嵐姐石磨腸粉

營業中

休息中

超正既早餐。非常之好食，香港真係好難搵到正宗又好食既石磨腸粉，我哋係叫外賣既，一試我同老公都即愛上，係每個weekend 都必嗌既早餐。腸粉皮又薄，又滑，又好食！ 叉燒蒸米粉都係我既愛，就算感冒，病個陣都食得依間！

幫襯過幾次，腸粉味道唔錯，配甜豉油。個人覺得豉油偏鹹，但豉油係另上，落幾多豐儉由人。經濟實惠，又唔使點等。係趕時間及輕食之選。同埋得閒支持吓小店。P.S. 食到一半先記得影相。

下午茶時間喺OpenRice見到附近有間食腸粉，仲要係石磨腸粉！一於試吓！舖頭只得外賣，沒有堂食位置。招牌石磨瘦肉腸 腸粉嫩滑，但味道較淡，需要配合豉油辣椒醬！石磨蛋腸粉 嫩滑嘅腸粉加入蛋，口感唔錯但整體略嫌份量較少，好似幾啖就食晒咁。石磨豆漿 好天然嘅石磨味，幾香滑！整體嚟講就沒有太大驚喜，但經過可以一試

諗住試吓用外賣平台 app, 又有優惠券, 見到有石磨腸粉, 儘管我平時好少食石磨腸粉, 但即管試吓, 打開見到乾淨企理唔算細份, 食落去彈牙皮薄👍🏼 仲要俾埋辣椒油, 超貼心, 值得一試！

腸粉好食啦店舖又乾淨啦 ，當中最重要係腸粉係豉油甜身既（可能有煮過）；個人食個好幾間賣石磨腸粉店，豉油一倒落去超鹹，倒返出黎都救唔返碟腸粉。尼間真係好食 一定會再黎 幫襯

好好味有鄉下嘅味道，好耐冇食過啦！今次我喺食瘦肉腸粉，又滑又香，唔錯👍呢間舖頭有多款腸粉，有牛肉腸粉、菜脯碎肉腸粉（下次我要試菜脯碎肉腸粉，因為見到個伯伯，佢話佢次次都係食菜脯碎肉腸粉）、都有素腸粉，真係岩晒有素食嘅朋友啦👍，我同個老闆吹水，係一位後生創業，佢話第一次做飲食，佢話佢老婆好鍾意食鄉下嘅腸粉，所以佢就返佢老婆鄉下學整腸粉😂，佢話咁樣佢老婆就唔洗一味唸住返鄉下食腸粉啦😂真心覺得唔錯，以後都會黎幫親