小肥肥

今日去開新蒲崗覓食，俾我撞正呢間小肥肥，試咗佢哋嘅肉燥擔擔麵，真係有驚喜！一上枱已經聞到超香嘅麻醬同花生香！麵底揀咗幼身拉麵，掛湯能力一流～肉燥嘅肥瘦比例啱啱好，炒得香口得嚟又唔會太油膩。最正係佢個湯底，濃稠度剛剛好，唔會太稀或者太杰，飲到香濃嘅芝麻同花生味，仲有微微嘅麻辣後勁，食完成個口都係餘香！配料都好足料，有爽脆嘅青瓜絲同花生碎，增加咗唔同層次嘅口感。我仲加咗隻溏心蛋，流心效果完美，同個麵真係絕配！雖然舖頭細細，但係食物水準絕對拍得住啲出名嘅麵店！而且價錢親民，六十蚊有找就食到咁高質素嘅擔擔麵，真心抵食。…查看更多

呢間係接受唔到嘅上海菜，真係好失望。本身啲位已經好窄，坐得好唔舒服。上海粗炒，居然仲要喺本人冇加豆瓣醬嘅情況之下，本身有一啲不明不白嘅辣味，好似落錯調味料咁，好難食；啲上海面仲要口感食得好辛苦。酸辣湯又係唔酸唔辣，唔知飲咗咩，稠到好似黏液咁粉皮好鞋，麻醬太甜，心諗咩事。排骨擔擔麵，啲排骨得骨同炸漿，乾曾曾，又係失敗之作。講真，深水埗有另一間上海嘢，老闆有禮貌啲，位又闊落啲，冇必要喺新蒲崗食到成肚氣。…查看更多

發現咗呢間小肥肥點心店，試咗兩款招牌點心，真心要同大家分享呢個驚喜！首先係招牌小籠包～ 一籠四隻，皮薄得嚟唔易穿，夾起嚟仲見到入面盪漾嘅湯汁！輕輕咬開個小口，啲熱辣辣嘅湯汁即刻湧出嚟，鮮甜得嚟唔油膩。豬肉餡料剁得夠細，仲有少少薑蔥香氣，水準拍得住連鎖店，絕對係誠意之作！另一款芝士拉絲香煎包真係邪惡到爆！外層煎到金黃香脆，面頭灑咗啲白芝麻，一撕開真係不得了～ 芝士多到拉絲拉到成尺長！芝士味濃郁帶鹹香，配埋鬆軟嘅包身同香脆底面，口感層次豐富到呢！雖然知道熱量爆燈，但真係忍唔住食咗兩大件！兩款點心都係即叫即蒸即煎，上枱時熱辣辣。環境雖然唔算豪華，但乾淨企理，價錢親民，食到好滿足。…查看更多

小肥肥 （26/11/2025）小肥肥啲食物一啲都唔肥，新鮮製造，人手製作，即包即煮，又耐心煮俾你食，真係樣樣好味好食，仲聽到客人讚賞小肥肥。🌟蟹粉小籠包皮薄而富有韌性，用筷子夾起時能感受到內裡湯汁的重量與晃動，入口時，先是麵皮的軟Q，咬破的瞬間，滾燙的湯汁瞬間湧出，內餡鮮嫩滑潤，豬肉餡的鮮美與蟹粉獨特的濃郁海鮮風味完美結合，湯汁鮮甜不膩，帶有薑絲的微微辛香，非常美味。🌟爆汁生煎包生煎包口感更為豐富，底部煎得金黃酥脆，麵皮上半部則鬆軟帶有嚼勁，咬下時務必小心，因為內藏的湯汁會「爆」出，肉餡緊實多汁，餡料味道濃厚，充滿醬香和肉香，湯汁油潤豐腴，仲撒上芝麻和蔥花，增添堅果香氣和蔥香，吃起來非常過癮。🌟菜肉大雲吞雲吞皮滑嫩，雖大但皮薄，容易入口，內餡非常飽滿，能同時吃到豬肉的顆粒感和蔬菜的爽脆感，口感紮實中帶有清爽，菜與肉的組合均衡，肉的鮮美與蔬菜的清甜交融在一起，湯頭清澈鮮美，鹹香風味。🌟蒜泥白肉五花肉片得薄而均勻，肥瘦相間，肥肉部分入口即化，瘦肉部分軟嫩不柴，口感豐腴滑潤，大量的蒜泥帶來些許顆粒感，蒜泥的辛辣霸道是絕對主角，這道菜味道濃烈，能完美凸顯豬肉本身的鮮美。🌟鎮江水晶餚肉這道菜的口感極具特色，肉凍部分晶瑩剔透、入口即化，如同果凍般冰涼滑嫩，瘦肉部分則緊實鹹香，肥肉部分已然融化，帶來潤澤感。整體口感層次分明，涼爽嫩滑，鹹鮮味美，搭配鎮江醋和細薑絲一同食用，醋的酸爽與薑的辛辣，讓味道清爽起來。🌟青瓜絲拌海蜇海蜇頭口感爽脆彈牙，嚼起來會發出「嗦嗦」的聲音，青瓜絲則十分清脆多汁，兩者結合，創造出無比清爽開胃的齒頰享受，味道以酸、甜、鹹為主，醋的酸香、糖的微甜、醬油的鹹鮮，再加上麻油的香氣，味道清新醒神，非常解膩。🌟雞絲伴粉皮綠豆粉皮光滑、透亮、軟滑而帶有彈性，幾乎是「滑」入喉中，雞絲絲絲分明，口感軟嫩不柴，口感清爽滑順，醬汁味道香濃醇厚，芝麻醬的堅果香氣與蒜泥的辛香完美融合，鹹中帶酸，非常開胃。🌟蒜蓉蝦春卷外皮極度酥脆，一咬即碎，發出清脆的聲響，內餡是完整的蝦仁或蝦泥，口感彈牙爽滑，與脆皮形成強烈對比，蒜蓉的顆粒感有時也能帶來驚喜，濃郁的蒜香是主角，伴隨著蝦仁的鮮甜，油炸的香氣非常誘人，味道可口。🌟豆沙鍋餅外皮煎得香脆，帶有焦香，邊緣處尤其酥脆，內裡的豆沙餡則綿密細滑、溫熱軟糯，外脆內軟，口感對比強烈，紅豆天然的清甜和香氣，不會過於甜膩，麵皮經油煎後散發出的焦香與豆沙的甜味結合，是完美的甜品收尾。…查看更多

講起「小肥肥」，唔好以為係動畫嗰隻啊！呢間喺景福街嘅小店，絕對係街坊至愛嘅飯堂嚟㗎。鋪面唔算好大，但係嘢食夠晒「抵食夹大件」，味道仲要好有鑊氣，唔怪得知成日未到飯點就已經有人排隊等位啦！必食之選，首推佢哋個回鍋肉老上海粗炒！聽到個名係咪覺得有啲「撈亂骨頭」？四川回鍋肉混合上海粗炒？咪住，試過就知係神來之筆！佢哋嘅粗炒麵條夠晒煙韌，咬落有嚼勁，鑊氣十足。面頭鋪滿咗香辣惹味嘅回鍋肉，半肥瘦嘅五花肉炒到微微捲起，帶少少焦香，啲油香同醬汁掛晒喺粗炒上面，撈勻嚟食，真係邪惡到極點，但又忍唔住一啖接一啖，食到「舐舐脷」！另一個不能錯過嘅就係紅油抄手！佢哋嘅抄手隻隻都包到脹卜卜，皮薄餡多，豬肉餡好鮮味。重點係個靈魂紅油汁，香、麻、辣嘅層次好分明，唔會死辣，食落仲有少少酸甜味吊一吊，非常開胃。撈勻啲芝麻同蔥花一齊食，真係「冇得輸」！總括嚟講，「小肥肥」呢啲地道小店，冇華麗裝修，但就有實而不華、誠意滿分嘅好滋味。…查看更多

在新蒲崗的“小肥肥，世一生煎包”，我体验了一场美食盛宴。首先，生煎包外皮金黄酥脆，内馅鲜美多汁，咀嚼时还伴随着浓厚的肉汁，令人陶醉。而且只係hkd36/四個，非常值❤️❤️❤️蟹粉小笼包的薄皮透明，蟹肉鲜香四溢，搭配一小碟姜丝醋，更是提升了口感，值得一試👍此外，鮮蝦春卷则外脆内嫩，搭配醋，丰富了味道层次。雞絲粉皮，凉菜中的黄瓜丝清爽可口，搭配花生酱，佐餐相得益彰。最后，排骨擔擔麵，麻辣面汤底浓郁，香气扑鼻，面条Q弹，恰到好处的辛辣感令人回味无穷。总的来说，菜品新鲜美味，环境舒适，服务周到，强烈推荐给喜爱中式点心的朋友们！这顿饭五個小食，一個主食，加兩杯豆漿也只需313元，性价比极高！🫶🫶🫶…查看更多

招牌小籠包呢個小籠包真係招牌之作，外皮薄而有彈性，咬落去首先感受到嘅係皮嘅韌性，然後就係裡面嘅鮮肉餡，汁水充盈，肉質鮮嫩，絕對唔會乾。配搭上醋和薑絲，味道平衡得剛剛好，酸酸辣辣嘅感覺，真係一啖接一啖，根本停唔到手！青瓜絲拌海蜇呢道小菜做得非常清新可口，青瓜絲切得薄薄嘅，口感脆爽，海蜇嘅爽滑感同青瓜形成咗好嘅對比。輕輕拌上自家製嘅醋汁，味道唔會過於重，反而帶出咗海蜇嘅鮮味，食完之後，令人心情好輕鬆，特別適合夏天食。排骨擔擔麵呢碗擔擔麵真係一絕！排骨經過慢火煮嘅，肉質十分嫩滑，口感非常好。麵條滑順，吸收咗濃郁嘅花生醬，香味四溢，令人忍唔住多食幾口。整碗麵嘅味道有一種濃厚但唔膩嘅感覺，真係好適合一餐飽餐！老上海粗炒呢道菜色香味俱全，粗炒嘅米粉炒得非常好，麵條吸收咗所有調味料，炒得均勻，唔會太油膩。配料方面，蔬菜嘅鮮味同肉類嘅香味相輔相成，口感層次分明，每一口都令人驚喜，真係一碗好下飯嘅菜，食完心滿意足！爆汁生煎包呢個生煎包外面金黃脆口，咬落去就會有湯汁爆出，味道豐富，肉餡調味得非常好，唔會太鹹，配上少少辣醬，味道更加突出，令人回味無窮。每一隻都係精緻之作。…查看更多

同事話我知公司附近新開咗間食上海野嘅「小肥肥」，趁住開完會就去試下先😆店家主打招牌生煎包同小籠包，仲有上海菜飯、麵食、雲吞、小食同甜品等等，人均只係需要百零蚊就可以食到咁高質嘅上海菜，午市同下午茶更加抵食，以後食lunch又多一個好地方👍🏻青瓜絲拌海蜇爽脆嘅青瓜絲加上Q彈爽口嘅海蜇，入口清涼透心，夏天最啱食返個清爽嘅前菜開下胃爆汁生煎包必食👍🏻👍🏻👍🏻店員送上枱時熱辣辣，食嘅時候要小心裏面嘅湯汁，先咬開一小口飲啖湯汁，裏面嘅肉湯非常鮮甜，生煎包底部香脆，包身部份鬆軟，豬肉嘅份量十足，完全可以媲美上海嘅生煎包招牌小籠包推介👍🏻👍🏻👍🏻店家嘅另一道招牌出品，即叫即蒸嘅小籠包皮薄剔透，可以見到入邊充滿湯汁，夾起時亦唔會穿，製作小籠包嘅師傅功架十足，鮮味嘅湯汁加豬肉令味道層次更加提升，高水準嘅小籠包👍🏻回鍋肉老上海粗炒大大碟好足料，上海菜嘅口味一向都係濃油赤醬，呢碟回鍋肉粗炒正正就啱晒我嘅口味，濃郁嘅醬油味道加上少少辣食落去會更加惹味，回鍋肉用上半肥瘦嘅豬腩片，入口會更加軟腍入味，再加上各種配菜：青椒、紅椒、椰菜可以平衡返濃味嘅粗炒菜肉雲吞湯麵菜肉雲吞又薄又滑，餡料飽滿，用豬肉混入青菜味道清爽鮮味，湯底嘅味道比較清，我就會加入豆瓣醬調味😋咸鮮味道即刻出晒黎，正宗上海風味👍🏻📍小肥肥 (新蒲崗)新蒲崗景福街63號地舖人均消費：$120食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…查看更多

近來新浦崗進駐不少食店，小肥肥也是新店，以上海食物為主，名物生煎包。點了排骨擔擔麵，追加酸辣湯。除了生煎包不錯外，其它的可謂勉強。排骨擔擔麵，炸排骨雪味重，炸衣過厚，油温不夠，入口油膩。酸辣湯硬酸硬辣，各種味道卻又不能混和，只可說是味水，最簡單食物卻最難吃。擔擔麵只是連鎖店出品，味道材料也只是很一般。還有所有飲品也是外來加工樽重飲品，我不明白為何可隨街可買的卻要再此飲用。這裡只可說吃過就算。…查看更多

今日朋友帶我去左一間全人手製作的上海菜，價錢平民之餘，絕不馬虎🌈小籠包絕對爆汁👍🏻肉嫩口，而且皮薄，口感很好🫶🏼蒜蓉蝦春卷🦐鮮炸脆口🦐咬到有啖啖鮮蝦肉🦐真材實料🦐紅油抄手辣得來好有椒麻味🌶️👍🏻唔係淨係出面上海店平時整個d辣椒油個隻死辣🌶️後勁凌厲👍🏻四川招牌擔擔麵🍜必點同私心MVP😍辣度可以同店員講聲，叫左小辣，擔擔醬係師傅自家製調校的👍🏻特別的味道👍🏻唔同出面平時食個d🫶🏼食落去濃烈得來又唔會漏，平時食半碗就會好滯，我竟然可以食晒成碗真係好味😋 🤩招牌生煎包🥠都係必點👍🏻要咬細細個窿先，因為生煎包比起小籠包超級超級爆汁😋之後再慢慢飲佢既湯😋超正😋本身諗住淨係叫一人一個驚太飽，好彩最後叫 左四個，因為食一個真係唔夠喉😋 最後叫埋甜品豆沙鍋餅滿足又甜美了🥰小店黎講，呢個價錢加呢個質素，一定會經常黎朝聖😋👍🏻🥰…查看更多

小肥肥生煎包和排骨菜飯點了小肥肥生煎包和排骨菜飯，挺抵食的。首先生煎包是招牌，必試以示尊重。單看外觀便覺得不錯，首先打開盒便香氣撲鼻。看到包得很漂亮，皺摺相當公整清晰整齊，好感度已經很高， 再看其底部，是金黃色的，沒有燶，只聞到香氣，已經食欲大開。雖然見到煎痕，但沒有油膩的感覺，吃起來亦不會一口油，吸油功夫做得到位，很好。包皮和肉餡比例適中，包皮有咬口，軟熟，不過韌，包餡有肉汁，不會乾爭爭，吃出生煎到位的感覺。吃了這款精美小食，已經胃口大開，排骨菜飯也好吃。菜飯和排骨分開放，很細心。菜飯中的菜仍是鮮綠色，很新鮮沒有發黃。排骨炸得甘香，但不乾，亦很乾爽不油膩，相當成功。醃味恰到好處，吃出新鮮的豬肉味，很好吃。…查看更多

此店在新蒲崗呢個新食城，落戶不久但憑一個爆汁生煎包，迅刻爆紅，成為此區必食名氣食物之一。7月21日揾食肥華就約定靚媽，收工後到此店，食佢嗰個抵食下午茶餐，目標當然就喺嗰爆汁生煎包。今餐肥華，在此店食到嘅食物評語(一)爆汁生煎包，個包煎得夠香夠脆，包内汁液甚多加上熱度十足，鎮店起朶名物，果然喺神仙放屁，同凡嚮呀。(二)招牌小籠包，湯汁少，做唔到有盪韆鞦嘅效果，包内餡料味道又唔突出，加上欠缺食小籠包應有熱度此包令人失望，枉負招牌之名。(三)排骨湯麵，件排骨甚得，個上海湯麵個湯底和麵條，水準不俗值得一試。(四)老上海粗炒，配料不多，味道平平，講好食冇佢份話難食又唔到佢，唯一優點勝在喺即炒夠熱。總結嚟此店一定要食多兩個，爆汁生煎包，其他食品祇可淺嚐。此餐值⭐️⭐️⭐️⭐️…查看更多

🏬<小肥肥>📍新蒲崗景福街63號地舖用餐人數：1有去過新蒲崗嘅人都知道呢度有好多嘢食時不時就有一啲新開嘅店 小肥肥就係其中一間 鍾意試新嘢嘅我都唔執輸入黎試下😚🔔溫馨提示 因為新鮮出爐 大家要小心熱🥵▪️爆汁生煎包（2隻）$20📌強烈推薦！呢個生煎包非常有水準 會見到佢個底煎金黃 食落好香脆～ 同埋唔知係咪因為煎過嘅關係 食落去有種麵粉獨有甜甜地嘅味道 加上入邊真係好多湯汁同埋啖啖肉食落好過癮😆 ▪️招牌小籠包$40我覺得呢一個小籠包最特別嘅地方係佢嘅配料係有薑絲 因為我第一次食小籠包係會配薑絲 咁我就上網去搵原來呢個食法都好普遍 點薑絲醋 薑絲可以突出小籠包嘅鮮味而醋就可以解膩 呢個小籠包都好多汁😋…查看更多

有時候都好鍾意發掘下民間新嘅小店新開咗呢間 小肥肥 裝修乾淨企理 聽個名都唔知係食上海嘢 對面正係mikiki 商場parking 入口位一啲都唔難下午茶時間去勁多人啊！見到師傅係廚房人手製作 即包即煮 呢一間小店都真係唔話得樣樣野都好食 最鍾意佢哋嘅小籠包同生煎包 皮薄餡靚 多汁好食見着師傅喺裏面人手整 新鮮好食面嘅份量好多 上海幼麵 非常健康春卷炸到脆卜卜 裏面啲料到粒粒分明擔擔麵同埋酸辣湯都係正常發揮 $50-60就可以喺咁方便嘅地舖食到飽飽又坐得乾淨舒服下次大家經過都可以去試吓‼️生煎包濺出熱湯‼️食法 ： 生煎包咬一細口，小心熱咀啜湯汁食法：用筷子輕力開窿，小心熱再啜熱湯🤍老上海粗炒 $52 +🤍雞絲粉皮支裝豆漿$2🤍爆汁生煎包(4隻) $36真係又熱又多汁 🤍招牌小籠包(4隻) $40皮薄餡靚！ 🤍菜肉雲吞湯麵+春捲2條 $48 忌廉$3⭐️下午茶餐 2:30-5:30 。平均都係$50左右。有主食，有小食，有飲品 。⭐️加$16/$18 可追加 爆汁生煎包2粒 / 招牌小籠包2粒…查看更多

新蒲崗景褔街成日經過見到依間小肥肥,佢係食上海野, 上次外賣左生煎包同埋小籠包試下都幾好食有驚喜喎,今日有少少時間試下堂食,叫左招牌生煎包同埋紅油抄手拌麵,生煎包堂食唔錯喎熱辣辣,原來係爆汁生煎包,爆汁到好彩對面無人坐,見佢廚有師傅係咁包野應該新鮮,紅油抄手拌麵有少少辣,少辣岩曬食唔到太辣既我,個麵干身拌埋個麵,個味幾正喎,抄手就都幾好,個皮再薄啲就好啦,環境都可以,冷氣夠但坐位少，下次再試其他野。…查看更多