山崎麵飽

營業中

休息中

貪得意買來試下, 一包有4塊熱香餅, anchor牛油及日本糖漿熱香餅比麥記size細一點, 但厚一點, 配上anchor牛油及香甜的日本糖漿, 味道十分好. 價錢$10, 抵食過麥記, 但需要叮熱或蒸熹食, 太煩啦.

昨天看到了網上的食評,忍不住便買了山崎的熱香餅來試試, 價錢$10~~一包有4塊熱香餅, 一包糖漿和牛油。所以朝早的時候, 特別早起就是為了享受這份熱香餅。軟綿綿的熱香餅, 配上了牛油和糖漿,一次便吃了三塊 ,簡單得來又好吃!不過我想如果可以整熱佢會更加滋味 !!另外也吃了, 黑糖美味棒!黑糖味的麵包, 夾著了似忌廉的東西 ~味道令人易入口的, 不過還是美味棒較好吃。

方包有好多種, 但係咪款款都係一樣既呢?Yamazaki有好多種唔同的方包, 款款都唔同價錢, 就話俾你聽方包都有唔同級數我都試過佢幾佢款唔同的方包, basic的 "普通方包" 就真係同普通方包冇分別, 所以價錢都OK然後食 "特級包方", 價錢貴過普通方包少少 ; 味道香甜, 比普通方包軟熟, 的確係好味過普通方包的再食就係 "超級包方"啦, 佢係咁多款之中最貴既。一拎上手就感到好重手同好軟熟, 質地好滑, 麵包好細密, 有D似湯種麵包。食落真係好有口感同鬆軟, 又唔乾, 比一般的方包好味得多以後你識揀啦

行過見到有粒四四方方骰仔之前都未見過睇真d原來叫做朱古力骰仔包睇佢個樣外表平平一咬落去竟然係朱古力熔槳入面既朱古力夠晒濃又唔算太甜真係好似食緊心太軟咁呢$6.5抵比啦另外一款叫忌廉骰仔包入面只係普通既吉士相對朱古力骰仔就遜色左小小順帶一提上官網睇過骰仔包既資料佢地話暫時只得太古,屯門,青衣分店有售

山崎麵包(Yamazaki Bakery)---中華酥~黑芝麻酥+芋頭酥+迷你鳳梨酥日期：2009-09-21 在"山崎麵包"(青衣城分店)買了新推出的"中華酥"，分別是"黑芝麻酥"($6.5)、"芋頭酥"($6.5)和"迷你鳳梨酥"($11~4個)。"山崎製パン"是日本一家麵包糕餅店，始於1948年。1981年起於香港開設分店，至今本港已有37間分店。1.黑芝麻酥---酥皮鬆脆，黑芝麻餡幼滑，味道尚算濃郁，甜味適中。2.芋頭酥---酥皮鬆脆，芋頭餡幼滑，芋頭味很淡，甜味輕怡。3.迷你鳳梨酥---酥身鬆化，鳳梨醬濕潤黏軟，味道相當濃郁，甜味適中。

“班戟”…隔好耐好耐先會突然諗起想食一次…去超市買盒簡易pancake powder自製嗎?...又嫌份量太多或有點煩…所以【山崎】這個熱香餅剛好合我意!!...都係第一次買黎食呢…喜愛佢包裝封面設計夠”卡通”外, 一包4塊附有牛油同maple syrup…方便衛生…餅亦做得恰到好處!原來8月份做緊promotion添, 買滿$18就有兩個stamps…平時買$12先得一個咋!!

日期：2009-07-06 在"山崎麵包"(青衣城分店)買了新推出的"朱古力杯杯撻(Chocolate Tart Cup)"($12~2個)。在家用焗爐翻熱。"山崎製パン"是日本一家麵包糕餅店，始於1948年。1981年起於香港開設分店。朱古力杯杯撻---外形上很像TIT*F出售的"德國式布甸(German Pudding)"。曲奇撻皮鬆脆，朱古力蛋白餡軟滑。朱古力味夠香，甜味適中。

嘩!...新鮮出爈…買左哩個新產品…雖然話個名有個”辣”字…但只係講緊面頭果層英式黃芥末…所以其實一D都吾辣…但屬於濃味o既包!!!...好味!...不過由於雞扒有層炸醬又塗上芥末…吾似某D包類番熱都可以…要遇啱新鮮出爈即食先得…

六月份出的新包款式都好多~我就選左個德國雜穀包~因為好少會出d健康包,,所以想一試!=]食落味道好普通!雜穀粒不多~細細個咁都賣7蚊!有d唔值!!

o尋日放工走過【山崎】…想買袋麥包做今日午餐三文治…乜咁香呀?...見店員托盤新鮮出爐o既麵包出o黎播…原來係一隻叫”泡菜雞肉芝麻包”…仲做特價 $11/4個…熱騰騰好吸引哇…又忍吾住手買埋o黎試添!!!要左兩個…另外可夾搭同樣賣$11/4個o既其他款色…就選左一個”蟹柳粟米包”同一個”辣腸薯仔包”…正牌新鮮、熱、辣齊晒o既”泡菜雞肉芝麻包”, 個配搭係出乎意料o既好…包面o既泡菜雞惹味又香…灰色包身全個內外都滿晒黑芝麻又夠o趙口……好味回味!!!...今日經過可能忍吾住又再買呀!!!嘻嘻嘻!!!另外兩款就普通包一個啦!!

每個月都會有新包~3月的新包有日式薑汁叉燒包 ,核桃麻糬球同種子豆沙鍋餅等咁多包中我對種子豆沙鍋餅較有興趣~過左3月就冇得再出,,所以即刻買泥試下食,,包身幾大個,,個包皮係法包,,面頭鋪上滿滿的葵花子同南瓜籽種子~同d豆沙一齊食,,食落好香口,,唔錯唔錯!係一個好健康既豆沙包呢!

今日食左好多麵包..!!路過青衣城又心思思買左山崎山崎麵包多數都唔會熱辣辣, 所以新鮮麵包同pack左既麵包都差唔多某次經朋友介紹呢個美味捧好好食!!結果一試就上癮..次次去山崎都要買一條新美味捧 ($8): 長長既麵包, 餡係好似奶黃咁!!甜甜地好好食!!d餡令我食到上癮!!呢種麵包好似比櫃入面既新鮮麵包軟一點!!不過$8一條就貴左少少之前試過買黑糖美味捧,餡只係普通既蛋糕cream, 麵包無黑糖味............所以可以解釋美味捧永遠都係最快俾人搶購一空, 而黑糖味永遠都仲有好多貨

今日買左個杯杯蛋撻及杯杯蛋白撻，同埋今期新產品日式薑汁叉燒包及種子豆沙包杯杯蛋撻及杯杯蛋白撻：餡係唔錯,皮又唔得囉,好味,焗得啱啱好~日式薑汁叉燒包：味道唔錯，叉燒很有薑汁味，有薯蓉墊底~種子豆沙鍋餅：雖然豆沙唔多，但都唔錯，賣相都OK~杯杯蛋撻及杯杯蛋白撻 $6.00 現特價$5.50日式薑汁叉燒包 $8.50 現特價$7.50種子豆沙鍋餅 $8.00杯杯蛋撻及杯杯蛋白撻大約出爐時間：9：00、12：00、3：00、4：00、5：00、7：30

二月二日(星期一)是日早餐是昨日看老夫子前買的一個是朱古力甜脆包,一個是原味我當然吃原味的,包邊有脆脆的,似曲奇,我其實一早已經愛上這個麵包,不時都會買來吃的,新鮮吃最好老公的朱古力甜脆包都好吃,甜而不膩山崎麵包一向都有水準

上次阿媽見我話個方塊好味 !佢又買左個紅豆味黎試~~紅豆方塊: 佢話好甜.....食左一半冇食 !!!鮮奶球: 個面好脆 !! 同OK便利店個種係一樣..但係OK便利店個隻就好味D..因為個包夠軟屬~~