小玉台味

營業中

休息中

小玉台味的肉鬆火腿起司蛋餅很好吃, 喜歡這悠閒下午茶餐, 大約六十元便有蛋餅和飲品, 有珍珠鮮奶茶和檸檬茶, 我都很喜歡, 有選擇困難, 結果點了珍珠奶茶, 好喝得很, 有茶味, 珍珠又彈牙。然後到主角: 肉鬆火腿起司蛋餅, 沒有令我失望。下午茶時段去真是超值, 點的餐份量夠大, 吃到我飽一飽。本身肉鬆火腿起司蛋餅可以係一道美味的早餐或者小食，做下午茶也是上上之選。做得非常成功, 外脆內軟，搭配大量肉鬆、火腿和起司，味道調和得相當好, 食味亦非常豐富, 因為用料上乘又很足。店家還很細心將蛋餅切開, 切成美美的一塊塊供我食用, 實在太貼心了。而且很喜歡這間寧靜的小店, 不會人滿為患, 地方又舒適, 冷氣亦很足夠。

食食吓碗蕃茄湯麵(+$3)裏面有曱甴，同侍應阿姐講，佢即刻收返，然後話煮過另一碗出嚟，我哋話唔再要蕃茄湯要返普通湯底，佢竟然同我哋講話改單(取消$3)好麻煩。我哋話報食環，佢先死死氣去改。另一碗乾撈麵，溏心蛋係酸嘅，食食吓有頭髮…其他食物亦淡而無味。9個人一齊食，無一樣食物唔難食。食完之後仲肚痛。啲阿姐講嘢粗魯大聲，上菜會喝人，好似欠咗佢咁。咁差嘅服務態度，仲要收+1 …啲食物味道差，衛生又差，一定唔會再去食！

呢間喺鑽石山荷里活廣場嘅小玉台味， 佢嘅前身都係一間台式餐廳。今次再去， 見到佢個menu冇轉到， 呢個係lunch set， 可以跟一杯飲品，試咗佢嗰個五香牛筋牛肉麵， 反而個份量就少咗，牛筋牛肉份量只係眼見相入面既兩三舊，再跟呢個台灣拌麵同一個藥膳嘅湯底。其實個質素嚟講都係一般，唔係特別好食，以為轉左手會做得好啲，點知個份量好似少過之前，但個食物質素亦都冇改善， 賣相亦都唔係特別吸引， 以呢啲價錢，可以有其他更好嘅選擇，所以都係試過一次就都唔會返轉頭。😥😥

唔知轉手定咩，上手貴得尼好食，同埋都食得飽既，都叫心甘情願比個價錢。依家，一串台灣腸廿三蚊，都唔緊要又唔係好食。午市份量唔多，叫左個拌麵，得4-5塊豬大腸半隻蛋，70幾蚊，完全唔飽。叫左個冬瓜茶，成場得三枱客都可以比錯，重要啖到同飲水無分別，啲冬瓜蓉一啖有一啖冇，係我成世人最難飲既冬瓜茶，搞極都搞唔開，叫左啲鹽酥花枝丸、菇同埋蚵仔，普通，最後食左三百蚊。總結： 唔好食，貴，份量小，唔好曬左個舖位，比啲有誠實既食肆喇

難得樓下開咗間新嘅餐廳諗住落去試吓結果相當一般價錢唔算特別平食物質素對應唔上未食到一樣，感覺會再去食呢間餐廳嘅產品感覺咁樣落去佢淨係可以做到第一轉新客維持唔到好耐