小甜將 (已結業)

我哋好為食，會周圍試唔同嘅餐廳呢間甜品店係我哋去沙田麗豪酒店Staycation時無意間發現嘅呢度嘅甜品用心製作，非常美味今次點咗外賣買上酒店食1️⃣楊枝甘美露 - 芒果新鮮，追住黎食2️⃣心太軟 - 用特濃朱古力製作，湯匙🥄插入蛋糕後流出暖心朱古力，苦澀中帶甜，再加埋雪糕，冰火二重奏，刺激味蕾。3️⃣法式焦糖燉蛋 - 燉蛋焗得恰到好處，滑溜溜，加上焦糖甜到啱啱好，真心好食💯小甜將 (沙田)沙田崗背街9-11號全輝中心B座16號舖

買左碗綠豆沙，返黎一打開成碗都係水，一啲綠豆都無，真係失望，諗住食碗熱辣辣嘅綠豆沙變咗綠豆水，浪費了大半碗。點會一啲綠豆都無架？不只是綠豆無連沙都無，你們是怎樣做到的，真利害👍

足料甜品,一試回味無窮鮮芒布甸,朱古力布甸,紫米露配雪糕,即焗窩夫配雪糕香蕉即焗窩夫,蛋味香濃,微微有點焦但食落香脆可口 加上朱古力醬同香蕉另有雪糕脆香又甜蜜,味道一流!紫米露配芋圓,芋圓係新鮮做既,口感煙韌不太甜有紫薯同番薯味道用比利時朱古力製既布甸,入口即溶,無魚膠粉口感更嫩滑鮮芒果肉係用台灣芒果,更加香甜 布甸入口滑溜,份量夠大碗呢!消費$150Shop 16, G/F, Block B, Chuen Fai Centre, 9-11 Kong Pui Street, Sha Tin

今日出到黎行左陣街,附近搵下甜品食順便降下溫,天氣實在太熱喇!呢間係專門店食甜品下午剛開門未有客就坐低叫左份朱古力窩夫甜品窩夫即焗好香脆中間咬開好軟綿綿 加上糖粉同朱古力醬甜蜜美味仲配2球冰凍如石頭既雪糕超級降溫消暑,食雪糕就係要夠凍!溶化既雪糕沾上窩夫一起食,一個字,甜!好食! 仲配多一條香蕉切片賣相幾好睇又豐富非常抵食! 推!沙田崗背街9-11號全輝中心B座16號舖消費$60評分8/10

小甜將 係喺沙田嘅良心港式甜品鋪每樣出品都食得出有誠意制作無論中西式甜品都有一定水準#朱古力四重奏一次滿足四個願望 雪糕，奶凍，心太軟同芝士蛋糕心太軟勁流心 🥰朱古力有苦苦地嘅後勁奶凍好滑 芝士蛋糕口感札實 四樣野味道都咁好 食完有喜出望外🤩💛嘅感覺#醒腦合桃糊本身去港式糖水鋪叫糊類多數都😅唔敢抱太大期望呢個意外地好滑 😋唔會水汪汪食真啲仲有陣陣合桃香#多芒小丸子 造型睇得 食落好味不過芒果小小酸#楊枝甘美露水晶烏冬造型真係好似一碗麵 仲會配埋筷子友人話係正常嘅楊枝甘露味唔錯唔錯

不得不說，其實我係一個芋圓迷，只要有佢嘅存在我就覺得碗糖水一定好食，今日去咗幫襯沙田嘅另一間黃店小甜將，外賣panda自取咗一個團團圓圓西米露，裏面三色芋圓(地瓜、芋頭、紫薯），啲芋圓幾彈牙，同樣冇令到我失望！！😎😎😎加埋紅豆、椰果、同埋黑白兩種珍珠，碗嘢買緊$45，panda更加有折扣$36，好抵食！！！環境方面，佢並唔係我鍾意嘅嗰一種type，不過白色磚貼紙，望落個環境都幾光猛，乾乾淨淨咁樣，住係沙田嘅朋友仔要去懲罰下arrrrr

糖水舖係沙田唔少，但自從禁呢樣禁嗰樣開始，少咗好多人出街食飯，自然少咗更多人食糖水。講真好難叫人係屋企食完外賣，仲突登出番去買糖水㗎嘛😶所以已經冇嘜機會買糖水，希望呢類舖頭會捱得住🙏🏻🙏🏻🙏🏻等我哋想宵夜吓嘅時候仲有選擇💪💪💪今日都仲未係食糖水嘅時候，但見有啲口渴，就買杯果汁試吓。哈密瓜都幾甜，飲落清清地，飲得幾開心👊🏻臨走見到cashier有獨特popcorn，仲有自製曲奇，即刻買埋嚟試，略貴但味道ok！

突然想食糖水，於是去了河畔花園，小甜將外賣了兩碗糖水。早幾個月都有來過 ，當時都好多人，上次食了榴槤棉棉冰係好香好濃 ; 現在是冬天，最近兩天又突然轉涼，叫了一碗老薑芝麻湯圓，主要想飲碗薑水驅下寒，暖下身，甜度就OK ，不過個人口味就覺得糖水唔夠薑，加多 d 薑再煲耐 d 會好 d  ; 而芝麻湯圓就好大粒，好煙韌！另外朋友點了楊枝甘美露，預咗實物跟相片有差距，只是沒有想到冇咩柚子，而西米就好多，芒果都好甜，唔酸，椰奶夠香。

今晚冇煮飯，要落街去買飯盒，諗住順便買多兩碗熱糖水外賣嘆吓，俾完錢，竟見職員佢哋將d雪櫃內，已放入外賣膠兜嘅糖水（包括芝麻糊及合桃糊），放入微波爐叮熱俾我。超失望，成30蚊一碗，唔會再幫襯。

河畔食完飯附近得呢間糖水鋪,見選擇都多就入左去2個朋友叫左心太軟,一個宇治金時綿綿冰,我就西米露心太軟有流心,朋友話榴連雪糕好食,朱古力雪糕唔掂,綿綿冰正正常常,我果碗西米好多但椰汁太少,無乜味,麻麻地價錢都貴貴地,如果好食都可接受,但覺得有d馬虎

依家成日諗食乜都要諗好耐😂3點幾未食晏～其實去大家樂食下午茶～雞髀紅豆冰都唔知幾正😫但係要比d 爭扎 堅持 食·黃·店😤最後山長水遠由新城市行咗過嚟咗呢間甜品舖（冇錯 去食甜品當食晏😂）一入到黎見到老闆娘條圍裙寫住 「我哋真係好L鍾意香港」😭😭不愧我專登過嚟幫襯 雖然入面已經冇晒文宣，但都知道係真黃店😭 叫咗榛子朱古力窩夫 $65 即叫即整 等咗大約10分鐘就有啦～屋村小店來講相當唔錯🥰😍比咗好多nutella 小朋友就最開心了～仲有好多其他選擇 例如楊枝甘露 棉花冰等等 😍 一班朋友黎就最啱啦係呢區 咁黃嘅黃店真係越來越少喇😫 所以大家快d 黎幫襯下啦！

同朋友食完飯不嬲都會搵糖水舖既想食返啲甜嘢，又想一齊吹多陣水呢間糖水舖雖然幾隔涉，但都幾有水準佢靠近城門河同圓洲角公園，原來上年先開張各式糖水甜品都大眾化，符合香港人口味而且價錢相宜，一般等5至10mins左右就上枱原個椰皇燉北海道3.6牛乳楊枝甘美露 $60 係招牌之一價錢已經係餐牌內偏貴嘅甜品其他甜品平啲$20至$30都有交易份量驟眼睇唔算多，不過入口層次感豐富表面既有芒果粒粒、楊枝甘露、煙韌嘅小丸子底下更有香甜又充滿奶香味嘅燉奶燉奶質感滑溜，配搭各種配料好有咬口，而且香甜不膩食完燉奶，仲可以挖埋椰皇肉嚟食另一款試嘅係榴槤綿綿冰 $45 配搭各種配料如椰果、白玉、粒粒爆珠等，好有台式風格綿綿冰質感望落好柔軟，軟綿綿好有冰感加上淋有少量糖漿，互相融合好療癒上枱時好重榴槤味

新城市嗰頭食嘢嘅選擇唔多，其實過咗城門河又係另一個世界，喺河畔花園、花園城嗰頭都好多好嘢食！今次帶大家試吓甜品先！  😋 原個七彩西瓜盅 $55 西瓜忠入面有生果、雙色珍珠、爆珠、三色椰果同埋雪糕。放心，個西瓜唔係循環再用嘅😂 水果有芒果同蜜瓜，當然仲可以自己刮啲西瓜肉食。雪糕可以自己揀味道，小編都係揀芒果，始終芒果真係甜品界嘅馬德鐘，一定好食😆 ⭐️評分⭐️（5⭐️為滿分）味道 ⭐️⭐️⭐️⭐️ 環境 ⭐️⭐️⭐️⭐️ 抵食 ⭐️⭐️⭐️

某日突然間好想食甜品，諗起屋企附近有呢間甜品店，反正又未食下午茶，咁就去試下啦!男朋友唔太愛甜食，所以就叫咗一份兩個人share，朱古力香蕉waffle配雪糕，因為太鍾意食花生醬所以又另外加咗一份，結果就有兩個醬啦! 份量都係standard份量，即叫即整所以都等咗一陣，但好東西係值得等待嘅，waffle外脆內軟，有蛋香又唔會太甜，加埋雪糕一齊食就另一個口感，呢個下午茶都唔錯啊!!

Clean and modern interior design - but I needed to take away this time and I was given 15% off! The fruits are fresh and sweet💛 A great cooling dessert for the summer!Love the “noodles” made from coconut milk - simply delicious and creative😍 The texture is a bit chewy and not too soft, and thus being great for sticking on the sweet mango juice.