小胖台灣便當 (偉華中心)

營業中

休息中

🚩小胖台灣便當晚餐我哋就諗住喺依間台灣餐廳買啲外賣返屋企食，餐廳用咗簡約嘅設計，位置都幾舒適嫁！〰️〰️〰️〰️〰️〰️〰️〰️〰️〰️〰️〰️〰️〰️〰️🌈萬華網烤牛肉便當 $84完全低估咗依個飯嘅份量，以為台灣菜通常都係細細碗，點知依度一上枱勁大兜！牛肉都有一啲烤過嘅痕跡，食落有好重黑椒嘅味道～份量都俾得好多，除咗牛肉之外，仲有蕃茄青瓜粟米同埋菜，好好葷素搭配！🌈台灣古早味烤豬肉便當 $70豬肉一啲肥嘅部份都冇，啱晒淨係鍾意食瘦肉嘅我！味道食落甜甜地，好好餸飯～豬肉份量大概有一件半左右，唔會話好厚身咬唔郁～🌈梅香脆地瓜 & 懷念鹽酥雞 +$12@1我哋跟餐加配左兩份小食，小食全部都係即叫即炸，好新鮮！梅香地瓜上面嘅話梅粉隻味好出，酸酸甜甜咁～鹽酥雞佢嘅炸粉又唔厚，拎到返屋企都仲好脆身！🌈芙香蘋果茶 & 熱金橘檸檬茶清新嘅綠茶底加埋蘋果嘅糖漿，飲上口就好似維他嘅蘋果綠茶🍵而金橘檸檬茶飲落好濃郁，完全唔係溝咗好多水嗰隻！食咗咁多煎炸嘢，飲番杯喉嚨都潤曬～

🤎小胖台灣便當 (沙田)🧸沙田沙田正街11-17號偉華中心2樓3B-3C號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️今日去咗近來好出名嘅小胖台灣便當🍱到買晚餐返屋企食，太多人介紹啦所以去開宜家傢俬買嘢就順便買埋！好地道嘅台灣菜餐廳，店舖裝修簡單，牆上有「一碗滿滿的幸福」的字句。直至我見到我地份外賣，就知道真係好幸福。常言道:食得是福❤️ 有咁大兜飯，對飯桶黎講係超超超超超幸福🤭-萬華網烤牛肉便當+梅香脆地瓜+熱柑橘檸檬茶 $84網烤牛肉份量頗多，廚師刀工好好，每片牛肉厚薄大少適中😘烤得岩岩好之餘，牛味亦仍然鎖在肉內。一咬落去就會有肉汁浸出黎😚梅香脆地瓜就不得了🤩梅子粉成兜都係絕不吝嗇😝地瓜好甜，外脆肉軟，正宗台灣脆地瓜🍠柑橘同埋檸檬味各自調製得幾好，唔會有搶味嘅情況😆酸酸甜甜非常解滯。-逢甲香烤豬軟骨便當+九層搭雞翼2隻+芙香蘋果茶 $84份量超級多‼️豬軟骨、粟米、蘿蔔絲、酸瓜舖滿半個外賣包裝盒😍豬軟骨醃製得味道剛好，唔會太鹹👍🏻豬質嫩滑無比，軟腍腍，拎黎撈飯勁似滷肉飯嘅味道😝九層塔雞翼嘅外皮超級香脆可口，鹹度剛好🤩好想追住嚟食！-台灣古早味烤豬肉便當+懷念鹽酥雞+芙香蘋果茶 $

逢甲香烤豬軟骨🍱豬軟骨最緊要炆得夠林，要咬到小小軟骨先最正，佢地能夠做到👍🏻醬汁又濃又香撈飯一流，配埋白蘿蔔、粟米同蔬菜等。萬華網烤牛肉🍱牛肉一件件，烤過嘅牛肉特別香，牛肉味更加提升到，加左小小芝麻仲正，便當真係又方便又好味😋九層塔雞翼🍴聽個名就知香口野啦⋯⋯炸到脆卜卜，九層塔味道又正，小食一流。懷念鹽酥雞🍴好掛念係台灣食鹽酥雞的日子，佢地整得好香脆，好有台灣風味。日本焙茶🫖甘甜味濃。芙香蘋果茶🫖清新果香。

鍾意食台灣嘢嘅我，當然要買台灣外賣回家。沙田就新開了一間台灣便當/麵專門店，晚上都有好多人喺出面等食。B2 逢甲香烤豬軟骨便當$84+日本培茶追加小食：懷念鹽酥雞（+ $ 12）N1 萬華網烤牛肉湯麵$84+ 茉香蘋果茶追加小食：台灣涼拌豬耳（+ $ 12）首先值得一讚嘅係成個湯麵分湯，成個牛肉都係分開。講下逢甲香烤豬軟骨便當先，裏面有好多豬軟骨，好入味，另外啲肉亦都夠林。其他配料例如粟米、菜、雲耳、粉絲等等，入味又好食。而萬華網烤牛肉湯麵湯麵幼身有彈性好有台灣風味，牛肉入味之餘口感唔韌，湯底具有鹹香。另外再加上鹽酥雞+涼拌豬耳，多咗好多餸菜，髯鬚雞鹹香但不是死咸；涼拌豬耳香而不辣。飲品方面原來有甜和原味茶，茉香蘋果茶甜香，日本培茶則純香原味。回到家慢慢嘆，安全又美味！

餐廳鄰近沙田鐵路站非常方便就去到餐廳主要提供各款台式便當價格十分親民食物質素亦好高👍🔸逢甲香烤豬軟骨便當 $72個豬軟骨好大份又炆得好淋好入味，醬汁甜甜地好惹味！🔸士林鹽酥大雞腿便當 $62鹽酥雞腿超大塊，真係好吸睛，好有台灣夜市風味。雞腿炸得好蘇脆，肉質亦都好嫩滑，非常高質。配埋便當嘅配茶一齊食非常夾🤩🔸台灣涼拌豬耳 $12豬耳少少辣，爽口又香濃，依加天氣熱左食呢款涼拌最開胃！🔸梅香脆地瓜 $12好脆口，有陣陣梅香味😆🔸油切綠茶綠茶🍵有清香花味，飲落好清新！叫主食包埋飲品好抵！🔸日本焙茶就連茶都好出色！有自家製樽裝住，焐茶味香濃，啱晒消濟！

______________________________〰️ 三杯蜜汁烤雞排 $𝟱𝟴呢個烤雞扒真係不得了 份量好足好大件之餘食落雞肉好嫩滑 外層搽上蜜汁 烤得好香口另外仲有好多配菜 粟米粒•紅蘿蔔•蓮藕•蛋餅配菜都好香甜 而且蓮藕同紅蘿蔔都好爽口!真心推介呢個蜜汁炸雞扒 食到舔舔脷😛🤟🏿〰️ 萬華網烤便當 $𝟳𝟮另一款就叫咗牛肉! 牛肉嘅份量都唔少 切成一件件牛肉牛味幾濃郁 食落亦都好淋好軟熟呢款我哋仲額外加$12左 轉做滷肉飯 滷肉好香亦都唔會太過油膩 撈飯食一流另外佢哋嘅便當份量都好大 真心抵食🤣< 叫便當的話 另外仲有五款小食可以追加 >〰️ 梅香脆地瓜 梅粉地瓜係我喺台灣最愛嘅小食!! 香港真係好少地方會有 見到即刻追加🥲❤️好彩味道都完全唔會失望 仲好高質！地瓜好甜而且食落好綿🥲 外層炸到脆卜卜再灑上酸酸甜甜嘅梅香粉 真係不得了🥲❤️〰️ 鹽酥雞另外一款小食就揀咗鹽酥雞同樣炸得香脆 雞肉好滑好香口 調味剛剛好🤟🏿

可能早黎呀七點前黎到唔駛等位呀STAFF指引ORDER左野食先入座呀點左~烤豬肉湯麵轉麻辣湯湯底有驚喜呀唔會話好油但又幾香少少麻忍唔住飲左兩啖湯呀烤豬肉就切到一條條咁同平時食開豬肉口感有D唔同呀下次可能試雞肶肉呀~雞扒便當飯好多呀哈哈好大份雞扒正常仲有D蔬菜伴埋一齊~麻辣鴨血呢個似麻辣麵個湯所以都鍾意鴨血大大件都算入味同滑

📍小胖台灣便當 (沙田)🖇沙田沙田正街11-17號偉華中心2樓3B-3C號舖————————————————好耐都冇得去旅行🥹好掛住台灣夜市，見到台式便當即刻去買尼試下🤍.士林鹽酥大雞腿便當🍱（$62）雞腿是新鮮炸起，配上脆炸外皮，肉質偏爽彈，但少少偏鹹🫣 便當配有不同配料，有粒粒香甜粟米🌽，爽口的青瓜片及蘿蔔絲作配搭，口感十分豐富。⭐️(可配飲品：冷泡綠茶🍵或培茶🧉)⭐️.三杯蜜汁烤雞排台式手工麵🍗（$58）烤雞扒是另外上的，附帶蜜汁令肉質嫩滑帶甜味，適合配上麵條一起吃用🫠🥳而湯底偏向豬骨湯類型，但整體偏鹹和略為味精，下次會試下麻辣湯底😎🤪.追加小食（加$12）1.梅香脆地瓜（推薦🌟）2.懷念鹽酥雞.————————————————好食指數🌟：7.5/10儀式感指數😎：7/10性價比指數😍: 8/10.🄲🄰🅃🄴🄶🄾🅁🅈#ʟᴏᴄᴋʟᴜɴᴊᴏʀ_台灣菜🄻🄾🄲🄰🅃🄸🄾🄽#ʟᴏᴄᴋʟᴜɴᴊᴏʀ_沙田

喺呢間鋪度食過幾次，由於想慳錢所以揀咗最平嘅餐嚟食，尤其中意佢嘅古早味烤豬肉便當😍😍聽到「古早味」已經覺得好吸引🤤佢嘅醬汁味道非常香同惹味，烤豬肉幾腍，可惜豬肉有啲少，但好在其他配料同米飯好充足，有蓮藕、蛋角、雜菜等等，我特別中意佢嘅蓮藕，好爽脆而且香口，好適合送飯，食到好飽都仲想繼續食😋另外，除左便當之外，跟餐仲可以揀一樽飲品，我揀左芙香蘋果綠茶。btw 飲品嗰個樽好靚，有啲唔捨得掉😅鋪頭裝修得幾靚，但可惜我去嘅時候因爲疫情餐廳冇堂食，所以只能夠買外賣。

放假諗唔到中午食咩，去咗小胖買外賣😊🔸逢甲香烤豬軟骨便當 $72，加南部滷肉飯 $12 ▪️便當入面有好多配菜，青菜，蛋角等等👍🏻 鋪到滿一滿😆豬軟骨煮得軟淋入味，正👍🏻👍🏻滷肉飯入面既豬肉肥瘦適中，滿滿既油香味道🤤🔸追加小食：梅香脆地瓜 $12▪️喺台灣住嘅時候已經好鍾意食炸地瓜😄😄今次終於可以回味一下❤️❤️ 外脆內軟，梅粉酸酸甜甜👍🏻🔸台灣鐵路大排骨便當 $62，加南部滷肉飯 $12 ▪️排骨食落味道香濃，啖啖都係肉😋 加埋大量配菜，非常滿足👍🏻🔸追加小食：懷念鹽酥雞 $12▪️鹽酥雞炸得非常香口，入面嘅肉依然嫩滑👍🏻真係懷念嘅味道啊😆😆便當仲附冷泡茶，揀咗油切綠茶同埋日本培茶💕兩款都好清新又解滯🙌🏻🙌🏻性價比高既一餐，兩個人食到好飽飽😆😆😆

小胖台灣便當係快餐形式先買後用餐，但係食物質素相當高，而且每一個細節位都好用心🥰#小胖遊沙田🐠 —————————————————🔹士林鹽酥大雞腿便當 $62超級好食😋 熱辣辣炸鹽酥雞髀🍗大隻過我個拳頭👊🏻好細心切好2嚿方便食，一咬落去係雞皮酥脆✨充滿油香，肉嫩Juicy💦充滿椒鹽味，食肉獸絕對係大滿足🤪🔹萬華網烤牛肉便當 $72牛肉烤得香而嫩，完全唔會韌，一塊塊肉比較薄同份量少，但相對無咁油膩heavy👌🏽以上兩款便當都有超多飯🍚，是日配菜有青瓜🥒、蘿蔔🥕、木耳、粟米🌽、小棠菜🥬、炒粉絲、蛋餅🍳，全部都調味得唔錯，仲好colorful同豐富~👉🏻跟餐附送冷泡茶🔹日本焙茶🔹油切綠茶足足有550 ml，真係夠大枝，雪得夠凍🧊，焙茶係有濃濃嘅焙炭香，綠茶相對就比較清新🌱，兩款都好飲！—————————————————🧜🏻‍♂️口水度：🌕🌕🌕🌕🌘🤑性價比：🌕🌕🌕🌕🌖🧚🏻‍♀️打卡值：🌕🌕🌕🌘🌑🥰舒適度：🌕🌕🌕🌗🌑👅回頭率：🌕🌕🌕🌕🌗.♟Overall♟真係大件夾抵食，份量慷慨，絕對係食得飽又唔馬虎🤰🏻一解無得去台灣旅行🧳之苦✈️雖然用即棄餐具，但係餐具明顯係高質都，你試過就會明，連隔離枱嘅阿叔都忍

❤一間餐廳要經營得有聲有色✅食物質素要高、價錢要抵食😋就係令人願意回訪最重要嘅因素👍而呢間小胖台灣便當 CHUBBY BENTO有嘅條件就係值得我再回訪嘅原因喇😋👍今次買嘅外賣佢哋一樣可以保持上次咁好嘅水準👍而我今次就試埋佢另外兩款便當🍱結果同樣係咁出色🥳一定會繼續支持呢間有質素嘅小店🥰💪🐂萬華網烤牛肉便當 $84❤外賣都🈶️咁大份👍牛肉分量超多🐂而且一啲都唔會「鞋颯颯」添😋白飯夠軟熟👍配菜仲有蓮藕🥳上次食唔到呢個飯😋今日終於試到啦✅超贊呀🥢 小食就揀咗「懷念鹽酥雞」🐔飲品就揀咗「油切綠茶」🍵都係超正呀😋🈵️🐷台灣鐵路大排骨便當$74今次係第一次食呢個「台灣鐵路大排骨便當」 🐔 佢啲套餐真係好抵食😋好夠大碗🥣排骨肉汁豐富🔥而且仲好好送飯😄不得不提，碗飯有好多蔬菜做伴菜🥬🈵️超正。🥢小食我就揀咗「香蔥油燙青菜」🔥飲品我就揀咗「日本焙茶」☕️呢個價錢有咁多野食嘅套餐❤性價高回頭率極高👍

經朋友介紹～沙田呢間特色台灣便當🍱 佢嘅logo真係好可愛🤣 好似真係食得好幸福咁😆 基於好奇心，所以襯放工去沙田買啲外賣返屋企😋 台灣鐵路大排骨因為太想食台灣嘅鐵路便當，所以就揀咗呢款😆 佢啲份量都幾足，而且切好晒方便進食，係幾貼心👍🏻 醃好咗嘅排骨食落去咸香味濃，而且佢都有唔少配菜，營養都幾均衡😆 食晒成個飯都唔會有罪惡咁好滿足😆逢甲香烤豬軟骨呢款入面都有唔少配菜，仲有蛋角！豬軟骨都算腍，又有口感👍🏻而且好入味，充滿甜醬油味👏🏻 食落去真係好惹味😋 追加小食：懷念鹽酥雞佢台灣咁出名就梗係必食啦！ 鹽酥雞唔會炸到好乾，都仲係juicy 😆 係會令人想加多幾份😆追加小食：梅香脆地瓜香甜嘅地瓜加咗梅子粉～真係台灣嘅味道🥹 份量都幾多下，配埋便當，飽足感滿分💯油切綠茶可能因為係冷泡茶嘅緣故，飲落去一啲都唔澀，仲多咗浸茶葉嘅清香🍃 食飽咗嘢飲幾啖就可以食多幾啖😆日本焙茶飲落去好清新， 飲完之後喺喉嚨會慢慢回香🍃 冷泡茶冇得輸😆

呢間係朋友推薦，食完又真係覺得唔錯！三杯蜜汁烤雞扒便當（$5️⃣8️⃣）佢可以配埋支裝冷泡茶，本身嗰日想試茉香蘋果茶🥺，但好可惜冇，唯有叫綠茶飲，都幾大枝。呢個雞扒便當拎上手感覺份量好多😌，佢除咗有一塊大雞扒，仲有啲配菜。粉絲、粟米同埋菜甫蛋！粉絲炒得好入味，菜甫蛋都好正🙈，呢兩個配菜都好好食。不過我真心推薦佢塊雞扒，因為佢真係啲肉係好嫩滑，甜甜地好夠味！50幾蚊一個餐性價比真係幾高。台灣鐵路大排骨便當（$6️⃣2️⃣）佢嘅配菜同雞扒一樣，肉嘅份量都幾多下！其實我幾鍾意呢一款排骨，因為食落去冇咩肥肉，但係佢啲肉瘦得來唔會乾柴，仲係保留到肉汁。呢個我都覺得值得食，幾有驚喜。鹽酥雞（+$1️⃣2️⃣）另外套餐加$12有一款小食，通常我都一定揀鹽酥雞🤣。大概有7，8粒左右，粉唔會太厚，肉又唔會太乾冇汁，都唔錯。梅香烤地瓜（+$1️⃣2️⃣）平時呢係一條條，佢係一粒粒更方便。地瓜好淋好甜，同酸酸地嘅梅粉一齊食好夾，基本上我叫小食都一定叫呢個🤣，超級鍾意食番薯。其實我覺得整體質素都好滿意，價錢又唔貴，份量十足。同埋佢啲配菜都好好食😋，感覺上試咗好多嘢！

最近好想食台灣菜，發現沙田有一間新開的台灣便當店，外賣也人山人海，就試吓買外賣回家吃。叫咗兩款套餐，再追加左兩款小食！B1 萬華網烤牛肉便當$ 84茉莉蘋果茶追加小食：九層塔雞翼（2隻）裏面嘅牛肉唔會韌，仲好入味，鹹香十足，裏面亦都有唔同嘅配料例如小棠菜，蔥炒蛋，雲耳等等，口感豐富而且清新，夠晒飽又唔會dry。N3 士林鹽酥大雞腿湯麵 $74日本烘茶追加小食：台灣涼拌豬耳呢個雞腿超好食，好香嘅鹽酥味，鹹香十足而且裏面仲保持應有水份，同湯麵係好夾！仲有涼拌豬耳唔辣，又爽脆，唔辣。飲品方面都好特別，茉莉蘋果茶甜甜地比較清香，而日本烘茶比較重味少少無糖，都好香濃㗎！