小黑糖 (宏生大廈)

營業中

休息中

小黑糖 📍尖沙咀加拿芬道45-47號宏生大廈地下D1號舖夏天禁熱🔥係尖沙咀行開街想買杯手搖飲品上網搵到呢間小黑糖～😀見佢地有除左主打黑糖飲品更有多款不同種類嘅飲品🥤一於試下有小黑糖系列、濃香奶茶、果茶、冬瓜系列等等～🥛小黑糖珍珠厚鮮奶 $35珍珠夠Q彈～黑糖味出🤪厚鮮奶係鮮奶+忌廉入口幼滑👍🏻難怪係必飲推介🥛小黑糖布丁鮮奶 $32好好味喔～雞蛋布丁入口滑溜配埋奶香同微甜嘅黑糖～好夾啊😍👍🏻

喺隔離舖食完小食☺️飲番杯嘢先！同朋友一齊分享飲最開心！佢哋話要飲呢間人氣店喎👌🏻👌🏻落單時店員會根據你嘅要求嚟調整甜度！有禮又超貼心！而家炎炎夏日真係抗拒唔到凍飲嘅誘惑！！🔸小黑糖珍珠厚鮮奶 (少甜) $35個人大推薦呢杯‼️醇厚嘅奶香配上彈嫩嘅珍珠！每一啖都能感受到黑糖嘅香甜！口感超級濃郁😍😍🔸芋見了你 $32芋頭x奶蓋嘅組合好奶滑！奶味濃郁！入口綿密又香甜😉😉鍾意香芋口味嘅朋友幾鍾意飲！🔸黑糖鮮奶咖啡 $32☕咖啡嘅濃郁＆黑糖之香甜完美結合！苦味甜味平衡得好好😎能享受到黑糖嘅獨特口感之餘！又有提神醒腦作用🙌🏻呢杯簡直係咖啡控嘅福音！

約咗朋友去尖沙咀行街，天氣熱就去咗小黑糖買杯飲品消暑。小黑糖飲品款式非常之多👍🏻原來除咗飲品外，仲有嘢買，矽飲管、菲林等，好有特色。🌟🌟荔枝烏龍，選用了經典的中國烏龍茶作為基底，帶給人們一種精緻的清新茶感，淡淡的茶香伴隨著微妙的花果味道，而這款烏龍荔枝茶中添加了天然的荔枝香料，為整個茶款增添了獨特的甜甜花香和突出的荔枝風味。帶著一絲芬芳和清甜，茶與荔枝的結合，交織出獨特的味道體驗，既清新又甜美。🌟🌟葡萄柚四季春加蘆薈。這款茶飲的基礎是清香回甘的四季春茶，帶給人們一種純淨而悠然的感受。四季春茶有鮮爽的香氣和柔和的口感，葡萄和柚子的香甜相互輝映，為茶飲帶來了一絲清新的果味。而蘆薈的加入則為這款茶飲增添了一份爽甜嫩滑的口感，多汁的質感，整體而言，這款茶飲清新宜人，口感細膩。

今日天氣太熱，外賣幾杯手搖飲返屋企同家人消暑降溫。上OP見到呢間有黑糖珍珠及芝士奶蓋，啱晒2老口味，總共買了4杯回家一齊飲。點了黑糖珍珠鮮奶，烏龍奶茶加鮮草，伯爵奶茶加鮮草及四季春茶加芝士奶蓋。塞車塞左半小時，在巴士上拎出嚟影吓合照。黑糖珍珠鮮奶，黑糖味甜而不膩，珍珠有咬口，唔會太淋或太硬，剛剛好，配埋凍鮮奶，味道好夾，消暑好飲。烏龍奶茶加鮮草，烏龍茶味幾好，亦做到走冰微甜，仙草偏淋，唔苦，易入口幾好食。伯爵奶茶加鮮草，呢杯茶味比烏龍奶茶更濃，走冰微甜亦做到。白胡子芝士奶蓋系列，點了四季春茶加芝士奶蓋，四季春茶幾清新，加埋濃厚芝士奶蓋，飲落綿滑有茶味，真的錦上添花，個人幾推介呢間的芝士奶蓋。想讚下店員有耐性，見我選擇困難，亦耐心介紹👍🏻見到有黑糖冬瓜茶系列，下次又試吓先！

小黑糖對於大部分香港人而言相信並不陌生，分店遍佈台北、香港、溫哥華及多倫多，厚福街分店人龍不斷。飲品包括小黑糖系列、濃香奶茶、歐蕾系列、冬瓜系列等選擇繁多。炎炎夏日更推出全新雪芝奶蓋系列，消暑一流。小黑糖珍珠栗子鮮奶 ($37)栗子鮮奶口感順滑醇厚，黑糖濃郁甜香當中隱約能嘗出淡淡栗子香，而珍珠亦熬煮得煙韌入味。雪芝香芒 ($42)芒果沙冰清甜綿密，味道天然並不過份甜膩，芝士奶蓋質感綿滑並帶陣陣芝士鹹香。

珍珠奶茶店開得快，結業也快，能保持水準和質量，價錢又合理，才能跑到最後。位於厚福道的「小黑糖」門前經常有人排隊，就知受歡迎程度了。「泰好喝歐蕾珍珠」$32歐蕾取自於法文，意思是一半鮮奶一半紅茶，這杯茶底是泰式紅茶，香濃有茶味，少甜更適合香港人口味，加上Q彈的珍珠，完美。「宇治抹茶歐蕾」$35喝了一大口才映相，哈哈一向喜歡宇治抹茶，入口時清甜，加了奶也會不覺得膩，飲後令人有放鬆的感覺。值得一讚是很多飲品都有冷、熱和室溫三種選擇，能配合顧客的口味。

每次經過厚福街都會見到小黑糖大排長龍🤔今日天陰陰無咩人排隊就係試佢既好時機😆有名你叫～小黑糖最出名就係佢地每日自家新鮮煮既黑糖珍珠😍所以我地決定叫既野飲都要加黑糖珍珠😎咁樣影真係超級靚🥹打卡一流既漸層🥹！！當然唔會淨係得個樣啦～味道都十分正正草莓歐蕾 加黑糖珍珠 $37底層係士多啤梨醬同埋黑糖珍珠～面層有士多啤梨奶🤤成件事好fresh, 最岩唔想飲奶茶既我🤣 本身仲驚士多啤梨同黑糖溝埋一齊會好怪 點知又出奇地夾🫶🏻黑糖珍珠真係名不虛傳，好香黑糖味好Q好有咬口，忍唔住係咁飲😂😂泰好喝歐雷 加黑糖珍珠 $37第一次係手搖舖飲要泰奶🥹超有驚喜！！首先茶味好香濃🤤同出面飲既泰奶一樣味架！仲要溝埋黑糖令到茶味提升去另一個層次🤤再加埋QQ既黑糖珍珠，又係一杯忍唔住係咁飲既野飲😂

冰度🧊：共有4種選擇，歐蕾系列飲品可選常溫甜度🍬：共有5種選擇伯爵珍珠奶茶🧋（加蘆薈）（少糖）🔹奶茶味啱我，珍珠同蘆薈都多，珍珠幾Q彈，加蘆薈，口感 level up😊葡萄柚四季春🧡（加愛玉）（半糖）🔹葡萄柚味濃，好清新同醒神；葡萄柚肉 好 juicy；而四季春茶味不太濃，再加愛玉，口感 level up😊宇治抹茶歐蕾💚（加愛玉）（半糖）🔹有抹茶味💚，愛玉好多又軟滑

夏日炎炎，呢一種炎熱嘅天氣真係好難頂呀。只要一出街就出哂汗濕哂。今日難得休息就出左尖沙咀行街。係厚福街見到呢間小黑糖，同朋友忍唔住買左兩杯嘢飲係屋企飲。首先有餐廳嘅招牌：小黑糖珍珠厚鮮奶，未撈勻嘅時候第一啖黑糖味道特別濃郁，珍珠咬落煙韌，撈勻之後味道更加順滑，奶味突出。真係一杯都唔夠飲！朋友就叫咗杯鮮檸多多綠茶，佢話味道酸酸甜甜得來非常解渴，而且相對地清涼，由於加入咗益力多，所以佢都嗌咗少甜，覺得甜度啱啱好。

小黑糖 (宏生大廈)📍尖沙咀加拿芬道45-47號宏生大廈地下D1號舖行行下街忽然好想飲台式飲品🤣朋友推薦黎飲「小黑糖」，所以就黎試下啦🥰🥰店舖入面有好多掛畫同寄賣品，等待嘅時候可以去睇下😍 小黑糖珍珠厚鮮奶🧋 $35 黎到小黑糖必飲「小黑糖」系列😍呢杯係用左明治4.3牛乳、黑糖糖漿同埋珍珠整成，一拎上手黑糖珍珠部分係暖暖地，而鮮奶部分係冰凍😍 撈勻嚟飲啱啱好👍 珍珠就軟硬適中，好煙韌又好有咬口，每一粒都有濃濃嘅黑糖味，正呀😋呢杯飲品冰度係固定，糖就可以自由選擇😋白鬍子芝士奶蓋～茉香綠茶白鬍子 $ 32朋友選擇左一個比較清淡嘅茉香綠茶加奶蓋，綠茶茶味濃，芝士奶蓋帶點鹹香，係一個出色嘅芝士奶蓋，不過份量就唔多，如果可以多少少就正啦～雪之奶蓋百香果 $42呢杯飲品冰度同甜度固定，百香果沙冰酸酸甜甜地好開胃，重有好多百香果籽係底，可以有d嘢咬下😋，十分適合夏天熱辣辣嘅天氣👍

厚福街呢頭有唔手作飲品嘅舖頭，今次就揀咗呢間小黑糖其實都係因為睇到側邊呢個黑糖珍珠口鮮奶所以入咗嚟，不過因為一間食嘢所以就冇叫到口鮮奶。小黑糖珍珠鮮奶 微糖 $32呢一款嘅冰量係固定嘅，因為我本身唔係幾鍾意太甜，所以我就揀咗微糖我自己就覺得微糖啱啱好，牛奶好香濃，珍珠嘅口感幾煙靭而且仲好濃黑糖味，一拎上手嘅時候，啲珍珠仲係熱辣辣㗎 ！伯爵珍珠奶茶 微糖 $28伯爵珍珠奶茶同樣都係揀咗少甜，伯爵茶同珍珠奶茶呢個配搭都幾特別，所以他得意就試吓啦估唔到有幾夾，伯爵茶味本身就已經好香，加埋啲黑糖味都幾特別，我覺得下次我都會再叫呢個舖頭雖然唔係好大，不過等嘅時候響側邊都有啲嘢睇吓，而且天氣咁熱仲有冷氣可以過過冷河，真係一流

食完嘢做啲乜嘢？梗係飲番杯手搖啦，正所謂獨樂樂不如眾樂樂，一買真係唔止買一杯😂😂😂小黑糖鮮奶，呢杯飲品帶嚟一種濃郁而滑順嘅口感。鮮奶同黑糖嘅結合令味道豐富，甜度適中，帶點濃郁嘅牛奶香氣，每一口都有一種順滑嘅質感，令人心滿意足。小黑糖鮮奶咖啡更加加咗咖啡嘅香濃味道。咖啡同鮮奶嘅完美結合，帶嚟一種醇厚而濃郁嘅口味。咖啡香氣與黑糖嘅甜味相互融合，味道層次豐富，苦中帶甜，每一口都能夠感受到咖啡同糖漿嘅完美平衡。另外一款檸檬伯爵紅茶，呢杯茶帶有清新嘅檸檬香氣同伯爵紅茶嘅濃郁滋味。茶湯滑順，茶味醇厚，伯爵紅茶同檸檬嘅風味相互融合，帶嚟一種清爽嘅口感。檸檬嘅酸甜味道同茶香交織，令人回味無窮。

今日經過加拿分道條街，最多嘢食，跟住見到一間買珍珠奶茶好出名嘅小黑糖！！嗰度有好多嘢飲，有好多好有特色嘅茶同鮮果系列，咖啡，冬瓜等等。我就揀咗我自己最鍾意嘅布甸鮮奶，買咗杯嚟試吓！外觀整得好靚，感覺乾淨衛生，個甜度控制得啱啱好，說落去啲布甸又又滑又香，值得推介。朋友就揀左仙草鮮奶，仙草份量好多，好食，飲完都飽飽地，好似3十幾元，都好抵飲啊。試過好多間，呢間台式飲品，小黑糖，係我覺得都幾好嘅！因為佢主要係每一樣野你飲完都覺得佢係色香味都係做得好，價錢又合理，支持。

今日我去咗尖沙咀厚福街呢間小黑糖買嘢飲，價錢又吾算貴，突然食完飯好想飲返杯珍珠奶茶，不過見佢呢個招牌小黑糖珍珠厚鮮奶，雖然佢有珍珠奶茶，都揀左呢個珍珠厚鮮奶，好好飲，覺得好飲過珍珠奶茶，但又幾似珍珠奶茶咁，感覺仲更健康，晚上飲都吾怕訓吾著，不過如果佢冰可以份量調教就更好了。我朋友揀左芋見了你，佢話芋頭味香濃，好似仲有芋頭粒，好正啊，又好飽肚，甜味岩岩好，好飲。呢間吾錯，服務又好，又吾洗等得耐，價錢又合理，可以再飲。

今日同朋友經過尖沙咀厚福街，係小黑糖度買左幾杯嘢飲，發覺都幾有水準。小黑糖珍珠厚鮮奶好中意呢一杯厚鮮奶，入口口感一流，勁重奶味勁好入，入口勁滑。而珍珠嘅大細適中，又非常好好咬口，粒粒都煙煙韌韌。而最緊要嘅係，冰度同甜度都可以自己選擇。小黑糖紫米鮮奶黑糖配鮮奶已經係絕配，同配上珍珠唔同，配上紫米嘅甜度冇咁高，而且紫米增加左成杯野飲嘅口感，正！值得一試！四季春茶，純茶，無糖，都幾正wor！茶底味清，而且好岀茶味，清清淡淡嘅四季春茶味，簡直係消暑解渴嘅好物！