影片
才發現太子開了這家米线店｜午市set $55炸檸檬豬扒肉骨湯米線 送熱飲午市米線/荷葉飯/扒飯set還挺划算 $52-63除了米線還有燒烤、前菜小食、幹撈粉面、石鍋飯等座位寬敞，服務態度好，分量夠足，偶爾解決一頓還不錯
繼續閱讀
首先試過平日夜晚摸門釘，而門口冇任何告示營業時間的。話晒同小草十八怪有關聯的新店，總想試下。星期六中午到達，見卡位都坐滿，心諗應該唔差得去邊。午市套餐除左送熱飲，仲有老火湯。個湯係我出街食野幾十年都冇飲過咁咸的！！！直頭一淡都飲唔落去，要吐番出來！勁癲！然後廚房出菜係唔跟單的，想出咩就出咩。我要肉骨茶米線就出左炸醬米線俾我，而店員嬸嬸話係啱的，是但啦咁。個炸豬排係米線上左10分鐘先到。原來我算好彩，隔離檯個女士話佢等炸豬排已經半個鐘，有冇做緊比佢都唔知。炸豬排用左西檸雞做法，仲跟埋西檸醬！又唔知係咩玩法！好彩我都唔揀飲擇食。個肉燥（唔係我叫的）又係預製菜feel, 勁頹！！另一個米線又係唔好食，係d 雞算滑咁囉！真係唔明一間店用米線用店名，都可以差成咁！！埋單$130，我去譚仔食好過！絕不回頭！
繼續閱讀
本來諗住去太子金鳳鋸扒，見到隔離新開咗間石鍋米線，即刻改變主意試新嘢叫咗肥牛石鍋飯 ，肉骨茶米線，酸辣藤椒鳳爪，涼拌青瓜雲耳，一桶水果檸檬茶，蟹皇石鍋煲仔飯肥牛石鍋飯味道唔錯好開胃個鍋又夠晒熱我食完晒個飯個石鍋都仲暖嘅，牛肉剛剛好，但係個醬汁如果可以再濃味一啲啲會就更好。肉骨茶味道算濃，食完可成碗湯都飲晒，整體味道唔太出眾，但係鐘意肉骨茶嘅我覺得還可以酸辣鳳爪好好食，非常開胃唔會辣到要人不停飲水。杯裝水果茶味道不過不失，但真係抵飲蟹皇石鍋煲仔飯，服務員執好晒成個煲後，會喺放喺你面前煲，大約等13分鐘就食得，蟹幾新鮮，都係嗰句，夠晒熱辣辣！不過如果變成畀我們食客自己落手去煲，應該會幾過癮
繼續閱讀
原本想去嗰間餐廳冇位，見到隔離呢間唔使等位又新開就去試吓，餐廳主打米線嘅，但係見到午餐有臘腸冬菇蒸排荷葉飯同咖喱牛腩飯好想試吓，所以就每樣叫一份，仲跟餐加埋小食蝦多士同陳皮雞，蝦多士好油，中間嘅蝦膠好乾，陳皮雞一陣萬年油味，少少失望到主菜臘腸冬菇蒸排骨荷葉飯同咖喱牛腩飯上枱，聞到怪味，見到咖喱牛腩飯個樣已經覺得好古怪，試咗一細件發現係酸餿咗嘅，即時吐返出嚟同店員講返，店員收返入廚房之後出來解釋，包牛腩放咗兩日，而家開個包新嘅俾你，原來係預製菜，之前試左小食已經覺得中伏，所以就要求店員取消，最後店員收咗$12消息同杯熱飲嘅費用。問返店員間舖開咗個幾月，啲水準就已經咁差，唔會有下次
繼續閱讀
個湯幾濃味，好特別又好好味，可以選自己鍾意嘅配菜，可樂雞翼好味，我見佢仲有得揀花膠仔，不過今次太飽下次先試，姐姐仲好好知我唔食澱粉轉菜底，係另類嘅車仔麵，推介！
繼續閱讀