小菜王 (福榮街)

前排經過睇到小菜王依然咁多人排隊，好耐未黎所以約埋朋友一齊試吓。間鋪D嘢真係好有鑊氣。入座落單之後仲同我講好快就有得食。🥢【醬爆田雞】田雞上台肉質非常肥美，醬味鎖入肉汁。咬一啖鹹香惹味，唔柴唔韌。細嫩有彈性，每一啖都feel到鮮美滑嫩，醬香甜同田雞夾埋味道有D層次。🥢【椒鹽九肚魚】魚身經過炸製後外皮酥脆爽口，內部魚肉保持原有風味，吃起來口感極佳，入口即化。同時本身九肚魚一開始含水量高，帶入椒鹽咸香到不得了。🥢【豆豉蒸鱔】魚味同豆豉、蒜蓉攪埋一齊，每一啖都有濃厚醬香和魚肉的鮮美。豆豉作為哩味餸嘅關鍵調料之一，其濃鬱嘅醬香帶埋豆豉顆粒飽滿有嚼頭，蒜蓉香脆同薑辛令人回味無窮。…查看更多

因為屋企人生日而佢又鍾意食大排檔，所以我哋今次就俾佢選擇，佢就揀咗深水埗依間餐廳。我哋去到嘅時候唔算10分多人因為分開咗三間舖，我哋叫咗幾個小菜，但係我哋最後嗌嘅梅菜扣肉我哋食完飯都未到我哋就話取消唔要。整體嘢食我覺得今次會比之前冇咁好食，而且好似係整定好快就嚟到同埋啲餸係偏凍身。肉排微微酸，配上沙律醬感覺不太好吃，可能因為餸菜凍咗嘅原因。金銀蛋菜係比較正常而且份量多。雞嘅感覺好似份量偏小，而且冇乜肉。另外個煲我就覺得偏鹹，價錢亦都好似感覺上比之前貴冇咁抵食。…查看更多

某月某日陪老友去買電腦，路過見一整列5間店，更有不少人在門口排隊，所以約定下次要一齊試。11月4日book了6pm開飯，可能一早預訂關係，提供的4人枱很闊落，我們叫了椒鹽魷魚、魚香茄子煲、XO醬炒翠玉瓜、小炒王、豉汁白鱔，再加兩碗白飯和兩支啤酒，食咗$789，唔算十分貴！朋友說魚香茄子煲不好吃，其他食物都不算驚為天人，只是一般般的大排檔水準。自攜酒水不會另收開瓶費，可惜現場唔提供冰塊，如要冰桶就要另購冰塊，即使order佢哋大支裝啤酒亦都冇冰，算係美中不足！餐廳好嘈，環境一般，仲見到有隻四腳蛇，但適合大班人聚會，因為d餸菜很大碟，吵吵鬧鬧、嘻嘻哈哈又一餐。…查看更多

探完住喺深水埗嘅朋友，諗起附近有間類似排檔嘅食肆～小菜王，今晚食佢！ 因為都九點幾，簡單啲叫三味就算。百花小棠菜椒鹽鮮魷咖喱海鮮炒飯首先到嘅係佢，椒鹽鮮魷，一擺低果陣鑊氣同味道就開始進攻我味蕾，我亦開始「進攻」佢，魷魚身唔硬唔韌，易咬，味道剛好。咖哩海鮮炒飯，好大碟，炒飯我最基本要求～啲飯一粒粒，唔油就得，佢仲要加埋鑊氣夠，咖哩嘅味道剛剛好，真係好出色，如果真係要「挑骨頭」，只能話「料」小啲，可能多啲「料」會更加好。最後一味，百花小棠菜，呢味之前朋友帶我嚟食過，印象深刻，所以今次特登叫返同推薦俾女友食，我對小棠菜真係無特別好感，但呢個煮法能另我對佢百份之二佰對佢改觀，出面層皮煎炸到好脆同香口，入面包有蝦滑嘅小棠菜經煎炸後變得彈牙有口感，跟本就無食菜呢個感覺～正！明明話想簡單啲食，結果因為佢嘅大碟，我哋只能完成「一半任務」，另一半唯有打包。呢類類似排檔嘅食肆真係唔多，食得嘅每區真係一間起二間止，所以大家有時間真係要幫襯多啲，食嘅係鑊氣食嘅係情懷。回頭度：8/10真係好味，呢啲味道唔係一般茶餐廳，冰室可以做到！…查看更多

返工手尾門出到嚟都七點幾，啲舊同事食住小食等。留咗隻八爪魚仔俾我，不過呢度啲八爪魚唔係平時食開嗰啲染色，食落都幾彈牙。另外靜咗少少中華沙律，呢樣冇評論都係交貨嘢。先叫咗個蒜蓉開邊蝦正常發揮基本上最鍾意食佢啲蒜，真係好香。基本上今晚最失望嘅係兩樣炸嘢。炸豬大腸又乾又柴，冇乜肉食。炸乳鴿太過火，有少少苦味。跟住轉一轉食返個豉汁蒸大鱔，呢個啲鮮肉係做得幾好夠爽脆。跟住又炒咗個芥蘭，個芥蘭太淋完全唔爽脆冇蒜味冇薑汁。後來有個同事來又鍾意食鱔，決定再嗌多一碟鱔，另外再加多個薑蔥蠔。個蠔薄薄一層粉漿包住，都係正常發揮，d蠔都幾飽滿。跟住加咗個風沙骨，粗略估計都有十粒不過骨多個肉。最好食都係風沙裏面啲腰果。希望下次聚會再嚟食嘅時候，冇今次咁大落差就好啦。…查看更多

兩年無黎，食物味道keep住好食😋😋😋，早兩晚同朋友經過深水場，見小菜王依然咁多人排隊，叫左幾碟小菜，炸大腸，依然好好味，面脆內軟👍🏽👍🏽，梅菜芥蘭都好好食，但要襯熱食，如果唔係芥蘭會變黃🤣🤣，薑蔥砵仔蠔，好香口，啲蠔隻隻都好大隻，炸子雞又好好味，啲皮脆卜卜，價錢又公道，食物夠晒鑊氣，大排檔味道，過左開心既一晚👍🏽👍🏽😅，多左幾間鋪頭，等位時間不太長。期待再涼多少少，再約三五知己黎食羊腩煲💪🏽💪🏽…查看更多

🤭 環境巨有街頭風味，室內環境尚算乾淨，勉強合格。🉑【 豉油王鵝腸 】 鵝腸超淋，「乸」得太犀利，無咬口，唔爽脆，豉油又唔入味，都以後唔會再叫呢度菜！【 椒鹽鮮魷 】 椒鹽鮮魷略嫌太大件，做唔到「一口一件」，要咬斷魷魚唔容易，不爽快，勝在炸粉夠薄，但不脆。【 酥炸桶蠔 】 極度邪惡，炸粉超薄，桶蠔肥美，時間控制非常完美，桶蠔非常甘香，下次一定要再叫！【 韭菜小炒王 】壓軸全場總冠軍，韭菜勁爽，腰果脆卜卜。菜甫鹹鹹地好惹味，蝦乾鹹鮮突出，豆膶配青椒一絕。總括小炒王超水準水平！【福建炒飯】都係太肚餓關係冇特別影相，係桶蠔隔張相可以見到少少。同酒樓食嘅福建炒飯冇分別，正常水平偏高。完！…查看更多

💬 一提起深水埗大排檔 必定會諗起小菜王，深得民心，價錢合理🤑【 小食拼盤 】 🐖 炸大腸、百花小棠菜、香燒豬頸肉、炸墨魚餅 🐙🥳 一次過滿足晒四個願望，用嚟送啤酒一流！🍻【 京都骨 】 🥢 經典中式甜酸醬加埋爽口洋蔥，豬扒酸酸甜甜，好好味！🧅【 霸王切雞 】 🐓 雞肉比較韌，冇乜肉食，最後發現冇雞胸 🤨 明明叫咗一隻雞，俾少咗啲部位 😫❌ 豉油調味一般，唔夠入味，以後唔會再叫呢道餸 😕【 上湯肥牛 】🐂 由於太肚餓關係冇影相，不過唔緊要，賣相都係一般 😂肥牛佳寶級數，配埋芽菜食清清地，不過不失 🈴…查看更多

來過很多次這裡吃飯，之前品質還不錯，這次來完全差評，時菜炒牛肉，牛肉完全嫩肉粉醃製，蔬菜裏吃到泥土，咸魚雞粒豆腐煲完全沒有味道，超級油，真的是吃到噁心了，再也不想來了…查看更多

我們四人，都是本地人，首次光顧這店。我們說本地話（粵語），和下單服務員沒有語言障碍。下單時，我們手拿店中供給客人的菜譜（即相片），點指菜譜中的“油浸旬殼”標價為$125 （見相片）給服務員，另加其他。下單後，結帳單並沒有即時打印給我們核對。如餐後離去時，給我們的結帳單中，“油浸旬殼”一項，變為"時價荀殼魚“收費$398，是菜譜上原價的三倍多！在我們抗議下，店員辯說給我們的是大魚。但事實是在下單時，服務員並沒有說給我們大魚，也沒有說荀殼魚是要收時價及時價是多少錢。…查看更多

第一去試結果中咗招，第一落單亞叔好似剛剛返工，炒蜆凍冇鑊氣😤炒斑水流流😇蒸頭腩又喊死人😫 椒鹽鮮魷粉又厚😫沙薑雞鹹死人😨😨蒜蓉炒通菜好似白灼🤯!!!! 價錢又貴又唔食咗乜嘢埋單仲要攞貼士🤬各位要去先考慮吓🥵…查看更多

7:00坐低落單下單時問侍應餐牌上$95各式炒粉、麵、飯有邊款，侍應問我想要咩？我回應瑤柱蛋白炒飯有無！侍應回應可以。7:25得支啤酒到咗，問問侍應有無留單？侍應回覆等等。7:40我出去問門口個男支客，40分鐘未有菜到，支客問我幾多號枱及叫咗咩菜就走咗去伙頭道，回來同我講叫我返位先個啫啫雞煲好快到，我回到位大約8:44個啫啫雞煲送到。首先講吓個啫啫雞煲，個味道完全唔得，得過咸味，豬膶仲多個雞，我叫雞煲唔知係咪豬膶用唔晒用埋落去。7:50個椒鹽豆腐送到。食到8:00，同個侍應講取消個瑤柱蛋白炒飯，侍應出去後一陣攞咗碟飯來，同佢講取消佢仲要去火伙炒碟飯來🤦又講吓個炒飯，又濕一d都唔乾身仲話小炒王又係好咸😑😑😑👎🏻👎🏻👎🏻難食到食唔晒🤮🤮🤮埋單個炒飯仲要收$105💸💸💸呢啲叫明碼實價🤦🤦無下次:(:(:(…查看更多

今日凍冰冰，夜晚同屋企去小菜王食飯。我地訂左位，如果唔訂位，可能就要等位。我地叫左羊肉煲，油浸旬殼，小炒王。羊肉煲份量大，味道幾好，食完之後叫左生菜淥，枝竹同生菜吸左湯汁，非常好味。油浸旬殼份量大，香脆可口。小炒王材料幾多，蝦乾大，有獲氣。…查看更多

椒鹽鮮魷 不過不失 粉漿裹得不均勻 不太脆口👌🏻咕嚕肉太酸 一放下就聞到刺鼻的醋酸味🙅🏻‍♀️肉碎蒸水蛋 有點蒸太久 蛋有點老👌🏻椒鹽九肚魚 非常嫩滑多汁👍🏻薑蔥炒牛肉 不過不失 牛肉都算嫩滑👌🏻吃了十多年 明顯感覺它退步中🙅🏻‍♀️…查看更多

今天一行五人到了小菜王吃飯, 叫咗十個餸同埋飲咗好多支啤酒汽水,我哋鐘意坐坐喺戶外方便喺度飲酒吹水, 朋友話星期六嚟食飯坐戶外都要預先訂枱先有, 而且我哋食咗好多嘢好飽,食淨仲打包, 餐飯食咗2個鐘頭…查看更多