小玉台味

路過鑽石山睇戲，見商場用票尾去指定餐廳可以有飲品送，一於去試下！之前呢間食肆既位置叫小王牛肉麵，而家換左餐廳名，變左小玉台味，都係食台灣野，見張單都仍然係小王牛肉麵，第一次食！見呢間都幾旺場，排左10分鐘左右先有位！見餐牌都有唔少我鍾意食既台灣菜式！一行二人，我地點左：紅油炒手$34，好有我地喺台灣時某老街食嘅味道！都係肉質比較實，而汁料完全唔辣，仲甜甜地！花雕麻油雞湯麵 $79，呢個有好重既酒及黨蔘味，之前食過幾間都係本地化左既味，今次呢個比較似喺台灣食既味道！個湯好補，麵質有咬口，唔錯唔錯！士林鹽酥雞排 $48，真係外脆內嫩，都係一貫我好喜歡台菜既鹽酥味道，令人感覺好滿足既味道！香芋珍珠奶茶 $25 (睇戲票尾free 左)，已經有一排怕肥唔敢飲珍珠類飲品，但呢杯半甜仍然覺得好好飲！感動！咖啡磚奶蓋 $35 (睇戲票尾補差價$10)，少甜都覺得背底既茶底有種好特別既甘香味，真係唔係一般咖啡咁普通！讚！👍果晚人多，店經理親自serve 客，態度不錯，有問有答有笑容！…查看更多

一打開個盒嚇親，咁大個盒，淨係得兩舊細牛肉同一嚿菜，盒飯入面啲滷肉又勁少，好意思收人80蚊，離曬大譜。食堂食明明好地地，外賣變成噉樣係咩意思？？以後唔會再幫趁。…查看更多

去荷裡活廣場睇戲之前食個快飯，經過見到呢一間台式料理就入咗去試下，坐低先知原來佢之前就係小王牛肉麵，不過呢一間嘢嘅質素比以前小王牛肉麵係低嘅。台式滷肉豬炒飯$69，份量都叫做ok，滷肉飯ok嘅，不過豬手有豬羶味，所以感覺麻麻地。花雕麻油雞湯麵$74，個湯幾香花雕味，個面係闊條類似刀削麵嘅質感嘅麵條，都幾好食，不過啲雞就比較鞋。飲品要加錢，而且冇特價，荔枝玉露同熱嘅薏米水都係$21，杯薏米水唔錯，入面好多薏米。…查看更多

小王換手後第一次去食，第一碗就送我條閃電毛，職員無聲拎走再上第二碗。男友肚餓唔理我勸，結果又中毛。我差啲起身走人，佢竟然話再比次機會（佢係毛界和平大使？）。最後佢轉咗其他嘢，而我果個雞就開咗驗屍mode，暫時無事。食到一半，男友話新碗都係閃電毛系列新品，雖然第二條係suspend口唔同類但感覺搏唔過。職員態度＋毛量＝極度不推，除非你係閃電毛研究員⚡️📉波浪形嗰條冇影低，依家只剩驚恐回憶。結果真心無胃口食左幾啖放棄左。…查看更多

同朋友兩個人九點左右入座，想快速食個飯。食物味道尚可，價錢又唔貴，本身都可以靠味道令客人回頭既⋯但最想講係員工服務態度⋯填好點菜單，舉極手都無人行過來，我行過去搵員工直接落單，見佢睇緊視頻🙂‍↕️，比張單佢，仲望左我一下。之後上菜，每次都係「大力飛落枱」，我仍然每次都「唔該」佢，諗住好黎好去。食到一半，發現個小食仲未黎，問左佢係咪漏單，唔答就走左去。我地就諗住唔黎食完就走，點知就黎食完佢個小食就到啦，仲連埋張單！好啦，咁我地嗱嗱聲食完，比錢埋單啦，佢可以埋成20分鐘都唔比返張卡我。咁我哋就決左行出去收銀問順便走人，點知個姐姐撞埋黎，我禮貌上都同佢講sorry，但佢好似真係當錯既係我，啤左我一野又咦咦哦哦，轉身再撞落我朋友度，當下我理智終於爆發，問阿姐：「你係咪睇得視頻多睇唔到人？」，佢答我：「睇唔到」。即係餐廳成日話自己生意唔好，但又keep住咁既態度做人，想有客都難。香港又唔係靠服務態度差去做宣傳，我都唔明點解可以互相尊重都做唔到🙂‍↕️就算係又平又好食，我都唔會再去…查看更多