星期六與朋友聚一聚餐好難找到一間比較人少地方可傾計，今次就是找到哩個地方的，環境開陽，座位闊落，因為 OpenRice 訂位，餐廳就送左炸得脆口的熏魚小食，4人份量都不少，我地就叫左個4人套餐，套餐有四喜烤夫 皮蛋豆腐 涼拌，點心都有20多項選擇中 揀六款， 叫左 蝦餃、 牛肉燒賣、 小籠包、灌湯餃 2隻、鹹水角 全部都熱辣辣 味道都唔差，仲有瑤柱炒飯炒得都好乾身， 瑤柱菜心 湯圓甜品，四位近700蚊。午餐時間去到2點45分。

叫老公在 自助餐/飲食群組 揀聖誕大餐， 他就揀咗任食火鍋， 佢話睇落最抵食又好似唔差咁喎，第一次去呢間火鍋店， 感覺又幾光猛 整潔 闊落， 新鮮羊肉鍋肉質都係嫩啲， 唔會死實實， 味道都唔太濃，可以食多兩嚿 。 每人仲有一份海鮮送有鮑魚 青口 斑腩白鱔各一件。 跟住叫咗個 小辣雞煲打邊爐 ，可推介食物 安格斯牛 封門柳 牛板腱 質素非常好 仲係任食添。還有 刺身 墨魚丸 花支丸 魚腐 都唔差， 最後食埋甜品雪糕🍨， 都叫滿意嘅聖誕大餐🍻。 祝各位 🧧新年進步🎁🧧

今日起身覺得天氣涼涼地，就好想去打邊爐！（雖然咩天氣都係咁想打邊爐） 即刻約朋友去成都老碼頭火鍋食返餐好嘅～ 先講前菜，麻香海蜇爽口彈牙，份量都唔少，食得非常滿足。泡椒蓮藕帶酸酸地非常開胃，蓮藕底好似迷你嘅蓮藕咁，口感爽脆，未試過一定要嚟食吓！ 我哋都非常鍾意食菇類，就叫咗高原雪花秀球菌同埋黑皮雞樅菇，兩種菇都非常鮮味，而且口感爽脆，仲營養十足添～ 特別推薦呢度嘅筷子牛肉，醃得非常入味，淥完都充滿麻香，仲一啲都唔靭，正呀！從試咗非常有特色嘅貴州蕨根粉絲，食落好滑，又夠煙靭，加埋蒜茸一齊超好食！ 下次嚟試埋其他湯底先！

宋王臺站啱啱開咗，去九龍城超方便啊～呢排好想打邊爐，喺YouTube見到呢間大邊爐開幕18周年，同店員展示某兩位YouTuber介紹，兩個人就可以減$200啦！

叫咗一個海底椰青雞湯鍋做湯底，飲落都好清甜，飲幾碗都唔覺得口渴呢，湯底仲有幾件厚厚的魚唇！

最鍾意食餃子嘅我就叫咗莧菜帶子餃，粒粒餃子入面都好足料，有成片帶子喺入面。叫埋特色魚蓉面，自己親手唧落去，都幾好玩～麵質非常之彈牙，鯪魚肉嘅味道非常濃郁。
肉類方面就叫咗白鱔，西班牙黑毛豬，東山羊肉片。份量都唔少㗎～特別嘅喺呢度叫火鍋羊肉片，竟然都會配腐乳醬，非常之有特色！

食完真係覺得好滿足呀～

新蒲崗美食不嬲都好多，去到夜晚六七點成條彩虹道黑媽媽，但唯獨呢間wanna eat燈火通明，一眼就望到。 我哋兩個人叫咗一個藜麥煙三文魚沙律，明太子意粉同埋拔絲咕嚕肉。 藜麥煙三文魚沙律面頭一大堆藜麥之餘，入邊仲有好多藜麥撈左落去，脆卜卜口感超正！而且佢嘅橄欖油仲勁香添～ 明太子意粉有五粒香煎帶子，十分鮮甜。意粉有淡淡的明太子香味，唔會過咸遮蓋忌廉汁嘅香味,灑上少少嘅紫菜，令味道更有層次。 呢個拔絲咕嚕肉真係好有驚喜，一份有十一粒，粒粒都乒乓波咁大。外皮超級香脆，非常滋味～套餐仲有麻辣木耳同埋蓮藕，啖啖麻香，中和吓咕嚕肉醬汁嘅甜味，不知不覺就成碟食晒啦！ 估唔到呢一間貌似西式Cafe，中菜都可以做得咁出色，下次再嚟試吓其他嘢先！

果日我地去到旺角，一路沿住街市行去，離好遠已經見到一個好有氣派嘅復古裝修，仲有好大個牌寫住成都老碼頭～就係佢啦！Openrice都好多好評，今日就去試下佢地啲招牌菜！ 我地一入到去就見到兩大部清潔噴霧機，平時見到啲阿姨係商場度會自轉幾圈咁～今日打完邊爐，都可以轉翻兩個圈消下味咁😂一坐抵，同事就派左兩個zip-zap袋我地裝口罩，同埋台面都有一盒新紙巾可以用。去到醬吧，見到佢地有公筷、圍裙準備埋畀我地自取咁，第一時間對呢間野嘅impression提升左唔少🥰 我地兩個果日都生飛滋，所以叫左個宮廷藥膳湯($108)，佢地嘅湯底有好多中藥藥材，見到都覺得好補～我地仲叫左前菜 麻香海哲($38) ，強烈推薦大家叫一個黎做開胃菜，佢個汁好香口。我地食完之黎都唔畀哥哥收碟，基本上我地主要都係點佢個汁食餸～ 我地仲叫左唔少餸架～雪花繡球菌（68/半份）、筷子牛肉（88/一份）、貴州蕨根粉絲($38)、手工白菜餃（$38/半份） 、丸拼盤（$178/1份），當然仲有啲海鮮咁啦，咁樣打邊爐先盡興麻～我地好欣賞個粉絲，佢唔係平時果啲透明粉絲，淥完軟晒果種。相反， 佢淥完都係好有咬口，同埋佢嘅麵質比較實同粗身，都幾飽肚架！另外都要點名讚佢地嘅雪花繡球菌、筷子牛肉、白菜餃、桂花蚌（$78/1份)，呢啲餸一食落去就可以分到佢用料新唔新鮮。真係平時翻工食開劣食，先明白唔係個個都識入靚貨、買好料架！

又到星期五，我同朋友都好想打個邊爐，飲翻啲熱湯，最好係又暖又補身嘅🥰 我地最後揀左呢間尚膳養生鍋，仲要位置好方便，樓下就有巴士站可以翻屋企😀 真係岩晒我呢啲懶鬼~ 果日都叫左幾多野架，因為做左成日野都真心幾肚餓下～而我地就叫左滋潤魚雲靜心鍋做湯底，係第一次食咁多湯料嘅鍋， 又有成隻烏雞，又有魚頭，又有濃濃嘅藥膳味道，係食野之前可以先飲一兩碗湯先。如果比較細食嘅朋友，真係可以叫少1-2個餸，事關佢地嘅餸都幾大份下。 地方大而且啲枱唔會太密，可以叫埋幾個岩傾嘅朋友，慢慢食，慢慢傾，都幾寫意架！果日人客唔算好多，所以待應哥哥、姐姐都好積極，見住佢地滿場跑都可以及時幫我地換碟、又加原湯，仲要講唔該，真係好抵讚，服務態度好好！ 我地果日叫左咁多個餸有兩樣特別想推薦大家黎到一定要試下！ 第一樣係龍躉片, 小妹第一次打邊爐打得咁豪華，大啖食完魚頭同雞，仲可以大啖食龍躉。佢地跑龍躉片一盤都好多片下架，可以用佢個chip busket焯魚肉黎食！真係完全改變左我覺得打邊爐道是頹嘅感覺。 第二樣係佢地嘅水蓮，呢種菜好少係香港可以食到，同我一齊黎食飯嘅朋友係一位台灣通，表示呢啲菜好夾口好新鮮，應該係台灣飛過黎嘅過江龍。 果日仲係店入面叫左一枝白酒用黎配羊肉，飲得好盡與，而且羊肉唔騷。店內氣氛唔錯，下一次可以帶埋一家大細黎食！

約朋友出去食飯梗係要揀返間舒服嘅餐廳, 今次去到一間服務好而且幾舒適嘅南洋餐廳。 芒果軟殼蟹米紙卷 包住好多瓜菜芒果肉嘅米紙卷, 涼涼爽口清新, 非常開胃。 香茅燒春雞 燒春雞上到枱, 已聞到熱辣辣 香噴噴 香茅燒雞味, 真係未食已流曬口水, 用手一絲絲撕開出嚟食, 皮脆嘅雞胸肉都鮮嫩多汁, 食到啖啖都入味嘅雞肉, 非常滋味。 馬拉盞辣肉碎炒飯 輕輕辣味又惹味嘅炒飯, 粒粒爽口軟熟又唔肥膩, 食埋個飯飽飽都唔覺得濟口, 再飲埋杯 薄荷青檸梳打/咸檸七 真係非常滿足嘅晚餐。

話說尋日同朋友行街行到香港仔中心, 又有小小肚餓, 跟著周圍望望就見到一間幾企理嘅日本菜, 同朋友一於唔使諗就行咗入去啦。 服務員非常有禮帶我們入座, 餐牌非常多選擇, 實在太多嘢想食就不知不覺點了十款嘢了。 特別推介三文魚腩 、 油甘魚刺身, 油香鮮味特別出, 刺身非常厚切, 咬落好有口感。 還叫了炸雞軟骨、 海苔魷魚 、鰻魚壽司、日式枝豆、 芝士雞翼餃子、麻醬豆腐, 全部都新鮮製作熱辣辣 , 非常唔錯, 點了十樣嘢都係三百零蚊非常超值 非常滿足。

原來尖沙咀諾士佛臺 唔止淨係得酒吧街, 還發現一間休閒舒適嘅上樓食店 OASIS Bar & Grill。 服務員特別介紹自創西瓜菜式.燒西瓜扒伴時令菜蔬, 非常棒👍 熱辣辣 味道香甜, 加埋海鹽燒烤汁食落有啲荔枝香味添, 雖然等咗半小時多, 都是值得嘅。 北海道帶子伴南瓜蓉.藜麥沙律. 烤得香滑軟熟半熟帶子, 伴著甜甜的南瓜蓉, 都有啲特色味道。 炭烤西班牙穀飼豬胺伴時令菜蔬.焦糖蘋果蓉.芥末籽燒汁. 厚厚的豬胺扒食落非常有彈性, 有肉香味, 感覺係用高質素嘅食材。