尚點 小籠包.上海麵館 (置富第一城) (已結業)

想近近哋喺沙田食上海菜，臨時臨急就只係諗倒嚟呢間。早幾年食過一兩次覺得幾好食，感覺上今次無上次咁好食。五個人一共叫咗十樣嘢 - 三小碟( 四季豆，鎮江骨，五香牛)、窩貼(五隻)、酸辣湯(例牌)、砂鍋雲吞雞、糖醋桂花(?)/鱸(?)魚、炒鱔糊、上海粗炒、嫰雞煨麵、雪菜肉絲炒年糕同埋豆沙鍋餅。鎮江骨幾乎全部都係骨，得好少肉，而且無咩味道。五香牛得幾片，味道普普通通，香料同咸味都唔夠。酸辣湯個獻好杰，不過勝在夠酸又夠辣。鍋貼係幾多肉汁，而且佢煎出嚟反轉上碟呢個賣相幾特別。砂鍋雲吞雞有8-9粒雲吞，半隻雞，下個再墊咗啲津白。個人覺得幾好味，湯好濃郁，津白浸得好淋，雞亦都好嫩滑。糖醋魚好夠份量，我覺得酸咗啲，不過魚肉好滑。炒鱔糊味道一般，而目份量都相對細碟。上海粗炒同嫩雞煨麵水準正常，我個人比較喜歡粗炒，有些少兒時味道。雪菜肉絲炒年糕略為咸咗啲，年糕質地軟糯，唔夠咬口。豆沙鍋餅上枱時熱辣辣，但就奇在塊皮一啲都唔脆，專登留一件攤凍啲先食都係唔脆。整體嚟講只係不過不失，希望下次可以有改進。會返炒都應該係想喺沙田食上海菜呢個原因。…查看更多

《尚點・小籠包上海麵館》沙田沙田第一城我一直覺得無咩好食，食過幾間都伏伏地🥲今日這間相對幾好但末見驚喜，但坐得舒服🤭正正午巿時間都唔太多人，午巿套餐都幾抵食🤗＜雪菜肉絲麵＞$46不過不失，只係今日唔想太濃味而點無咩特別，可以試下其他＜前菜・涼拌木耳＞套餐這個不錯，辣辣地比較開胃，咸度適中＜鍋貼＞套餐+$14夠熱有脆底，係肉饀但唔太肥，幾好食＜豆漿＞套餐豆味夠濃，唯獨甜了少許※成個套餐連加一服務費都係$66，比較抵食…查看更多

有日去咗第一城諗住搵下有咩好食，見到呢間上海菜門面唔錯就入咗去🙈-//環境🌕🌕🌕🌑🌑座位都算舒適，唔會太逼，冷氣亦都足夠，不過落單既時候喺Menu見到有螞蟻😕-//食物🌕🌑🌑🌑🌑1️⃣雞絲粉皮（$48）我係個好鍾意食雞絲粉皮既人，呢間餐廳既雞絲粉皮算係表現差個批。首先份量偏少，成碟野暖笠笠，唔夠凍，雞絲都偏Un，食完個前菜已經feel到出事😐2️⃣京蔥開洋拌麵（$48）佢除咗有京蔥之外仲有D蝦米仔，望落幾香口😯不過個麵成餅嘢咁，搞左好耐都撈唔散，同埋D汁唔係好夠，所以食落有D淡同Dry😫3️⃣上海炒年糕（$70）最飽肚就係呢個！賣相同味道同唔錯，除左年糕仲有菜同菇，味道亦好濃，如果自己一個食會好膩，Share既話都OK😂//總結呢間嘢食味道一般，但CP值好低，$15杯凍豆漿係超細杯，茶錢成$20，仲要收加一🙄食飯期間見到個叫左外賣既等左好耐，點知等完D野食又錯曬，佢就去同個經理講話d野唔岩。正路都應該要Say sorry話即刻幫佢換返，點知個經理一面輕鬆咁話：人總會犯錯既😌呢D服務態度都世界級🤣結論，唔好去食！…查看更多

今次真係失望失望失望話說間中都會食下上海野嘅我，今次去咗沙田第一城呢間餐廳食，叫咗一個上海炒年糕、酸辣麵、自選小食、招牌小籠包。••落咗嘢食，店員冇覆單走咗，之後問題就嚟啦…叫咗自選三個小食，拍打青瓜、排骨、牛展，上錯咗一個雞絲粉皮😢於是我都好有禮貌地同佢哋講聲嚟錯咗小食。排骨係凍食🥶🥶🥶牛展還可以，青瓜味道比較清。酸辣麵一般般都還可以，比較好食嘅就係佢嘅小籠包，入面都juicy。••好啦小食終於啱啦，等咗好耐覺得好奇怪，點解我個上海炒年糕一直都未嚟，望一望張單發現漏咗🙄(但係我係有落到單剔左，up左張單)於是我就話返比店員姐姐聽，佢好快手咁就走咗，之後就拎咗一碟上海。。。。粗炒😓😓😓之後就叫停左佢，附近疑似個經理就出聲”又係呢枱，又有嘢錯咩”店員姐姐對住我第一句就話”下！你自己叫咗上海粗炒既”••唔去了解件事就咁樣嘅態度，令我感覺好差。我就拎返點餐紙話俾佢哋聽我所有嘢都有落到單…之後問個男經理使唔使更正番張單，就非常敷衍咁應我咁樣話等等先…希望真係改善一下服務態度。…查看更多

在沙田，不多地方有上海菜館，第一城這間算是價錢合理，地方寬敞。今次三個家庭一齊用晚膳，叫了很多食物，雖然不是款款驚喜，但亦有幾個小菜值得推介。糖醋蝦仁脆麵，上枱已吸賣相吸引，酸道適中，配料足，而且食炒麵是要脆麵軟麵各半，這個配搭比例恰宜，值得encore。至於個豆沙餅，就真有點遜色，皮有點厚，亦不是外脆內軟，但甜度適中，細路們都食晒，但大人就不太感興趣。小籠包都滿意，皮薄多肉多汁，上枱夠熱，達到基本要求。雪菜肉絲炒年糕都有點驚喜，彈牙入味，肉絲雪菜還有荀條都好新鮮，好快就清碟，而且分量比預期中多，抵食之選。最後值得一讚的是金網生煎鍋貼，賣相吸引，新鮮熱騰騰，鍋貼不肥膩，而且內有肉汁，簡直是今餐的靈魂食物，我們即場還多叫一碟。整體這間餐廳性價比不算高，至在空間感大，以食上海菜來說都算是價廉物美，不得不提，個茶好好味，食中餐必備。…查看更多

如標題，試過1次都唔想再泥多次。 價錢唔係叫特別親民，勝在用餐環境不錯，但最重要嘅食物質素極差，味道又唔見出眾，認真個人覺得唔好浪費金錢。除非你餓到暈，否則千萬不要試。…查看更多

最近夜晚冇堂食 都係喺一城自己買外賣返屋企食 第一次黎尚點買 叫左上海排骨麵 勁快就有得拎 返到去打開盒得三小片排骨 好明顯將原本一大塊既排骨俾得半塊你 真係好孤寒肉酸 麵味道方面冇乜特別 不過湯唔夠熱 試過喺其他餐廳叫外賣送到屋企都唔會咁 排骨除左勁細塊而且勁乾 似炸過再炸 另外門口著白裇衫黑色冷衫嗰個男人好hea 落單問佢野唔想應你咁 唔通佢不滿我只係外賣一個麵? 今次經驗完全覺得呢間餐廳冇心做外賣 我見之前有個post話叫獅子頭麵冇獅子頭 真係好離譜…查看更多

夜晚叫外賣返屋企食，發現個紅燒獅子頭湯麵得麵，冇左獅子頭，打電話同佢地講漏左，話第二日可以拎返，第二日仲要等左成粒鐘先拎得，食物已經唔好食，廚房成日漏單，唔會再幫襯。…查看更多

晚上6點後禁止堂食，剛在沙田第一城附近，買個上海菜套餐回家吃。落完order 一看，這間店頗大。我們選了$128 套餐，有前菜（糖醋雲耳）、2個小菜（菜脯炒蛋及糖醋魚塊），白飯2碗。我們還加了一個香煎鍋貼（$30）。雲耳爽口，酸甜道適中。👍🏻（註：圖片所見是原本份量的一半，掛住食，忘記影相☺️）鍋貼雖然在膠盒焗了一會，仍香口，鍋貼皮不厚，亦多餡，味道唔錯。😋已經很久沒有食菜脯炒蛋，菜脯很爽脆，咸咸地，好味。蛋亦炒得很滑，整個菜好好送飯， Yummy yummy! 👍🏻👍🏻👍🏻糖醋魚塊炸得香，魚肉滑溜，炸粉薄薄的，香口。糖醋汁調得好，酸酸甜甜的，伴有菠蘿丶青紅椒及洋蔥，好好味！😋😋😋整體而言，這個外賣上海菜，好味兼份量足，超值！…查看更多

在第一城商場開飯，正苦惱緊食乜好，見到上海菜餐廳，即刻心心眼行左入去。店內裝修優雅，枱與枱之間分隔得好遠，保持社交距離。細細碟前菜涼拌粉皮花生醬香濃，但唔夠幼滑，粉皮較薄，普普通通。6分拍青瓜（是日前菜）青瓜爽脆入味，蒜蓉香味同蝦米鮮味明顯，讚！9分鮮肉小籠包小籠包上枱熱騰騰冒煙，非常吸引，肉餡鮮味結實，用料唔錯，如果小籠包湯汁多一d會更好。因為漏單，等左差唔多一個鐘，幸得店員多次主動向廚房催單。:)8分鍋貼餡料唔錯，外層煎到金黃，賣相吸引，不過外皮較厚，整體一般。6分上海擔擔麵香濃花生醬湯底，配合小小辣，非常惹味。拉麵麵質一般，不過不失。雖然冇花生碎，正唔正宗唔敢講，但整體唔錯，可以一試。7分*擔擔麵內有蝦米，蝦敏感人士要注意。菜脯肉碎炒飯炒飯有肉碎.菜脯.蛋.蔥，份量好多，頗有鑊氣，炒得好香。不過飯粒太硬，嚼到牙較都軟，油比較多，菜脯切得太細，影響口感。6分豆漿豆漿好似係用沖劑，唔係自家磨，表面有白色粒粒浮面，冇豆味，但味道可以，甜度適中。:)6分柑桔酸梅湯味道好似九製陳皮沖水，飲唔慣，感覺中伏。4分杞子桂花糕甜度適中，口感Q 彈，係填寫顧客意見書贈送既甜品。總體而言：味道：佐料同其他上海菜餐廳有些少分別，但值得嘗試。性價比：午市套餐抵食，可以一次淺嘗多款菜式，好滿足服務：非常欣賞店舖聆聽客人意見，店員服務周到環境：裝修簡潔優雅，坐位寬敞舒適…查看更多

好中意食上海菜, 不過一個人食, 點菜有難度, 叫得多又食唔晒, 叫一款又未能完全滿足, 差不多4個月無食喇, 忍唔住要食呀. 第一次嚟, 部長/經理先有禮打招呼及量客人體溫, 之後安排座位, 侍應很快手已幫客人斟茶(其實檯上已有一壺茶), 檯上亦放了個倒水大碗供客人使用. 心大心細, 終於叫咗碟上海粗炒. 碟粗炒濕咗少少, 椰菜/白菜足夠, 加咗冬菇絲(幾好), 雖然肉絲偏少, 反而個人覺得幾好, 多菜少肉健康啲嘛! 服務頗滿意, 前述招呼幾好呀, 同埋埋單唔係行去收銀比錢, 10%服務費即刻覺得合理.…查看更多

見到朋友食完介紹此餐廳想食好耐，每次經過望入餐廳裝修雅致、環境唔錯，終於有時間嚟試吓平日中午都要等一下，大約10分鐘便安排入座午市套餐非常經濟實惠，2大1小點了2個套餐另外+酸辣湯、小籠包小籠包$68=4個，皮薄不過好易穿，呢點我見好多食評都有講，店方真係要好好改善😥雪菜肉絲麵$46，抵食！不過好淡，真係太清淡🙃糖醋魚塊$68，這款菜是最好味魚塊好滑，熱辣辣，份量都唔小酸辣湯$68(窩）,可以裝5-6碗相比1碗=$32較抵不過跟上海店比較，只是酸沒有太辣，比例好似差啲😕前菜：涼拌粉皮，不太特別可選湯、豆漿、酸梅湯醫護有85折優惠，值得一試；可以提升食物水準更好！順帶一提，食評話服務態度差，以我所見，餐廳職員態度好好，有問必答⋯⋯食完收乾淨枱面，絕無趕客，任你坐👍🏻…查看更多

老實平時好少打食評平時午餐都冇咩要求但今次真係好嬲叫左個雞絲麻醬撈麵點知一黎到竟然係米線仲要熱到一舊舊d雞絲味道又怪個麻醬又膩 仲要勁多超難食之後個菜飯有d生米仲要勁油個回鍋肉味唔錯 但略鹹個小籠包蒸太耐又痴住左張紙搞到d汁跌哂落去果隻蛋完全冇味是但搵d老抽浸左就算個鍋貼普通冇咩特別連普通街邊都好食過佢最後果個高力豆沙等左差唔多一個鐘好彩今日唔使返工如果唔係真係多得佢唔少同個侍應話唔要佢仲黑哂面話有單先炸 所以耐d都唔使前唔多成個鐘掛…查看更多

無飯家庭又各有各忙 差唔多9點先集合一齊食晚飯🙈見尚點9:45pm last order 收10:30pm 我地就入左去食喇!我地嗌左個3人套餐($298) 💁🏽‍♀️ 前菜👉🏼 鎮江排骨肉質好乾 d排骨好細細粒覺得熱食應該會好食d!湯羹👉🏼 粟米魚肚羹覺得個粟米羹好似溝稀左 所以票米味比較淡~~小菜👉🏼 蜜桃咕嚕蝦球 (+$10)個source超級酸!酸到食緊蜜桃個陣以為食緊菠蘿😛蝦球雪藏味重 個酸source都辟唔走陣味..元貝賽䠙蟹無生蛋黃 連醋都欠奉 要問店員拎先有..跟菜飯💁🏽‍♀️甜品👉🏼 豆沙鍋餅一致認為最好食應該就係甜品✨豆沙餡份量同甜度適中 即叫即起 所以好熱辣辣!埋單先發現有收茶芥($5/位)茶有色澤但竟然無茶味..總括黎講食物質素唔係幾值呢個價錢!大部分食物有好大既進步空間~~…查看更多

武漢肺炎 , 疫情嚴重 , 但總要如常生活 , 當天就和幾個教友到沙田 , 去探訪獨居的長者 , 看看他們有沒有口罩用或是否需要協助 .... 之後 , 就去附近 的 尚點 小籠包.上海菜館 吃午餐 ~Menu ~酸辣湯 (例) : 大約可分為五小碗 , 湯的味道很濃稠 , 餸料亦很豐富 , 味道很足 , 只略嫌味道偏鹹了些許 , 否則會更好吃 ~花雕醉酒雞 : 溫度尚且適當 , 可惜雞件未夠入味 , 可能是我偏向喜歡重酒味的吧 ~回鍋肉 : 端來時熱氣騰騰 , 炒得勁夠鑊氣 , 椰菜清甜爽口 , 豬肉入味 , 濃油赤醬 , 勁惹味 ~椒鹽排骨 : 份量多 , 椒鹽下得夠重手 , 排骨香口惹味 , 重口味 , I like ~元貝賽螃蟹 : 用蛋白加牛奶炒成蟹肉的模樣 , 賽螃蟹炒得白白滑滑且帶有奶香 , 口感輕柔滑順 , 加上鮮味瑤柱絲 , 讚 ~上海粗炒 : 炒得熱辣辣 , 鑊氣十足 , 麵條炒得爽口彈牙 , 調味得宜 , 正 ~豆沙鍋餅 : 外皮厚薄適中 , 亦夠脆口 , 吃上去很新鮮 , 滿滿的紅豆餡料 , 吃過叫人滿足 ~本篇完 ~…查看更多