岩盤牛扒ミディアムレア ステーキ (Mikiki)

營業中

休息中

同朋友慶祝生日試咗呢間硬盤牛扒 ， 門面有個牛形燈關框記得意， 全自助形式自己揀咩部位以g計數，職員俾個 bb幾你響咗就去自取試咗西冷部位300g$165再跟餐加28配 湯,沙律,可樂. 排跟蒜油香氣撲鼻， 師傅在你面秤好後會煎三成熟再放落熱鐵石盤自己一路切再慢慢辣熟，由於不加調味記得自己要落岩鹽及黑椒去調味肉質多汁熟度剛剛好唔會鞋洋蔥牛肉湯想一讚望落清清地但係好 有肉味同好嫩滑朋友揀了一款肉眼部位300g$108 肉味好濃 ，大大塊夠曬滿足食肉獸，都係蒜油底跟餐，溫泉蛋，沙律，雪糕。 兩個餐還附有柚子醬可中和食牛嘅油脂油膩感甜甜地味道夾唔錯海鹽味嘅大阪牛乳， 質感好綿滑淡淡地可以中和下蒜油味試埋鰻魚飯M size$60, 冇諗過係全條鰻魚， 魚肉大件肥美加埋鰻魚汁配飯簡直一流話明係自助最後記得食完自己攞返去返卻口

之前行街經過已經有留意呢間留飯專門店， 覺得都幾吸引幾特別不過屋企人冇乜鋸扒穩～ 今日咁啱撩起條筋就入去試一試佢。 入門口做了指定防疫措施後。 發覺餐廳原來是自助形式的， 先睇菜單再落order， 我先在廚櫃查看了 我已選擇的牛肉。 款式也很多價錢用牛的產地部位來區分， 看上去和牛的油花也分佈得很平均 ，每 g由最平嘅肉眼 $0.36去到日式和牛級數$1.4。 先選牛的部位， 再選重量， 最後可以加錢跟餐有8選1的選擇。 我一家三口叫了300g的西冷牛扒跟餐有湯，沙律，雪糕 上檯時牛扒大大分， 切開時內部還是鮮紅色的。 但屋企人食開八成熟， 後來店員為我們介紹他們的牛扒只是煎到三成熟。 如果客人不要太生，就要靠他們燒熱300度的鐵板自行加熱至自己喜歡的程度！ 最後我切開了慢慢煎熟它。 其實呢個設計都唔錯同一時間可以自行選擇吃生啲和熟的。 老婆就点了一個鰻魚飯， 鰻魚肥美多汁米飯很飽滿軟熟 另外叫了一個最平的300g肉眼扒。 超級大件， 相比下一分錢一分貨價錢較貴的西冷比肉眼較為軟熟 最後攞埋張雪糕卡出去換埋杯雪糕完美結束。

咁快又到中秋節🥮！放假梗係搵好東西食 睇左好耐最後簡左依間餐廳食牛扒第一個係鰻魚燒牛飯配沙律 麵豉湯（要加錢）鰻魚煮得啱啱好，醬汁都好夾！由於我哋嗌左大份，所以有兩片鰻魚肉，而係鰻魚下邊，就藏有幾塊燒牛肉，牛肉係醃過比較淋身少少，對比之下，鰻魚味道出色好多🤣飯都可以食多幾啖！第二件我哋嗌左400G岩燒肉眼配沙律 溫泉蛋 嘢飲（需另外收費），員工會係我哋面前切開原塊牛扒，重量係416G ，(其實以人手都好準㗎喇）價錢會跟返實際重量計算返。大約10分鐘後，就可以出去拎餐。塊牛扒好足料大，但切開入面就有啲生😅。好彩塊鐵板仲好熱，可以煎返熟少少先食。可能因為佢偏生，煎一戰之後塊牛扒就啱啱好5~6成熟，一啲都唔鞋，有肉汁，冇梳打粉味。呢間餐廳比我嘅印象係牛扒當日質素相當高，比起我以前食幾間石燒牛肉都較好大家有興趣可以試吓

咁岩去開新蒲崗做野之後就去mikiki搵嘢食地庫有間新開既鐵板牛 門面仲要幾吸睛望到其實食200g既肉眼或者西冷都係$100左右 唔算好貴就入左去試下😋😋佢除咗有牛扒之外 仲有丼見佢個櫻花丼做緊promote 但個人鐘意食鐵板多d 所以冇叫丼佢係自助搵位 counter點餐我淨係掛住睇餐牌食咩差啲唔記得咗搵位 因為佢個餐都出得好快 一定要搵位先我叫左個西冷200g 跟餐 我跟咗雪糕同埋果汁汽水 兩個都有驚喜個雪糕係少有既蜜瓜味 見到佢個包裝似係自家製嘅 嘢飲佢有普通可樂紙包烏龍茶都有得揀日式嘅果汁汽水我覺得係幾好飲 不過係細罐咗啲友人就叫左肉眼200g 跟餐 再叫咗個啤酒加$20落單嘅時候佢會即刻切肉同埋磅所以通常都會俾你叫嘅份量多少少本身個人唔係好大食所以200 g跟套餐我覺得都已經好足夠食食吓如果覺得個鐵板唔夠熱可以出去counter問佢拎過第塊再煎過👍🏼大概7:30去到餐廳 食完大概九點冇限時 都坐得幾舒服😌

今晚同朋友行街shopping，超市出嚟之後聞到好香嘅牛扒味，原來旁邊有間岩盤牛扒，索性就入去覓食啦。門面都已經好吸引好大隻牛頭～咁食新野就肯定睇菜單先啦，咁菜單都有各種牛嘅部位俾你揀嘅，按照Gram數計算價錢。入去入面冇人serve，自己搵位坐低，揀好食咩之後就可以去收銀落單俾錢。我就揀咗肉眼扒，而我朋友係鰻魚愛好者，咁就梗係試吓佢嘅鰻魚丼啦。落單之後，睇call機等攞餐。朋友嘅鰻魚溫泉蛋丼先到，睇落都好吸引。鰻魚好入味，少骨，好正；溫泉蛋撈飯都好一流。我嘅肉眼扒餐就更加豐富。厚切肉眼扒加蒜油，鐵板上。牛扒封邊煎香，肉質細嫩多汁，然事關我更喜歡熟少少，可以切開放係鐵板上一陣就啱啱好，建議女仔可以切細啲，方便入口，因為對女仔黎講都真係好大份。開頭我只係加咗醬汁同埋蒜蓉都好好味，後來我發現枱面有岩鹽同埋黑胡椒，索性加埋落去一齊調味，更別有一番風味。配菜沙律同溫泉蛋都好出色，值得一讚。

今次食牛扒~~ 呢間好似都幾多人食佢係自助型式,food court咁, 係counter order之後有部機比你,自己搵位,野食ready響機先去拎,食完自己捧返個餐盤走我order西冷牛扒配蒜頭碎,再加28蚊加多個沙律,溫泉蛋同野飲件西冷牛扒冇得揀幾成熟,個人覺得同餐廳名一樣medium rare啱啱好~~ 同埋個鐵板都好夠熱,倒個日式汁落去,zaa zaa聲, 一路食會一路再熱熟件扒~~而且西冷唔算好肥👍Recommendation rating (out of five):👑👑👑

成日經過都聞到好大陣燒牛肉味，又好似有幾多人食就試下啦！原來呢度係無人招呼嘅，要自助揾位，落單同取餐。係個餐牌度見到櫻花丼好似幾吸引就叫黎試下。一攞到個飯眼都突埋出嚟，點解個牛肉同張相係完全唔一樣嘅！由半熟變左做全熟，見到個乾爭爭嘅樣都唔係好想食😑。食落又無牛肉味，又無乜調味，究竟我食緊啲咩。想揾下啲汁黎餸下飯又無喎，成碗飯淨係得個温泉蛋可以餸到飯。最後因為太難食，所以無食哂啲飯就放棄左啦！可能鐵板燒牛肉嘅味道正常嘅，但係櫻花丼真係千祈唔好食，同埋我都已經唔會再想黎食。

首先要在出面點餐，有不同部位的牛可以選擇：肉眼、牛柳、牛板腱、西冷、後腰三角肉，還有日本和牛的肉眼/西冷，自選部位和分量後即切則製。價錢親民，加$28 可以升級套餐任選3款飯/小食/飲品。另外還有一系列丼飯，加$15升級定食則可配兩款小食/飲料。.我們點了西冷350g +蒜油+ set (溫泉蛋、飲品、沙律）同櫻花燒牛柳丼定食（跟湯+ 飲品）。.西冷以三成熟 ”medium rare” 作烹調標準，再以石板形式出餐，大大塊牛配上分量充足的蒜油，香味四溢。切開幾份後加上石板的餘熱，就接近5成熟，西冷牛味濃郁，略有嚼勁而多汁，口感剛剛好，配蒜油令人超滿足。另外桌上還提供喜馬拉雅山岩鹽和黑椒調味。跟餐的醬汁帶柚子味，味道相當不俗，而且可以減少肥膩感。.沙律麻醬味濃郁。.溫泉蛋有蛋香濃郁而不腥，也可以拌牛扒一起吃。.櫻花丼系列標榜100%日本米、日本蛋和美國牛。牛柳和飯的份量都好多，牛柳肉質軟稔，脂肪不多；日本米飯粒軟糯。中間也埋着一隻溫泉蛋，滑溜的蛋漿拌牛柳丼一起吃很可口。味增湯內還有牛肉同紫菜。

Premium 西冷部位牛扒🐂 1g: HKD$0.55 最少叫200g🤞選擇一款油:蔥油 洋蔥油 或者蒜油加HKD$28 可以變套餐 揀3款side dish 幾特別 係counter order 之後師傅先直接cut同磅👀我order350g 比想像中厚切🤪🤪 仲有支旗仔寫好大塊扒😂😂洋蔥碎同塊牛扒幾夾 甜甜地😛一開始塊牛比較生 上面幾多血水下 但好彩個鐵板夠熱 塊牛扒會慢慢變熟 收返d血水肉質嫩滑 淋 易切💯同埋有比個汁 (日式扒汁?!) 甜甜地 可以倒埋落去 味道再豐富d😗 加28蚊配左日本蘋果汁🧃 海鹽雪糕🍨 同沙律🥗推薦雪糕 食完濃味嘅牛扒 食淡淡鹽味嘅雪糕恰到好處👍👍

今日去咗好耐都冇踏足嘅新蒲崗搵食 之前喺呢度做嘢嘅時候通常都係食茶餐廳 但係自從 mikiki樓下開咗一田之後呢就進駐咗好多新嘅食店前日打邊爐食完牛頸脊之後覺得唔係好夠喉 所以今日見到呢間牛扒店就即入呢度有肉眼 牛板腱 西冷 牛柳等等可以選擇 鍾意點幾多g悉隨專便 我揀左牛柳 跟住就係揀牛扒嘅醬汁喇 我就當然係揀蒜油啦 另外加28蚊就可以再多三樣配菜 飯 沙律 雪糕 味噌湯等等開頭我以為淨係得兩樣點知職員話仲有呢？先知有三款，＄28有三樣野都真係幾抵飲品已經放曬喺收銀機上邊 方便客人知道有啲乜嘢選擇 唔係來來去去都係汽水 我就揀咗蘋果汁呢間餐廳係自助形式需要自己出去櫃檯點餐跟住佢就會畀一個bibi機你 牛扒餐準備好就會通知你出去取餐㗎啦 大概十分鐘到就有得食喇我即刻將啲蒜蓉放曬落個底度 以免個鐵板令到我塊牛扒太快熟曬 順便亦都可以幫我整番熟啲蒜蓉無咁辛口 證明我呢個方法係可行嘅 睇下我塊牛柳幾嫩滑 再點下個醬汁 帶少少酸可以去左啲油膩感最後用完餐就自己拎返個盤去返卻口所有嘢都自助形式好方便 唔需要接觸太多人 俾呢個疫情期間都真係好緊要㗎

今日工作係新蒲崗3點幾放工天氣太熱！入左mikiki 商場行陣一田順便食個野先番屋企行左一圈，太想食肉🤤見到呢間medium rare steak 係一田旁邊 因為個門口吸引左我入去自助形式可以行去揀肉類雖然主打牛扒 但啲丼飯都好似好吸引有肉眼 牛柳 牛板腱 西冷 後腰三角肉同日本和牛揀第一次食有g數揀既牛扒(200g300g400g )揀咗300g既西冷牛配（洋蔥油）（$165）☺️加$28有得跟餐 有得自選三款配搭揀左飯，溫泉蛋，可樂😋比完錢之後，有部機等佢震動響嘅時候就可以去攞我既美食 🥰一嚟到就非常之香肉味😍牛肉大大件！熟度可以自己決定，想熟啲好似我咁就等耐啲先切😋我鍾意咁樣切好之後再點醬食😋可以就咁配洋蔥油味食都可以因個人喜好～我就鍾意溫泉蛋加落飯到再配牛肉🥰😋😋枱上有胡椒同鹽，自己可以再調味👍🏻美味的午餐，太滿足了😂上面見到大電影仲播緊奧運比賽！

自問女仔嚟講都算係大食嘅，今晚我去左呢間又靚又可以打卡又好食嘅扒房！係mikiki嘅medium rare steak ，原來仲有其他分店，吾怪得又平又正又抵食，勁飽丫！呢間大大隻牛係門面閃閃下幾靚，入面坐位都舒服，枱又大，吾覺得迫，係自助形式嘅，上前自己嗌餐，再自己留意就去拎餐，都幾方便，如果揀食雪糕，仲有雪糕紙，想食嘅時間先拎去換，我覺得幾好丫！我揀左300g嘅牛柳，1g=$0.39，所以咁大塊都係百幾蚊，仲要可以加28元就有3樣自選食物，我揀左汽水，溫泉蛋同雪糕。件扒仲可以自己揀汁，我揀了洋蔥汁，一上碟就勁香，medium rare岩岩好！超正！全部扒都係即叫即整，超好食丫！一咬入面仲好juicy，又重牛味，牛摩王嘅你一定吾好錯過，食到好飽，除左牛扒外，我下次想試下佢嘅櫻花牛丼飯，好似都吾錯！真係平靚正推介！

🐂份量任你揀石燒和牛🐂-石燒牛而家其實周圍都食到🤣，牛肉可以揀肉眼、西冷、牛柳、牛板腱、後腰三角肉、和牛，份量由200g起，佢個價錢係1g $0.36-1.4，視乎邊款肉。叫完之後會即叫即切，上枱時會係medium rare，有個石板比大家自己再加熱。-牛板腱($0.49/g)食落都係偏瘦，牛味濃但唔算韌，牛扒夠厚切開當牛肉粒咁食又得🥰。和牛($1.4/g)好薄一塊，但石板幾乎冇乜熱度因為廢事太熟，食落係嫩同牛油味好出，一貫既和牛口感啦，但本身有一大條肥邊，都幾多位唔食得🤣。另外加左$28轉套餐，其實都幾豐富，有飯有溫泉蛋有湯有醬料仲有野飲😙，實夠食既！

今晚去左mikiki行街，拍拖想鋸扒，呢間係一田旁邊嘅扒房見咁多人食，環境裝修又好靚，一定好食，果然冇錯！我食左肉眼扒300g，好大份超正，medium 岩岩好，有3個汁我揀左洋蔥汁，仲配飯有雪糕同汽水！最重要價錢平！真係平靚正丫！仲要吾洗加一！我揀嘅肉眼扒煎得好香，外脆內嫩，一切見到肉紅色就好開心，一放入囗仲好香牛味，仲好有肉汁！夾埋飯食都好好食，女仔食300g都幾飽，可以揀200g嘅，雪糕都好好食！芒果味道好香好滑，正！整體好滿意，會介紹比朋友再來。

💘Medium Rare Steak呢度嘅牛扒唔同部位有唔同價錢，全部都可以揀200g/300g/400g，牛扒嘅上面亦都可以揀配蔥/洋蔥/蒜蓉，而且跟餐只係加多$28就可以喺白飯/味增湯/沙律/雪糕/ 飲品/溫泉蛋入面任揀其中三款。個人就幾欣賞呢度食牛扒選擇嘅彈性幾高，完完全全可以根據個人喜好同埋食量去選擇！🤍西冷部位300g跟餐（$165+$28）我今次就選擇咗西冷部位，跟餐仲配咗溫泉蛋、飲品同埋雪糕，落單嘅時候佢會俾定一張雪糕卡你，等你食完嘢之後再出去換雪糕。呢塊牛扒size同塊鐵板一樣咁大，切起上黎要考少少功夫，因為佢墊咗啲粟米係底嘅關係，所以即使係鐵板佢都唔會好易燒燶，而且佢仲配咗一個大有少少柚子味嘅醬，點埋就好fresh幾好食！💰人均消費：約$200