峯日式料理 (已結業)

繼續支持黃店系列·見到評論話唔錯唔錯所以就決定一試佢中間有落場時間18:30先開第二輪餐廳面積不太，得3張長枱+1張短枱菜單選擇不多，但睇落都幾吸引叫咗”蒲燒鰻魚蛋包飯”同”醬燒豚肉定食”+”日本牛肉薯餅”我試咗少少鰻魚，不過覺得一般(肉不夠滑肉也不太厚)定食啲豚肉嘅分量都幾多，而且食到有炭燒味同埋幾彈口薯餅外殼炸得夠脆，入面係滿滿嘅牛肉熔，好味哩間有黃店證書㗎，可encore 💛💛

觀塘黃店超多，呢間係熟食街市嘅峯日式料理抵食之餘，仲非常有水準！鹽燒牛舌定食（$58）雖然睇落細細碗，其實牛舌都幾多幾大片。鹽燒牛舌軟嫩又有油香，咬落有少少粗鹽粒，十分美味！而佢個飯煮得好好，平時習慣食兩啖飯就塞俾人，呢碗一不小心就食咗2/3。珍珠米粒粒分明又煙韌，配埋淡淡地嘅燒汁，好食到停唔到。引人犯罪呀！蒲燒鰻魚定食（$68）$68有湯有沙律有嘢飲，仲有成條鰻魚😍食咗一嚿鰻魚，厚肉無碎骨又Juicy，鰻魚控必試！最後飲返啖麵豉湯，呢個午餐超滿足！

一直都想去食呢間日本料理店，價錢合理，服務唔錯，炸蝦，炸豬扒都很夠份量，咖哩汁味道恰到好處，$52 蚊午餐有湯有汽水，不收加一。疫情之中更有提供搓手液及 A4 紙讓客人保存口罩，值得加分

觀塘工廈區一直都出名好好野食，但好多都偏高價位唔多抵食，今次我就同朋友特登去駿業街熟食中心裡面搵野食。上一層入啲就會見到有間細細地既日式裝修小食餐廳店。12:20左右入座都已經有5至6成入座率，可想而知1點之後打工仔lunch hour有幾多人等位。一入就有人遞消毒噴霧俾你清潔雙手，我同朋友驚分量多所以冇叫鰻魚定食，一個叫醬燒牛舌一個叫豚肉。定食有set有罐裝汽水但亦可以加錢要檸茶檸水。豚肉都幾夠味而且多但牛舌就好似媽媽地想下次再食鰻魚飯🤣🤣🤣

觀塘熟食市場一向聽講都多野食🤔✨ Lunch 嘅價位黎講都算係幾平，最貴都係鰻魚飯$68😂唔洗好大成本已經夠懲罪有餘鹽燒牛舌定食，牛舌有大概六塊倒😅平時最怕牛舌乾爭爭又硬，所以就同朋友問咗句”唔知啲牛舌硬唔硬呢?”旁邊嘅小姐聽到就一路食一路答唔硬🤣咁就下定決心要叫佢啦果然牛舌簿片軟嫩，只靠鹽黎調味都已經好夠🥰跟餐仲會有半隻流心蛋，不過飯嘅份量唔算好多，想食飽啲可能要再叫啲小食啦☺️ 另外蒲燒鰻魚定食亦係抵食之選😬原條鰻魚燒得夠哂香口又唔乾身，而且鰻魚肥美🐟超值之選

觀塘駿業街熟食市場可以話係一個臥虎藏龍嘅地方，今次我地試左呢間日本料理小店，雖然係熟食市場，但裝修同衛生都唔差鹽燒牛舌定食（$58）同醬燒豚肉定食（$58），每款定食都包麵豉湯、白飯、一小碟前菜同飲品（有汽水，其他飲品如奶茶就加錢）性價比算高👍🏻同埋最緊要好食，鹽燒牛舌燒得岩岩好唔會靭，醬燒豚肉味道調得岩岩好，不過份量就唔算大，大食晚朋友可能未必會夠飽，同埋lunch time 超爆，有次2點去到已經無晒飯，想食既朋友要早d去

這次是第一次去駿業街熟食市場用膳，赫然發覺原來2樓也有一間日式隱世小店，味道都不俗，價錢都相當經濟《峯日式料理》中午十二點甫開鋪，族即全院滿座餐牌選擇不多，套餐價錢約五六十元左右。小弟選擇了鹽燒牛脷定食 $58，套餐包括煮食、麵豉湯、半隻糖心蛋和少許的青瓜沙律麵豉湯味道香濃，惜沒有昆布，令口感單調。半隻糖心蛋冰凍甘甜的，口感十足少許的青瓜沙律，加上少許魚籽，十分開胃。鹽燒牛脷咸味剛剛好，但沒有燒汁，牛脷較乾身幸好牛脷牛味十足，對嗜牛之人是福利。如果牛脷飯多少許燒汁，風味更佳。

之前午餐經過也蠻多人排隊，所以我們沒有等了，這次午餐可以早些所以決定來試吓，店舖小小的中午也常滿座，好彩早些來有得食，我們點了鹽燒牛舌定食、咖喱吉列豬扒定食，有湯、前菜、有飯、有飲品！都好完美呀😃不過味道就中規中矩啦！沒有太大驚喜。

曾經午市去過但好多人，今日得登晚市去會一會佢。晚上5點半去到先知6點半先開門，唯有行下附近商場夠鐘先折返，但絕對值得。叫左人氣嘅石燒牛小排定食同醬燒鰻魚定食，好好味，又抵食。牛小排有熱石自己燒，生熟自己控制，撒上少少鹽就已經好好味，用麻醬反而太搶。鰻魚定食有原條鰻魚，無論午市晚市都只係$68，超值。估唔到熟食市場內有咁高質嘅日式小店，下次要試埋另一人氣鹽燒牛舌定食要留意小店得兩個人，一腳踢，食物預左要等一陣，但絕對值得。

今次諗住同男朋友上網搵一搵觀塘有咩性格比高的日本餐廳，見到好多網友推薦呢間，決定去試下！餐廳位於熟食市場入面，開頭以為係地下，原來要上一層，想去嘅朋友們要留意一下！另外，要注意餐廳晚市開始嘅時間係6:30，但係過左15分鐘之後就開始多人，同埋上菜的時間比較耐，唔想去到要等咁耐先有得食，就要自己早小小去排隊💜我點左醬燒豚肉定食😛😛 好似係$88有湯有溫泉蛋😍同埋有好多豚肉值得一讚嘅係，豚肉真係用左火槍燒，食落去好有炭燒味，同吉野家嘅飯係兩個唔同的層次男朋友點左咖喱吉列豬扒蛋包飯💜有湯 咖喱汁係正宗嘅日本甜咖喱😛吉列豬扒炸得好鬆化💜我都推介左朋友去試下💜有機會都想再去試一試醬燒牛舌飯😋😋

觀塘熟食中心裏有一間人氣日式餐廳,  據聞上過電視晚餐時間同友人決定上去試下餐廳雖細, 但木枱頗有日本風, 老闆/店員都好有禮貌友人原本想叫牛舌定食, 可惜沒了, 結果同我一樣叫左鰻魚定食, 另加唐揚炸雞由於只有2個人打理整間餐廳, 所以要等一陣先有得食唐揚炸雞香口, 鰻魚定食好食, 鰻魚好大塊 超正!!!可惜飯少左D, 男士可能唔夠飽定食仲有麵豉湯,沙律,蛋

喺熟食中心入邊，鋪仔細細，但環境尚可，而且食物真係幾好食。因為喺公司附近，所以每一次都係食晏嘅時候同同事一齊去食。午餐定食，有前菜、主菜、飲品，都只係$50-$60。食過兩次燒牛舌定食，牛舌軟嫰好味。因為係鹽燒牛舌，所以冇另外配汁，就咁睇個飯好似冇乜味道，結果食落去，個牛好好味，個飯有牛汁喺度，結果白飯加幾片牛舌，最後竟然成個飯食晒。咖喱炸物都好出色，日式咖喱汁味道，咖喱汁濃度適中，有炸蝦、炸雞同豬扒，三樣炸物都好出色！

想支持小店，罷大集團經營的連鎖店！沒諗過係咁抵食！！個鰻魚蛋包飯是去日本食的高水準，鰻魚處理得好特別，有烘過的，令到鰻魚好香，個汁又甜甜地，係食過最好食的鰻魚！蛋包唔會太膩，又好香，真係好正！！之後又食左個石燒牛小排，d牛的份量唔夠食添，唔知可唔可以加錢追加呢佢有鹽同芝麻醬可以點，我就覺得鹽會更理想，點芝麻醬會蓋過牛肉的鮮味個set有個小型鐵版燒可以滿足下顧客自己燒野食，控制牛的熟度的心，好開心雖然去的環境唔太衞生，起街市上一層，但都值得一試！希望老闆可以請個幫手執下煮下，就唔使咁辛苦！

是日係觀塘又想食下日本野，結果就search 到呢間隱係熟食市場入面既小店。小店唔太大所以坐位唔多，不過晚市唔多人所以完全唔洗等。叫左鰻魚蛋包飯同埋牛小排蛋包飯。鰻魚好大份抵食，蛋好香好滑，整體好好。唯一係牛小排既分量唔多，但咖哩撈飯都好開胃，滿足!小店價錢唔貴，抵食!不過留意廚房唔多人手所以食品係要等。

位置有點隱蔽，但裡面的裝修十分別緻，環境舒服，有日本居酒屋的感覺。叫了一個雞泡魚干，鰻魚定食，石燒牛和炸雞。鰻魚味道好濃，厚身，份量非常多。比較起超市一塊也要七八十元，這裡算是非常抵食。石燒牛好特別，讓食客把薄切的牛肉在燒熱的石上燒熟。牛肉有牛味，連一點白飯吃更佳。雞泡魚干甜美，炸雞也是即叫即炸，十分美味。店長和店員都十分殷勤，盡善盡美。面對連鎖店臨立的香港，這類的食店就像是清流。希望有更多這類的小店。加油加油！