山戶屋

營業中

休息中

職員服務態度差白衫友無禮貌嚟食餐飯啫，點解要被你呼呼喝喝！就係諗好咗食咩先叫你過嚟，你仲要問人諗好未，一副唔耐煩嘅樣。對人講嘢，好似鬧人咁，粗聲粗氣。未食嘢都已經令人一肚氣，影響心情。食物質素唔穩定食物嚟到，頂！炸雞，入面唔熱嘅🥶🥶🥶呢間日式大排檔，真係諗清楚先好嚟

2022•05•15 💚觀塘假日閒逛到附近，未食午飯，打算睇下有咩食，職員見到好熱情咁招呼，於是就入去試下啦。環境都好大好闊落，因為己過午飯時間，人客唔太多。下午茶餐有8樣可以選擇，都會包味噌湯及一杯飲品。湯及飲品冇咩特別。照燒雞排飯 HKD 44 照燒雞排煎得幾香，醬汁唔甜，味道比較淡，醫油味比較多。醫汁落得比較少，雞排食落雖然唔乾，但個人覺得如果多少少汁口感會比較好。食落米飯用咗珍珠米，濕度軟硬適中。山戶屋大板燒（海鮮蔬菜）HKD 52海鮮有墨魚粒、小蝦仁、八爪魚粒、蜆肉，蔬菜係椰菜，其他唔係好識分😅。木魚及紫菜好香，分量都可以夠飽。點菜時，職員話要等20分鐘左右。整體黎講，還可以，係環境夠闊落，坐得舒服。

4人入座，疫情後滿心歡喜跟同事聚聚食飯，可惜結果滿腔熱忱之情被淋熄。入座後同事舉手示意需待應幫忙落單，待應一走埋黎就「得得得 我睇到啦 黎緊啦，先生」態度極不耐煩 。咁都正常落單，基本無問題。當第二樣食物上菜時，有講食物名，縮開少少禮貌地叫待應可以先放低，待應以質疑態度問係咪你地叫架，十分奇怪。食物質素，角切雜錦魚生飯，味蕾未有強烈衝激，直到同事食到有骨直插口腔，魚生頓時顯得非常新鮮。另一同事食拉麵後表示血糖過低，份量可媲美份子料理「精細」入面既細。整體食物都偏向健康清淡。首次嘗試的確令大家印象深刻，如果大家都想有同樣經歷，可以挑戰一下。

行街到來見左邊泰菜翟道翟、右邊日本山戶屋, 一睇門口餐牌家人都各有心水, 店長立刻到來招代安排坐卡位(舒適闊落), 並且話兩邊菜式都可點選, 家人各自點選食物後, 店員就已送上各人一杯麵豉湯(雖然叫兩份日本餐、兩份泰菜餐), 上餐時間都算快, 食品質素都唔錯, 我叫叉燒拉麵麵質煙韌有咬口👍叉燒好入味, 大板燒要等20分鐘上枱熱辣辣餡料豐富👍, 櫻花吞拿魚腩卷都好美味👍, 店員招呼殷勤, 多坐位又闊落, 地方整潔👍, 泰菜也不錯, 冬蔭功好正, 海南雞飯好滑, 家人都食得好開心。

早排黎呢間餐廳買外賣，見到呢間餐廳既壽司餐價錢相宜（$68有5件自選壽司，3件加洲反卷，仲有個迷你烏冬），加上其他食評好多都讚好，咁就一於決定試一試， 但點知….中伏… 壽司望落唔新鮮（可以睇相），加洲反卷既蟹子顏色同平時既唔同…我唔敢食..仲有個烏冬好淋，而個湯底奶白色看似豬骨濃湯其實係味精湯….再睇埋個醬油包整體黎講同之前其他食評唔同體驗， 我諗可能係外賣同堂食質素唔同？ 我唔敢再幫襯了有點後悔， 早知去食超市壽司算了

觀塘又有新餐廳開張 呢間餐廳嘅Logo有好高嘅討論度 呢間係位於觀塘道Eastcore 嘅山戶屋餐廳環境幾舒服 座位都幾寬敞 仲見到有幾間包廂 適合一班朋友聚餐今日叫咗兩個山戶屋壽司套餐 同人氣No. 1嘅燒豚肉飯🥰燒豚肉飯豚肉份量都唔少 有唔少洋蔥做配菜 豚肉主要都係醬汁嘅味 可惜醬汁較為偏甜 再加上汁太多 飯變得太濕 整體嚟講唔太推薦😂山戶屋壽司套餐可以自選五件壽司 附送三件是日卷物 是日卷物係芝麻雞卷 味道冇乜特別 壽司就有好多款式 特別想推介芝士蟹籽壽司 芝士蟹籽好creamy 紫菜又夠脆 幾好食🤤壽司套餐仲有一碗湯餃子讚岐手打烏龍麵 湯底就係日式嘅味精味 不過烏冬真係幾彈牙 係有質素嘅烏冬😎食完呢餐唔算好有記憶點 係一間平庸嘅日本餐廳 壽司套餐係幾多野食 都算幾抵食嘅😬

放假 一心諗下食咩好 有時都比較貪心，咩都想食下，呢間正呀 ，有我哋香港人最鍾意食嘅泰國菜點同日本菜，水準一流，價錢公度 真心現在食餐飯好小小都甘上下，仲要有兩種唔同國家既菜式都做得好好，實在難得，新開餐廳 環境靚仔唔錯，一個字 （正）刺身好新鮮 直頭係日本直送咁滯，我比較鍾意食拖羅 ，海膽100分好食 非常鮮甜美味小朋友又有得食清啲 沙律，青瓜壽司，如果可以比小小炸物佢食都仲得泰菜方面 我點左個青檸烏頭 一家三口剛剛好炒返個菜 小朋友又健康呢個緊要 價錢絕對超值 一定再嚟

朋友要去友和拎貨😌，然後就搵下Eastcore有啲咩好嘢食😝，之後就決定食呢間日本餐廳🤣，因為大家都好鍾意日本❣️，同埋提早食個聖誕節飯🎄一入到去覺得環境好靚🤩，d裝修都好適合打卡，乾淨闊落，好適合約會☺️，店員都好好👍🏻，一開始已經有前菜同熱茶🥰，店員仲會不時添茶比我哋😆點菜後好快就上菜，野食又新鮮又好味😋朋友一直都讚不絕口，連d碗碟設計都超鍾意，好日系😍下次有機會再嚟食，推薦比大家😙訂座有85折，好抵呀😛

觀塘附近近排都開咗好多新野，今日嚟呢間日本山戶屋試吓。環境都幾闊落新淨。價錢都好抵，欣賞佢哋店員後生哥哥姐姐都好有禮貌。麵豉清湯跟餐可以揀免費白桃茶，都幾好，唔太甜。我哋都揀咗壽司餐，見附近啲人都係揀壽司餐，因為的確抵食。$68，炸蝦係當日嘅限定，另外果五款可以自選。又幾好喎！味道都可以，不過啲紫菜就硬左d空間闊落，枱與枱之間都有距離影咗Menu俾大家睇吓呢個價錢都算係幾相宜，不過感覺上，食壽司就相對抵啲。但係下次可以試吓熟食。觀塘午市真係好多人，多啲選擇都係好！

試吓新嘢，天婦羅係驚喜，薄薄脆漿最緊要炸起唔油，正👍🏻👍🏻，其次雞泡魚干熱食當然正，就算凍左咬落去都唔會硬晒咁，魚干質量好🥰，其次素食人仕都可以去，我朋友係素食者，餐廳好好，會盡量配合，值得一讚，咁素食同肉食朋友一齊去都無問題啦👍🏻🙌🏻😆

今天是第二次幫襯呢間新開約兩星期既日本菜，是日囡囡生日，因為她不吃生既食物，今次吃了大蝦天婦羅、蕎麥冷麵、清酒煮蜆、油甘魚鮫比仔囡食，另外今次試左壽司🍣，我仔囡個冷麵好好食，佢哋一人一個都清哂，我一條都冇食過。都講一下坐低後服務員遞上前菜，南瓜同牛蒡都好好吃。但係油甘魚鮫都係我真心推介既菜式👍🏼。下次自己都要叫個冷麵試下。環境真係要再提，很舒服、很寬躺、員工服務非常之好。下次要再試下餐牌上面既其他食物。

真❤️強烈推介此店！知道此店是新開張約一星期，好朋友介紹的，她剛試了也說非常不錯，於是由平日吃開中海日升哪間的翟道翟，今天即興改訂了山戶屋試一試，結果真係喜出望外。一到場是看到非常舒適的環境，地方寬敞，乾淨，清靜，很適合傾計的好地方！裝修格局很有特色，也令人致身於日本一樣！各員工的服務態度非常好！非常貼心，有禮貌又主動。就是幫客人拍照也不 hea影，很留意細節，食物質素非常不錯，餐具很精美，細緻👍🏻👍🏻👍🏻，份量也比想像中多，非常抵食，絕對值得enchor的店子！

同朋友飯聚又唔想去食放題咁趕時間，食物質素又冇咁好，所以今次搵左間新開張冇幾耐既日本菜試吓！好耐未試過外出吃飯坐得咁舒服，d枱與枱之間嘅距離都闊落，唔會近距離背對背太密集式咁坐👍🏼。至於食物就叫左雜錦天婦羅、日式雞翼串燒❤️、刺身拼盤❤️、大阪燒、金龍船❤️（好似係咁叫）、牛油果反卷（好似係咁叫）、魚鮫❤️（又唔係好記唔記得餐牌上面個名）係舒服既環境而且食物又美味又新鮮，我好快會再去幫襯。期待

試左個刺身，燒物，炸物，羊扒，真心不錯 刺身 - 新鮮，賣相好燒物 - 燒嘢手勢剛好炸物 - 不油，炸槳好羊扒 - 不so，半肥瘦環境舒服，燈光適中服務態度一流，請保持繼續下次再嚟過

又多間新店可試！魚生新鮮、串燒正、極力推薦魚鮫超正，熟食又yummy 最緊要係價錢實惠！值得推介啊！環境舒適又闊落，係一個聚餐嘅好地方！交通又方便！真係要再約朋友仔試吓其他食物先😏😏😏