山下菓子 (T.O.P This is Our Place)

Best Friend係史迪仔嘅Fans，知道TOP商場呢間Café用史迪仔做主題，於是就捉埋我去試了。一去到門口，已經見到有好多史迪仔嘅打卡位，入到去入面都見到好多用史迪仔做主題嘅掛布裝飾，而且餐品都有史迪仔元素，史迪仔迷一定會好開心。叫完野食上菜，見到餐盤用淺藍為主調，主菜都有史迪仔嘅元素，例如星球、滑板、貝殼等，營造陽光同沙灘氣氛，味道都不錯，咖哩味都好濃郁。而甜品更加靚，梳乎厘班戟配海鹽雪糕嘅賣相好吸引，梳乎厘班戟有兩塊，質感都好蓬鬆，淺藍色嘅cream同雪糕，加上雪糕上面有把太陽傘做裝飾，真係好有史迪仔Feel，同埋重點係，叫唔同嘅菜式會送唔同嘅史迪仔精品 ，例如叫凍飲的話就送杯墊同鎖匙扣，史迪仔迷必去。…查看更多

六個人比三杯水，一個便當飯盒整咗一個鐘都出唔到嚟。問佢哋，佢哋仲話廚房得兩個人做嘢。 限90分鐘用餐時間，但係60分鐘都上唔到飯。唔通你想我用15分鐘食晒佢？講真食物質素麻麻。服務質素就更加令人堪憂。純粹係因為主題餐廳先黎。價錢偏貴。一個咖喱飯都要$139。 一杯嘢飲$79。個點餐app極之唔好用。好難搵到要點嘅食物。 收10%服務費，但係連點幫客點餐嘅服務都做唔到。生日食到一肚氣，絕對冇下次。👎🏻👎🏻👎🏻👎🏻…查看更多

晚餐有呢一個博多明太子意粉，本身帶住肚餓又冇乜期望咁去叫呢個意粉試吓原本都會覺得有可能會好漏，估到大概都會食唔晒，點知嚟到個賣相又唔錯喎！一食就覺得好似喺日本食嗰種味道咁一啲都唔漏，仲覺得越食越好味添，結果食吓食吓成碟清晒！我覺得份量對於我嚟講就啱啱，好如果係大食少少可能會覺得唔夠飽！呢個確實係推介嘅菜式唔錯！至於呢一個溫泉蛋拿破崙意粉，我就覺得一啲都唔好食，唔知點解覺得個味怪怪地唔係好似喺出邊食嗰啲拿破崙意粉嘅味道，同埋呢個真係比較漏嘅菜式，我一向都唔係太喜歡，而初味道都唔係太啱我所以呢個麻麻哋唔會再叫！首先講吓杯百香果綠茶，伊貝我冇飲過係阿女飲嘅，不過佢就覺得好好飲，好香嘅百香果味茶味都唔差唔會太淡，唔會太濃啱啱好！至於我叫嘅凍檸茶，個人就麻麻哋個茶底唔知係咩茶個味又係唔係我鍾意嘅凍檸茶味道，所以唔係太喜歡呢杯飲品！…查看更多

3號風球，冒住大雨都出左去食預先book 好左枱滿有期待咁去食點知一入餐廳就係惡夢既開始😅唔知亞姐係咪無食飯定係14:00 都未瞓醒入到餐廳無人理不特止把遮濕到滴出水問佢放喺邊，佢就一碌木咁望住我"無呀！我哋無遮架！"我心諗，唔通我濕淋淋放上你張梳化度咩我就問佢："咁你有無膠袋？"亞姐："無喎！我哋無膠袋"我苦笑😅："咁收我一蚊，當我買外賣袋，有啦掛？"之後佢就旋風式拎左個膠袋出黎 🤣🤣🤣算喇～唔理咁多咁睇menu 叫野食睇完真係大開眼界雖然去得主題餐廳預左俾人劏但可唔可以俾少少良心？$149/碟小食，得兩隻明太子雞翼？？？？仲有，伴碟d 薯條有幾貴？成碟加埋都無廿條？都算喇～$149預左有$100係買個盤咁你送個盤俾人拎走你衰衰地都俾張濕紙巾人哋抹抹先拎走丫又沙律汁，又雞油，唔通真係要自己去廁所洗完先拎走？總之呢間野，可一不可再俾面小丸子，算！…查看更多

同仔仔為咗史迪仔而嚟！周圍都係打卡位😌款式都好多元化…全部史迪佢都要！野食正常，不過主要都係嚟打卡😆臨走抽下獎 仔仔笑住走😂門口仲有啲週邊買吓嘢 整體都ok!…查看更多

為了史迪仔~下大雨都要試下(食個史迪仔主題午餐)😍門口已經有史迪仔打卡位望下餐牌史迪仔造型蛋糕和史迪仔腳掌(仲末推出)唯有試下另一款甜品布丁燒印有史迪仔圖案(好可愛)口感幼滑~味道偏甜推介小食拼盤隨小食餐(有幾款選擇)附送史迪仔木盤一個(木盤真身好靚)吉列炸蠔小食拼盤即炸~味道oK(目標係個史迪仔木盤)另一推介熱飲(有幾款選擇)熱飲送~史迪仔瓷杯抹茶歐蕾(抹茶牛奶，味道不錯)抹茶味好特出有加服務費~.共$276為史迪仔主題(可以一試)滿200（ 未計服務费)送史迪仔㩒章一個…查看更多

🍰 史 迪 仔 原 味 千 層 蛋 糕 $ 𝟺𝟶sᴛɪᴛᴄʜ ʜᴀɴᴅᴍᴀᴅᴇ ᴍɪʟʟᴇ ᴄʀᴇᴘᴇ ᴄᴀᴋᴇ 有史迪仔好可愛，蛋糕好鬆軟，毎層夾住薄薄cream ，簡直食唔停口 😋🍕 超 級 夏 威 夷 薄 餅（9寸）$ 𝟷𝟶𝟿ʜᴀᴡᴀɪɪ ᴘɪᴢᴢᴀ ( 9")薄餅外層脆卜卜，加埋滿滿芝士，好正 ！！🧇 ᴏʀᴇᴀ 窩 夫 配 朱 古 力 意 大 利 雪 糕＄𝟷𝟶𝟿ᴏʀᴇᴀ ᴡᴀғғʟᴇ ᴡɪᴛʜ ᴄʜᴏᴄᴏʟᴀᴛᴇ ɢᴇʟᴀᴛᴏ窩夫又脆又香，還有脆脆ᴏʀᴇᴀ，搭配朱古力雪糕球一起吃(๑´ڡ ˋ ๑) ʏᴜᴍᴍʏ ʏᴜᴍᴍʏ ～🍹紅青蘋果荔枝冰紅茶 $ 𝟼𝟿ᴀᴘᴘʟᴇ & ʟʏᴄʜᴇᴇ ɪᴄᴇᴅ ʙʟᴀᴄᴋ ᴛᴇᴀ好清甜、好ғʀᴇsʜ 、凍冰冰飲，夏天真係一流˃̵ᴗ˂̵☕️ ʟᴀᴛᴛᴇ黎返杯醒覺咖啡⋯香滑香濃 ～*餐廳仲有好多史迪仔可愛打卡位，而且有全新系列親子角色周邊精品，史迪仔嘅粉絲唔好錯過啦 ⸜(*ˊᗜˋ*)⸝ 快啲黎一起投入甜蜜熱帶夏日🏖️…查看更多

餐廳舒適寬敞，適合家庭同埋朋友黎傾計食飯嘅好地方，充滿夏日熱帶風情！由門口開始步入餐廳都有勁多史迪仔打卡位！牆身掛滿史迪仔角色嘅巨幅掛布等裝飾，就連餐具同埋食品都係史迪仔，好可愛！靚到唔捨得食！仲有全港首推角色「甘仔」主題 Tea Set！限量贈送角色刺繡章同埋BYOB 精品系列呢！下次再約朋友仔黎食先🌸超級夏威夷薄餅熱辣辣上枱，薄餅脆卜卜好香口，上面鋪滿蕃茄、菠蘿同埋芝士，鹹香中帶點酸甜，味道好夾🌸梳乎厘班戟配海鹽雪糕造型曲奇賣相好靚，完全係史迪仔嘅顏色，大大份甜品，有兩塊厚身嘅梳乎厘，輕而蓬鬆，又有蛋香味！上面鋪滿大量藍色嘅cream，口感綿密！配埋鹹鹹香香嘅海鹽雪糕，幾好味！另外仲有塊充滿牛油香味嘅造型曲奇，食到好滿足🌸Dirty Coffee咖啡味濃郁醇厚，配埋順滑嘅鮮奶，比例都好平衡🙋🏻‍♀️ 呢間餐廳仲設有Stitch POP-UP Store！有超過 300 款角色正版商品可以購買，我地都買左史迪仔嘅袋仔呢，好靚！呢度仲有一個夏日活動互動區呢！…查看更多

今日同勁耐冇見的老best去史迪仔主題餐廳食飯😍成日經過都好想試，終於有人陪我🤤🤤餐廳裡裡外外都係滿滿的史迪仔裝飾精品，連meun都唔例外😍😍😍最特別係點不同菜式會送唔同的精品禮物，好抵食🩷我地嗌左雞扒漢堡配洋蔥圈，擺盤勁靚靚，成個沙灘砌埋出黎咁濟🤩漢堡好香牛油味，雞扒都好香脆，配埋特製醬汁好絕配👍🏻👍🏻卡邦尼意粉醬汁好濃郁，份量夠我地兩個女仔食💘再嘆返杯熱芙蓉蘋果紅茶解解膩，好滿足☺️✨呢度環境真係好靚好適合打卡，情侶、好友、生日會都好岩🥰🥰💛💛💛💛💛💛💛💛以下係我所點的食物🤤🧡🧡🧡🧡🧡🧡🧡🧡雞扒漢堡配洋蔥圈卡邦尼意粉熱芙蓉蘋果紅茶💛💛💛💛💛💛💛💛…查看更多

每次經過TOP商場都見到呢間Cafe都有唔同卡通主題，今次主題係史 迪 仔😍‼️未入餐廳門口已經有打卡位📸，入到去周圍都係史迪仔😍，仲要有好多唔同嘅精品賣添✨️✨️星際博多明太子意粉🪐明太子意粉驚喜度高，微微奶油底，夠晒Creamy‼️星際造型用上爽口彈牙魚蛋👍食得又睇得✨️小結他炸雞咖喱蛋包飯🍳咖喱味道香濃，蛋包滑嫩，口感層次豐富炸雞外脆內嫩，配上咖喱汁非常搭最可愛係佢個飯用咗小結他造型，勁cute cute😍✨️梳乎厘班戟配海鹽雪糕🍨造型用上沙灘做主題，除咗造型可愛外，梳乎厘鬆軟輕盈，入口即化‼️配上海鹽雪糕，甜中帶鹹，味道更有層次🎁仲有呀，每道菜仲會附送一塊史迪仔造型嘅曲奇添🍪‼️✨️鴨屎香芝士奶蓋芝士奶蓋鹹香滑順❤️與茶底融合得啱啱好👍叫凍飲仲送杯墊同鎖匙扣🫨如果叫熱飲仲送史迪仔嘅陶瓷杯🍵淨係隻杯都值$50🫨史迪仔Fans必到‼️真係裝修好靚，食物造型又精緻🍛🍝…查看更多

朋友係史迪仔超級fans，見有主題餐廳即刻雙眼發光，諗住帶佢去開心吓。8點入座，坐低前就被告知9點3要清場，我哋都接受。最離譜係落單時已叫嘅心太軟甜品，等到9點3先上枱，仲要俾員工「溫馨提示」：俾多5分鐘你哋食啦。。黑面黑過鑊底。結果我哋真係5分鐘KO晒成個甜品，一買單，店員即刻拉閘收工，仲要西口西面，好似我哋阻住地球轉咁。 食物質素：中下，為打卡而存在主題餐廳預咗食物係「相機先食」，但呢度連基本味道都交唔到功課。老實講，唔係為咗史迪仔杯墊同裝飾，根本唔會嚟第二次。 呢餐飯都食左接近700蚊…查看更多