小雨天 (葵涌廣場)

營業中

休息中

今日晏晝向葵廣度行，見到小雨天好似好多人咁，仲以為好好味，點知...... 因為武漢肺炎疫情關係，所以捒左外賣去佢屋企度開餐。我同我個friend 嗌左咖哩雞翼飯同埋豬大腸米線。咖哩-唔知點解有陣羶味，4/10。雞翼- 好正常，除左有隻好細，5/10。薯仔-好難食，又硬又有陣怪味，2/10。湯底-好大陣臭味，又淡，1/10。豬大腸-好正常，5/10。麵線-又淋又唔彈牙，3/10。中伏，已經叫其他人唔好黎呢度食，自己亦唔會再黎。一字記之曰：嘔。

小雨天葵芳葵富路7號葵涌廣場2樓C33A-C37號舖今晚出咗嚟葵芳行街，葵涌廣場出左名多小食，不過我地想搵間鋪頭可以坐低食，即時就唸起<小雨天> 呢間餐廳喺葵涌廣場已經開咗好多年，記得嗰陣時讀中學零用錢唔多所以成日黎幫襯，對於學生黎講呢到算幾平睇到餐牌選擇都幾多，同埋order完食物都好快就送到黎，講真對呢到既要求就唔會太高既，當快餐店/碟頭飯質素啦好地盤飯既感覺，食落都ok既但賣相就爭啲不過牛腩炆得好腍夠入味本身舊白肥豬肉係冇味道嘅而個醬料得個辣字，講完最欣賞係呢個餃子好大粒，食落好有口感，真材實料

行葵芳行到攰，去左食下午茶，呢間係奧爾加細個既食堂，專食米線既揀左個小鍋米線（小辣）兩餸，下午茶時段送飲品足料又抵食！我成日都時不時幫襯，老闆娘人好好架。話你鍾意叫少甜少冰，走甜走冰都得。

最近好少出街，因為好悶決定約朋友出街，去左葵芳行街，行街之前當然要食飽飽先有力行街，買野。天氣都凍凍地想食啲湯麵個類型，朋友住葵芳佢推介食小雨天，決定去食呀，入到鋪頭坐位都比較可以選擇自己想坐地方，同餐牌都好多選擇，我見到有椰菜水餃豬骨湯麵，我唔喜歡食麵改左做米線，佢可以改其他公仔麵，上海麵等等，朋友話好餓 叫左豬骨湯飯，少飯多湯，原來湯同飯分開上，咁樣幾好。湯飲落去好有豬骨味。因為我們係下午茶時段食，餐飲送當然叫凍飲要加$

本身出發之前已經打電話去問一問，有沒有開門營業，然之後才去。結果去到，好不容易才找到比較寬廣的位置。但內裏空氣挺不流通， 為免吃到汗流浹背，似乎還是避免叫太辣的東西為妙。然後侍應自己前來，問我們要什麼，其實我們都沒有急着要下單，但她自己前來，然之後又再多番催促，並說「又未得嘅~」。我們亦都問了一問她其實有什麼推薦的菜式，她亦都是非常不耐煩的回答。結果，又在下單的時候，又因誤會我們點的東西，而有所齟齬，又不耐煩，服務態度極之不好。結果因為不喜歡吃湯飯泡飯，又沒有想到有什麼好吃，還是點了一個豬軟骨米線。小雨天的豬軟骨，原來完全不軟，就好像煲湯那些骨一般，需要用大牙大大力咬，才能咬得開，其實這種質地的軟骨，怎能稱為軟骨呢？米線的份量也還算不太少，作為米線專門店，份量也算夠多，但質地相當普通，這個都是軟林林，因為份量夠多。湯底也極之普通，類似豬骨湯底，不覺得特別香濃，亦不覺火喉充足。始終做完運動，不喝杯東西，好像很沒趣，喝了凍檸茶，檸味還算可以，但茶味好像不太濃郁。

次次黎葵廣見到呢間野都唔知道有豬骨筒食仲要有得配搭出前一丁，佢個骨湯有啲似胡椒麵即食麵味 幾鍾意❤️ 佢兩舊豬骨同超大夠仲放咗支飲筒俾你我哋諗住食啲菜就帶啲菜啦，點知佢咁大碗。都係用骨湯浸住啲菜。好食另外都嗌咗豪仔肉碎上海麵。湯底應該都係骨湯，但係充滿着豪仔嘅鮮味。勁有味

葵涌廣場這間小雨天開了很多年一直一到午市就必定是人山人海~~從前都是中學時期和同學來吃今日終於有機會和朋友再去試一下~~🙋‍♀️餐廳放的枱櫈都是頗密集~~由於椅子都是沒椅背的那種所以大家都是會快快地吃完就走了~~🤣🤣🤣餐廳以泡飯、麵食為主~~配以不同的主食和配菜~~~🎈🎈🎈雲南風味小鍋米線 ($30) + 雲吞 ($6)小鍋米線本身配有肉醬、酸菜、芽菜、韮菜、芫荽~~肉醬超級濃味🐷即使是清湯底，淨吃肉醬配米線都很夠味道~😋酸菜的酸度也是剛剛好~不會太酸~微甜~不錯吃~其他配菜就是正正常常~~至於雲吞🥟顆顆也是大大一粒~~是韮菜肉餡~~而且由於韮菜的分量比例比豬肉多所以吃下去不會膩，頗健康的感覺~~😎皮是滑滑的，唯若可以再薄一點，口感會更佳~骨湯韮菜豬肉餃子 (8隻) ($43)骨湯熬煮成微微奶白色像是媽媽在家煮的湯，有肉的鮮甜味，好喝~❤韮菜豬肉餃子的餡料和雲吞一樣~~一樣是菜多肉少，韮菜味極濃~~🥟唯一不同的是餃子的皮更薄更滑，好好吃~~🤤怪不得都見到都有不少食客單叫這款菜來吃~🙆‍♀️P.S.暖暖和和的餃子和湯絕對適合在冬天吃一下~~價錢又頗大眾化~~怪不得餐廳經常人山人海~~😌😌😌

今日去左葵芳葵涌廣場，見肚餓就去左小雨天諗住食碗米線，店員態度一向麻麻，坐低叫左三個餸：包括：金菇丶龍蝦肉同滑雞肉既酸辣米線，點知碗米線來到，發現面頭有一條黑色小條狀物，咁諗住可能是食物材料：就用筷子撩走佢，就開始吃碗米線，點知吃到中途實在不對路，竟然見到一隻似烏蠅的物體，都幾大隻下實在立即停口，太恐怖了，叫左店員來，佢話可以換其他食物建議吃𧐢仔泡飯，話出名泡飯，咁就黎左碗泡飯，吃時都一路有陰影，每吃一啖都撩清先吃，好怕又再吃下呢d黑色物體⋯下次不會再吃了，服務不好而且咁唔衞生，怕怕！

今日過咗嚟shopping，就諗住食個下午茶當食埋晚餐，於是就見到有一間小雨天嘅米線譜，其實呢一張我以前細細個都有食㗎特別係shopping完之後，所以我都想過嚟懷緬一番試一試去！今日老闆話而家仲係下午茶時段就我就揀咗個平平哋嘅算啦！於是我就叫咗個酸辣米線，裏面配腩肉同埋豬肚仲有一對芫荽同埋肉醬過咗5分鐘左右就到啦，我試下一啖湯，就發覺真係退左步啦！而且佢嘅腩肉亦都問得唔係太林，米線亦都唔係特別好食，個湯亦都唔係太過香！不過個價錢還算可以啦！

葵廣掃街為主，好少坐喺度食嘅餐廳，依度就有一間啦⋯⋯我叫左個招牌豬軟骨湯飯($45)加配$6凍檸茶，黎到葵廣唔想掃街又唔想企喺度食，依家可以考慮吓，但睇完個食評你可能未必會揀依間食未講食物之前，依間店員態度非常差，店員幾個企係度傾計，無理會顧客揮手叫餐，ps:坐嘅位置唔偏僻，直至我哋開聲佢哋先見到，下午茶優惠告示細張，而且張貼數量少及不顯眼，於是我問店員，店員解答問題態度非常差。我叫完豬軟骨湯飯，隔咗幾秒先講加多杯凍檸茶，店員話：你唔早講要加，仲有冇其他嘢依家？唔知佢係咪燥底定點，態度好差。招牌豬軟骨湯飯($45)，價錢一般，飯同湯分開上，你可以揀倒落去食或者分開食，碗飯好硬，似係放左好耐嘅飯，有啲凍，咁唯有倒埋湯一齊食，豬軟骨硬身唔諗，多骨又無乜肉，份量又少，仲有兩三條菜，完全唔夠餸去送飯，整體麻麻哋，依個湯飯唔值得推薦大家去食⋯⋯

今日同朋友收工約左去葵芳去蒸腳，蒸腳前我們係葵涌廣場食啲野先可以蒸腳，我地見到下雨天好多人食，坐位都好多，即入坐低見到餐牌好多選擇，花多眼亂，我決定食小鍋米線冬菇火腿貢丸，驟眼望冬菇都好多，朋友叫 魚蛋米線價錢都比較平民。味道不錯。

今日星期日冇咩野做，就訓左好來，一起身已經下午1：00幾，起身唔想自己煮野食，就落左去葵芳食小雨天，原來下午茶送野飲(冷/熱都可以不用加錢)，都幾抵下小雨天有飯同米線食，二種唔同選擇，可以適合唔同人黎食，我就選擇左食米線，如果食飯，晚上就太飽，返屋企晚餐就食唔到，我叫左雞翼小鍋米線(小辣)，有酸菜，肉碎，依2樣配料加埋米線食，味道好適合，酸酸辣辣咁，好開胃，雞翼肉質好結實，同埋唔知係未用左鹵水汁整，非常入味

滋補骨湯豬肝上海麵$45 呢度嘅豬潤冇咩特別驚喜 正正常常不過我幾鍾意佢個上海麵🙊其實質地有啲似米線 但浸落個骨湯湯底令啲米線食落幾creamy 同埋佢個份量好大碗！下午茶仲會免費送野飲

天氣炎熱，不想吃飯餐，突然想起由小吃到投身社會的小雨天，招牌小鍋米線，足料而且夠惹味，份量比其他同類食店多喔😏。今次例牌，招牌米線小辣，餸料必選豬腩肉！😍每次必點，因為份量多，有時什至鋪滿成個碗。上菜速度很快，湯底濃郁，他們的肉醬很多，很多肉粒，酸菜十分開胃口，感到油膩時，可以配上莞西韭菜一起吃。如果不想要肥腩肉，可以要求全瘦腩🥰但我比較重口味，所以半肥瘦很合我胃口，啖啖肉再加少許脂肪，入口溶化，有時肉太乾，一起吃更加滑！☺️而這次的凍檸茶比較好飲😂茶味很濃，之前食下午茶，不清楚是不是因為附送飲品的原因，沖得很淡，沒有什麼味道🤣

葵芳睇完戲 雖然套戲都幾刺激 但都不敵商場冷氣 所以決定搵熱食暖暖肚子 葵芳商場真的有好多好多既選擇 最後揀左呢間可放底慢慢暖胃既店舖《過橋米線》可自選餸 今次選了龍蝦丸 大腸 腸仔 因為有肉碎酸菜 所以湯底較深色 鹹度亦適中 龍蝦丸同腸仔同平時打邊爐餸菜無異 當中大腸 清潔很乾淨 可安心食用 亦醃得十分入味《骨湯紹菜魚皮餃上海麵》骨湯味較淡 但不至於是水 魚皮餃肉亦算新鮮 每顆都十分飽滿 挺滿足的 上海麵比米線口感更實在 挺爽口的人均不到$50 糧尾之選😂