屯門友車仔麵

同屋企人行街，去到屯門果邊，小朋友話想䭍女麵麵，咁啱見到間新開嘅車仔麵，見幾乾淨，就入去食啦😊店員好友善，不停同小朋友玩，笑死我🤣 佢哋有車仔麵食之外，重有飯類及小食可以選。車仔麵都有好多餸選擇，有啲餸係估佢唔到，例如鵝肝👍🏻👍🏻，又有特飲，真係唔錯👍🏻蘿白魚蛋河小朋友食兩餸麵，蘿白香甜，小朋友好鍾意食，魚蛋質素都高，無雪藏味，小朋友一啖一粒👍🏻腩肉、鵝肝、魷魚米線呢碗係三餸麵，份量都大，一定夠食。魷魚爽口，好味，腩肉好入味，而且唔韌，正。最驚喜係車仔麵有鵝肝選擇，估佢唔到🤣 鵝肝好大件，好似食緊鵝肝多士一樣👍🏻牛筋腩肉燥飯佢哋唔止有車仔麵食，重有飯類，我叫了牛筋腩肉燥飯，牛筋腩好淋甜，有牛肉味但又唔會太咸。肉燥香濃，每啖飯都加上肉燥，好味到停唔到口😍海蜇手撕雞雞肉香辣，配飯一流，加上海蜇，呢個小食真係一定要叫，配飯配麵都好正👍🏻咸檸檬七喜天氣咁熱，緊係要飲返杯特飲解吓熱，潤吓喉嚨。唔係間間餐廳有咸檸七，呢到竟然有👍🏻食咗咁多嘢，都係百幾蚊，勁抵食，下次都要再去食過😊…查看更多

在下普通食客一名 誤打誤撞去到呢間人情味小舖 白蘿蔔清甜 份量足 可揀菜底啱晒我三餸$46 豬皮如果再軟嫩啲就更好湯底揀咗腩汁 唔會太鹹另外有台式肉燥飯唔可以話超好吃 但係算唔錯 算抵食…查看更多

如果車仔麵係甘出色，強烈建議唔好提供飯餐，飯好爛，肉燥竟然有陣「囉」味，燶左甘，賣相已經肉酸，嘔吐物甘，放入口勁咸再夾一陣燶味，同職員講佢地話近排都係甘，來貨問題，即係明知有甘既情況但都焗住比客食，清埋佢。口水雞份量少，有肉部份得幾舊，食完好似無食甘。見多好評所以一試，第一次食亦都係最後一次，甘多好評應該全部都叫車仔麵，係我問題，竟然叫飯餐😑，換左白飯，個飯都係爛食，$53包飲品係良心價，但都要放得入口先得。…查看更多

見到開飯網咁多好評，住屯門嘅我冇理由唔試一次😄。今次點了四餸一油麵，其實四款餸味道都麻麻地，但量算十足。豬紅沒有豬紅香味，豬皮炆得唔夠𣺉和入味，牛腩偏韌，蘿蔔不熱普普通通，唯一最好味的就是油麵和秘製沙嗲醬😅 烹煮後吸收湯汁，麵質Q彈有勁，醬汁輕易掛麵，滋味滿分。另外凍檸茶的茶底亦麻麻，飲了一半便放低了。 位置算易找，整體一般，感覺這間打手很多吧🥹，可以一試，$57蚊還算可以，但不要期望太高👌🏻 …查看更多

話說搵到間超抵食嘅屯門車仔麵，真係街坊恩物！🏠 呢間舖頭位置低調但日日爆場！💥 早餐、下午茶、晚餐都有街坊價，份量仲要好足，啱晒想食得飽又唔想洗唔少錢嘅街坊！😋下午茶餐試咗兩個套餐，抵到笑出聲！😂💖📌香煎餃子韭菜餃拼細手撕雞腸粉🥟香煎餃子外皮煎到金黃香脆，韭菜餡料香，咬落juicy噴汁！😍 手撕雞腸粉滑到似BB肌，配上惹味嘅手撕雞，濃濃嘅麻油香！😋📌惹味口水雞拼細台式經典肉燥飯🍚口水雞麻辣鮮香，雞肉嫩滑，唔會太辣但開胃！🌶️台式肉燥飯嘅肉燥濃香入味，飯粒粒分明，油香同醬汁完美融合，簡直係台式經典！🥄皇牌四餸車仔麵🏆自由度爆棚！🔥可以自選面底同湯底，再配四款餸，隨心搭出你嘅夢幻組合！😎📌沙嗲汁雞中翼墨魚丸沙嗲魷魚甜酸根幼面🍜沙嗲汁濃郁香濃，掛滿幼面，食落好順滑！😋雞中翼嫩滑多汁，墨魚丸彈牙鮮甜，沙嗲魷魚咬落爽口，甜酸根仲帶點酸甜開胃！每一款餸都係經典！✨📌咖哩汁雞中翼辣鳳爪豆卜沙嗲魷魚油麵🍜咖哩汁香辣得黎唔會太嗆，油麵吸晒汁，食到停唔落口！😍辣鳳爪夠入味，啃得過癮；豆卜吸滿咖哩汁，軟糯又香；沙嗲魷魚同雞中翼依然係無敵組合！🥳飲品：夠晒地道！🥤好有港味，試咗以下幾款：七喜清爽解膩，夏天必備！❄️熱咖啡香濃順滑，暖胃又提神！☕咸檸檬七喜：酸酸鹹鹹，夠晒刺激味蕾！😝凍檸茶經典港式，酸甜平衡，飲完好refresh！🍋…查看更多

最近同朋友去咗置樂街市附近呢間小店試晚市套餐，$99有齊自選三餸車仔麵/肉燥飯、半隻烤雞/口水雞、油菜同兩杯飲品，真心抵食！ 🔹 車仔麵㨂咗豬腸、牛筋同陳皮魚蛋 豬腸清洗得乾淨，煮得入味又淋滑；牛筋膠質感重，炆得夠腍唔黏牙；陳皮魚蛋細細粒但陳皮香突出，懷舊感滿分！湯底濃淡適中，唔會過鹹，麵底可以自選，推薦油麵或粗麵，掛湯一流～ 🔹 烤雞即叫即製 皮脆肉嫩 烤雞落單後先焗，熱辣辣上枱，外皮香脆帶微微香草味，肉質保持嫩滑唔乾柴，水準唔似幾十蚊套餐！ 🔹 口水雞麻辣開胃 醬汁是靈魂 口水雞麻辣度適中，醬汁香而不膩，雞肉爽滑，撈飯或拌麵都一流，鍾意重口味必試～ 🔹 跟餐凍奶茶茶味濃 值得加$10轉 奶茶茶底夠厚，奶同甜度平衡，凍飲夠冰爽，係完美收尾！ 環境光猛乾淨，座位唔算多但坐得舒服，服務幾好，經理會介紹配料同套餐，態度友善。晚市五點開始，九點關門，想試建議早少少去～ ✸ 性價比高 ∷ 適合三五知己輕鬆食飯 ✸ 推薦 ∷ 烤雞、豬腸、牛筋、凍奶茶 ✸ 人均 ≈ $40 ─── 📍 屯門置樂花園街市側 🕒 晚市供應：17:00-21:00 ☎️ 不設訂座 ─── #屯門美食 #車仔麵 #抵食套餐 #烤雞 #口水雞 #置樂食乜好 #openrice評分 #車仔麵愛好者 …查看更多

今日落置樂花園做嘢，經過街市見到有間車仔麵。我同拍檔係車仔麵王。嗱嗱聲攻入去試吓。花多眼亂呢間舖頭有好多組合，除左車仔麵；仲有好多特色嘢。經理介紹呢個二人超值套餐。真係超抵。兩個三餸車仔麵或者肉燥飯再加半隻烤雞或者口水雞。仲有油菜同兩杯飲品。抵到爛。呢度主打車仔麵；我覺得係全屯門最好味。我係食肉獸，豬腸牛筋牛肺，用料絕無馬虎份量亦足。尤其是牛肺超水準冇乜地方有得食。拍檔鵝腸有料到，魚蛋係細細粒陳皮魚蛋；牛丸有咬口。半隻烤雞即叫即整熱辣辣絕無欺場。飽到嘔都忍唔住叫多個頭抽生腸拼手撕雞腸粉。生腸同腸粉都夠滑嫩，拼手撕雞，夠曬特別。加埋啲邪惡花生醬、甜醬；正到脾。…查看更多

屯門友車仔麵行過屯門友車仔麵，見到推出的$99雙人套餐，性價比極高，即刻試吓啦三餸車仔麵我哋揀咗米粉做底，配雞翼尖、蘿蔔同沙嗲魷魚，加埋咖哩汁，味道一絕。米粉爽滑掛汁，吸晒咖哩香辣精華；雞翼尖炆得入味，啖啖膠質；蘿蔔腍身又惹味，吸汁力強；沙嗲魷魚香口彈牙，沙嗲味濃郁，同咖哩汁夾得天衣無縫肉燥飯鹹香十足，肉碎炒得乾身唔油膩，配埋隻鹵水蛋更加加分，蛋白入味、蛋黃微流，口感一流。口水雞麻辣醒胃，花椒香突出，雞肉滑嫩，食完真係停唔到口。油菜爽口清甜，啱晒用嚟平衡味道。飲品選擇多，冷熱皆備，整體份量足夠兩人，味道地道，我哋咁為食，見到以下幾樣都好吸引，忍唔住另外加錢叫埋海蜇燻蹄、泡椒鳳爪同Wasabi魚皮。海蜇燻蹄爽口彈牙，煙燻味濃郁，配埋微酸醋汁，好開胃；泡椒鳳爪辣中帶酸，啖啖膠質，食落又唔會太鹹，辣味滲入骨縫，越食越上癮；Wasabi魚皮就最驚喜，魚皮香脆唔腥，Wasabi味衝鼻但唔過火，食完仲有少少回甘。三款小食各有特色，口感層次豐富，配埋主餐一齊食，真係滿足晒味蕾。呢餐食得開心又飽肚，下次一定會再食…查看更多

實實在在的車仔麵📍地點：屯門🍽️菜式：港式💰人均消費：午餐 / 晚餐 HK$50~60🔖服務費/ 茶位：❎/ ❎🧻餐巾/ 濕紙巾：✅ / ❎🪑座位類型：卡位 / 圓枱📝落單方式：點餐紙落單免費🅿️：❎【車仔麵（油麵）配料：台式牛肉、芝士腸、辣腩肉、雞中翼、腩汁】💰HK$52油麵滑溜不失嚼勁，吸滿濃厚腩汁，每啖都滲出香料層次。台式牛肉帶甘甜的滷香，軟腍入味；芝士腸則爆汁帶奶香，頗具西式驚喜；辣腩肉香辣惹味，不搶戲但足以喚醒味蕾；雞中翼皮脆肉嫩，完美補位。整體是一碗紮實而多元的香港街頭精粹。【車仔麵（米粉）配料：墨魚丸、雞翼尖、芝士腸、豆卜、腩汁】💰HK$52米粉吸汁力高，每啖腩汁都沾得恰到好處。墨魚丸彈牙帶鮮，海味明確；雞翼尖骨少肉多，滷得入味，啖啖滿足；芝士腸依然是奶香與鹹香交融的一抹甜；豆卜吸汁一流，外軟內嫩，腩汁與豆香互補。這碗米粉是偏溫柔細膩的版本，香而不膩。【海蜇手撕雞（小）】💰HK$36海蜇爽脆不失鮮味，手撕雞絲嫩滑，微辣的醬汁提味而不壓味。每口都讓人感受到海與陸的清爽交融，堪稱炎夏小吃之選。【香煎白菜餃 】💰HK$28外皮香脆微焦，內餡白菜爽甜中帶清香。@ 屯門友車仔麵🏷️ 屯門青山公路385號嘉喜利大廈地下24號舖#foodcourt #foodxcourtx #foodxcourtxTM#屯門搵食地圖 #屯門美食 #屯門 #港式…查看更多

走進這間街坊車仔麵小店，彷彿踏入了一個熟悉的角落。環境乾淨企理，光線充足，不論是坐卡位還是圓檯，都讓人感到自在，是朋友閒談或快閃醫肚的好去處。🍜 *主角登場：車仔麵配料豐富，一碗感動*選了油麵打底，彈牙有嚼勁。豬紅滑嫩無渣，入口即化，毫無腥味，處理得宜；辣腩肉脂香撲鼻，牛筋燜得夠腍，膠質感強，沙嗲魷魚香氣濃郁，微甜中帶辣，充滿懷舊風味；冬菇厚身多汁，吸湯一流，為整體加添鮮味層次。🐔 *小碟海蜇手撕雞：清新解膩的點綴手撕雞肉質嫩滑，配上海蜇爽脆，沙律式調味酸甜適中，完美平衡了車仔麵的濃重口感。是一道讓人回味的小食。🥤 *凍奶茶：港式經典，絕不失手*奶茶冰凍香滑，茶味濃郁，奶香融合得恰到好處，不會過甜。作為總結這一頓地道美食的最後一筆，實屬圓滿。…查看更多

近排係置樂返工，晚上食飯時成日遺忘呢間餐廳冇計，因為呢間餐廳獨立一間自成一角...平時都去開垃圾佬到食，諗住平平底....點知今日突然先記起呢間野！😆🤣🤣去到坐底，我真係犯賤....明明人地間野主打車仔麵....但我果刻又想食飯...手撕雞肉就好少，不過都好食就係唔知點解又雞尖，又有雞架軟骨..海蜇令我驚起，凍凍地又有酒味，配飯一流！其次就係隻蛋，相信係一大煲跟肉燥煮...非常入味！ 初頭仲以為碗飯太小唔夠飽，仲諗住叫多個車仔麵拎走！🤣食到8成開始飽，最後放棄叫車仔麵！不過整體黎講，53蚊晚市有呢個份量，呢個質素，仲要跟杯凍奶茶！我冇野可以挑剔，遠勝置樂其他食市！🥰美中不足就係晚上9點關門，食唔食到都係睇緣份吧…查看更多

又來返小編長大嘅屯門區搵食，呢晚就約左屋企人來探索下置樂，來個屯門街坊抵食車仔麵第一擊🤭呢間鄰近置樂仁愛街市嘅屯門友車仔麵有驚喜，除左有多達40款餸款嘅車仔麵選擇之外，更有各款川式小食及台式肉燥飯做主打。五款經典車仔麵湯底外有埋更加少有嘅口水汁撈底選擇，車仔麵由一餸至四餸價錢$30-52，麵量及餸料份量合理，CP值中高值得一訪。🍜四餸車仔麵 $52揀左雞中翼、甜酸根、沙爹魷魚及墨魚丸粗麵，再加幾蚊要多個生菜餸料上檯色澤吸引🤤腩汁湯底微清甜，每款餸料整體出色，甜酸斎佢地都做得唔錯，入味軟滑特別開胃。🍝三餸口水汁撈米粉 $46+$2特別一讚口水汁惹味度出色，同米線原來係絕配。三餸配左台式牛肉、牛筋加韭菜餃，牛肉牛筋半筋半肉台式配搭出色，如果韭菜餃滾熟後外表更挺身唔黏住就更理想。🐤川式小食必試惹味口水雞(小食/半隻)$36/90可以話試完好味真係可以買半隻加餸👍🏼微辣口水汁食落雞肉近似海南雞嘅滑溜感，推介!另外兩款小食🐟Wasabi魚皮 & 海蜇拍青瓜同樣係$36 一客小食，味道特別，清新開胃，Wasabi魚皮已有青瓜做底，兩款咬口爽脆。足料街坊親民小店，價錢合理，值得推介!…查看更多

對於屯門街坊來說，一個親切的名字：屯門友車仔麵。呢度有早午晚餐，仲有下午茶，好多元化好鍾意呢度嘅小食，所以今晚嚟到，先叫咗泡椒鳳爪同埋Wasabi魚皮，鳳爪係佢哋嘅秘製辣汁而做，保持到咬口同埋有微微麻辣嘅感覺，相當醒神。Wasabi魚皮更加係我嘅至愛，首先魚皮係佢哋自己處理， 十分爽脆，加埋青瓜同埋Wasabi汁，創新得來個味道非常之夾，必點之選，仲有好多唔同嘅小食選擇，都係美味又抵食我鍾意呢度車仔麵嘅配套，碗碗車仔麵都係大大碗，望落就知抵食夾大件選擇多元化，一餸至四餸都可以，又有菜底唔一定要食麵，湯底選擇多，當中亦都有唔少好特別嘅餸去選擇，例如雞腎，手撕雞，鵝肝，鵝腸，台式牛肉，燻蹄等，呢啲睇落都唔係一般車仔麵嘅價位可以選擇嘅餸，但而家$52就有四個餸可以俾你選擇，我就揀咗鵝肝鵝腸豬頸肉同埋牛腩，全部都係肉啊，性價比非常高！我仲特登揀咗麻辣汁，配呢幾款餸真係相得益彰，而且每個餸嘅烹調絕對唔少功夫，朋友就揀咗生菜，白菜餃，蘿蔔同埋鳳爪，雖然佢嘅選擇清咗少少，但係新鮮挑選嘅蘿蔔，冇渣並且非常入味，索哂啲腩汁湯咬入口泌湯汁出嚟嘅感覺係冇得彈！食完咁大碗麵，再嚟多個特飲爽一爽佢又如何？我飲咗一個鹹檸檬七喜，呢個當然係絕配，但係店員推介我朋友飲多多梳打特飲原來仲正，微微甜甜酸酸又有氣嘅感覺，係成個人都精神晒，係完全滿足嘅一餐欣賞佢哋簡簡單單，用心製作，有自己嘅特色，正！…查看更多

邊個話食平民野一定係無質素，今日我地唔食西野，食下車仔麵又可以揀幾個餸，都開心啊！好，坐低睇下有咩好食先。四餸車仔麵，豬腸、牛筋、白菜餃，食車仔麵都有鵝肝揀，梗係要試下，食落唔會太粉，好食過豬潤。湯底跟咖喱汁，好食，有以前街邊篤魚蛋嘅味道牛筋有咬勁，河粉索湯滑溜。豬紅、手撕雞、墨魚丸、冬菇油麵，啲餸滿滿咁舖平，見到都食慾大增，豬紅做得靚，油麵配麻辣湯超好食。Wasabi 魚皮，值得推介，魚皮爽爽彈彈，配埋wasabi原來個味咁趣致咁夾！原本叫左熱鴛鴦，熱華田，發現有特飲鹹檸檬七喜，叫多杯飲下爽下個喉嚨都唔好！…查看更多

豐富選擇車仔麵📍地點：屯門🍽️菜式：中菜💰人均消費：午餐 HK$50~70🔖服務費/ 茶芥：❎ / ❎🧻餐巾/ 濕紙巾：❎ / ❎🪑座位類型：方枱/ 外賣📝落單方式：點餐紙落單免費🅿️：❎.一家本地街坊餐廳，提供多種配搭的車仔麵，適合不同口味的食客。【四餸車仔麵】💰HK$52豆卜吸收湯汁後更顯濃郁，辣腩肉出色可以一試。墨魚丸、芝士腸正常發揮。【四餸車仔麵】💰HK$52選了油麵。牛腩、牛肚和台式牛肉燉得軟嫩，口感豐富。手撕雞大大塊。【郊外油菜】💰HK$23【香煎白菜餃】💰HK$28小食方面，香煎白菜餃外皮香脆，內餡鮮甜，是值得一試的搭配。#foodcourt #foodxcourtx #foodxcourtxTM#屯門搵食地圖 #屯門美食 #屯門 #中菜.@屯門友車仔麵🏷️屯門青山公路385號嘉喜利大廈地下24號舖…查看更多