐都要在外用膳嘅上班族，服務態度一流！家庭式經營，用心製作！我中意佢嘅雲呑同埋奶油豬，每星期至少要去3至4次！

4-6-2023 (Sun)朝,又會合老公食早餐,我諗唔到食邊間喇,老公就問嚟唔嚟新開嘅六和冰室,好吖.不過,我哋嚟到時要等位,而對面嘅呢間啲樓面就話有位,都有卡位,咁我哋就轉呔食呢間,樓面又話等兩分鐘,好快有枱.有卡位喇,我哋就入去坐,睇完menu,就要:1. $36.00嘅牛筋粗麵,加$10.00拼韭菜水餃,要熱檸水老公食,佢話食到鹼水味,韭菜水餃唔好食,只可以話食得吓.我食一件牛筋,夠腍同夠味;而韭菜水餃皮簿,而食到蔥味多過韭菜味,而肉就好似唔係豬肉.味道:2.7分2. $44.00嘅香煎雞扒歐陸餐,要熱奶茶呢個配松露炒蛋,迷你奶油豬仔包一個,睇見雞扒同松露炒蛋都幾多,先食雞扒,係煎得好脆,厚雞肉亦juicy,俾我鍾意嘅千島醬,好味;松露炒蛋亦滑,唔錯.最後件迷你奶油豬仔包都幾甜吓,不過都脆嘅.味道:4.9分而熱奶茶係熱同時有啲澀.味道:2.7分服務:我哋一直食,一直睇見啲樓面好積極咁拉客.環境係4.5分, 抵食係 2.5分

因工作經過荃豐，見到呢間茶餐廳試咗唔同嘅餐點！都大份抵食👍🏻👍🏻一點鐘已經可以食下午茶！岩晒lunch time唔想食咁飽既朋友～今日食左茶餐沙嗲牛肉麵配火腿奄列+奶油豬 $48🐂沙嗲牛肉麵 牛肉好冧而且份量多 都有6-7舊，麵都夠彈牙！佢仲有米粉、通粉、米線 可轉第一次食茶餐會配奶油豬 有驚喜 脆卜卜 配煉奶 我覺得我可以食多幾隻🤣奄列都留有少許蛋汁 很香☕️熱奶茶好滑 好香 不會澀澀的～～～～～～～～～～～～～～～～～佢仲有其他嘅特價飯都好吸引！推薦霸王雞飯同口水雞飯唔會好鹹味道剛好！👍🏻雞嘅份量都多 最鍾意蔥油撈飯食🤣下次要試埋佢嘅牛腩粉麵

當日因為去仁濟醫院，經過這間餐廳覺得唔錯寫下感想。牛三寶飯有我們最愛的牛筋牛腩，配上佢哋特製嘅上湯，簡直就係色香味俱全。而且口感嫩滑，絕對是冬天的暖身首選。配上熱奶茶是女生的最愛。香煎雞扒薯角雞扒煎熟啱啱好，外皮非常脆，好似食薯條一樣。而且唔油膩非常健康。i like 檸檬菜蜜簡直係消滯，而且亦非常暖心。😄餐廳地理位置非常鄰近地鐵站，我認為過年，屋企大細一家過嚟享用美食就最啱。服務都算周到， 而且比較整潔。😄😄

Tea time 食返個下午茶，係荃灣行完山一落小巴行下商場就黎到呢間小店餐廳，門口有粉麵，餐牌有下午茶炸野😍😍。.🍴生炸大雞髀 配薯角 $42下午茶超大生炸雞髀🍗又大隻又juicy，係生炸先做到既效果，大隻過一般人塊臉，咬落超多汁，醃得幾唔錯，炸薯角炸得好食過知名快餐店，又脆又正。跟餐包熱飲，凍飲加$3.🍴魚片雲吞米粉 $44單拼$36，叫左雙拼$44，魚片爽口彈牙又大塊，反而雲吞就正常發揮不過不失。雲吞有3粒👌🏻算好唔錯，跟餐加配菜加$12，腐乳通菜簡單又好食。呢個星期係荃灣做野，同同事一齊食左間粉麵茶餐廳幾唔錯👍🏼下午茶抵食又大份。🎉。佢呢度除左粉麵，仲有飯量。下午茶選擇都幾多又唔貴。「香脆奶油豬仔包 $32」轉凍飲另加$3，奶油豬好夠脆又爽口，多醬好鬼正。杯凍咖啡好香濃。另外同事叫左個「崩沙牛腩撈粗麵 $56」好有驚喜，崩沙腩爽軟不硬，腩中間有舊薄軟膠質，好彈牙，肉汁甜， 口感腍， 估唔到咁👌🏻。粉麵黎講都算好掂，值得一讚仲有個辣椒油，麻香味重，配麵食一流。

呢個星期係荃灣做野，同同事一齊食左間粉麵茶餐廳幾唔錯👍🏼下午茶抵食又大份。🎉。佢呢度除左粉麵，仲有飯量。下午茶選擇都幾多又唔貴。「香脆奶油豬仔包 $32」轉凍飲另加$3，奶油豬好夠脆又爽口，多醬好鬼正。杯凍咖啡好香濃。另外同事叫左個「崩沙牛腩撈粗麵 $56」好有驚喜，崩沙腩爽軟不硬，腩中間有舊薄軟膠質，好彈牙，肉汁甜， 口感腍， 估唔到咁👌🏻。粉麵黎講都算好掂，值得一讚仲有個辣椒油，麻香味重，配麵食一流。

嵐楠粉麵餐廳 (荃灣)荃灣青山道144-172號荃豐中心地下1號舖來到荃豐中心逛，行久了，要找些吃的，來到地下底層買電腦的，聞到龍龍的牛腩香味，原來這裏開了一間粉麵餐廳，主打牛腩。太餓了，立即來一碗牛三寶麵。以茶餐廳的格局來說，這裏是非常之寬敞舒適，光猛的環境，配上整潔的枱面，坐得舒適。秘製牛三寶麵$46牛腩、牛筋、牛肚這碗牛三寶面，用料十足，除了有我最愛的牛腩外，牛腩煮得鬆化軟淋，入口即化，牛筋彈牙有咬口，牛肚的份量很多，而且入口爽彈。湯頭充滿了牛肉的精華，麵質爽口彈牙，麵條吸收了湯頭的精華後入口更加鮮味。吉列魚柳$42配沙律這個吉列魚柳非常之抵食，非常大塊的吉列魚柳，大如我磈面的！外層炸得酥脆，內裏魚柳嫩滑。沙律清新爽口，食完脆卜卜魚柳後吃口沙律，消除油膩感。

我今日喺荃灣返工，工作勁忙，終於等到收工肚餓行行吓去佐荃豐中心找野食😁😁😁， 🍛🍰因為呢度係出咗名多嘢食集中地👍👍👍之後俾我搵咗一間，因為好食值得推介，價錢都又唔貴（嵐楠粉麵餐廳）地址：荃灣青山道144-172號荃豐中心地下1號舖睇錯餐牌，分別叫咗🔹雞扒煎雞蛋飯$50雞扒軟嫩味道足，酥酥香香既口感，搭配兩隻溏心蛋覆蓋在飯上，食慾滿滿！香噴噴😍🔹芝士牛蛋豬仔包$40豬仔包松軟，搭配滑蛋芝士口感豐富

荃灣搵食不難，大型商場有不少連鎖集團食店，街上大多數是茶餐廳為主，其次就是不同菜式的小店，食肆要在荃灣爭一席位確實不容易。小店更要以食物質素兼實惠價錢，才能取勝。嵐楠粉麵餐廳就取其之道，在荃灣爭一席位，就以以其特別之處去吸引食客，其牛三寶、滑蛋飯類，作為其主打菜式，味道和質素絕不差，完全吃出主廚之用心手作。******************************常常在荃灣出沒，基本上那裏有什麼好吃的都已經去過。發現最近在荃豐中心下層，開了間新的粉麵餐廳，就決定過去一試。嵐楠粉麵餐廳在商場下層角位，對面就已經是一間連鎖茶餐廳，也不愁沒食客前來，皆因其提供的主食有所不同。餐廳地方不算大，但座位有也不少，光線充足，也讓人坐的舒服。值得讓食客安心入座，就是在廚房内的煮廚，都一定次男帶口罩，確實少有。餐廳以魚蛋牛腩粉麵為主、還有以滑蛋製成飯類供應。雲吞水餃都是自家新鮮包的。當然受香港人所愛的常餐，沙嗲牛肉、蕃茄湯底，都有所供應，最特別在這配迷你奶油豬一隻，不是普通的牛油餐包。還有不同款式下午茶餐，芝士配搭豬仔包餐、黑松露炒蛋厚多士、鮮油菠蘿包、還有以沙律或薯條配不同食材的茶餐，和單點小食都有

今日去開荃灣，係千色廣場見到對面荃豐中心地下一間叫嵐楠嘅茶餐廳，見到Openrice 食評個叉燒蛋飯好正，一於去試下，上咗天橋過咗對面荃豐中心，落一層轉右就見到呢間餐廳，裝修都有少少特別，餐廳很光猛，兩邊大玻璃都望到出邊，叫咗叉燒滑蛋飯$50，蛋很滑，叉燒唔柴，配上我最鍾意嘅蔥油，叫埋豬扒包$32，豬扒包夾住厚切蕃茄， 有骨豬扒，生菜配上美味嘅千島醬， 10分美味，再叫左腐乳通菜$22，通菜係細細棵嘅，配上腐乳醬超夾，加埋杯熱奶茶，茶底濃，呢個下午茶兼晚飯，超滿足😋

今日星期日去荃豐買啲野 諗住去翠河食下午茶飲杯嘢 見到隔離開咗間新野就試吓 叫左牛腩河凍奶茶 $44牛腩河 牛腩夠淋同好有牛味 湯底清得嚟又夠味👍 我不喜歡好濃好濁個啲 所以岩我口味😋不過佢哋D辣椒油就唔夠香 下次經過開會試吓佢其他牛筋 牛肚 🤨