小滿定律

營業中

休息中

🧑🏻‍🍳 每次入到嚟西貢都會食嘅乳酪雪糕，夏天嘅時候長期大排長龍，今次秋冬天嚟到就冇乜人，他主打健康希臘乳酪雪糕，另外仲有好多配料同醬汁可以選擇—————————————————————🍴 乳酪雪糕 ($58) 包三款配料、一款醬汁，價錢係偏貴，今次揀咗檸檬蛋白餅、抹茶糯米糍、檸檬愛玉作配料，醬汁方面揀咗紅桑子醬，乳酪雪糕好smooth好幼滑😍，醬汁同乳酪雪糕酸酸甜甜，嗰日咁啱冇晒焦糖脆脆🥹，如果有一定要叫！😋 美味指數: 8/10

星期一中午嚟到， 一點幾，當然係小貓三四隻，可能太早，好少人。😁店舖門面比較細， 但係打卡-able，假日就必需帶走食，好彩今日閒日唔多人😏🍨。order咗一杯58蚊乳酪雪糕，揀3樣toppings我揀咗芒果🥭，檸檬脆脆， 綠茶糯米糍🍵，配熱情果汁🌈。賣相都幾靚🌟，味道普普通通🤫，唔覺得特別出眾 ，其實同出面嘅乳酪雪糕差不多 ，不過一場嚟到西貢人龍店，點都試一試啦。如果要排隊就未必值得🤐~

小滿定律 | 西貢最近去咗西貢諗住捉住夏天嘅尾巴去chill下😎當然唔少得就係去依間人氣希臘雪糕店食個雪糕解下暑啦🍦🔸熱情果乳酪雪糕 $58 (3配料+1醬汁)配料: 芒果+Brownie+海鹽焦糖脆脆+熱情果醬粒粒芒果&熱情果醬配乳酪雪糕絕對係其中一個經典組合！味道酸酸甜甜好開胃😋而且佢嘅frozen Greek yogurt紮實嫩滑得來又唔會咁快溶，啱晒用嚟打卡😏另外佢嘅海鹽焦糖脆脆都係自家製架！一啖雪糕一啖脆脆口感非常十足。尤其喺咁熱嘅天氣之下真係食到停唔到口🤤佢嗰度仲有一個「十大我最喜愛配料」嘅牌俾大家參考方便大家有選擇困難嘅時候揀🤭#FEVI_dessert #FEVI_西貢 📍小滿定律西貢福民路58號高富樓地下3號舖

等登入西貢試呢個，係冇令我失望嘅！個frozen yogurt base好滑，冇冰塊係中間，係個係frozen yogurt之基本但好多舖頭都未必做到，搞到好watery。但呢個唔會，佢係食到最後都仲好濃yogurt味果隻，夠足料！至於toppings，芒果同蜜糖幾夾，推介，matcha mochi都好食,chocolate brownies ok但得一舊，有少少sad。不過整體都好食，一定會回頭der!!!

呢間用希臘乳酪做主打嘅乳酪雪糕想試好耐！但礙於西貢分店實在太遙遠，完全打消左念頭。終於開咗嚟港島，咁啱今日嚟朋友屋企玩，梗係要特登過嚟試吓！（九龍人表示希望可以快啲開返一間喺油尖旺區🥹🥹）乳酪雪糕本身配三種配料（全部揀晒水果），另外再朱古力mochi同granola，醬汁揀咗紅莓汁。 落單前已問咗店員，乳酪雪糕冇再額外加糖，對於走甜嘅人嚟講係一大福音，granola為雪糕帶來啲口感，醬汁同水果酸甜酸甜，配上雪糕食啱啱好。 真係好好食，而且相對較健康，一定會再encore的！

入到西貢必食小滿定律❤️呢間主打健康嘅希臘乳酪雪糕，入面有好多唔同嘅配料可以選擇❤️我比較喜歡嘅海鹽焦糖脆脆，咬落有啲痴牙，啱晒喜歡鹹鹹甜甜嘅我，檸檬芝士蛋糕同Brownie，口感好實在，整體嚟講酸酸甜甜幾開胃，作為下午茶都算係唔錯🫶🏻 不過店舖空間比較少，排隊人數較多，都要排到出舖頭門外，幾乎沒有位置堂食，追求舒適度嘅人可能要考慮吓❤️性價比就好難評定啦😂，因為西貢嘅價位相對貴，但乳酪雪糕又真係幾好食，所以都推介大家嚟試吓🤤

難得入到西貢，一定要去試下啲人氣食店，其中呢間都算係西貢名物，主乳酪雪糕和希臘乳酪，有好多款配料選擇，真係睇到眼花撩亂。杯裝乳酪 $58★★★★☆通常大家都會叫杯裝乳酪雪糕+簡三款配料同一款醬汁，每個月都會喺點餐處列出「十大我最喜愛配料」，第一次食唔知叫咩好都可以參考番。今次就叫左頭三名，分別係海鹽焦糖脆脆、綠茶糯米糍、芒果，我向人偏向鍾情酸，叫左熱情果醬，食落就冇咁漏。海鹽焦糖脆脆超級脆口，超級甜，所以一定要配埋乳酪一齊食先中和番。綠茶糯米糍沾滿哂綠茶粉，冇咩甜味，帶少少綠茶個種甘苦味，食落煙韌又QQ地，加乳酪食甜度剛剛好。成個乳酪賣相好靚，啱哂用黎打卡，食落清新，夏天食真係超正，食得睇得！不過比較快溶，影相都唔好太耐，要盡快食。🌟總括：雖然要排隊，但只有外賣，所以條隊郁得好快！夏天黎講一流，消暑又冇食雪糕咁肥同膩口，鍾意食乳酪，酸酸甜甜嘅你真係唔可以錯過！

黎到西貢玩見到呢間咁出名既Froyo店要試下😋 見到條人龍就知道排得耐😅而且落完單等Order 都幾耐🌚 特別在配料同醬汁選擇都唔少🎨 而且每一杯既賣相都配搭唔錯🍭 但係Froyo口味覺得都係比不上Yo Mama 價錢仲要再貴得黎CP值偏低💰⭐️ Frozen Yogurt 🍦先入口佢嘅乳酪都係比較偏Creamy唔係好夠清新感🥛 配搭左熱情果醬酸酸甜甜但係口味偏人工💜芒果果肉甜度不錯🥭 自家配料方面抹茶Mochi既口感好QQ🍵 檸檬Meringue就唔夠法式的鬆化🍋 整體來說打卡度不錯📷 但Consider 時間同價格就普通啦🥹

落左咁多日雨，趁好天去西貢行下，當然要試下好打卡able既frozen yogurt當日我地4點幾去到，人龍唔太長，排左一陣就到我地落單喇（買完出黎就勁多人排隊喇🤭）揀左杯裝，可以揀三款toppings，要左green tea mochi, 芒果同埋朱古力脆珠，sauce就要左季節限定既石榴汁店員好快就整好，一拎上手覺得好靚😍Frozen yogurt唔係太酸果隻，岩我口味，芒果就係甜既，朱古力脆珠令杯froyo提升口感至於green tea mochi就相當有驚喜，撈埋froyo食更加好食！

嚟到西貢一定要嚟小滿定律食希臘乳酪🍦配料超級多款可以揀😃海鹽焦糖脆脆略嫌甜得太緊要同好痴牙，不過可能個人唔鍾意呢種味道 我見佢係no.1嚟👆🏻檸檬芝士蛋糕🍰呢個真係好好好好味🩷必試Brownie🍫唔會太甜 鍾意食Brownie可以一試👍🏻熱情果醬🤗酸酸甜甜同乳酪好夾😋

🍴: 𝗟𝗮𝘄 𝗼𝗳 𝗬𝗼𝗴𝘂𝗿𝘁🏠🤍📍: 𝗦𝗮𝗶 𝗞𝘂𝗻𝗴, 𝗛𝗼𝗻𝗴 𝗞𝗼𝗻𝗴 🇭🇰 🎄𝘉𝘦𝘭𝘢𝘵𝘦𝘥 𝘔𝘌𝘙𝘙𝘠 𝘊𝘏𝘙𝘐𝘚𝘛𝘔𝘈𝘚 𝘢𝘯𝘥 𝘏𝘢𝘱𝘱𝘺 𝘏𝘰𝘭𝘪𝘥𝘢𝘺𝘴!! Hope you all enjoyed the season and spent you holidays with your beloved ones🤍🌟Visited this famous yogurt shop in last summer and it was pretty good! I chose the toppings including lotus biscoff, mango and sea salt honeycomb with passion fruit sauce on top🍨 Greek yogurt contains high protein and low fat which is better for girls who are on diet!💟⭐️: 𝗚𝗿𝗲𝗲𝗸 𝗬𝗼𝗴𝘂𝗿𝘁 𝗶𝗻 𝗰𝘂𝗽 (𝟯𝘁𝗼𝗽𝗽𝗶𝗻𝗴𝘀 + 𝟭𝘀𝗮𝘂𝗰𝗲)💰:💲𝟱𝟴👅: 💎💎💎💎💎(5/5)

小店面積好細，主要做外賣居多，裝潢以純白色為主，圓形窗採光度十足🪟，餐牌設計清晰易明，不過鋪頭冷氣好強，食食下就覺得好凍！🍨希臘乳酪雪糕小店用純正希臘乳酪整成雪糕，口感軟滑帶小小甜，酸甜平衡，冰冰涼涼岩晒夏天食🫶🏻嗌左cup裝可以自選三種配料同醬汁，餐廳提供十幾二十款配料，睇到眼花撩亂，所以參考左人氣榜，揀左排名頭三既海鹽焦糖脆脆🍯，綠茶🍵糯米糍同芒果🥭驚會過甜所以揀左開胃又酸味味既熱情果醬！海鹽焦糖脆脆標榜自家製，形狀呈蜂巢狀，入口酥脆，海鹽味🧂特出，不過加左焦糖有啲痴牙🙈，綠茶糯米糍灑滿綠茶粉，有茶味又回甘，但唔夠煙韌，口感過於實淨，而芒果分量均衡咁擺係乳酸入面，用呂宋芒，果肉味濃又甜，再係表層淋上微酸既熱情果醬，冰涼清甜，令人不知不覺就食晒！📍小滿定律西貢福民路58號高富樓地下3號舖

refreshing and perfect for hot summer💦would visit again when i passby next time清新宜人，非常適合炎熱的夏天💦下次經過時我一定會再來拜訪。😋味道　：7.5 / 10💰性價比：7.0 / 10💕回頭　：6.5 / 10🍴杯裝 (3配料 + 1醬汁) · In cup (3 toppings + 1 sauce) - $58海鹽焦糖脆脆 · Sea Salt Honeycomb蝴蝶酥 · Palmier士多啤利 · Stawberry紅桑莓汁 · Rasberry Sauce

🍦希臘乳酪雪糕(杯裝) $58 任揀3個topping + 1 醬汁📝今次揀左人氣之選海鹽焦糖脆脆 檸檬蛋白脆 綠茶糯米糍配熱情果汁👍🏽份量一啲都唔小氣夠哂大杯，2個人share都冇問題🙆🏽‍♀海鹽焦糖脆脆有驚喜🤩綠茶Mochi煙煙韌韌有小小薄荷味道完全可以encore!!!! 檸檬蛋白脆入口即溶，冇咩味道，試一次就好了。雪糕質地非常順滑，乳酪味道亦算濃郁，酸甜度適中🤤🤤夏天玩完水去食一流，但係好快溶要食快啲😝‼️注意‼️假日預留時間排隊，店舖位置不大，需於對出行人路排隊等候環境⭐️⭐️⭐️⭐️味道⭐️⭐️⭐️⭐️服務⭐️⭐️⭐️⭐️價錢⭐️⭐️⭐️📍小 滿 定 律西貢福民路58號高富樓地下3號舖

當日西貢平日明明冇乜人，唯獨係呢間舖真係好多人！店舖有一條長椅，另外有立食區，如果要係店內食我諗都係可以容納5-6位。$58可以揀三個toppings, 另外可以再選一款醬部份材料係由隔離嘅法國佬烘焙店供應，唔知係唔係西貢店嘅特色呢～好大杯，而且配料一啲都唔小氣芒果超鮮甜，份量又超多，厚厚一層朱古力脆脆都好正反而top rate 既焦糖脆脆我就一般超級熱嘅時候食到呢一杯真係比食雪糕解暑好多如果可以更酸啲就更好啦