小糖鈕甜品專門店

去左好難先會經過的小糖妞店內可能剛開門, 無客點左店員推介的2人英式下午茶 (說好的甜品呢?!其實係因為甜品貴, 我地覺得下午茶抵D擇左mojito(無酒精) & mango peach juice除左大糠妞特飲, 全部都有噴煙效果~無理由唔點啫純效果特輯, 因為兩杯都係普通紙包裝飲品的味不過佢都噴得好耐下, 杯入面有一大塊乾冰聽聞小糠妞特飲係杞子番石榴….唔….想像唔到有幾夾 2人份英式下午茶…..一句講曬全部都唔好味…查看更多

曾經三次到訪呢間甜品店,第一次及第三次係堂食,第二次係訂造生日蛋糕,三次的感覺都係店主非常用心經營由於餐牌上有一樣"神秘甜品",所以店主每次都會細心講解俾食客知道,神秘甜品係佢哋創作的新甜品,一般有三種不同款式,是用以測試食客的反應,如食客反應良好,有機會會放在主餐牌上每樣甜品上枱時,店主亦會向食客解釋做法同食法,而用餐完畢後店主亦會詢問食客的意見今次再次來到這間甜品店主要係因為响fb見到呢間甜品店將會遷出元朗的消息,所以想响關門前再來食多一次,今次叫咗兩樣甜品,其中一樣就係神秘甜品,如果大家想有驚喜,呢度神秘甜品一定滿足到你,因為上枱前你係唔會知道你將會食既係咩甜品…查看更多

去到元朗食完晚餐😏之後就去搵間甜品店食甜野🍭呢間小店原來主打創意甜品，入面九成嘅食物、飲品都冇見過，即刻就入去試試。 大糖扭特選拼盤 $198 呢個係由廚師每日精選嘅八個甜品組成嘅一個大甜品。包括係五款主打嘅，即menu 內可見嘅甜品嘅縮小版，同三款神秘嘅甜品。好特別，每次去都肯定有新鮮咁，唔好嫌。 其中意式蕃茄芭菲就非常特別，佢用咗蕃茄做芭菲，食下勁濃嘅茄味，帶少少酸酸，如果鐘意食蕃茄嘅，實會鐘意。 而流芯花莉都好有趣，係以桂花同雪梨呢啲偏向中式嘅食材製作心太軟，再就背雲利拿雪糕。食落口，清甜順口，好舒服，唔似平時食朱古力咁heavy，再配啖雪糕，又熱又凍，感覺好新鮮，好刺激味蕾。…查看更多

最近時常去元朗揾嘢食,今星期又在元朗四處逛, 走到很多人去食涼粉的那條路上,見到一間幾別緻的甜品店, 它們用(鈕)做icon 店名很特別 - 小糖鈕我和太太也被吸引入去吃特式甜品！我地入去正是甜品店剛開舖營業,地方細細,約20個位啦！佈置也環繞鈕做题材!精采的甜点就在眼前:面頭是蘋果絲炸成的脆條, 中間配上雪糕, 而底部有炸香的蘋果粒, 口感和冷熱交融這感覺真是好正！雪條造形的甜品這杯混合有瑞士70%濃度朱古力和oreo餅碎,咖啡雪糕 等全部混成一體， 就好像可以吃的mocha咖啡咁, 甜品店很會利用食材的配答做成出色的甜品！聽到老板說這店將會搬出九龍營業,到時也方便再幫襯！…查看更多

專誠到元朗走走逛逛，皆因元朗有很多有趣小店，仲有很多特式食肆。穿插元朗大街小巷，逛逛不同小店，看看不同奇趣小品。多輕鬆自在。如果再加埋甜品真的無懈可擊。路經此小店，被此店嘅外面的''小糖鈕'' logo 吸引，有著小孩子天真無邪嘅感覺。仲有小 patio, 好有 feelmenu 有好多甜品 真的花多眼亂女人真的心多，眼濶肚窄。好彩呢度有個甜品拼盆 Big Sweet Button Combo.5 款主打甜品 & 3 款特別甜品。當然要甜品大晒冷喇。一次過去盡D 首先要比個 LIKE 老闆, 真貼心, 每枱客人都比張櫈比客人放包包, 令客人坐得舒舒服服去享用，喺寸金尺土嘅商店，實在難得💕。老闆仲好有耐性等我慢慢影完相，悉心介紹每款甜品特式，還溫馨提示要食左特濃朱古力先，因為有雲呢拿雪糕球每樣甜品各有特色，最吸睛當然係冰鎮攻瑰荔枝燉蛋呢杯特飲好有仙氣 🤣有少少薑辛辣配合冰凍感覺，幾特別。不過蘋果味就少了些。老闆說他們五月尾就出城喇！他們要搬到尖沙咀，對我呢個城外人就係好消息！但對元朗 fans 就不一樣喇。老闆還説城外的小糖鈕還會提供多些款式，鹹、甜都有⋯期待中 💕…查看更多

數個月前吃過小糖鈕甜品，回味無窮，便趁到元朗找友人聚聚的時候，再次光顧由於這次只有二人，故此不點豐富的甜品拼盤了。我們又拿不定主意，因為選擇實在蠻多，各甜品的外形也設計得十分精緻！這店的食材配搭很特別，除了一般西式甜品會採用的芒果、士多啤梨、雲呢拿、朱古力‥‥還會用腐竹、黑椒、黑松露這些創新的食材。我們終於選定了三款甜品：雜草莓意式芝士忌廉杯、流心花梨、小糖鈕森林。店主把甜品分段送上，好讓每個甜品都能保持最佳的溫度及質感，還會簡單介紹一下甜品的材料，十分細心。店主先為我們送上雜草莓意式芝士忌廉杯，想不到份量是大杯裝甜品很有層次，面層鋪滿了數粒士多啤梨、黑莓、藍莓在士多啤梨果醬上，味道清甜新鮮。白色的意式芝士忌廉和粉紅色的士多啤梨奶凍都十分香滑，淡淡的意式芝士味甜中帶微酸，十分開胃！在我們瘋狂相機食先的時候，店主為我們送上剛焗好的流心花梨，是桂花雪梨心太軟配雲呢拿雪糕，色澤並不是一般的朱古力啡色，而是特別的有紋啡黃色。切開心太軟，粒粒桂花雪梨果肉緩緩流出來，散發著甜絲絲的香氣。用中式的食材製作西式甜品，感覺很特別！流心花梨比傳統的心太軟味道較清新，也沒有太甜膩的感覺。雲呢拿雪糕也是用心之作，有粒粒雲呢拿籽，用料認真，冰冷的雪糕配起暖熱的心太軟，刺激味蕾。最後，店主送上小糖鈕森林，因為此甜品的甜味比較重一點，所以須留待最後才吃。小糖鈕森林是我們最期待的，因為賣相非常可愛！上枱時甜品散發著誘人的黑松露香味，甜品的配置是模仿森林的一角，由兩顆白磨菇作主體，放在朱古力、脆脆的餅乾碎上。磨菇是用黑松露蛋白餅和白朱古力忌廉製作，甜甜的蛋白餅香脆，有淡淡的黑松露味，想不黑松露用於甜品上，味道也挺適合的。小森林旁的是橙香燉蛋，店主特意介紹上面的焦糖脆片是刻意的放歪，可按個人對甜度的喜好而進食不同的份量。我最喜歡的甜品是焦糖燉蛋，當然要把整個吃下吧！香軟的燉蛋配上脆口的焦糖片，很有口感！現在我又開始想念小糖鈕甜品了！能吃豐富而又美味的甜品，真的很幸福！…查看更多

再一次光顧位於元朗的小糖鈕，我對它的精美甜品就是念念不忘。今次跟妹妹到來，大家都好興奮，女人就是有個甜品胃。店內依舊裝潢，牆上有好多小鈕的圖案，佻皮可愛。餐牌上有各式各樣的甜品，也有特色的飲品。大糖鈕特選拼盤，可供四人分享。一盤有八款甜品，其中三款更是餐牌內沒有供應的神秘甜品，新奇又有趣，令人不禁好奇起來。富士蘋果crumble底下是暖暖的蘋果粒，滲滿肉桂味，清香可口。面頭有雲尼拿雪糕和烤到乾脆的蘋果絲，冷熱的配搭，口感豐富。用柑的汁做的拿破崙，好清新的柑香味，面頭還有一片清香的柑果肉。拿破崙口感鬆化脆身。抺莉茶的奶凍配香桃慕絲，奶凍有淡淡的茶香味。面頭有芝麻的薄脆，麻香味十足，口感鬆脆。雜莓tiramisu，色彩鮮艷，莓香清甜。黃梅脆皮雪條，底下有蕃石榴沙律，清香宜人，酸酸甜甜，十分醒胃。食完前五款清香的甜，之後三款會比較濃味，所以放在最後。杏仁酒咖啡浸法式水泡餅，咖啡味十分濃。面頭有French Chocolate Truffle。香蕉brownie ，朱古力味香濃，加上烤到香脆的朱古力薄片，口感味道都一流。這個是以朱古力慕絲做蘑菇的錠，蘑菇頂是蛋白餅，底是香橙燉蛋，配上黑松露朱古力味道更有層次。伴碟的小鈕扣，全部都是可以食的朱古力，好有心思。特選花茶有多種口味選擇，茶包是由老闆由各地精選，好有heart又特別。妹妹選了Switzerland的Red Kiss，果香味濃，味帶少少酸，香氣清新。我就點了一杯蘋果薑味特飲，杯底有乾冰，出煙效果過癮。蘋果味清香，薑味又不會蓋過蘋果的香氣，不過之選。原來小糖妞快要衝出元朗，老闆說新址會在尖沙咀，期待他會為客人帶來更多新驚喜。…查看更多

之前睇電視介紹過依間甜品好吸引，帶為食嘅媽媽食下創意甜品～小糖鈕森林 $98以賣相同味道，哩個絕對係鎮店之寶。白色菇菇賣相好吸睛，係淡味嘅白朱古力忌廉加左意大利黑松露，黑松露味道好濃郁，夾埋70%朱古力慕絲味道剛剛好。店主介紹慕絲上面有酥皮碎、脆片碎、朱古力粒粒係要模仿森林嘅環境。仲食到有爆炸糖，好多層次口感，有驚喜。橙香燉蛋入口好滑，好creamy，橙味好突出，用真橙皮同焦糖脆片做裝飾，有誠意。小糖鈕特飲 $32杞子經過攪拌再放到蕃石榴汁煮，杯底上有見到杞子碎同核。味道清甜，感覺健康。乾冰痴喺杯底令飲品噴晒煙。流芯花梨 $98桂花雪梨心太軟，媽媽好喜歡哩個甜品。心太軟即叫即上，微暖，切開有雪梨桂花漿流出，蛋糕幾鬆軟。蛋糕嘅甜味可用清香微甜嘅呍喱拿雪糕中和番。雪糕有vanilla bean，特別香濃。雪梨粒粒用桂花煮過，很清甜。雪糕上嘅脆片超香脆！意式蕃茄芭菲配生紫薯慕絲 $88蛋白meringue 好脆，甜度適中。慕絲的紫薯味淡淡的，店長話係因為想突出個主角係蕃茄。底層睇落好似係蛋糕，但原來係類似蕃茄慕絲，好清新。中間仲有蕃茄肉，食甜品仲食埋蔬菜，係健康少甜之選。提外話，店長自家制organic蚊怕水!用vodka 浸香茅，浸足兩個月，天然清香！亞媽掃左一大$108一細$68，慢慢噴。Menu 上仲有好多特色創意甜品好想試呀～星期二至五8 點前仲有early bird 全單八折添！店內仲有好多自家製餅乾、果醬，都好有特色架！…查看更多

由細到大都住九龍區，從來未入過去元朗，呢日陪老婆返娘家，食完晚飯她話帶我去食甜品，初初以為去食果涼粉果間，點知她帶左我去一間裝潢好得意的甜品店<小糖鈕>，仲話老闆會定期推出新款式，每次黎都有意外驚喜，我一望menu已經覺得呢度的甜品好有特色!平時好少食甜品，但見到呢個<流芯花梨>好特別，即桂花雪梨心太軟雲呢拿雪糕，我好怕太甜的野，特別係朱古力，但呢個心太軟的內餡係桂花雪梨，岩晒我，心太軟的皮好似厚版的班戟皮，軟軟充滿濃濃的蛋香，內餡有粒粒雪梨果肉，唔會太甜，仲有雲呢嗱雪糕同一塊脆片，周圍淋左桂花、雪梨粒，難得有我鍾意的甜品，下次黎元朗一定再黎!…查看更多

又到週末， 係時候獎勵下大家，今次下午茶揀左呢間元朗區都幾出名既甜品店。正所謂聞名不如見面， 我聞左咁耐， 唔見下都唔好話自己係元朗人。店內外都充滿住一粒粒鈕裝飾，色彩繽紛。 坐位唔多， 但坐得舒服， 呢個係帶住小朋友最重要既賣點。 另外要讚一讚店主非常顧及小朋友， 等食時佢借左本minion 書俾家姐睇， 真係氹到佢肯乖乖坐定。甜品款色唔算多， 但女人就係拿不定主意， 店主介紹我地食最受歡迎既大拼盤$198， 賣點係試足5樣餐牌上既甜品， 再加3款推介既神秘甜品， 適合2-4人。話晒都一家大細， 梗係要試晒佢😂。另外口渴既DADA叫左柸芒果蜜桃特飲（梳打）$32。呢柸芒果蜜桃特飲一出場， 我地都發出一聲「嘩！」 原因係佢用左乾冰， 另到柸野好似火山咁出煙。可愛既家姐仔竟然話柸野好熱， 好搞笑。 講返呢柸梳打， 味道唔太甜， 都幾解渴。主角終於出場，兩個詞語形容：靚+吸引。 店主先向我地續款介紹，8款甜品由淡至濃，提議我地順序開始。 1 富士蘋果撻， 因為係熱點， 上有冰凍既雪糕， 下有暖暖既蘋果粒，見議要係佢未溶之前食晒。 2冰鎮玫瑰荔枝燉蛋， 本身唔太好玫瑰味，因為之前試過所謂嘅玫瑰味都好似食緊香薰咁。但我錯了，呢個完全無香精味道。燉蛋上裝飾既玫瑰係用薄脆製成，撈埋軟滑既燉蛋口感豐富。3香芋忌廉蛋白脆（神秘甜品）個名我作既🤣。由細到大我都鐘愛香芋雪糕， 今次呢款甜品都一樣咁like, 香芋味好香， 蛋白亦焗得好脆。4熱情果芭菲配新鮮西柚（神秘甜品）， 店主話個設計好似「跌咗落地嘅波板糖」，外層包左白朱古力，內層為香甜軟滑既熱情果芭菲，原來芭菲都可以用外脆內軟黎形容。5雜草莓意式芝士忌廉杯上層由藍莓、紅莓同草莓組成，下層係打鬆左既忌廉芝士，食落酸酸地。店主話係中和返之前食咁多甜既味道， 亦為下幾款更濃既甜品作準備。6小糖鈕森林，香菇係用咗白朱古力忌廉配埋意大利黑松露製成， 黑松露味幾重，口感同馬卡龍差不多，煙煙韌韌。香橙燉蛋味道絕無蓋過黑松露味。 7燋蕉蕉杯面層既香蕉葩飛，加左爆炸糖喺裏面，好有驚喜，重拾兒時的味道， 下面有chocolate brownie & 粒粒焗過既香蕉， 甜味已經達到8分。。8特濃朱古力配黑椒咸脆片（神秘甜品），名付其實， 朱古力軟滑， 杰身， 應該係用上dark chocolate， 比較濃郁。食到第8樣， 我地已經好飽滿足。驚喜一浪接一浪，原來呢個星期仲係小糖鈕開業兩周年，店主答謝客人，俾咗一疊抽奬卡，家姐好好彩抽中全單八折。埋單$184✌🏻。臨走前， 店主仲送左支棉花糖既波板糖俾家姐， 開心到暈。非常親切細心。最後有機會同店主=甜品師傳傾計， 原來佢係五星級酒店出身，唔怪得咁高水準啦。 …查看更多

本以為小糖鈕只是這間甜品店的名字，不過，原來小糖鈕是主題整間店舖的設計都以鈕子作主題很精緻樣樣甜品都十分有特色，平常甜品店有的普通甜品不會在餐牌出現，不過，這裡樣樣甜品都很signature是什麼呢下次再試。粉色玫瑰、草莓，充滿少女心上菜的時候煙霧瀰漫，很驚訝吸引了眾人的目光玫瑰脆脆的桂花雪梨心太軟配呍喱嗱雪糕沒有朱古力心太軟，不過有很具特色的心太軟。很清新外皮充滿蛋香可吃的桂花真•糖鈕嘆嘆茶支持有特色又用心的甜品店…查看更多

充滿人情味的小店睇MENU已經覺得好吸引, 樣樣都好想試老闆親切介紹最後揀左個精選併盤外型超級吸引, 女生必定會鍾意既浪漫造型, 好精緻, 帶女朋友或第一次約會既女仔黎食一定勁冧^^首先試最愛既朱古力,  "70%特濃朱古力" 面頭係焗香左既紅蘿蔔絲, 朱古力最面係少少脆脆地, 入面似係朱古力漿同海棉蛋糕既混合體非常棉密, 而且朱古力味非常香濃, 唔會得個樣而淡謀謀重點係用70%朱古力唔會太甜,  但又一D苦澀味都冇整體好平衡之後係拿破崙,  "黑加崙子拿破崙"我對拿破崙本身感覺麻麻地, 因好多時都會整到一枱一地都係, 好冇儀態哩個拿破崙圈係鬆脆得黎好實淨, 直頭可用刀切但入口又食到拿破崙個層次, 師傅功力少D都唔得底係黑加崙子忌廉, 酸度唔會太重, 好開胃有入口即溶既感覺然後到 "芒果流心+雪芭"朱古力或抺茶食得多, 芒果流心都係第一次試, 外層蛋糕係比較實淨, 切開入面係新鮮芒果醬冇以前食既流心蛋糕咁膩, 反而係好清新而雪芭係青檸口味, 用黎做中間既中和都好唔錯仲有 "草莓芝士忌廉杯"芝士味唔算好濃, 忌廉既味道比較出但淡淡既芝士香反而係令到我好想一口一口咁接落去感受最適宜係一匙"畢"到底,  一次過將所有味道一層層擺入口咁個層次就係最正喇^^最後係最驚喜既 "黑松露忌廉橙香燉蛋"燉蛋上面果粒蘑菇看似簡單, 其實充滿懸機主要分2部份, 菇傘係脆糖蛋白, 比較甜D, 但口感非常脆菇"定" 係超級香既黑松露忌廉, 入口充斥滿滿濃郁既松露香而且一定要試下將黑松露忌廉同脆糖蛋白一齊擺入口令到黑松露忌廉多左重咬口同時又令脆糖蛋白更軟滑最後食埋個溫暖既橙香燉蛋, 成件事非常滿足我覺得唔食晚餐, 直接黎一人食個combo都唔過份^^哈哈 …查看更多

應承咗阿囡帶佢食甜品，一係就唔食，一食就食大佢啦。見到網上評價呢家小糖鈕甜品舖啲甜品好似好靚咁，就一於嚟呢度試下啦。星期六teatime五點幾嚟到， 門面細細間，但係裝修得好色彩繽紛~我哋入到去坐低， 店主就好快比左個餐牌我哋睇。我地揀黎揀去都唔知揀咩好，店主就提議我地可以試下叫呢個大糖鈕精選拼盤，裏面有廚師本日精選8款甜品（包括餐牌內5款主打甜品+3款神秘甜品)， 我哋都想試唔同嘅嘢， 咁叫左呢個大糖鈕精選拼盤，另外仲加咗一杯小糖鈕特飲 ~隔咗一陣一大盤大糖鈕精選拼盤就上枱喇，阿囡見到即刻嘩嘩聲，好開心呀！ 每一款甜品都整得好靚好有藝術嘅感覺~ 店主仲好有心機講解畀我哋聽每一款甜品係啲咩嚟同埋用咩整~冰鎮玫瑰荔枝燉蛋 - 玫瑰係用薄脆整，好靚，店主叫我地整爛佢同燉蛋一齊食口感會更好~意式蕃茄芭菲 - 呢個parfait好特別係用蕃茄整嘅，食落去好有清新嘅感覺， 配埋個紫薯慕絲甜甜地我覺得好特別， 第一次食番茄整出嚟嘅甜品~ 旁邊有粒拖肥脆糖，整得幾好食，脆脆口但唔太甜。雜草莓意式芝士忌廉杯 - 有士多啤梨，blueberries, blackberries, 阿囡鐘意食苺，佢鐘意食呢個~流芯花梨 - 呢個係用桂花雪梨心太軟配雲呢拿雪糕， 個雪糕仲係movenpick 架~ 桂花味清香，同雪梨幾配合，心太軟熱上，我喜歡呢個~ 呢個唔記得左個名，但上面果條係腐竹黎，炸到脆脆幾好食~ 3款神秘甜品就係：麻薯麵包布丁 - 細細個暖暖地胃，唔錯!熱情果芭菲 - 呢個好特別，朵花係用威化整既 ，好靚，食落脆脆無咩味，但好靚，阿囡一手就搶左黎食~ 熱情果酸酸甜甜，好醒胃~70% chocolate truffle - 好濃既朱古力味，喜歡dark chocolate 既朋友必定喜愛~小糖鈕特飲  - 係杞子同石榴製成既，最特別係佢加左乾冰先上枱, D 煙湧出黎, 視覺效果100分呀!  其實呢個拼盤夠4個人食, 我地2大1小食完好滿足~ …查看更多

今日同男朋友食飯，食完日本菜走去附近食個甜品。有間鋪頭門外色彩繽紛，走入去試一試。甜品選擇唔算太多，但喺款款都好特別出面好少見，主要賣賣相和心思，老闆好用心呀桂花雪梨心太軟。心太軟入口非常濕潤軟熟，有一陣清香的桂花香，流心度高味道清香不甜膩，伴上雲喱拿雪糕，旁邊仲有雪梨粒。桂花雪梨心太軟味道特別，第一次食點心拼盤。用上酥皮餅加黑糖燒香，變成豬腩串，賣相非常可愛。餅乾酥脆香口，不太甜膩。燒賣其實用上糯米皮加上芒果慕絲做成，清香不太膩口，加上芒果爆珠增至口感。…查看更多

小糖鈕甜品專門店小糖鈕早已經廣受推崇，所有甜品充滿特色，充滿藝術感，把每種細細件的甜品砌埋一齊，十足十係一幅畫，絕對係一定要手機食先。每次甜品出場時都非常震撼，擺設心機十足，心中有充滿效果既煙霧同氣泡，每款都讓人驚喜，相信呢D就係甜品中既浪漫！蘋果薑味特飲非常有薑味，細嘗有一種幼滑既蘋果香，呢個熱飲絕對係冬日首選；蜂蜜桂花茶見到不少桂花喺裏面，入口不會太甜而且非常滋潤呀！森林白朱古力忌廉及意大利黑松露配橙香燉蛋，呢個甜品就好似一個神秘的童話森林一樣，有一種神秘既感覺。燉蛋上面那片焦糖的顏色真係很好晶瑩剔透，上面既橙皮很香，燉蛋也有淡淡橙味。旁邊的就是模仿生長了蘑菇的森林，底下有朱古力絲同脆片。蘑菇的莖係混有黑松露既慕斯，黑松露香味十足又同其他味道匹配，成個甜品唔會太甜，係值得品嘗既一幅畫。蜜柑拿破崙，呢個拿破崙餅是一個環形，造起黎確實要花唔少心機。中間既蜜柑芭菲，有幾粒朱古力小糖鈕裝飾，食落有啖啖蜜柑清香味道，口感介乎雪糕和奶酪之間，非常滑溜，絕對不只賣相，味道一流。另外環形拿破崙同平時食開一層層既拿破輪好唔同，平時果D拎上手已經碎左一半，但呢個環形設計不單可以保留到拿破心崙本身既鬆脆，仲可以切黎食而唔會碎架，好犀利，另配埋柚子肉味道一絕。…查看更多