島中坊研

營業中

休息中

平日星期五去長洲玩, 諗住冇咩人, 點知都一樣要排隊先有得食呢間人氣文青Cafe, 最後叫左3個餐.All day breakfast $92沙律菜, 煙肉, 腸仔同牛角包食落都正常 牛油粟米冇咩味 炒蛋幾滑同好味 整體食落都OK, 係沙律菜唔太新鮮🤨奄列套餐 $56 - 選煙三文魚及蕃茄, 另加$12加出前一丁個出前一丁軟硬度岩岩好，一出黎已經好香麻油味。三文魚餡料可以再多少少。奄列套餐 $57 - 選咸牛肉,蘑菇, 另加$8幾餐包轉牛角包有少少失望個牛角包焗得好燶, 但係餐廳都照拿出黎比客人食。咸牛肉同蘑菇就好夾同好好味。總括嚟講 間cafe係長洲算好唔錯，如果唔使排隊嘅值得一試。

嚟長洲放鬆一日，就搵咗呢間cafe坐食個tea～😚果日星期四兩點左右去到，cafe都坐滿曬，所以周末去可能就要預少少時間等位喇～同朋友share咗一個奄列套餐同甜品拼盤🍰🧁奄列套餐 （$46）🍳奄列可以自己揀餡料，今次就揀咗煙肉同蘑菇🥓🍄 兩種配料都煎得恰到好處，非常香口，而且煙肉同爽口嘅蘑菇好夾。蛋亦煎得啱啱好，咬落去仲有少少蛋漿會流出嚟～😋😋多士上面加咗煉奶，雖然好邪惡😈，但係甜甜哋嘅多士配奄列真係冇得輸！套餐會包埋飲品，今次就叫咗檸檬柚子茶🍋，暖粒粒、潤喉，啱晒秋天飲。加上呢個價錢！真係值得一試！精選甜品拼盤（$118）🍨🍮🍦🍰🧁一次過滿足你四個願望嘅拼盤！可以有唔同嘅甜品選擇，今次就揀咗tiramisu、豆腐雪糕、布丁燒、焦糖脆脆豆腐卷😍呢個拼盤果然係鋪頭嘅招牌，賣相用嚟打卡冇得輸！不過建議大家同2-3個朋友share，因為食到後半段實在太滯太甜🤣個人最鐘意豆腐雪糕，因為其他甜品都偏甜，但係淡淡哋嘅豆腐雪糕就可以中和返，豆腐香味喺後入面散開嘅感覺真係太令人回味🥰🥰

我諗應該有7,8年冇入過長洲今日同屋企人黎行下chill下🤩我妹話第一站一定要黎呢間！話甜品好好食！星期六我真係好驚要排勁耐隊...好彩今日都等左10分鐘唔夠就有位喇🤣首先梗係要嗌佢個甜品拼盤喇我地揀左tiramisu, 本身想嗌伯爵,但2點佢已經話賣晒,咁就轉焦糖吉士布丁,豆腐雪糕,同是日限定既焙茶芝士蛋糕🤩再要多個朱古力waffle,要焦糖醬,曲奇雪糕同埋嗌左個鰻魚便當～先講鰻魚便當,鰻魚都OK,蛋都幾滑,而且係用珍珠米,整體幾好🥰甜品拼盤～tiramisu勁勁勁勁好味！個cheese夠滑而且重咖啡味,唔會太甜！而且個海綿蛋糕唔會比咖啡浸到爛晒....蛋糕同cheese既比例岩岩好！！！呢個係最好食！❤❤🌟🌟🌟🌟🌟焦糖布丁正常水準,焙茶芝士蛋糕好大件,茶味夠,唔太甜幾唔錯🥰🥰朱古力waffle又係好好食！！！！內脆外軟，朱古力味好出！！仲要係dark chocolate 個種，一d都唔會覺得太甜太溜，好好食😆😆😆😆😆😆😆跟鰻魚便當有杯野飲跟，就要左iced Cappuccino,唔錯～🥰🥰

放假同朋友黎長洲行下食下野 終於黎到朝聖下😍我地平日嘅兩點幾黎到 店外嘅枱都有位唔洗等但我地就想等室內影相靚啲🤪最後其實都係等一等店員執枱 好快就入得！我地叫左一但奄列set同一個甜品拼盤😍奄列set嘅熱飲好大杯同埋都唔少選擇~甜品拼盤真係好正好好味~ 🥰🥰但兩個人就應該食唔哂了實在太豐富~整體都唔貴！又好味～一定會再黎～

下午3:00入座，已經係平日來，4:12都未有野食，其他遲來既叫埋一樣食物都有，追幾次單都唔理人，後來有其他客人遇到一樣問題先慢慢跟進，中途仲有等位客人鬧入座順序錯曬，安排混亂到咁，未食野就咁差既體驗，就算再好食，都唔想再幫襯！ 後來鬧到下午4:20先比得一份野食，之後再催個窩夫，竟然話壞機，咁點解唔可以早D講比人知呢？等左成個鐘都無野食，外面又有人客等，唔知老闆點唸呢？如果再叫過又等多一個鐘？好少專登寫Po批評餐廳，認真今次覺得好離譜！

我哋去長洲仲食咗一間好出名嘅cafe 就算係平日嘅中午都好多人排隊 唔知佢係咪真係咁好食呢😚👅𝑇𝑖𝑟𝑎𝑚𝑖𝑠𝑢 $44 呢個tiramisu幾好食😋佢嘅mascarpone cream味道幾濃郁 亦都嘅滑🤤而ladyfinger同cream嘅比例啱啱好 ladyfinger亦都唔會太苦 整體甜度適中 幾好味😛👅𝐴𝑙𝑙 𝐷𝑎𝑦 𝐵𝑟𝑒𝑎𝑘𝑓𝑎𝑠𝑡 $92 呢個就唔係好推薦比大家😢首先我哋等咗呢個餐足足30分鐘🤢同埋佢嘅配料唔係好豐富 沙律菜佔左一半到 煙三文魚 煙肉 腸仔同牛角包食落正常 牛油粟米冇咩味 炒蛋幾滑但係比較淡口 整體食落真係好麻麻🤨總括嚟講 呢間cafe比較普通🧐如果唔使排隊嘅可以一試 但係如果要排隊就走先啦🤣😋 好味：6.98/10🤑 價錢：7.00/10🤗 服務：6.57/10😝 環境：7.65/10😚 衞生：7.86/10🤩 整體：6.99/10

終於試到呢間長洲人龍咖啡店！店內環境靚同舒服，閒日去兩個人都要排隊等20分鍾左右，仲坐到室內，正🤪💰焦糖吉士布甸 $32我鍾意食布甸多過布甸燒，彈彈下好好味，夠滑 🍮📍島中坊研🔍地址︰長洲中學路16號地下

等位太耐 感覺店員不足 客人走了十多分鐘都不清桌 都不安排座位有單人不排隊自己入座 店員也不發覺 難為排隊的客人點了個窩夫 外賣不錯 但窩夫沒有味道 太淡 碟子也太小 完全沒空間切東西可以改善一下接待客人的服務!!!

到長洲，除咗一定要食大魚旦沙冰等等，近年其實開咗好多間特色小店同咖啡廳！🤤而呢一間以 #甜品 做主打嘅 <島中坊研>，絕對值得一試！ 今次試咗 甜品拼盤 $118，一次過食到4款人氣甜點，仲有得自己揀！1/ Tiramisu / 咖啡凍2/ 焦糖吉士布丁 或 布丁燒 或 伯爵茶焦糖燉蛋3/ 自選口味雪糕4/ 是日蛋糕一件 （我那天係培茶芝士蛋糕🤍）份量十足，2個人食真係食到飽，建議一個人就唔好挑戰啦🤣幾款甜品入面最令我留有深刻印象嘅，應該係Tiramisu同是日蛋糕🤟🏻🤟🏻🤟🏻Tiramisu嘅咖啡味10分濃厚，份量十足，亦都明顯咁食到入面嘅蛋糕浸左甜酒，層次口感都拍得住出面專門食Tiramisu嘅舖頭，只係整體再偏甜多少少。是日蛋糕就好睇彩數，有聽過有d食評話麻麻，我嗰日咁岩就係 培茶芝士蛋糕，好似算係王牌蛋糕 哈哈！陪茶同芝士味都非常出，咸香味同另外三款甜品有明顯對比，中和到整體口味。不過我覺得偏硬，唔夠滑身，食一半到就開始覺得膩。整體呢個價錢來講，絕對物超所值🥰今次職員安排咗我坐喺室外位置，喺秋天呢啲天氣下，真係好舒服，又完全唔會有蚊或者昆蟲，打卡一流添！

利用小週末 去長洲黎個偽•旅行長洲離不開大魚旦同芒果糯米糍 的確食到好悶朋友介紹下去英式 文青cafe - 島中坊研店舖位於小巷內 距離長洲上船位置需要步行10分鐘左右剛好等15分鐘後就入座用餐有分店內 同outdoor 整個cafe以木格調, 簡約作為主題幸好今日蠻涼爽 被安排坐系戶外都無問題餐廳選擇主要為輕食, 甜品類, coffee店家很貼心 知道照顧到食量大既朋友們幾乎每個輕食可另加出前一丁, 通心粉, 珍珠白飯 滿足胃 飽滿感既需要👆🏻👆🏻意式泡沫咖啡👆🏻👆🏻🔺咖啡味道偏light 而口感順滑🔺奶泡上灑上濃濃的朱古力粉👆🏻👆🏻意式鮮奶咖啡👆🏻👆🏻🔺咖啡味道稍為淡 鮮奶味太重👆🏻👆🏻奄列套餐👆🏻👆🏻🔺選咸牛肉,蘑菇🔺另加出前一丁🔺咸牛肉好好食 愈食並沒有愈膩感覺 好上癮👆🏻👆🏻牛角包套餐👆🏻👆🏻🔺選煙肉, 芝士🔺雖然賣相麻麻 但牛角包層次感分明👆🏻👆🏻法包套餐👆🏻👆🏻🔺選沙律蛋, 蘑菇👆🏻👆🏻飛碟套餐👆🏻👆🏻🔺選芝士咸牛肉🔺另加出前一丁

少失望既甜品拼盤價錢都ok既，120左右有四款甜品，賣相亦好精緻，不過作為一間甜品做主打既餐廳，期待有更好既發揮焦糖布丁係入面最好食，非常夠溫同蛋香濃郁，焦香味亦好夠，不過真係好甜，如果少糖既話會更好食海鹽雪糕顏色好靚😍不過味道唔算驚喜，奶味唔岀，而且額外加$5黎講，算係普通發揮，可以唔洗加錢試蕃薯蛋糕我以為佢既每日精選係必定有芝士蛋糕，點知冇，得卷蛋，我就麻麻地卷蛋，怕質地好乾，都的確佢整得唔夠軟熟，cream冇乜味，蕃薯唔夠軟滑，最後都食剩半舊tiramisu 太苦了，個咖啡蛋糕底好濕，而且苦而不香，太過甜，Mousse亦都冇芝士味，太水喇成個蛋糕，冇乜質感整體而言，呢度既甜品拼盤，可以唔洗試了，很普通

💛抵食甜品拼盤😍甜品控必試‼️〰️〰️〰️〰️〰️👅❤️✨ 甜品拼盤可以自由組合～我就揀咗𝚃𝚒𝚛𝚊𝚖𝚒𝚜𝚞🤎大大杯～口感好綿滑，咖啡味香濃，不過酒味可以重手啲❣️焦糖吉士布丁好滑好香蛋味，唔會太甜啱啱好😋雪糕揀咗豆腐味，淡淡豆味都唔錯～是日甜品係焙茶豆腐芝士蛋卷，蛋卷略嫌唔夠鬆軟，但內餡好𝚌𝚛𝚎𝚊𝚖𝚢~香濃焙茶味同豆腐好夾🤤𝚢𝚞𝚖𝚢𝚞𝚖♡︎~🍴甜品拼盤 $𝟷𝟷𝟾- 提拉米蘇/ 咖啡凍- 焦糖吉士布丁/布甸燒/ 伯爵茶焦糖燉蛋- 雪糕自選一款口味- 是日甜品

10月黃金週飯期，想行開下去長洲，想食西式早餐，OpenRice 一搵，就係呢間了店舖不算大，有種文青簡約feel，木色系的裝修設計，感覺令人舒適放鬆，仲有outdoor 都有4-5張枱，今次我們選了outdoor,雖然天氣好熱，但細心的餐廳放滿了好多大風扇，真是涼透了特意點了一人一份all day breakfast就是喜歡那種五顏六色，咩都有得食的感覺滿滿的沙律🥗菜，有我最喜愛的牛角包🥐，炒蛋，珍寶腸，煙三文魚，真是好豐富好幸福😄💕

去親長洲，通常都係食下大魚蛋或者芒果糯米糍咁，今次就嚟介紹一下啲新鮮嘢啦！前排去開長洲，專登去咗間好出名食靚靚甜品嘅cafe😎 最重要嘅係，佢仲要係黃店，所以好高人氣，想食就要早啲去排隊啦🙆🏻‍♀️長洲咁鬼熱🥵，一坐低梗係要嗌返個雪糕食下，不過齋嗌雪糕又有啲dry，所以就叫咗呢個乜都有又好igable嘅雪糕布甸香蕉船🤩 雪糕我哋揀咗玄米茶味，不過嫌唔夠喉，再加多球海鹽雪糕(不過佢係另上的😂)。玄米茶雪糕茶味唔算太濃，有清清地嘅茶香味，而布甸好滑溜，食落焦糖味濃郁👍🏻 士多啤梨就因為唔當造，所以就酸咗啲～不得不讚佢個海鹽雪糕，鹹鹹甜甜咁，佢嘅海鹽味都幾重，可以中和返布甸嘅甜味，相當唔錯🤤而鍾情於咖啡嘅朋友就嗌咗呢個affogato🍨，雪糕嗌咗雲呢拿味同埋玄米茶味。佢話個雲呢拿雪糕好香好好味，配埋濃郁嘅咖啡，甘中帶甜，又夾又好食😆 而玄米茶就同咖啡唔係幾夾啦，始終affogato都係要配雲呢拿雪糕先係perfect match😎總括而言，呢間人氣黃店cafe嘢食都幾唔錯，而且賣相又夠哂靚，用嚟打卡真係一流😜 仲要佢有啲座位係喺樹下面，如果咁啱去長洲天氣唔算太熱，坐喺佢樹下，吹住風嘆返杯雪糕，

一入到長洲就即刻去搵呢間cafe，因為知道呢間cafe長期多人，要留名等位好在今次去到咁岩有人走，等左5-10分鐘就入得🥰牛角包套餐 🥐 $44蘑菇、芝士炒蛋牛角包配凍熱情果紅茶牛角包好鬆脆，食落唔覺好牛油味，揀左蘑菇同芝士炒蛋，兩款都幾配，但食唔出有芝士味甜品拼盤 🍰🍮🍨🍓 $1181️⃣提拉米蘇 2️⃣布丁燒3️⃣曲奇雪糕4️⃣是日蛋糕：培茶芝士蛋糕4款甜品整體都好食，全部都唔太甜，而且份量都足夠2-3人分享🔸限兩人一枱🔸設有室外枱，可帶寵物🔸室內座位比較少