小食快綫

營業中

休息中

今日約咗朋友去將軍澳食飯，食飯前覺得好肚餓，想搵少少小食，咁啱見到地鐵站有一間買小食嘅舖頭仔，就入去叫咗一份生菜魚肉食<生菜魚肉$17>十七蚊一份山菜魚肉，價錢非常之親民，而且份量驚人，成碗的生菜魚肉基本上係滿瀉的分量多到食完其實會好飽，如果女仔細食嘅話可以當晏晝食都OK，早知就等埋朋友你先同佢share啦湯底好清甜，一啲都唔油膩魚肉非常之彈牙，有魚肉味，生菜索曬湯底真陣味，真係冇得彈下次你會再食

呢間公司d鋪頭全部都開喺港鐵沿線，總有一間喺附近。永遠放工如果見口痕都一定會去幫襯一下，可能因為佢個舖位係我返屋企必經，所以我好多時都會去食。今日食嘅係魚肉碗仔翅同燒賣加辣油。佢個魚肉燒賣係我食街邊檔暫時最好食嘅一間，不過一定要襯熱食。因為凍先食你就會食到一陣麵粉味，但好奇怪如果你熱辣辣果時食就完全冇呢個問題，而且佢個辣油都幾辣。另外個魚肉碗仔翅d料都幾足，有瘦肉絲、冬菇絲同木耳絲，而且魚肉都幾好，味道都唔錯。

做完運動唔想吃太多和太豐富，最鍾意來到將軍澳港鐵站外的snack express，買少少小吃充饑，今晚揀左辣魚蛋和腸粉各一份，熱辣辣，價錢合理，味道也很好，非常推介，絕對係小吃好選擇

晚上做完運動之後，肚子很餓，但不想大吃大喝，於是在地鐵站旁邊的小食快線買一些小食。這家小食快線一個字就是快，有燒賣，雞蛋仔、碗仔翅，最大的好處就是不用等。我買了一碗碗仔翅回家吃，記得小時候有很多路邊攤，幾其中一單就是買碗仔翅，只需要幾元就可以買到一碗，現在已經沒有路邊攤了。這碗碗仔翅的用了很足夠，有香菇、粉絲、蛋絲、木耳等等，加上香醋之後，就是回憶的味道，吃起來很不錯。黑黑的黑木耳絲十分爽脆，香菇十分香，入口軟腍，整體配搭起來非常美味。

偶爾經過將軍澳，突然好想食街頭小食，行吓行吓，就諗起snack express，於是去買咗啲小食。叫一串魚蛋，$10，幾彈牙幾好食，同出邊嘅魚蛋唔同，有啲陳皮味，大贊，會再食的。

深夜突然想吃甜品，所以走了出來，到了將軍澳，經過這一家snack express，突然就有想吃一串魚蛋的衝動。Snack express 的魚蛋其實不是第一次吃，不過在不同分店吃的口感雖然不會差太多，但也不是一模一樣，這間店的魚蛋比較硬，相比彈牙款的魚蛋別有一番口感，也是不錯的體驗

仲記得細個果時，好鍾意跟 #舅父、#阿姨 落樓 #掃街，#魚蛋、#燒賣、醃到變哂橙色嘅 #滷味... 雖然唔係啲咩 #山珍海味，但係對小朋友嚟講，已經係一個盛宴、一個節目😉不過而家已經好少見有人 #擺街邊檔，除咗農歷新年假期果幾日，#老師傅 都爭相出嚟獻技、搵啲外快🤩 其餘日子就無咩機會再試到佢哋手勢。近嚟香港多咗個新興行業，連 #燒賣、#魚蛋、#碗仔翅 都變成 #連鎖店，#SnackExpress 可謂 #表表者。呢日我見仲有兩三粒鐘先食飯，#發牙痕 走咗入 #SnackExpress 整咗碗 #魚肉翅，估唔到仲保留到兒時嘅風味，配料好多，幾乎每一啖都有 #魚肉、#冬菇、#肉絲 等食物，食完一碗已經飽到上心口😅 唯有美中不足就係要 #立食😏 對OL嚟講，似乎有少少唔方便囉！

成日經過將軍澳mtr出口都見到呢間小食店好多人排隊，snack express 賣既都係地道香港小食，例如：腸粉、燒賣、魚蛋、格仔餅、雞蛋仔。每日幫襯既顧客都好多，snack express姐姐亦訓練有素，好快手。今日排一陣，就到我點野食，夜晚上完堂，有d餓，直接叫咗腸粉,燒賣.腸粉$10有4條, 燒賣$10有粒, 加上豉油,甜醬,麻醬, 夜媽媽食呢野真係有d heavy,不過佢地又飽肚又好味~腸粉幾滑,即叫即剪, 燒賣係點心籠夾出黎,熱辣辣,再配埋醬汁,唔錯唔錯~ 今晚天氣有少少涼,食返d熱野岩岩好~

今晚無食飯，回到將軍澳已經十一點，打算買啲野食，但係咁夜，好多食肆都已經關左門，唯有去地鐵站的小食快綫 snack express 買小食，由於周圍都無野食，即使已經十一點，仍然好好生意，排曬長龍👬👭👫舖頭主要都係賣小食，魚蛋，燒賣，雞蛋仔，炒面，碗仔翅，生菜魚肉.......舖頭地方小小的，有個bar 枱可以比人企係度食，但我就外賣個碗仔翅返屋企。碗仔翅都幾足料，有冬菇，瘦肉絲，粉絲，目耳，蛋花，另外，店員再加上配料，楜椒粉，醋....一打開好香冬菇味，味道適中，不會鹹，但個人口味關係，這個碗仔翅偏多粉，不像小時候食的味道，不是我喜歡的味道🤪但無選擇下也是一個好選擇👍🏼

今日夜晚和友人 晚膳之後仍覺肚餓， 路經地鐵站， 剛巧見到這間連鎖式的小食店， 對他的碗仔翅有點興趣， 於是決定一戰。這間連鎖式小食店 坐立於 各大港鐵站內， 裏面賣的都是港式小食， 例如魚蛋，燒賣，雞蛋仔，夾餅，還有碗仔翅。這次我要試的碗仔翅 特別加了魚肉， 碗仔翅裏面的冬菇很多，大約佔了三至四成份量。 其次的就是雞肉， 還有就是芡汁。 由於冬菇的分量很多，所以基本上你是會很飽肚的。 味道不算太濃， 基本上每一啖你都會吃到麻油的味道， 平常吃宵夜也算是個不錯的選擇。

放工回家肚子很餓，突然想吃小吃，在地鐵站附近的選擇不多，於是試一試小食快線。每次經過店舖總有排隊的人，加上分店多，所以沒有覺得很想吃？今天實在太餓，終於忍不住買了一底雞蛋仔$12，排隊的時候，雞蛋仔已經一底底準備好了，我心想：吃不起來該不會是冷的吧？想不到一拿上手，雞蛋仔烤得十分香脆，吃一口，還是暖暖的，雞蛋仔有點扁扁的，不是烤得很脹，想必是因為蛋漿下得不夠多的緣故。入口蛋香不是很突出，但卜卜脆，又熱又脆，不錯。

話說我係一個雞蛋仔既愛好者，耐唔耐就會突然想食雞蛋仔。依間snack express 既小食店概念非常好，經常會開係地鐵站附近，比一d岩岩搭完地鐵既人止下小食癮今日搭完地鐵返屋企，突然想食雞蛋仔，依間小食店真係好方便，又經常有一間係左近！ 依度可以同店員要求要即整既雞蛋仔，雞蛋仔梗係即整先係最好味！大概10 分鐘就有得食！熱辣辣外層都算脆，入面軟綿綿，但入面唔夠飽滿。不過$13 蚊黎講性價比算高！最重要係方便，下次想食雞蛋仔既時候會再幫襯

經過將軍澳地鐵站C出口，見到呢間小食快綫，雖然當時已經食左碗豬潤挍挍麵，覺得有點飽，但仍然想係呢間小食快綫度買個碗仔翅食，今時今日要食一碗飽肚既麵都唔平，但係一碗熱騰騰既碗仔翅只係16蚊，這是一個令我很感恩的價錢，所以我就買左碗食。果然，呢碗翅冇令我失望，佢仍然保留住我想當年讀小學果陣，一日得二十蚊零用錢，然後在街邊買碗仔翅既美味回憶，佢既湯係鼓油般既顏色，翅中混合左冬菇同粉絲，聞起黎有一陣陣香菇味，簡直係越食越起勁！

今天完成工作後，十分肚餓。看到地鐡出口有家小食店，馬上去看看有什麼好東西。先剔除偏甜又使用人造牛油馬加連的夾餅，又不想要油淋淋的炒麵，再放棄燒賣，最後唯有選擇腸粉。付款後，向職員表示要＜齊醬＞，甜醬辣醬豉油麻醬花生，咩醬都有，重口味。把紙碗內的四條腸粉與醬料撈勻，每件都平均沾上醬料。自己還是很希望能把每條腸粉攤開，連中間芯位的腸粉都有沾醬，這才算美味。不過，最大問題，竹籤太短，難以當作筷子使用。而且擱在碗內，竹籤容易沾到碗內的醬料，即係間接把手指也弄污了。亦因為竹籤太短，把手的位置不多，用來篤腸粉又不就力。短身竹籤是成本較低，但使用非常不便。唯有頂硬上，慢慢篤，慢慢食。　＜齊醬＞真係非同凡響！鹹甜香辣皆有的醬料，配味道平淡，米漿制作的腸粉，一濃一淡，真係天作之合。　看在＜齊醬＞腸粉的美味份上，就不計較＜使用極度不便＞的短竹籤。要方便又環保，自備餐具囉！　

地鐵站嘅早餐，除咗華禦結，呢個 snack express嘅炒麵 ，都係唔錯嘅選擇，唯獨是分量真係太大喇，食極都食唔完，不過真係幾好味嘅，雖然早餐嚟講，食呢啲炒麵係有少少過份，不過真係好難忍到口。每次排隊嘅時候 ，賣炒麵嘅姐姐都會夾好大份嘅炒麵畀人，完全唔會孤寒， 我比較鍾意食甜醬加辣油 ， 不過拎到返公司嘅時候通常都會 面目全非。就好似依家咁，不同於一般嘅炒麵，呢個麵有韭菜之外，麵身都比一般嘅炒麵粗，所以真係好飽肚。如果有多少少芽菜或者蔬菜配料，而唔係太多嘅炒麵，我諗會更加好味。