尚麵 (京瑞廣場1期)

石門呢度有好多高性價比既餐廳。價錢平又好味道。今次食左尚麵，隔離就係整回鄉證果度😛下次如果整回鄉證，可以食住等喔。食物都非常滿意。午餐50-60蚊就有，仲包埋飲品。$20有6件餃子6件，有三款唔同餡料，平靚正。魚介豚骨醬油豬軟骨拉麵同魚介豚骨醬油叉燒拉麵都推薦。啲麵都高質，好多肉，麵質適中好好咬，食得好滿足，呢個價錢超抵啦，經過一定要來試下先喔。🥢尚麵 (京瑞廣場1期) 🌏沙田石門安群街3號京瑞廣場1期2樓230號舖…查看更多

石門美食｜日本麵館私房菜超驚喜🤤沙田石門呢個寶藏地方，有間好特別嘅日本麵館，日頭賣拉麵，夜晚變身私房菜！今次試咗晚市小菜，真心推薦～✨自製五香卷必食之選！外皮炸到金黃香脆，啖啖肉香仲有蔬菜絲，口感滿分👌莴笋炒魚卷魚卷彈牙，莴笋清爽，炒得夠鑊氣！健康又好味🌱鹵水拼盤鹵水汁香甜入味，鴨舌滷到啱啱好，軟嫩得嚟帶點嚼勁，滷水香完全滲入骨髓！👅 鴨掌膠質豐富，咬落去黏滑彈牙，滷汁甜咸比例完美，每一啖都係享受！仲要份量十足，兩個人食超滿足總結：三款小菜都高水準，環境舒服價錢合理。石門搵食一定要試呢間私房菜，保證回頭！🥰…查看更多

去沙田搵食，試咗尚麵幾款小菜，雖然店名叫尚麵，但原來佢哋啲小菜都幾見功夫，鑊氣夠，調味亦做得幾好半隻雞煲奇味（不辣） $168今次試咗不辣版本，醬汁偏鹹甜，雞件斬得大細均勻，半隻份量足，炆得夠入味但肉質唔會霉或柴，骨位都吸到味雖然無麻辣嗰種刺激，但勝在醬汁夠惹味，加埋芫荽、薑蔥同紫洋蔥撈埋，用嚟送飯真係幾唔錯莴笋炒魚卷 $78莴笋切片炒得好爽脆，咬落有聲，帶淡淡清甜，好解膩。魚卷切片，食落彈牙，調味唔重，鑊氣足幹鍋椰菜花 $98幹鍋做得幾乾身，椰菜花收乾晒水份，食落好爽口，唔會淋，帶少少椒香，油分控制得幾好，唔會成碟油，鹹香惹味500ml SAPPORO生啤 $39📌尚麵 (沙田)地址：沙田石門安群街3號京瑞廣場1期2樓230號舖…查看更多

係沙田石門搵食嘅朋友，一定唔可以錯過京瑞廣場呢間「尚麵」！佢哋主打日式拉麵同小食，今次試咗幾款真心推薦俾大家～🍖叉燒拉麵：湯底係魚介同豚骨熬製，濃郁得嚟唔會太鹹，仲帶啲甘甜！塊叉燒肥瘦均勻，邊緣微微焦香，肉質軟嫩，浸透湯汁之後入口即化，正！下午茶只係$39，so crazy!🥟雞軟骨餃子：外皮煎到金黃香脆，內餡雞軟骨爽脆有嚼勁，點少少醋更加提鮮！🍗唐揚炸雞：外皮炸得超酥脆，入面係juicy嘅雞腿肉，醃得好入味，配沙律醬食一流！小食三款都$10一款，呢間真係性價比之冠。…查看更多

石門是沙田區快展迅速的其中一個地區，很多證件都要到這裏來辦理，今晚便到這裏一試。店內除了提供拉麵之外，還有晚飯小菜，現在還有大閘蟹，買一送一，不過要提早預訂。細份黑椒豬手$48，豬手軟硬適中，鹹香味道濃郁，加上濃郁的黑椒醬汁，味道層次豐富，作為前菜非常合適。细份幹鍋椰菜花$88，椰菜花爽脆河口，又沒有過硬，醬汁味道香濃，味道雖然不像湖南做法，不過都非常有特色。燒汁銀雪魚塊$168，銀鱈魚塊外脆內軟，燒汁帶點微酸，令到銀鱈魚口感豐富如果伴碟的西蘭花軟一點更好。細份鮮味海味白菜豆腐煲$88，湯底味道清甜，沒有添加任何味精，瑤柱份量十足，頓時令到這個清甜的白菜豆腐鍋，增加了鮮味。…查看更多